𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴌 𐴁𐴠𐴀𐴝𐴙𐴕𐴞 𐴊𐴟𐴖𐴝𐴕 𐴀𐴥𐴡𐴑𐴧𐴡𐴓 𐴈𐴥𐴝𐴓𐴞 𐴒𐴡𐴌𐴥𐴝𐴀𐴝 𐴱𐴱

𐴄𐴠𐴑𐴕𐴝𐴉𐴢 𐴀𐴟𐴉𐴡𐴎𐴞𐴓𐴝𐴌 𐴁𐴤𐴟𐴃𐴡𐴌𐴠 𐴀𐴝𐴏𐴥𐴠𐴊𐴠 𐴏𐴝𐴑𐴔𐴥𐴝𐴌 𐴑𐴟𐴓𐴡𐴌 , 𐴀𐴠𐴉𐴢 𐴋𐴞 𐴀𐴠𐴔 𐴀𐴠𐴕 𐴱 𐴲 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 𐴉𐴟𐴓𐴞𐴐𐴡𐴌 𐴎𐴞𐴔𐴧𐴝𐴊𐴝𐴌𐴠 𐴑𐴝𐴌𐴖𐴝𐴘 𐴒𐴡𐴌𐴥𐴞 𐴈𐴡𐴀𐴠𐴑𐴧𐴤𐴝𐴕 𐴁𐴠𐴀𐴝𐴙𐴕𐴞 𐴊𐴟𐴖𐴝𐴕 𐴈𐴥𐴝𐴓𐴞 𐴒𐴡𐴌𐴥𐴝𐴘𐴧𐴠 , 𐴊𐴟𐴖𐴝𐴕 𐴈𐴥𐴝𐴓𐴞 𐴒𐴡𐴌𐴥𐴝𐴀𐴝𐴌 𐴑𐴝𐴌𐴖𐴝𐴘 𐴀𐴞𐴁𐴤𐴝 , 𐴌𐴦𐴡𐴘 𐴁𐴝𐴌𐴠 𐴑𐴠𐴀𐴠𐴔 𐴀𐴞𐴕𐴐𐴤𐴝𐴀𐴝𐴎 𐴀𐴡 𐴀𐴠𐴑𐴎𐴑𐴙𐴟𐴄𐴤𐴞𐴁 𐴔𐴠𐴅𐴞𐴏𐴄𐴝𐴌 / 𐴔𐴟𐴏𐴃𐴡𐴉𐴞𐴎𐴟𐴌 𐴌𐴝𐴇𐴔𐴝𐴕 𐴐𐴝𐴀𐴡𐴕𐴠 𐴏𐴝𐴓𐴝𐴘𐴧𐴠𐴊𐴠 𐴱𐴱

𐴔𐴟𐴏𐴃𐴡𐴉𐴞𐴎𐴟𐴌 𐴌𐴝𐴇𐴔𐴝𐴕𐴠 𐴈𐴡𐴘𐴧𐴠𐴊𐴠 ! 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴑𐴠𐴀𐴠𐴔𐴡𐴌 𐴁𐴤𐴟𐴃𐴡𐴌𐴠 𐴀𐴡𐴁𐴡𐴀𐴡𐴘𐴊𐴡 𐴁𐴤𐴝𐴉𐴠 𐴊𐴟𐴖𐴝𐴕 𐴀𐴥𐴡𐴑𐴧𐴡𐴓 𐴁𐴝𐴕𐴝𐴘 , 𐴀𐴡𐴁𐴡𐴀𐴡𐴘𐴊𐴡 𐴁𐴠𐴁𐴡𐴐𐴤𐴝 , 𐴈𐴝𐴏𐴈𐴝𐴌𐴁𐴝𐴌 𐴒𐴡𐴌𐴥𐴞 𐴀𐴝𐴘𐴧𐴠𐴌 , 𐴀𐴥𐴠 𐴊𐴟𐴖𐴝𐴕 𐴀𐴥𐴞𐴀𐴞𐴕 𐴁𐴡𐴕 𐴒𐴡𐴌𐴥𐴞 𐴁𐴤𐴡𐴓𐴧𐴝 , 𐴁𐴡𐴓𐴡𐴑𐴠 𐴁𐴡𐴓𐴡𐴑𐴠 𐴀𐴥𐴝𐴣𐴍𐴞 𐴊𐴟𐴖𐴝𐴕𐴊𐴝𐴌 𐴀𐴥𐴡𐴑𐴧𐴡𐴓𐴡𐴌𐴠 𐴔𐴝𐴃𐴝𐴘 𐴱𐴱

