𐴁𐴝𐴚𐴓𐴝𐴊𐴠𐴐𐴢 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴀𐴞𐴣𐴄𐴡𐴌 𐴄𐴠𐴌𐴝𐴑 𐴀𐴟𐴓𐴋𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 𐴌𐴝𐴏𐴧𐴝𐴃 𐴀𐴥𐴝𐴣𐴍𐴠𐴌𐴊𐴧𐴠 𐴔𐴝𐴘𐴧𐴝 𐴊𐴟𐴘 𐴎𐴡𐴕 𐴔𐴡𐴌𐴞 𐴒𐴞𐴘𐴡𐴘 𐴱𐴱

𐴁𐴝𐴚𐴓𐴝𐴊𐴠𐴐𐴢 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴀𐴞𐴣𐴄 𐴉𐴟𐴌𐴝𐴘𐴧𐴝 𐴄𐴠𐴌𐴝𐴑 𐴒𐴝𐴌𐴥𐴞 𐴀𐴠𐴑𐴧𐴝𐴕 , 𐴌𐴝𐴏𐴧𐴝𐴃 𐴏𐴝𐴓𐴝𐴀𐴝 𐴁𐴠𐴃𐴝𐴓 𐴀𐴥𐴡𐴀𐴡𐴕𐴠 𐴀𐴟𐴓𐴋𐴞 𐴎𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 , 𐴌𐴝𐴏𐴧𐴝𐴃 𐴀𐴥𐴝𐴣𐴍𐴠𐴌𐴊𐴧𐴠 𐴁𐴡𐴐𐴢 𐴊𐴡𐴐𐴢 𐴁𐴡𐴏𐴥𐴡𐴌𐴡𐴌 𐴖𐴡𐴌𐴠 𐴔𐴝𐴘𐴧𐴝 𐴊𐴟𐴘 𐴎𐴡𐴕 , 𐴀𐴠𐴣𐴄𐴡𐴌 𐴒𐴝𐴌𐴥𐴞𐴌 𐴃𐴡𐴓𐴠 𐴉𐴡𐴌𐴞 𐴏𐴞𐴁𐴠 𐴔𐴡𐴌𐴞 𐴒𐴞𐴘𐴡𐴘 𐴊𐴠 𐴈𐴥𐴡𐴁𐴡𐴌 𐴉𐴝𐴀𐴝 𐴒𐴞𐴘𐴠 𐴱𐴱

𐴖𐴝𐴑𐴞𐴘𐴝 𐴀𐴥𐴡𐴙𐴓𐴊𐴠 ! 𐴀𐴝𐴙𐴅𐴧𐴙𐴝 𐴏𐴠𐴃𐴡𐴔𐴁𐴡𐴌 𐴔𐴝𐴐𐴡𐴌 𐴱 𐴱 𐴃𐴝𐴌𐴥𐴞𐴑 𐴁𐴞𐴀𐴞𐴕𐴧𐴝 𐴀𐴡𐴕𐴟𐴔𐴝𐴕𐴞𐴑 𐴱 𐴱 𐴁𐴝𐴎𐴠 , 𐴵 𐴱 𐴓𐴡𐴔𐴁𐴡𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 ” 𐴑𐴙𐴝𐴌 𐴁𐴝𐴚𐴓𐴝𐴊𐴠𐴐𐴢 ” 𐴃𐴡𐴕𐴎𐴞𐴔𐴠 𐴑𐴠𐴀𐴠𐴔𐴡𐴌 𐴁𐴤𐴟𐴃𐴡𐴌𐴠 𐴒𐴤𐴡𐴌 𐴁𐴝𐴣𐴊𐴤𐴝 𐴈𐴝𐴔𐴡𐴃 𐴀𐴠𐴏𐴃𐴠𐴔𐴝𐴓 𐴒𐴡𐴌𐴥𐴞𐴁𐴡𐴓𐴧𐴝 𐴔𐴝𐴒𐴝𐴘𐴧𐴠𐴊𐴠 𐴀𐴞𐴣𐴄 𐴁𐴤𐴡𐴌𐴞 𐴓𐴡𐴘 𐴀𐴝𐴘𐴧𐴠𐴌𐴊𐴧𐴠 𐴱𐴱

