𐴓𐴝𐴔𐴁𐴝 𐴄𐴝𐴙𐴔 𐴌𐴟𐴇𐴝𐴙𐴚𐴒𐴙𐴝𐴌 𐴃𐴤𐴝𐴑𐴝 𐴀𐴝𐴣𐴀𐴝𐴌𐴝𐴌𐴓𐴧𐴝 𐴉𐴟𐴣𐴎𐴤𐴝 𐴀𐴥𐴡𐴘𐴁𐴡 : 𐴁𐴡𐴌 𐴀𐴟𐴎𐴞𐴌 𐴐𐴠𐴙𐴑 𐴇𐴝𐴏𐴞𐴕𐴝 𐴱𐴱

𐴁𐴡𐴌 𐴀𐴟𐴎𐴞𐴌 𐴐𐴠𐴙𐴑 𐴇𐴝𐴏𐴞𐴕𐴝 𐴘𐴠 , 𐴁𐴝𐴚𐴓𐴝𐴊𐴠𐴐𐴡𐴃 𐴃𐴡𐴀𐴡𐴙𐴃𐴧𐴝 𐴏𐴥𐴝𐴀𐴝𐴌𐴝 𐴓𐴡𐴘𐴧𐴠𐴊𐴠 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴃𐴝𐴌𐴥𐴝𐴌 𐴊𐴠𐴐𐴡𐴃 𐴖𐴝𐴉𐴠𐴏𐴢 𐴉𐴡𐴣𐴀𐴡𐴏𐴝𐴘 𐴊𐴡𐴀𐴡𐴕𐴡𐴌 𐴖𐴡𐴌𐴠 𐴎𐴟𐴌 𐴊𐴞𐴘𐴡𐴌𐴠 𐴈𐴡𐴘𐴧𐴠𐴊𐴠 ! 𐴁𐴡𐴌𐴔𐴥𐴝𐴌𐴃𐴧𐴟 𐴀𐴝𐴘𐴁𐴤𐴡𐴊𐴠 𐴀𐴝𐴌 𐴈𐴡𐴕𐴥𐴡 𐴔𐴝𐴙𐴕𐴐𐴡𐴌𐴠 𐴎𐴝𐴒𐴝 𐴊𐴞𐴀𐴞𐴁𐴝𐴌 𐴐𐴤𐴡𐴑𐴃𐴞 𐴁𐴝𐴚𐴓𐴝𐴊𐴠𐴐𐴡𐴃𐴧𐴟 𐴕𐴥𐴝𐴘 𐴱𐴱

𐴔𐴡𐴚𐴒𐴡𐴓 𐴁𐴝𐴌𐴠 𐴀𐴡𐴕𐴓𐴥𐴝𐴙𐴕𐴡𐴃 𐴁𐴝𐴚𐴒𐴝𐴓𐴞 𐴏𐴥𐴝𐴌𐴁𐴠𐴏𐴢 𐴁𐴗𐴝𐴙𐴏𐴢 𐴀𐴥𐴡𐴉𐴢 𐴀𐴝𐴔𐴠𐴌𐴞𐴑𐴝 𐴌𐴠 𐴊𐴞𐴘𐴠𐴊𐴠 𐴀𐴥𐴞𐴕𐴄𐴝𐴌𐴁𐴙𐴟𐴃 , 𐴁𐴡𐴌 𐴀𐴟𐴎𐴞𐴌𐴠 𐴈𐴡𐴘𐴧𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴈𐴥𐴝𐴔𐴝𐴈𐴥𐴝 𐴃𐴝𐴌𐴥𐴝𐴌 𐴊𐴠𐴐𐴡𐴃 𐴖𐴝𐴉𐴠𐴏𐴢 𐴎𐴝𐴘𐴁𐴡 𐴒𐴤𐴡𐴘 , 𐴀𐴝𐴣𐴀𐴝𐴌𐴝𐴃𐴧𐴟 𐴁𐴡𐴌𐴔𐴥𐴝𐴌 𐴀𐴝𐴌 𐴈𐴡𐴕𐴥𐴡 𐴔𐴝𐴙𐴕𐴐𐴡𐴌𐴠 𐴎𐴝𐴒𐴝 𐴊𐴞𐴀𐴞𐴁𐴝𐴌 𐴐𐴤𐴡𐴑𐴃𐴞 𐴕𐴥𐴝𐴘 𐴱𐴱

