𐴌𐴟𐴇𐴝𐴙𐴚𐴒𐴙𐴝 𐴁𐴠𐴍𐴝 𐴁𐴠𐴍𐴞 𐴊𐴟𐴘 𐴎𐴡𐴕 𐴉𐴟𐴖𐴝𐴙𐴕 𐴐𐴤𐴡𐴣𐴀𐴡 𐴏𐴥𐴞𐴓𐴡𐴄𐴡𐴃 𐴁𐴡𐴕 𐴀𐴥𐴡𐴘𐴧𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴁𐴠𐴍𐴝 𐴁𐴠𐴍𐴞 𐴊𐴟𐴘 𐴎𐴡𐴕 , 𐴀𐴥𐴞𐴃𐴝𐴌𐴝𐴌 𐴊𐴟𐴘 𐴎𐴡𐴕 𐴉𐴟𐴖𐴝𐴙𐴕 𐴐𐴤𐴡𐴣𐴀𐴡 , 𐴔𐴡𐴚𐴒𐴡𐴓 𐴁𐴝𐴌𐴠 𐴌𐴝𐴃𐴞𐴘𐴝 , 𐴏𐴥𐴞𐴓𐴡𐴄𐴡𐴌 𐴅𐴝𐴙𐴕𐴃𐴝𐴉𐴟𐴌 𐴀𐴟𐴉𐴡𐴎𐴞𐴓𐴝 , 𐴀𐴝𐴏𐴝𐴔𐴂𐴝𐴌𐴝 𐴀𐴠𐴓𐴝𐴑𐴝𐴌 𐴇𐴥𐴝𐴘 𐴖𐴥𐴠 𐴁𐴡𐴌 𐴌𐴝𐴏𐴧𐴝𐴃𐴧𐴟 𐴊𐴤𐴡𐴌𐴞 𐴁𐴡𐴕 𐴒𐴡𐴙𐴅𐴧𐴤𐴙𐴠 , 𐴁𐴡𐴕 𐴀𐴥𐴡𐴘𐴧𐴠𐴊𐴠 𐴀𐴥𐴞𐴃𐴝𐴌𐴝 𐴀𐴥𐴡𐴙𐴓𐴊𐴠𐴱𐴱

𐴐𐴤𐴡𐴌𐴞𐴘𐴡 𐴃𐴟𐴓𐴧𐴝𐴇𐴢 𐴁𐴡𐴐𐴢 𐴴 𐴳 𐴁𐴡𐴏𐴥𐴡𐴌 , 𐴀𐴥𐴞𐴃𐴝𐴌 𐴁𐴠𐴍𐴞 / 𐴃𐴡𐴏𐴓𐴞𐴔𐴝 𐴁𐴞𐴁𐴞 𐴁𐴡𐴐𐴢 𐴲 𐴲 𐴁𐴡𐴏𐴥𐴡𐴌 , 𐴀𐴝𐴌 𐴀𐴥𐴞𐴃𐴝𐴌𐴝𐴌 𐴊𐴟𐴘 𐴎𐴡𐴕 𐴎𐴤𐴞𐴀𐴞 / 𐴐𐴤𐴡𐴌𐴞𐴉𐴝 𐴀𐴝𐴈𐴃𐴡𐴌 𐴁𐴡𐴐𐴢 𐴳 𐴁𐴡𐴏𐴥𐴡𐴌 / 𐴐𐴤𐴡𐴔𐴞𐴔𐴝 𐴀𐴝𐴈𐴃𐴡𐴌 𐴁𐴡𐴐𐴢 𐴲 𐴁𐴡𐴏𐴥𐴡𐴌 , 𐴀𐴥𐴡𐴏𐴃𐴝𐴀𐴞 𐴔𐴝𐴙𐴕𐴐𐴡𐴌 𐴅𐴝𐴕𐴑𐴝𐴌𐴞 𐴔𐴡𐴎𐴞𐴕 , 𐴁𐴠𐴍𐴝 𐴁𐴠𐴍𐴞 𐴊𐴟𐴕𐴥𐴞 𐴎𐴡𐴕 𐴉𐴟𐴖𐴝 𐴊𐴟𐴕𐴥𐴟𐴖𐴝 𐴓𐴡𐴘 𐴀𐴥𐴡𐴗𐴌 𐴀𐴥𐴡𐴘𐴧𐴡 𐴌𐴠 𐴔𐴡𐴚𐴒𐴡𐴓 𐴁𐴝𐴌𐴠 𐴌𐴝𐴃𐴞𐴘𐴝 𐴀𐴞𐴑𐴧𐴤𐴙𐴝 𐴀𐴟𐴙𐴑𐴧𐴤𐴙𐴝 𐴒𐴤𐴟𐴌𐴠𐴀𐴠𐴌 𐴱𐴱

𐴃𐴝𐴌𐴥𐴝𐴌 𐴈𐴝𐴏𐴢 𐴈𐴝𐴌𐴁𐴝𐴌 𐴀𐴝𐴌 𐴈𐴡𐴃𐴤𐴝𐴌 𐴎𐴡𐴌𐴞𐴘𐴝 𐴀𐴥𐴡𐴏𐴃𐴝𐴀𐴞 𐴔𐴝𐴙𐴕𐴐𐴡𐴌 𐴁𐴤𐴟𐴃𐴡𐴌𐴠 𐴐𐴟𐴁𐴤𐴝 𐴉𐴡𐴘𐴊𐴝 𐴀𐴥𐴡𐴘𐴧𐴠 , 𐴁𐴦𐴝𐴊𐴠 𐴊𐴠𐴐𐴡𐴙𐴃𐴧𐴝 𐴔𐴝𐴙𐴕𐴐𐴠 𐴏𐴞𐴌𐴞𐴂𐴟𐴌 𐴁𐴞 𐴅𐴞 𐴁𐴞 𐴉𐴥𐴡𐴖𐴏𐴡𐴌 𐴒𐴤𐴝𐴣𐴄𐴞𐴃 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕𐴡𐴌 𐴁𐴝𐴁𐴡𐴃𐴠 𐴈𐴥𐴡𐴁𐴡𐴌 𐴎𐴝𐴕𐴝𐴘 𐴊𐴞𐴘𐴠 𐴱𐴱

