𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴏𐴝𐴙𐴌 𐴔𐴝𐴐𐴡𐴌 𐴁𐴤𐴟𐴃𐴡𐴌𐴠 𐴵 𐴱 𐴎𐴡𐴕 𐴑𐴤𐴟𐴕 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴈𐴡𐴕𐴥𐴡 𐴁𐴤𐴝𐴉𐴠 𐴘𐴥𐴡 𐴑𐴤𐴟𐴕 𐴒𐴡𐴌𐴥𐴝 𐴁𐴡𐴕 𐴕𐴡 𐴀𐴥𐴡𐴀𐴡𐴌 , 𐴑𐴝𐴑𐴏𐴡 𐴁𐴝𐴎𐴝𐴌 𐴀𐴟𐴑𐴤𐴞𐴘𐴝 𐴀𐴡 𐴄𐴠𐴑𐴕𐴝𐴉𐴡𐴌 𐴲 𐴳 𐴐𐴤𐴝𐴕 𐴑𐴠𐴀𐴠𐴔𐴡𐴃 , 𐴒𐴡𐴃𐴡 𐴏𐴝𐴙𐴌 𐴔𐴝𐴐𐴡𐴐𐴡𐴌 𐴁𐴤𐴟𐴃𐴡𐴌𐴠 𐴵 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴑𐴤𐴟𐴕 𐴀𐴥𐴡𐴘𐴧𐴠 , 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴡𐴌𐴠 𐴁𐴦𐴠𐴐𐴢 𐴀𐴥𐴞𐴏𐴧𐴝 𐴑𐴠𐴀𐴠𐴔 𐴕𐴠𐴃𐴝 𐴀𐴝𐴌 𐴁𐴤𐴡𐴡𐴓𐴡𐴕𐴄𐴞𐴘𐴝𐴌 𐴀𐴥𐴞𐴏𐴝𐴉𐴠 𐴈𐴝𐴔 𐴒𐴡𐴌𐴡𐴀𐴡𐴙𐴕𐴧𐴝 𐴱𐴱

𐴁𐴟𐴎𐴤𐴠𐴊𐴠 𐴒𐴞𐴘𐴝𐴕𐴞 𐴀𐴝𐴌 𐴑𐴝𐴕𐴟𐴕𐴡𐴌 𐴀𐴝𐴕𐴋𐴝𐴌𐴠 𐴐𐴤𐴝𐴕𐴃𐴞 𐴕𐴞𐴌𐴝𐴉𐴡𐴃𐴧𐴝 𐴏𐴡𐴀𐴡𐴙𐴕𐴧𐴝 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠𐴊𐴠 , 𐴕𐴠𐴃𐴝 𐴕𐴡 𐴔𐴝𐴕𐴝𐴀𐴝 𐴀𐴝𐴌 𐴀𐴡𐴉𐴡𐴌𐴝𐴊 𐴉𐴥𐴡𐴘𐴓𐴝𐴀𐴡𐴕𐴡𐴌 𐴀𐴥𐴞𐴑𐴧𐴙𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴎𐴤𐴟𐴑 𐴀𐴥𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 𐴑𐴤𐴟𐴕 𐴀𐴞𐴀𐴞𐴕 𐴀𐴥𐴡𐴀𐴡𐴌 𐴊𐴧𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝𐴌 𐴔𐴝𐴇𐴥𐴠𐴌 𐴀𐴥𐴡𐴑𐴧𐴡𐴓𐴠 𐴀𐴞𐴀𐴞𐴕𐴡𐴌𐴠 𐴄𐴝𐴌𐴒𐴤𐴠𐴄 𐴑𐴦𐴞𐴓𐴞𐴚 𐴈𐴡𐴀𐴡𐴌 , 𐴃𐴦𐴝𐴑𐴤𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴀𐴠𐴃𐴧𐴠𐴉𐴝𐴑 𐴀𐴥𐴡𐴘 𐴕𐴞𐴎𐴡𐴌 𐴇𐴥𐴡𐴑𐴧𐴡𐴌 𐴓𐴧𐴝 𐴔𐴝𐴃𐴞 𐴕𐴡 𐴉𐴝𐴌𐴡𐴀𐴡𐴕 , 𐴑𐴝𐴑𐴏𐴡 𐴁𐴝𐴎𐴝𐴌 𐴋𐴞𐴐𐴄𐴤𐴞𐴑 𐴉𐴟𐴓𐴞𐴐𐴡𐴌 𐴅𐴝𐴕𐴑𐴝𐴌𐴞 𐴔𐴟𐴃𐴝𐴁𐴠𐴑 , 𐴵 𐴲 𐴀𐴡𐴒𐴤𐴡𐴏𐴄 𐴷 𐴱 𐴰 𐴲 𐴐𐴤𐴡𐴕 𐴀𐴥𐴡𐴘𐴃𐴠 𐴲 𐴲 𐴏𐴠𐴃𐴡𐴔𐴁𐴡𐴌 𐴲 𐴲 𐴰 𐴲 𐴐𐴤𐴡𐴕 𐴓𐴡𐴃𐴞 , 𐴑𐴠𐴀𐴠𐴔𐴡𐴃 𐴵 𐴱 𐴱 𐴖𐴥𐴝𐴕 𐴑𐴤𐴟𐴕𐴞 𐴑𐴠𐴙𐴏𐴢 𐴀𐴥𐴡𐴘𐴧𐴠 𐴱𐴱

