𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴞 𐴀𐴡𐴉𐴥𐴞𐴏𐴠 , 𐴀𐴝𐴘 𐴏𐴞 𐴅𐴠 𐴀𐴝𐴊𐴝𐴓𐴡𐴃𐴡𐴌 𐴉𐴥𐴝𐴘𐴏𐴠𐴓𐴝𐴌 𐴖𐴡𐴌𐴠 𐴕𐴞𐴌𐴀𐴝𐴐𐴤𐴝 𐴎𐴝𐴀𐴞𐴌 𐴒𐴡𐴙𐴅𐴧𐴤𐴙𐴠 𐴱𐴱

𐴅𐴟𐴓𐴝𐴘 𐴔𐴥𐴝𐴐𐴡𐴌 𐴳 𐴲 𐴃𐴝𐴌𐴥𐴞𐴑 𐴌𐴝𐴙𐴃𐴧𐴝 , 𐴀𐴝𐴘 𐴏𐴞 𐴅𐴠 𐴀𐴝𐴊𐴝𐴓𐴡𐴃𐴠 𐴁𐴡𐴌𐴔𐴥𐴝𐴌 𐴀𐴝𐴉𐴡𐴃𐴧𐴞 𐴁𐴠𐴒𐴧𐴤𐴞𐴕 𐴓𐴡𐴀𐴡𐴕𐴡𐴌 𐴀𐴟𐴉𐴡𐴎𐴟𐴑𐴃𐴡 𐴕𐴡𐴀𐴡𐴘 , 𐴈𐴡𐴀𐴡𐴘 𐴉𐴥𐴠𐴓𐴝𐴘 𐴊𐴞𐴘𐴠𐴊𐴠 𐴘𐴝𐴀𐴝𐴕𐴡𐴃 , 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴞 𐴀𐴡𐴉𐴥𐴞𐴏𐴡𐴃𐴧𐴟 𐴕𐴞𐴌𐴀𐴝𐴐𐴤𐴝 𐴎𐴝𐴀𐴞𐴌 𐴒𐴡𐴙𐴅𐴧𐴤𐴙𐴠 𐴱𐴱

𐴀𐴝𐴉𐴡𐴃𐴧𐴞 𐴁𐴠𐴒𐴧𐴤𐴞𐴕 𐴑𐴝𐴕𐴟𐴕 𐴔𐴡𐴎𐴞𐴕 𐴐𐴡𐴌𐴥𐴡𐴃 𐴓𐴡𐴘 𐴔𐴡𐴎𐴁𐴟𐴃 𐴁𐴡𐴓𐴞 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴞 𐴀𐴡𐴉𐴥𐴞𐴏𐴡𐴌 𐴀𐴠𐴓𐴝𐴕𐴡𐴃 𐴓𐴠𐴙𐴑𐴧𐴤𐴙𐴠 , 𐴒𐴠𐴔𐴁𐴞𐴘𐴝 𐴘𐴠 𐴀𐴞𐴏𐴓𐴝𐴔𐴥𐴞 𐴃𐴡𐴕𐴎𐴞𐴔 𐴀𐴡 𐴀𐴝𐴘 𐴏𐴞𐴌 𐴕𐴡𐴔𐴝𐴙𐴕𐴊𐴝 𐴁𐴡𐴕𐴞 , 𐴁𐴡𐴌𐴔𐴥𐴝𐴌𐴓𐴧𐴝 𐴅𐴠𐴕𐴟𐴏𐴥𐴝𐴙𐴋𐴡𐴌 𐴔𐴦𐴡𐴊𐴧𐴞𐴔𐴝 𐴑𐴤𐴟𐴙𐴓𐴧𐴙𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 , 𐴀𐴝𐴘 𐴏𐴞 𐴅𐴠 𐴀𐴝𐴊𐴝𐴓𐴡𐴃𐴡𐴃𐴧𐴟 𐴁𐴡𐴌𐴔𐴥𐴝𐴌 𐴖𐴡𐴌𐴠 𐴉𐴥𐴝𐴘𐴏𐴠𐴓𐴝 𐴊𐴞𐴀𐴞𐴁𐴝𐴌 𐴕𐴥𐴝𐴘 , 𐴒𐴠𐴔𐴁𐴞𐴘𐴝𐴌𐴃𐴧𐴟 𐴘𐴥𐴡 𐴔𐴦𐴡𐴊𐴧𐴞𐴔𐴝 𐴒𐴡𐴌𐴥𐴞𐴁𐴤𐴝𐴌 𐴇𐴥𐴡𐴑 𐴕𐴥𐴝𐴘 , 𐴁𐴡𐴌𐴔𐴥𐴝 𐴀𐴝𐴌 𐴒𐴠𐴔𐴁𐴞𐴘𐴝𐴌 𐴔𐴝𐴎𐴤𐴠 𐴈𐴡𐴙𐴅𐴧𐴙𐴝 𐴀𐴥𐴡𐴘𐴧𐴠𐴊𐴠 𐴘𐴥𐴡 𐴕𐴡𐴀𐴡 , 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞𐴌 𐴕𐴡𐴔𐴝𐴙𐴕𐴊𐴝 𐴘𐴠 𐴀𐴠𐴕𐴋𐴞𐴓𐴧𐴝 𐴏𐴝𐴙𐴌 𐴒𐴤𐴝𐴕 𐴀𐴝𐴉𐴡𐴃𐴧𐴞 𐴃𐴟𐴓𐴥𐴞 𐴊𐴞𐴀𐴞𐴓𐴊𐴠 𐴀𐴥𐴞𐴀𐴞𐴕 𐴁𐴠𐴒𐴧𐴤𐴞𐴕 𐴀𐴝𐴘 𐴏𐴞 𐴅𐴠 𐴀𐴝𐴊𐴝𐴓𐴡𐴃𐴠 𐴉𐴥𐴠𐴓𐴥𐴝𐴘 𐴊𐴞𐴘𐴠 𐴱𐴱