𐴃𐴡𐴀𐴡𐴘 𐴁𐴞 𐴅𐴞 𐴁𐴞 𐴘𐴠 𐴏𐴠𐴑 𐴒𐴡𐴌𐴥𐴞 𐴁𐴦𐴝𐴊𐴠 𐴀𐴥𐴞𐴃𐴝𐴌𐴝𐴌 𐴃𐴧𐴟 𐴌𐴟𐴇𐴝𐴙𐴚𐴒𐴙𐴝 𐴏𐴞𐴕𐴧𐴡 𐴑𐴦𐴝𐴋 𐴉𐴝𐴘𐴧𐴠 , 𐴁𐴦𐴝𐴊𐴠 𐴀𐴥𐴞𐴃𐴝𐴌𐴝 𐴌𐴠 𐴉𐴟𐴖𐴝𐴙𐴕 𐴐𐴤𐴡𐴣𐴀𐴡 𐴃𐴤𐴝𐴕𐴝𐴌 𐴒𐴝𐴣𐴌𐴝𐴃𐴡𐴃 𐴓𐴡𐴘 𐴒𐴞𐴘𐴡𐴘 , 𐴀𐴥𐴞𐴃𐴝𐴌𐴝 𐴁𐴡𐴌𐴔𐴥𐴝𐴌 𐴌𐴟𐴇𐴝𐴙𐴚𐴒𐴙𐴝 𐴁𐴡𐴓𐴞 𐴐𐴤𐴞𐴑𐴝𐴌 𐴀𐴥𐴡 𐴒𐴡𐴙𐴅𐴧𐴤𐴙𐴠 𐴱𐴱

𐴈𐴡𐴊𐴞 𐴀𐴥𐴟𐴀𐴟𐴕𐴡𐴌 𐴏𐴞𐴕𐴧𐴡 𐴀𐴥𐴡𐴀𐴡𐴕𐴡𐴌 𐴁𐴦𐴝𐴊𐴠 𐴁𐴞 𐴅𐴞 𐴁𐴞 𐴉𐴥𐴡𐴖𐴏𐴠 𐴉𐴟𐴓𐴞𐴐𐴡𐴌 𐴇𐴥𐴝𐴃𐴡𐴃 𐴒𐴡𐴏𐴥𐴝𐴘 𐴊𐴞𐴘𐴠 𐴁𐴡𐴓𐴞 , 𐴅𐴝𐴙𐴕𐴃𐴝 𐴂𐴟𐴌 𐴉𐴟𐴓𐴞𐴐𐴢 𐴃𐴤𐴝𐴕𐴝𐴌 𐴀𐴡𐴉𐴞𐴏𐴥𐴝𐴌 / 𐴒𐴟𐴓𐴝𐴔 𐴊𐴡𐴏𐴃𐴡𐴒𐴞𐴌𐴠 𐴈𐴡𐴘𐴧𐴠 , 𐴑𐴝𐴕𐴟𐴕𐴞 𐴑𐴝𐴌𐴖𐴝𐴘𐴌 𐴔𐴝𐴙𐴊𐴧𐴤𐴡𐴔𐴠 , 𐴀𐴝𐴣𐴀𐴝𐴌𐴝 𐴀𐴥𐴞𐴃𐴝𐴌𐴝𐴌𐴠 𐴖𐴝𐴉𐴠𐴏𐴢 𐴑𐴠𐴀𐴠𐴔𐴡𐴃 𐴉𐴡𐴣𐴀𐴡𐴏𐴝𐴘 𐴊𐴞𐴘𐴟𐴔 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 , 𐴀𐴠𐴈𐴥𐴡𐴕 𐴁𐴝𐴚𐴓𐴝𐴊𐴠𐴐𐴠 𐴑𐴝𐴑𐴏𐴡 𐴁𐴝𐴎𐴝𐴌 𐴀𐴝𐴌 𐴁𐴤𐴝𐴐𐴡𐴕 𐴏𐴡𐴌 𐴔𐴞𐴓𐴝𐴘 𐴀𐴠𐴑 𐴔𐴡𐴓𐴞𐴘𐴟𐴕 𐴀𐴠𐴑 𐴓𐴝𐴑𐴡𐴌 𐴖𐴡𐴌𐴠 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴏𐴥𐴝𐴀𐴝𐴌𐴝 𐴊𐴞𐴀𐴞 𐴌𐴝𐴙𐴑𐴧𐴤𐴙𐴠 , 𐴉𐴝𐴣𐴏𐴢 𐴁𐴡𐴏𐴥𐴡𐴌 𐴀𐴥𐴡𐴀𐴡𐴌 𐴊𐴧𐴠 𐴘𐴥𐴡 𐴀𐴠𐴑 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴊𐴧𐴝 𐴊𐴠𐴐𐴡𐴃 𐴖𐴝𐴉𐴠𐴏𐴢 𐴕𐴥𐴡 𐴎𐴝𐴀𐴝 𐴱𐴱

Sources : Dhakatribune