𐴄𐴠𐴌𐴝𐴑 𐴒𐴝𐴌𐴥𐴞 𐴀𐴠𐴑𐴧𐴤𐴝𐴕 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 𐴁𐴤𐴟𐴃𐴡𐴌𐴠 𐴏𐴝𐴓𐴝𐴘 𐴀𐴝𐴘𐴁𐴝𐴌 𐴐𐴤𐴡𐴣𐴀𐴡𐴃 , 𐴁𐴟𐴎𐴤𐴝𐴘 𐴁𐴦𐴠𐴐𐴢 𐴀𐴥𐴡𐴀𐴡𐴕𐴠 𐴀𐴝𐴃𐴤𐴞𐴑𐴧𐴙𐴝 𐴏𐴝𐴓𐴝𐴀𐴝 𐴁𐴠𐴃𐴝𐴓 𐴀𐴥𐴡𐴘 𐴏𐴡𐴌𐴑𐴞 𐴎𐴝𐴘 𐴒𐴝𐴌𐴥𐴞 𐴀𐴦𐴟𐴛𐴃 𐴀𐴥𐴡𐴘 𐴒𐴞𐴘𐴡𐴘 , 𐴁𐴦𐴝𐴊𐴠 𐴌𐴝𐴏𐴧𐴝𐴃 𐴀𐴥𐴝𐴣𐴍𐴠𐴌𐴊𐴧𐴠 , 𐴀𐴡𐴕𐴟𐴔𐴝𐴕𐴞𐴑 𐴁𐴡𐴐𐴢 𐴊𐴡𐴐𐴢 𐴁𐴡𐴏𐴥𐴡𐴌 𐴁𐴤𐴝𐴌𐴝𐴘𐴧𐴠𐴊𐴠 𐴔𐴝𐴘𐴧𐴝 𐴊𐴟𐴘 𐴎𐴡𐴕 , 𐴒𐴝𐴌𐴥𐴞𐴌 𐴃𐴡𐴓𐴠 𐴉𐴡𐴌𐴞 𐴏𐴞𐴁𐴠 𐴀𐴥𐴡𐴊𐴡𐴃 𐴔𐴡𐴌𐴞 𐴒𐴞𐴘𐴡𐴘 𐴱𐴱

𐴑𐴠𐴀𐴠𐴔𐴡𐴃 𐴀𐴝𐴏𐴥𐴠𐴊𐴠 𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴟𐴔𐴡𐴃𐴞 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴠 𐴄𐴠𐴌𐴝𐴑 𐴋𐴠𐴌𐴠𐴁𐴤𐴝𐴌𐴡 𐴌𐴥𐴠 𐴁𐴡𐴕 𐴒𐴡𐴌𐴥𐴞 𐴁𐴦𐴝𐴊𐴠 𐴔𐴝𐴘𐴧𐴝 𐴓𐴝𐴐𐴢 𐴊𐴟𐴕𐴥𐴟𐴖𐴧𐴝 ( 𐴀𐴠𐴔 𐴀𐴠𐴏𐴢 𐴀𐴠𐴉𐴢 ) 𐴡𐴌 𐴇𐴥𐴝𐴐𐴉𐴝𐴃𐴝𐴓𐴡𐴃 𐴉𐴡𐴣𐴀𐴡𐴏𐴥𐴝𐴘 𐴊𐴞𐴘𐴠 , 𐴷 𐴱 𐴰 𐴲 𐴐𐴤𐴡𐴕𐴡𐴃 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞𐴌 𐴘𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴖𐴡𐴌𐴠 𐴕𐴡𐴏𐴥𐴡𐴓 𐴉𐴥𐴟𐴌𐴝 𐴑𐴝𐴌𐴖𐴝𐴘 𐴒𐴡𐴌𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 , 𐴓𐴝𐴑𐴤𐴝 𐴓𐴝𐴑𐴤𐴞 𐴌𐴟𐴇𐴝𐴙𐴚𐴒𐴙𐴝 𐴁𐴝𐴚𐴓𐴝𐴊𐴠𐴐𐴡𐴃 𐴊𐴤𐴝𐴘 𐴏𐴥𐴝𐴀𐴝𐴌𐴝 𐴓𐴡𐴘𐴧𐴠 𐴱𐴱

Sources : The Arakan Express News