𐴁𐴡𐴌𐴔𐴥𐴝𐴃 𐴒𐴟𐴓𐴞 𐴔𐴝𐴌𐴝𐴀𐴝𐴌 𐴀𐴝𐴁𐴝𐴏𐴠 𐴁𐴡𐴖𐴋𐴝𐴌 𐴈𐴝𐴉𐴠𐴀𐴠𐴌 , 𐴓𐴝𐴌𐴥𐴝𐴘𐴌 𐴎𐴝𐴣𐴀𐴝𐴏𐴢 𐴀𐴝𐴏𐴧𐴝𐴕𐴡𐴃 𐴀𐴟𐴌𐴠𐴀𐴠𐴌 𐴱𐴱

𐴁𐴝𐴣𐴊𐴡𐴌𐴁𐴡𐴕𐴡𐴌 𐴕𐴝𐴙𐴑𐴧𐴡𐴚 𐴏𐴡𐴌𐴞𐴌 𐴒𐴤𐴟𐴔𐴊𐴟𐴔𐴡𐴌 𐴐𐴤𐴞𐴔𐴝𐴃 𐴀𐴝𐴁𐴧𐴝𐴌 𐴀𐴥𐴡 𐴒𐴟𐴓𐴞 𐴔𐴝𐴌𐴝 𐴔𐴝𐴌𐴞𐴌 𐴀𐴝𐴁𐴝𐴏𐴢 𐴉𐴥𐴟𐴕𐴝 𐴎𐴝𐴀𐴝𐴌 , 𐴏𐴠𐴃𐴡𐴔𐴁𐴡𐴌 𐴔𐴝𐴐𐴡𐴌 𐴹 𐴃𐴝𐴌𐴥𐴞𐴑 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴊𐴦𐴟𐴛𐴅𐴧𐴙𐴝𐴌 𐴁𐴦𐴝𐴊𐴠 , 𐴔𐴦𐴡𐴄𐴝𐴌 𐴆𐴠𐴀𐴠𐴓𐴡𐴌 𐴔𐴡𐴃𐴡 𐴋𐴡𐴣𐴀𐴡𐴌 𐴀𐴥𐴝𐴣𐴃𐴞𐴘𐴝𐴌𐴡𐴌 𐴒𐴟𐴓𐴥𐴝𐴌 𐴀𐴝𐴁𐴝𐴏𐴠 𐴁𐴡𐴖𐴋𐴝𐴌 𐴀𐴠𐴓𐴝𐴑𐴝 𐴈𐴝𐴉𐴞 𐴀𐴟𐴙𐴄𐴧𐴤𐴙𐴠 𐴱𐴱

𐴁𐴤𐴝𐴓𐴡𐴑𐴧𐴡𐴀𐴡𐴕 𐴁𐴦𐴝𐴊𐴠 𐴁𐴦𐴝𐴊𐴠 𐴔𐴦𐴡𐴄𐴝𐴌 𐴆𐴠𐴀𐴠𐴓 𐴔𐴝𐴌𐴥𐴝𐴌 𐴒𐴟𐴓𐴥𐴝𐴌 𐴀𐴝𐴁𐴝𐴏𐴢 𐴓𐴝𐴒𐴝𐴃𐴝𐴌 𐴉𐴥𐴟𐴕𐴝 𐴎𐴝𐴀𐴝𐴃 𐴀𐴝𐴏𐴥𐴠 𐴁𐴡𐴓𐴞 , 𐴀𐴥𐴠𐴏𐴃𐴝𐴕𐴞𐴘𐴡 𐴕𐴟𐴌𐴟𐴓 𐴀𐴝𐴁𐴏𐴝𐴌 𐴕𐴝𐴔𐴡𐴌 𐴔𐴝𐴕𐴥𐴟𐴙𐴐𐴢 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 , 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞𐴌 𐴓𐴝𐴌𐴥𐴝𐴘𐴌 𐴎𐴝𐴣𐴀𐴝𐴏𐴢 𐴀𐴠𐴑𐴧𐴤𐴝𐴕 𐴀𐴠 𐴑𐴟𐴓𐴠 , 𐴉𐴥𐴞𐴃𐴞𐴕 𐴀𐴥𐴡 𐴀𐴝𐴏𐴧𐴝𐴕𐴡𐴃 𐴀𐴟𐴌𐴠𐴌 𐴊𐴧𐴠 𐴊𐴠𐴈𐴥𐴝 𐴒𐴞𐴘𐴠 𐴱𐴱

