𐴁𐴤𐴟𐴏𐴞𐴊𐴡𐴚𐴡𐴌 𐴀𐴟𐴃𐴧𐴡𐴌𐴠 𐴔𐴡𐴒𐴢𐴁𐴝𐴒𐴞 𐴏𐴥𐴡 𐴎𐴡𐴕𐴠 𐴌𐴟𐴇𐴝𐴙𐴚𐴒𐴙𐴝 𐴔𐴝𐴘𐴧𐴝 𐴲 𐴎𐴡𐴕𐴡𐴌𐴠 𐴁𐴡𐴓𐴡𐴃𐴑𐴝𐴌 𐴒𐴡𐴙𐴅𐴧𐴤𐴙𐴠 𐴱𐴱

𐴁𐴤𐴟𐴏𐴞𐴃𐴡𐴚𐴡𐴌 𐴀𐴟𐴃𐴧𐴡𐴌𐴠 𐴑𐴤𐴙𐴝𐴚𐴊𐴡𐴚 𐴒𐴤𐴗𐴝𐴚𐴡𐴌 𐴁𐴟𐴎𐴧𐴗𐴠𐴕 𐴆𐴤𐴙𐴡𐴚 𐴉𐴝𐴌𐴝𐴃 , 𐴀𐴠 𐴀𐴠 𐴔𐴡𐴒𐴢 𐴁𐴝𐴒𐴞𐴌 𐴉𐴥𐴡𐴗𐴏𐴢 𐴏𐴥𐴡 𐴎𐴡𐴕𐴠 , 𐴌𐴟𐴇𐴝𐴙𐴚𐴒𐴙𐴝 𐴔𐴝𐴘𐴧𐴝 𐴊𐴟𐴘 𐴎𐴡𐴕𐴡𐴌𐴠 𐴁𐴡𐴓𐴡𐴃𐴑𐴝𐴌 𐴒𐴡𐴙𐴅𐴧𐴤𐴙𐴠𐴊𐴠 𐴈𐴥𐴡𐴁𐴡𐴌 𐴉𐴝𐴀𐴝 𐴒𐴞𐴘𐴠 , 𐴀𐴡𐴑𐴄𐴟𐴁𐴡𐴌 𐴔𐴝𐴐𐴡𐴌 𐴀𐴠𐴑 𐴃𐴝𐴌𐴥𐴞𐴑𐴡𐴃 𐴐𐴤𐴡𐴕𐴞 𐴁𐴝𐴌𐴠 , 𐴑𐴤𐴙𐴝𐴚𐴊𐴡𐴚 𐴒𐴤𐴗𐴝𐴚𐴡𐴌 𐴁𐴟𐴎𐴧𐴗𐴠𐴕 𐴆𐴤𐴙𐴡𐴚 𐴉𐴝𐴌𐴝𐴃 𐴱𐴱

𐴌𐴝𐴃𐴞𐴘𐴝 𐴀𐴡𐴕𐴟 𐴔𐴝𐴕𐴞𐴑 𐴰 𐴰 : 𐴸 𐴁𐴝𐴎𐴠 𐴔𐴡𐴒𐴢 𐴁𐴝𐴒𐴞𐴌 𐴉𐴥𐴡𐴗𐴏𐴢 𐴶 𐴎𐴡𐴕 𐴀𐴝𐴀𐴝𐴘 𐴌𐴟𐴇𐴝𐴙𐴚𐴒𐴙𐴝𐴌 𐴒𐴤𐴡𐴌 𐴊𐴟𐴘𐴧𐴝𐴕𐴡𐴃 𐴒𐴤𐴡𐴙𐴓𐴧𐴙𐴠 , 𐴁𐴦𐴝𐴊𐴠 𐴒𐴤𐴡𐴌𐴒𐴟𐴐𐴧𐴞 𐴁𐴠𐴒𐴧𐴤𐴟𐴕𐴡𐴌𐴠 𐴁𐴝𐴀𐴝𐴌𐴠 𐴕𐴠𐴀𐴠𐴓𐴝𐴘 𐴊𐴞𐴀𐴞 𐴁𐴦𐴝𐴊𐴠 / 𐴕𐴟𐴌𐴉𐴝𐴃𐴠𐴔𐴝 𐴁𐴡𐴐𐴢 𐴸 𐴳 𐴁𐴡𐴏𐴥𐴡𐴌 , 𐴔𐴝𐴘𐴧𐴝 𐴀𐴥𐴞𐴁𐴝𐴌𐴠 𐴀𐴠𐴑𐴤𐴠𐴓𐴝 𐴒𐴤𐴡𐴌𐴡𐴌 𐴁𐴤𐴟𐴃𐴡𐴌𐴠 𐴌𐴝𐴑𐴤𐴞 𐴊𐴞𐴘𐴠 𐴱𐴱