𐴀𐴠𐴑 𐴇𐴥𐴝𐴉𐴃𐴝𐴌 𐴁𐴤𐴟𐴃𐴡𐴌𐴠 𐴁𐴠𐴀𐴝𐴙𐴕𐴞 𐴊𐴟𐴖𐴝𐴕 𐴀𐴥𐴡𐴑𐴧𐴡𐴓 𐴁𐴡𐴕 𐴒𐴡𐴌𐴥𐴞 𐴉𐴥𐴠𐴓𐴝𐴘𐴁𐴡𐴓𐴧𐴝 , 𐴔𐴟𐴑𐴤𐴠 𐴁𐴡𐴀𐴡𐴃 𐴁𐴝𐴌 𐴈𐴟𐴖𐴝 𐴒𐴞𐴘𐴠 𐴀𐴝𐴌 𐴀𐴥𐴟𐴣𐴐𐴞𐴘𐴝𐴌𐴞 𐴊𐴞𐴘𐴝 𐴒𐴞𐴘𐴠 , 𐴔𐴡𐴕𐴃𐴡𐴌 𐴐𐴤𐴠𐴑𐴝𐴘𐴡𐴃 𐴁𐴡𐴌𐴝𐴁𐴡𐴌 𐴃𐴤𐴝𐴑𐴞 𐴒𐴞𐴘𐴡𐴘 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴊𐴟𐴖𐴝𐴕 𐴀𐴥𐴞𐴀𐴞𐴕 𐴁𐴡𐴕 𐴕𐴡 𐴒𐴡𐴌𐴥𐴞 , 𐴊𐴟𐴖𐴝𐴕𐴊𐴝𐴌𐴞 𐴈𐴝𐴏𐴈𐴝𐴌𐴁𐴝𐴌 , 𐴁𐴡𐴌𐴝𐴁𐴡𐴌 𐴒𐴡𐴌𐴥𐴝𐴃 𐴃𐴤𐴝𐴑𐴞 𐴒𐴞𐴘𐴡𐴘 𐴱𐴱

𐴌𐴦𐴡𐴘 𐴁𐴝𐴌𐴠 𐴊𐴟𐴖𐴝𐴕 𐴀𐴥𐴞𐴀𐴞𐴕 𐴁𐴡𐴕 𐴒𐴡𐴌𐴥𐴞 𐴊𐴞𐴀𐴞𐴁𐴡𐴓𐴧𐴝 𐴀𐴝𐴙𐴐𐴧𐴤𐴙𐴠 𐴀𐴝𐴌 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴃𐴠𐴎𐴞 𐴀𐴟𐴍𐴥𐴞 𐴀𐴝𐴁𐴝𐴘𐴧𐴝 𐴈𐴥𐴡𐴁𐴡𐴌 𐴀𐴥𐴡𐴑𐴧𐴡𐴓 𐴉𐴥𐴡𐴘𐴓𐴝𐴘𐴁𐴝𐴌 𐴏𐴠𐴐𐴃𐴝 𐴒𐴡𐴌𐴥𐴠𐴌 , 𐴘𐴝𐴀𐴝𐴌 𐴁𐴦𐴝𐴊𐴠 𐴘𐴥𐴡 𐴑𐴠𐴀𐴠𐴔𐴡𐴌 ( 𐴀𐴠 𐴂𐴞 𐴁𐴞 𐴀𐴠𐴕 ) 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓 𐴀𐴝𐴌 𐴁𐴤𐴡𐴓𐴡𐴕𐴄𐴞𐴘𐴝𐴌 𐴀𐴥𐴡𐴑𐴧𐴡𐴓𐴠 , 𐴊𐴟𐴖𐴝𐴕 𐴀𐴥𐴞𐴀𐴞𐴕 𐴉𐴥𐴡𐴄𐴝𐴉𐴥𐴡𐴄 𐴈𐴥𐴝𐴓𐴞 𐴒𐴡𐴌𐴥𐴝𐴘 𐴁𐴡𐴕 𐴒𐴡𐴌𐴥𐴞 𐴊𐴞𐴘𐴠 𐴱𐴱

𐴁𐴝𐴚𐴓𐴝𐴊𐴠𐴐𐴡𐴌 𐴴 𐴳 𐴐𐴤𐴝𐴕 𐴑𐴠𐴀𐴠𐴔𐴡𐴃 𐴂𐴠𐴌𐴦𐴝𐴘 𐴀𐴠𐴑 𐴔𐴡𐴓𐴞𐴘𐴟𐴕 𐴌𐴟𐴇𐴝𐴙𐴚𐴒𐴙𐴝 𐴀𐴝𐴏𐴥𐴠 , 𐴎𐴟𐴀𐴟𐴕𐴡𐴌 𐴁𐴦𐴠𐴐𐴢 𐴁𐴤𐴝𐴒𐴢 , 𐴷 𐴱 𐴰 𐴲 𐴐𐴤𐴡𐴕𐴡𐴃 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞𐴌 𐴎𐴟𐴓𐴟𐴔 𐴀𐴡𐴃𐴧𐴞𐴏𐴝𐴌 𐴐𐴤𐴡𐴀𐴡𐴘 𐴕𐴡 𐴉𐴝𐴌𐴥𐴞 𐴁𐴝𐴚𐴓𐴝𐴊𐴠𐴐𐴡𐴃 𐴊𐴤𐴝𐴘 𐴀𐴝𐴙𐴐𐴧𐴤𐴙𐴠 𐴱𐴱

Sources : Ukhiyanews.com