𐴔𐴝𐴀𐴝𐴙𐴕 𐴁𐴟𐴔 𐴉𐴥𐴟𐴍𐴞 𐴌𐴟𐴇𐴝𐴙𐴚𐴒𐴙𐴝 𐴀𐴠𐴑 𐴎𐴡𐴕 𐴔𐴝𐴌𐴝 𐴒𐴞𐴘𐴠 𐴱𐴱

𐴁𐴝𐴣𐴊𐴡𐴌𐴁𐴡𐴕𐴡𐴌 𐴕𐴥𐴝𐴙𐴑𐴧𐴡𐴕𐴏𐴡𐴌𐴞 𐴀𐴟𐴉𐴡𐴎𐴞𐴓𐴥𐴝𐴌 𐴒𐴤𐴟𐴕𐴊𐴟𐴔 𐴁𐴡𐴖𐴋𐴝𐴌 𐴕𐴥𐴡𐴔𐴥𐴠𐴕𐴏𐴢 𐴓𐴥𐴠𐴕𐴋 𐴀𐴠𐴓𐴝𐴑𐴝𐴌 𐴑𐴠𐴀𐴠𐴔𐴡𐴃 𐴃𐴤𐴝𐴑𐴠𐴊𐴠 , 𐴀𐴟𐴔𐴡𐴌 𐴉𐴝𐴌𐴟𐴑 𐴕𐴝𐴔𐴡𐴌 𐴷 𐴲 𐴁𐴡𐴏𐴥𐴡𐴌 𐴁𐴡𐴐𐴡𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴠𐴑 𐴎𐴡𐴕 𐴁𐴡𐴌𐴔𐴥𐴝𐴌 𐴀𐴥𐴠𐴑𐴟𐴓𐴡𐴌 𐴔𐴝𐴀𐴝𐴙𐴕 𐴁𐴟𐴔 𐴉𐴥𐴟𐴍𐴞 𐴔𐴡𐴌𐴞 𐴒𐴞𐴘𐴡𐴘 𐴱𐴱

𐴏𐴠𐴃𐴡𐴔𐴁𐴡𐴌 𐴔𐴝𐴐𐴡𐴌 𐴲 𐴃𐴝𐴌𐴥𐴞𐴑 𐴌𐴦𐴡𐴘 𐴁𐴝𐴌𐴠 𐴁𐴞𐴀𐴞𐴕𐴧𐴝 𐴒𐴤𐴡𐴄𐴡𐴕𐴝 𐴘𐴝𐴀𐴝𐴕 𐴒𐴤𐴡𐴙𐴄𐴧𐴙𐴠 𐴊𐴠 𐴏𐴥𐴡𐴀𐴞 𐴁𐴡𐴓𐴞 , 𐴒𐴤𐴟𐴕𐴊𐴟𐴔 𐴘𐴟𐴕𐴞𐴀𐴡𐴕𐴡𐴌 𐴏𐴞𐴘𐴝𐴌𐴔𐴥𐴠𐴕 𐴅𐴝𐴇𐴝𐴕 𐴒𐴞𐴌 𐴀𐴝𐴎𐴞𐴎𐴠 𐴈𐴡𐴘𐴧𐴠 , 𐴎𐴞𐴌𐴟 𐴓𐴝𐴙𐴕𐴡𐴌 𐴁𐴡𐴖𐴋𐴝𐴌𐴡𐴃 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 , 𐴀𐴠𐴑 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴔𐴝𐴀𐴝𐴙𐴕 𐴁𐴟𐴔 𐴉𐴥𐴟𐴍𐴞 𐴔𐴡𐴌𐴞 𐴒𐴞𐴘𐴡𐴘 , 𐴀𐴝𐴌 𐴀𐴠𐴑 𐴎𐴡𐴕 𐴒𐴤𐴝𐴙𐴓 𐴀𐴥𐴡𐴘𐴧𐴠 , 𐴔𐴡𐴌𐴞 𐴒𐴞𐴘𐴡𐴘 𐴊𐴠 𐴓𐴝𐴐𐴢 𐴀𐴥𐴞𐴁𐴝 𐴔𐴝𐴙𐴕𐴐𐴠 𐴃𐴟𐴖𐴝𐴘 𐴀𐴝𐴕𐴥𐴞 𐴊𐴡𐴉𐴥𐴡𐴕 𐴒𐴡𐴌𐴥𐴝𐴘 𐴉𐴥𐴠𐴓𐴝𐴘𐴧𐴠 𐴁𐴡𐴓𐴞 , 𐴏𐴞𐴘𐴝𐴌𐴔𐴥𐴠𐴕𐴠 𐴋𐴤𐴝𐴑𐴝 𐴂𐴦𐴡𐴏𐴄𐴡𐴌𐴠 𐴈𐴡𐴘𐴧𐴠 𐴱𐴱