𐴀𐴥𐴞𐴕𐴃𐴞 𐴒𐴡𐴃𐴡 𐴏𐴝𐴙𐴌 𐴔𐴝𐴐𐴡𐴃 𐴵 𐴱 𐴖𐴥𐴝𐴕 𐴑𐴤𐴟𐴕𐴞 𐴔𐴦𐴝𐴔𐴠𐴓𐴝 𐴀𐴥𐴡𐴘𐴧𐴠 , 𐴎𐴟𐴀𐴟𐴕 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴕𐴞𐴎𐴡𐴌 𐴑𐴡𐴗𐴔𐴡𐴌 𐴓𐴧𐴝 𐴁𐴤𐴝𐴓𐴝 𐴁𐴤𐴝𐴉𐴠𐴌𐴊𐴧𐴠 𐴑𐴠𐴀𐴠𐴔 𐴔𐴝𐴎𐴞 𐴀𐴝𐴌 𐴁𐴤𐴡𐴓𐴡𐴕𐴄𐴞𐴘𐴝𐴌 𐴀𐴥𐴞𐴏𐴝𐴉𐴠 𐴑𐴠𐴀𐴠𐴔𐴡𐴃 𐴀𐴡𐴉𐴡𐴌𐴝𐴊 𐴈𐴡𐴔𐴠 𐴉𐴝𐴀𐴝𐴕 𐴐𐴤𐴝𐴕𐴃𐴞𐴌𐴞 𐴊𐴠𐴀𐴠𐴌𐴊𐴧𐴠 𐴁𐴤𐴡𐴓𐴡𐴕𐴄𐴞𐴘𐴝𐴌 𐴱𐴱