𐴐𐴤𐴟𐴑𐴧𐴟𐴌 𐴁𐴝𐴌𐴠 𐴀𐴥𐴝𐴣𐴎𐴡𐴙𐴕𐴧𐴝 𐴀𐴡𐴕𐴟𐴔𐴝𐴕𐴞𐴑 𐴳 𐴁𐴝𐴎𐴠 , 𐴁𐴝𐴣𐴊𐴡𐴌 𐴁𐴡𐴕𐴡𐴌 𐴕𐴝𐴙𐴑𐴧𐴡𐴚 𐴏𐴡𐴌𐴞 𐴀𐴟𐴉𐴡𐴎𐴞𐴓𐴥𐴝𐴌 𐴒𐴤𐴟𐴔𐴊𐴟𐴔 𐴀𐴠𐴓𐴝𐴑𐴝𐴌 , 𐴁𐴡𐴖𐴋𐴝𐴌𐴡𐴌 𐴈𐴝𐴣𐴏𐴝𐴃 𐴀𐴝𐴏𐴥𐴠𐴊𐴠 𐴑𐴟𐴕𐴝𐴌 𐴉𐴝𐴌𐴝𐴌 𐴐𐴤𐴞𐴔𐴝𐴌 𐴴 𐴳 – 𐴵 𐴳 𐴓𐴡𐴔𐴁𐴡𐴌 𐴈𐴥𐴝𐴔𐴁𐴝𐴌 𐴀𐴝𐴐𐴠 𐴉𐴝𐴐𐴠 , 𐴁𐴡𐴌𐴔𐴥𐴝- 𐴁𐴝𐴚𐴓𐴝𐴊𐴠𐴐𐴡𐴌 𐴐𐴤𐴞𐴔𐴝𐴃 , 𐴁𐴡𐴌𐴔𐴥𐴝𐴌 𐴓𐴝𐴌𐴥𐴝𐴘𐴌 𐴎𐴝𐴣𐴀𐴝𐴏𐴢 𐴊𐴠𐴈𐴥𐴝 𐴒𐴞𐴘𐴠 𐴱𐴱