𐴑𐴡𐴁𐴤𐴞𐴋 𐴹 𐴱 𐴁𐴞𐴘𐴝𐴌𐴝𐴔𐴡𐴌 𐴈𐴥𐴡𐴏𐴧𐴝𐴌 𐴉𐴟𐴣𐴎𐴤𐴝 , 𐴌𐴝𐴐𐴤𐴞𐴘𐴥𐴝-𐴘𐴟𐴑𐴠𐴌𐴠𐴕 𐴓𐴝𐴌𐴥𐴝𐴘 𐴀𐴝𐴌 𐴁𐴦𐴝𐴊𐴡𐴌 𐴂𐴝𐴁𐴡𐴕𐴊𐴞 𐴀𐴥𐴡𐴑𐴧𐴡𐴓𐴡𐴌 𐴎𐴡𐴌𐴞𐴘𐴝 𐴉𐴟𐴌𐴝 𐴊𐴟𐴕𐴞𐴘𐴝𐴘 𐴀𐴡𐴐𐴤𐴝𐴕𐴃𐴞𐴃 𐴁𐴡𐴓𐴞 𐴁𐴡𐴌 𐴀𐴟𐴎𐴞𐴌 𐴐𐴠𐴙𐴑 𐴇𐴝𐴏𐴞𐴕𐴝 𐴘𐴠 𐴈𐴡𐴘𐴧𐴠 , 𐴁𐴝𐴚𐴓𐴝𐴊𐴠𐴐𐴠 𐴀𐴠𐴈𐴥𐴡𐴕 𐴑𐴝𐴑𐴏𐴡 𐴁𐴝𐴎𐴝𐴌 𐴀𐴝𐴌 𐴁𐴤𐴝𐴐𐴡𐴕 𐴏𐴡𐴌 𐴔𐴞𐴓𐴝𐴘 , 𐴀𐴠𐴑 𐴔𐴡𐴓𐴞𐴘𐴟𐴕 𐴀𐴠𐴑 𐴓𐴝𐴑𐴡𐴌 𐴖𐴡𐴌𐴠 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴏𐴥𐴝𐴀𐴝𐴌𐴝 𐴊𐴞𐴀𐴞 𐴌𐴝𐴙𐴑𐴧𐴤𐴙𐴠 , 𐴉𐴝𐴣𐴏𐴢 𐴁𐴡𐴏𐴥𐴡𐴌𐴡𐴌 𐴁𐴤𐴟𐴃𐴡𐴌𐴠 𐴀𐴠𐴑 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴊𐴧𐴝 , 𐴖𐴝𐴉𐴠𐴏𐴢 𐴊𐴠𐴐𐴡𐴃 𐴎𐴝𐴘 𐴉𐴝𐴙𐴅𐴧𐴤𐴙𐴠𐴊𐴠 𐴕𐴥𐴝𐴘 𐴱𐴱

𐴁𐴡𐴌 𐴀𐴟𐴎𐴞𐴌𐴠 𐴀𐴝𐴌𐴀𐴥𐴡 𐴈𐴡𐴘𐴧𐴠𐴊𐴠 ! 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴁𐴝𐴚𐴓𐴝𐴊𐴠𐴐𐴡𐴃 𐴊𐴠𐴌𐴞 𐴉𐴝𐴀𐴝𐴕 𐴃𐴤𐴝𐴑𐴞𐴓𐴠 , 𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴒𐴝𐴏𐴢 𐴒𐴟𐴏𐴥𐴝𐴓𐴝 𐴁𐴡𐴌𐴁𐴝𐴊 𐴊𐴞𐴀𐴞 𐴉𐴥𐴠𐴓𐴝𐴘𐴁𐴡 , 𐴎𐴞𐴘𐴥𐴝𐴕𐴡𐴌 𐴎𐴡𐴌𐴞𐴘𐴝 𐴀𐴥𐴠𐴏𐴃𐴝𐴕𐴞𐴘𐴡 𐴔𐴝𐴙𐴕𐴐𐴡𐴌𐴓𐴧𐴝 𐴔𐴡𐴏𐴞𐴁𐴡𐴃 𐴀𐴥𐴡𐴘𐴁𐴡 , 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴑𐴠𐴀𐴠𐴔𐴡𐴌 𐴁𐴤𐴟𐴃𐴡𐴌𐴠 𐴃𐴝𐴌𐴥𐴝𐴌 𐴀𐴝𐴉𐴡𐴏𐴡𐴃 𐴈𐴝𐴍𐴝 𐴈𐴝𐴍𐴞 𐴔𐴝𐴌𐴝 𐴔𐴝𐴌𐴞𐴃 𐴁𐴠𐴏𐴃𐴡 𐴀𐴝𐴏𐴥𐴠𐴊𐴠 𐴀𐴞𐴀𐴞𐴕 𐴁𐴦𐴝𐴊𐴠 , 𐴕𐴞𐴐𐴤𐴝 𐴐𐴤𐴡𐴊𐴡𐴌𐴞 , 𐴀𐴝𐴊𐴡𐴔 𐴁𐴞𐴘𐴝𐴌𐴞𐴌 𐴁𐴠𐴁𐴡𐴐𐴤𐴝 𐴀𐴝𐴌 𐴀𐴥𐴝𐴣𐴃𐴞𐴘𐴝𐴌𐴡𐴌 𐴁𐴠𐴁𐴡𐴐𐴤𐴝𐴃 𐴓𐴝𐴒𐴝𐴘𐴧𐴝 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴈𐴥𐴝𐴔𐴝𐴈𐴥𐴝 𐴃𐴝𐴌𐴥𐴝𐴌 𐴊𐴠𐴐𐴡𐴃 𐴖𐴝𐴉𐴠𐴏𐴢 𐴉𐴡𐴣𐴀𐴡𐴏𐴝𐴘 𐴊𐴡𐴀𐴡𐴕 𐴎𐴡𐴌𐴟𐴌𐴞 , 𐴀𐴥𐴞𐴘𐴝𐴕𐴡𐴌𐴓𐴧𐴝 𐴀𐴥𐴞𐴁𐴤𐴝 𐴘𐴠 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴀𐴞𐴎𐴧𐴡𐴃 𐴀𐴝𐴌 𐴇𐴥𐴠𐴉𐴝𐴎𐴡𐴃𐴡𐴌 𐴏𐴥𐴝𐴣𐴀𐴝𐴃𐴠 𐴊𐴠𐴐𐴡𐴃 𐴖𐴝𐴉𐴠𐴏𐴢 𐴎𐴝𐴘 𐴉𐴝𐴌𐴠 𐴉𐴝𐴀𐴝𐴕 , 𐴁𐴝𐴌 𐴁𐴝𐴌 𐴊𐴟𐴖𐴥𐴝𐴌𐴝𐴘 𐴊𐴟𐴖𐴥𐴝𐴌𐴝𐴘 𐴊𐴟𐴕𐴞𐴘𐴝𐴘 𐴌𐴠 𐴈𐴡𐴀𐴡𐴌 𐴱𐴱

Sources : Dhakatribune