𐴀𐴥𐴠𐴏𐴃𐴝𐴕𐴞 𐴔𐴝𐴕𐴥𐴟𐴙𐴐𐴢 𐴀𐴝𐴌 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌 𐴌𐴠𐴂𐴟𐴄 𐴔𐴡𐴎𐴞𐴕 , 𐴃𐴡𐴔𐴁𐴟𐴌𐴟 𐴁𐴝𐴎𐴝𐴌𐴡𐴌 𐴈𐴝𐴣𐴏𐴥𐴠 𐴑𐴟𐴕𐴝 𐴉𐴝𐴌𐴝𐴌 𐴀𐴠𐴓𐴝𐴑𐴝𐴃 , 𐴀𐴝𐴏𐴧𐴡𐴌𐴡 𐴓𐴡𐴘𐴧𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃𐴧𐴟 , 𐴈𐴡𐴀𐴠𐴑 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴔𐴝𐴏𐴢 𐴊𐴤𐴡𐴌𐴞𐴁𐴡𐴓𐴧𐴝 𐴐𐴤𐴞𐴔𐴝𐴌 𐴑𐴠𐴣𐴍𐴝 𐴏𐴥𐴞𐴘𐴡𐴓𐴡𐴌 𐴈𐴝𐴣𐴏𐴝𐴃 𐴒𐴞𐴘𐴠 𐴱𐴱

𐴀𐴥𐴠𐴃𐴡𐴑𐴧𐴡𐴕𐴡𐴃 𐴁𐴡𐴌𐴔𐴥𐴝𐴌 𐴐𐴤𐴞𐴔𐴝 𐴏𐴦𐴡𐴛 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴠 𐴒𐴝𐴣𐴌𐴝𐴘𐴧𐴠 𐴊𐴠 𐴔𐴝𐴀𐴝𐴙𐴕 𐴁𐴟𐴔 𐴀𐴟𐴒𐴧𐴤𐴗𐴝 𐴉𐴥𐴟𐴙𐴄𐴧𐴙𐴠 , 𐴓𐴡𐴒𐴠 𐴓𐴡𐴒𐴠 𐴛𐴥𐴡𐴀𐴡𐴃 𐴀𐴠𐴑 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴔𐴡𐴌𐴞 𐴒𐴞𐴘𐴡𐴘 , 𐴀𐴝𐴌 𐴀𐴠𐴑 𐴎𐴡𐴕 𐴒𐴤𐴝𐴙𐴓 𐴀𐴥𐴡𐴘𐴧𐴠 , 𐴒𐴤𐴝𐴙𐴓 𐴀𐴥𐴡𐴘𐴧𐴠𐴊𐴠 𐴀𐴥𐴞𐴁𐴝𐴌 𐴕𐴝𐴔 𐴎𐴝𐴕𐴝𐴀𐴝 𐴕𐴥𐴡 𐴎𐴝𐴀𐴝 , 𐴒𐴤𐴡𐴄𐴡𐴕𐴝𐴌 𐴈𐴥𐴡𐴁𐴡𐴌 𐴉𐴝𐴘 𐴁𐴦𐴝𐴊𐴠 𐴑𐴠𐴀𐴠𐴔𐴡𐴃𐴧𐴟 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴎𐴝𐴘 , 𐴓𐴝𐴐𐴢 𐴀𐴝𐴕𐴥𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴈𐴡𐴁𐴡𐴌𐴡𐴏𐴃𐴤𐴝𐴕𐴡𐴃 𐴊𐴡𐴉𐴥𐴡𐴕 𐴒𐴡𐴌𐴥𐴞 𐴉𐴥𐴠𐴓𐴝𐴘𐴧𐴠 , 𐴒𐴤𐴝𐴙𐴓 𐴀𐴥𐴡𐴘𐴧𐴠𐴊𐴠 𐴀𐴥𐴞𐴁𐴤𐴝𐴌𐴠 𐴊𐴠𐴐𐴤𐴡𐴙𐴃𐴧𐴝 𐴀𐴥𐴞𐴏𐴝𐴉𐴠 𐴇𐴥𐴝𐴐𐴉𐴝𐴃𐴝𐴓𐴡𐴃 𐴀𐴠𐴓𐴝𐴅 𐴒𐴡𐴌𐴠𐴀𐴠𐴌 𐴁𐴡𐴓𐴞 , 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴌 𐴊𐴡𐴓𐴕𐴠𐴃𐴝 / 𐴊𐴞𐴓 𐴔𐴟𐴇𐴝𐴔𐴧𐴡𐴊𐴠 𐴈𐴡𐴘𐴧𐴠 𐴱𐴱

Sources : Ukhiyanews.com