𐴃𐴡𐴁𐴡 𐴘𐴥𐴡 𐴘𐴝𐴀𐴝𐴕𐴡𐴌 𐴁𐴝𐴁𐴡𐴃𐴠 𐴁𐴝𐴚𐴓𐴝𐴊𐴠𐴐𐴡𐴌 ( 𐴁𐴞 𐴅𐴞 𐴁𐴞 ) 𐴀𐴡 𐴀𐴝𐴙𐴕 𐴏𐴝𐴓𐴡𐴀𐴡𐴙𐴕𐴧𐴝 𐴉𐴥𐴡𐴗𐴏𐴡𐴌 𐴃𐴡𐴌𐴉𐴡𐴌𐴃𐴧𐴟 𐴈𐴡𐴕𐴥𐴡 𐴑𐴞𐴏𐴥𐴞𐴔𐴧𐴝 𐴀𐴠𐴏𐴄𐴠𐴙𐴄𐴔𐴥𐴠𐴕 𐴉𐴝𐴀𐴝 𐴕𐴥𐴡 𐴎𐴝𐴀𐴝 , 𐴅𐴟𐴔𐴝𐴌 𐴕𐴟𐴖𐴥𐴝𐴏𐴡𐴌 𐴁𐴦𐴝𐴊𐴠 𐴁𐴡𐴌𐴔𐴥𐴝 𐴔𐴠𐴓𐴠𐴄𐴠𐴌𐴞𐴌 𐴀𐴥𐴝𐴁𐴝𐴌 𐴎𐴝𐴣𐴀𐴝𐴏𐴢 𐴀𐴠𐴑𐴧𐴤𐴝𐴕 𐴒𐴤𐴟𐴔𐴊𐴟𐴔 𐴀𐴠𐴓𐴝𐴑𐴝𐴌 𐴐𐴤𐴞𐴔𐴝𐴕𐴝 𐴈𐴥𐴝𐴔𐴁𐴝 𐴰 𐴴 – 𐴱 𐴴 𐴐𐴡𐴌 𐴋𐴤𐴝𐴑𐴠 𐴁𐴡𐴌𐴔𐴥𐴝-𐴁𐴝𐴚𐴓𐴝𐴊𐴠𐴐𐴢 𐴐𐴤𐴞𐴔𐴝𐴃 𐴊𐴠𐴈𐴥𐴝 𐴒𐴞𐴘𐴠 𐴁𐴡𐴓𐴞 , 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱𐴱

𐴀𐴥𐴠𐴣𐴀𐴠𐴃𐴠 𐴁𐴤𐴝𐴓𐴡𐴑𐴧𐴡𐴕 𐴉𐴡𐴌 𐴉𐴡𐴌 𐴁𐴡𐴌𐴔𐴥𐴝𐴌 𐴀𐴥𐴠𐴑𐴟𐴓𐴠 𐴒𐴟𐴓𐴞 𐴔𐴝𐴌𐴝 𐴔𐴝𐴌𐴞𐴌 𐴀𐴝𐴁𐴝𐴏𐴢 𐴉𐴥𐴟𐴕𐴝 𐴎𐴝𐴀𐴝𐴃 𐴀𐴝𐴏𐴥𐴠 , 𐴁𐴡𐴖𐴋𐴝𐴌𐴡𐴃 𐴒𐴤𐴟𐴔𐴊𐴟𐴔 𐴀𐴠𐴓𐴝𐴑𐴝𐴌 𐴁𐴤𐴝𐴐𐴞𐴕𐴊𐴝 𐴀𐴥𐴡𐴑𐴧𐴡𐴓𐴡𐴌 𐴁𐴤𐴟𐴃𐴡𐴌𐴠 𐴁𐴠𐴐𐴤𐴞 𐴏𐴞𐴕𐴃𐴝 𐴀𐴡𐴐𐴤𐴝𐴕𐴃𐴞 𐴁𐴝𐴌𐴥𐴞 𐴒𐴞𐴘𐴠 , 𐴁𐴝𐴚𐴓𐴝𐴊𐴠𐴐𐴡𐴌 𐴒𐴤𐴟𐴊𐴟𐴔 𐴀𐴠𐴓𐴝𐴑𐴝𐴌 𐴃𐴡𐴔𐴁𐴟𐴌𐴟 𐴁𐴤𐴝𐴐𐴞 / 𐴕𐴟𐴌𐴟𐴓 𐴀𐴝𐴁𐴏𐴝𐴌𐴠 𐴈𐴡𐴘𐴧𐴠𐴊𐴠 ! 𐴁𐴡𐴌𐴔𐴥𐴝𐴌 𐴁𐴤𐴟𐴃𐴡𐴌𐴠 𐴒𐴟𐴓𐴞𐴔𐴝𐴌𐴝 𐴔𐴝𐴌𐴞𐴌 𐴀𐴝𐴁𐴝𐴏𐴢 𐴁𐴠𐴐𐴤𐴞 𐴉𐴥𐴟𐴕𐴝 𐴎𐴝𐴀𐴝𐴌 𐴱𐴱

Sources : Ukhiyanews.com