𐴘𐴝𐴀𐴝𐴌 𐴁𐴦𐴝𐴊𐴠 𐴀𐴠𐴑𐴧𐴟𐴘 / 𐴕𐴟𐴌𐴉𐴝𐴃𐴠𐴔𐴝 𐴕𐴝𐴔𐴡𐴌 𐴀𐴝𐴌 𐴀𐴠𐴑 𐴒𐴤𐴡𐴌𐴡𐴌 𐴀𐴠𐴑 𐴎𐴡𐴕 𐴔𐴝𐴘𐴧𐴝𐴌𐴠 𐴘𐴥𐴡 , 𐴒𐴤𐴡𐴌𐴡𐴌 𐴁𐴤𐴟𐴃𐴡𐴌𐴃𐴧𐴟 𐴁𐴠𐴒𐴧𐴤𐴟𐴕 𐴕𐴠𐴀𐴠𐴓𐴝𐴘 𐴊𐴞𐴀𐴞 𐴀𐴥𐴞𐴁𐴝𐴌𐴠 𐴒𐴤𐴡𐴌𐴡𐴌 𐴁𐴤𐴟𐴃𐴡𐴌𐴠 𐴌𐴝𐴑𐴤𐴞 𐴊𐴞𐴘𐴠 , 𐴃𐴡𐴀𐴡𐴘 𐴔𐴝𐴘𐴧𐴝 𐴊𐴟𐴕𐴥𐴞 𐴎𐴡𐴕𐴡𐴌𐴠 𐴔𐴡𐴒𐴢 𐴁𐴝𐴒𐴞𐴌 𐴉𐴥𐴡𐴗𐴏𐴠 𐴎𐴤𐴝𐴑𐴧𐴗𐴝 𐴁𐴡𐴓𐴡𐴃𐴑𐴝𐴌 𐴒𐴡𐴙𐴅𐴧𐴤𐴙𐴠 𐴊𐴠 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

𐴒𐴤𐴡𐴌𐴒𐴟𐴐𐴧𐴞 𐴀𐴠𐴑 𐴎𐴡𐴕𐴡𐴌 𐴔𐴟𐴑𐴎𐴟𐴁𐴝𐴕𐴞 𐴀𐴥𐴡𐴙𐴓𐴊𐴠 ” 𐴀𐴡𐴕𐴟𐴔𐴝𐴕𐴞𐴑 𐴌𐴝𐴙𐴃𐴡𐴌 𐴸 𐴁𐴝𐴎𐴠 𐴀𐴠 𐴀𐴠 𐴔𐴡𐴒𐴢 𐴁𐴝𐴒𐴞𐴌 𐴉𐴥𐴡𐴗𐴏𐴢 𐴏𐴥𐴡 𐴎𐴡𐴕 𐴉𐴝𐴌𐴝𐴃 𐴀𐴝𐴀𐴝𐴘 𐴊𐴟𐴘𐴧𐴝𐴕 𐴒𐴤𐴡𐴌𐴡𐴃 𐴒𐴤𐴡𐴓𐴞 𐴁𐴦𐴝𐴊𐴠 , 𐴒𐴤𐴡𐴌𐴒𐴟𐴐𐴧𐴞 𐴁𐴠𐴒𐴧𐴤𐴟𐴕𐴡𐴌𐴠 𐴒𐴤𐴡𐴌𐴃𐴧𐴟 𐴕𐴠𐴀𐴠𐴓𐴝𐴘 𐴊𐴞𐴀𐴞 𐴁𐴦𐴝𐴊𐴠 , 𐴊𐴟𐴘 𐴒𐴤𐴡𐴌𐴡𐴌 𐴊𐴟𐴘 𐴎𐴡𐴕 𐴔𐴝𐴘𐴧𐴝𐴌𐴠 𐴎𐴤𐴝𐴑𐴧𐴗𐴝 𐴎𐴟𐴓𐴟𐴔 𐴒𐴡𐴌𐴥𐴞 𐴁𐴦𐴝𐴊𐴠 , 𐴈𐴡𐴕𐴥 𐴡 𐴑𐴞𐴘𐴥𐴡𐴌𐴠 𐴕𐴡 𐴈𐴡𐴘𐴁𐴡𐴓𐴧𐴝 𐴋𐴡𐴌𐴡𐴌 𐴊𐴤𐴡𐴔𐴑𐴞 𐴊𐴞𐴘𐴠 𐴱𐴱