𐴀𐴟𐴑𐴤𐴞𐴘𐴝 𐴄𐴠𐴑𐴕𐴝𐴉𐴡𐴌 𐴲 𐴳 𐴐𐴤𐴝𐴕 𐴑𐴠𐴀𐴠𐴔𐴡𐴃 𐴑𐴠𐴀𐴠𐴔 𐴏𐴞𐴑𐴟𐴌𐴞𐴄𐴞𐴌 𐴁𐴝𐴁𐴡𐴃𐴠 𐴔𐴟𐴃𐴦𐴝𐴙𐴕 𐴀𐴝𐴏𐴥𐴠𐴊𐴠 𐴲 𐴳 𐴓𐴡𐴔𐴁𐴤𐴡𐴌 𐴁𐴠𐴄𐴠𐴓𐴞𐴘𐴠𐴕 ( 𐴀𐴠 𐴂𐴞 𐴁𐴞 𐴀𐴠𐴕 ) 𐴀𐴥𐴝𐴣𐴃𐴞𐴘𐴝𐴌𐴞 𐴉𐴟𐴓𐴞𐴐𐴡𐴌 𐴅𐴝𐴕𐴑𐴝𐴌𐴞 𐴔𐴟𐴃𐴝𐴁𐴠𐴑 , 𐴏𐴠𐴃𐴡𐴔𐴁𐴡𐴌 𐴔𐴝𐴐𐴡𐴌 𐴲 𐴲 𐴃𐴝𐴌𐴥𐴞𐴑𐴡𐴃 𐴑𐴤𐴟𐴕 𐴒𐴡𐴙𐴅𐴧𐴤𐴙𐴠 𐴁𐴤𐴡𐴓𐴡𐴕𐴄𐴞𐴘𐴝𐴌 / 𐴔𐴟𐴇𐴝𐴔𐴧𐴡𐴊 𐴀𐴠𐴌𐴐𐴦𐴝𐴊 𐴲 𐴲 𐴁𐴡𐴏𐴥𐴡𐴌 , 𐴏𐴠𐴃𐴡𐴔𐴁𐴡𐴌𐴡𐴌 𐴱 𐴲 𐴃𐴝𐴌𐴥𐴞𐴑𐴡𐴃 𐴑𐴤𐴟𐴕 𐴒𐴡𐴙𐴅𐴧𐴤𐴙𐴠 𐴑𐴠𐴀𐴠𐴔 𐴔𐴝𐴎𐴞 / 𐴔𐴟𐴇𐴝𐴔𐴧𐴡𐴊 𐴎𐴝𐴉𐴡𐴌 𐴵 𐴳 𐴁𐴡𐴏𐴥𐴡𐴌 𐴱𐴱

𐴀𐴠 𐴀𐴥𐴞𐴏𐴝𐴉𐴠 𐴎𐴡𐴊𐴞 𐴔𐴝𐴎𐴞 𐴀𐴥𐴡𐴑𐴧𐴡𐴓𐴡𐴌𐴠 𐴀𐴝𐴌 𐴁𐴤𐴡𐴓𐴡𐴕𐴄𐴞𐴘𐴝𐴌 𐴀𐴥𐴡𐴑𐴧𐴡𐴓𐴡𐴌𐴠 𐴑𐴤𐴟𐴕 𐴒𐴡𐴌𐴥𐴝𐴃 𐴃𐴤𐴝𐴑𐴞𐴓𐴠 , 𐴑𐴠𐴀𐴠𐴔𐴡𐴃 𐴐𐴤𐴝𐴕𐴃𐴞 𐴏𐴡𐴀𐴡𐴙𐴕𐴧𐴝 𐴀𐴝𐴌 𐴐𐴤𐴝𐴕𐴃𐴞𐴌𐴓𐴧𐴝 𐴁𐴤𐴝𐴉𐴡𐴀𐴡𐴙𐴕𐴧𐴝 𐴉𐴥𐴟𐴌𐴝𐴘 𐴉𐴥𐴠𐴓𐴝𐴘𐴓𐴠 , 𐴀𐴡𐴙𐴕𐴧𐴡 𐴈𐴥𐴡𐴕𐴞𐴑𐴧𐴙𐴝 𐴈𐴝𐴔 𐴀𐴞𐴀𐴞𐴕 𐴒𐴡𐴌𐴥𐴞𐴁𐴡𐴓𐴧𐴝 𐴁𐴤𐴝𐴉𐴞𐴁𐴡𐴕𐴥𐴠 ؟ 𐴱𐴱

Sources : Ukhiyanews.com