𐴔𐴝𐴘𐴧𐴝 𐴊𐴟𐴕𐴥𐴞 𐴎𐴡𐴕𐴡𐴌 , 𐴁𐴡𐴐𐴢 ( 𐴵 𐴳 ) 𐴀𐴝𐴌 (𐴸 𐴳 ) 𐴁𐴡𐴏𐴥𐴡𐴌 , 𐴵 𐴳 𐴁𐴡𐴏𐴥𐴡𐴌 𐴁𐴡𐴐𐴢 𐴀𐴡𐴓𐴝 𐴔𐴝𐴘𐴧𐴝 𐴀𐴥𐴞𐴁𐴝 𐴒𐴡𐴌𐴁𐴤𐴡𐴃𐴞 𐴘𐴥𐴡 𐴁𐴡𐴓𐴞 𐴉𐴝𐴌𐴝𐴌 𐴔𐴝𐴕𐴥𐴟𐴙𐴐𐴢 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 , 𐴁𐴦𐴝𐴊𐴠 𐴎𐴟𐴓𐴟𐴔𐴡𐴌 𐴀𐴞𐴕𐴏𐴦𐴝𐴉𐴢 𐴏𐴝𐴘𐴁𐴡𐴓𐴧𐴝 , 𐴁𐴡𐴊𐴡𐴒𐴝 𐴒𐴤𐴗𐴝𐴚 𐴔𐴡𐴌𐴥𐴡𐴚𐴁𐴟 𐴉𐴝𐴌𐴝𐴃 𐴀𐴝𐴏𐴥𐴠𐴊𐴠 𐴔𐴡𐴒𐴢 𐴁𐴝𐴒𐴞𐴌 𐴒𐴤𐴝𐴣𐴄𐴞𐴌 𐴎𐴞𐴔𐴧𐴝𐴊𐴡𐴌𐴡𐴌𐴥𐴠 𐴒𐴤𐴡𐴄𐴡𐴕𐴝 𐴁𐴟𐴎𐴝𐴘 𐴁𐴦𐴝𐴊𐴠 𐴘𐴥𐴡 , 𐴀𐴝𐴙𐴅𐴧𐴙𐴝 𐴉𐴡𐴙𐴅𐴧𐴡𐴕𐴃𐴡 𐴈𐴡𐴕𐴥𐴡 𐴈𐴥𐴡𐴁𐴡𐴌 𐴕𐴥𐴝𐴘𐴱𐴱

𐴁𐴟𐴎𐴧𐴗𐴠𐴕 𐴆𐴤𐴙𐴡𐴚𐴡𐴌 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴈𐴡𐴔 𐴐𐴤𐴡𐴙𐴚𐴒𐴙𐴝 𐴀𐴥𐴞𐴏𐴝𐴉𐴠 ,𐴔𐴡𐴒𐴢𐴁𐴝𐴒𐴞 𐴀𐴥𐴡𐴑𐴧𐴡𐴓 𐴀𐴝𐴀𐴝𐴘 𐴔𐴝𐴘𐴧𐴝 𐴀𐴥𐴡𐴑𐴧𐴡𐴓𐴡𐴌𐴠 𐴁𐴡𐴓𐴡𐴃𐴑𐴝𐴌 𐴒𐴡𐴌𐴥𐴞𐴁𐴡 𐴒𐴤𐴡𐴌 𐴉𐴟𐴌𐴝 𐴊𐴞𐴀𐴞𐴁𐴡 𐴁𐴡𐴓𐴞 𐴁𐴠𐴐𐴤𐴞 𐴋𐴡𐴌 𐴀𐴝𐴌 𐴏𐴞𐴕𐴃𐴝𐴃 𐴀𐴝𐴏𐴥𐴠 , 𐴁𐴡𐴓𐴡𐴃𐴑𐴝𐴌 𐴒𐴡𐴙𐴅𐴧𐴤𐴙𐴠 𐴊𐴠 𐴔𐴝𐴘𐴧𐴝 𐴊𐴟𐴕𐴥𐴞 𐴎𐴡𐴕𐴡𐴌 𐴇𐴥𐴝𐴓𐴡𐴃 𐴀𐴠𐴈𐴥𐴡𐴕 𐴁𐴠𐴐𐴤𐴞 𐴈𐴥𐴡𐴌𐴝𐴁𐴢 𐴁𐴡𐴓𐴞 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

Sources : Arkan Free News