𐴉𐴥𐴝𐴘𐴏𐴠𐴓𐴝 𐴘𐴝𐴀𐴝𐴕 𐴁𐴡𐴌𐴔𐴥𐴝 𐴘𐴠 𐴕𐴟𐴄 𐴒𐴡𐴌𐴥𐴞 𐴓𐴠𐴑𐴤𐴞 𐴌𐴝𐴙𐴑𐴧𐴤𐴙𐴠 , 𐴘𐴝𐴀𐴝𐴕 𐴊𐴠𐴐𐴁𐴞𐴊𐴠𐴐𐴤𐴞 𐴑𐴝𐴕𐴟𐴕𐴡𐴃 𐴔𐴠𐴏𐴥𐴝𐴓 𐴁𐴡𐴕𐴞𐴁𐴤𐴡 𐴁𐴡𐴓𐴞 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞 𐴘𐴠 𐴈𐴡𐴘𐴧𐴠 , 𐴁𐴡𐴌𐴔𐴥𐴝𐴌 𐴊𐴠𐴐𐴢 𐴀𐴥𐴞𐴏𐴝𐴉𐴠 𐴀𐴠𐴈𐴥𐴡𐴕 𐴉𐴡𐴙𐴅𐴧𐴡𐴕𐴃𐴡 𐴎𐴟𐴓𐴟𐴔 𐴒𐴡𐴌𐴥𐴝 𐴀𐴝𐴌 𐴕𐴡 𐴔𐴝𐴕𐴥𐴝 𐴕𐴥𐴝𐴘 , 𐴀𐴞𐴎𐴧𐴡𐴃 𐴀𐴠𐴇𐴃𐴠𐴌𐴝𐴔 𐴒𐴡𐴌𐴥𐴝 𐴀𐴝𐴏𐴥𐴠𐴊𐴠 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴀𐴝𐴘 𐴏𐴞 𐴅𐴠 𐴀𐴥𐴞𐴏𐴝𐴉𐴠 𐴏𐴥𐴡𐴀𐴞 𐴇𐴥𐴡𐴑 𐴔𐴡𐴃𐴠 𐴈𐴝𐴔 𐴒𐴡𐴌𐴥𐴞 𐴎𐴝𐴘𐴁𐴡𐴊𐴠 , 𐴘𐴝𐴀𐴝𐴕𐴡𐴌 𐴀𐴝𐴐𐴤𐴝 𐴒𐴡𐴌𐴥𐴠𐴌 𐴁𐴡𐴓𐴞 , 𐴔𐴠𐴓𐴠𐴄𐴠𐴌𐴞 𐴃𐴡𐴌𐴉𐴥𐴡𐴌 𐴈𐴡𐴃𐴤𐴝 𐴈𐴡𐴀𐴡𐴙𐴕𐴧𐴝 𐴁𐴟 𐴆𐴤𐴙𐴟𐴑 / 𐴎𐴡 𐴔𐴥𐴞𐴕 𐴄𐴟𐴕𐴠 , 𐴅𐴟𐴓𐴝𐴘 𐴔𐴥𐴝𐴐𐴡𐴌 𐴳 𐴲 𐴃𐴝𐴌𐴥𐴞𐴑𐴡𐴃 𐴔𐴞𐴋𐴞𐴘𐴝 𐴀𐴥𐴡𐴑𐴧𐴡𐴓𐴡𐴌𐴠 𐴈𐴡𐴘𐴧𐴠 𐴱𐴱

𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞𐴌 𐴐𐴤𐴟𐴌𐴟𐴌 𐴀𐴝𐴉𐴡𐴃𐴧𐴞 𐴁𐴠𐴒𐴧𐴤𐴞𐴕 𐴀𐴝𐴘 𐴏𐴞 𐴅𐴠 𐴘𐴠 𐴉𐴥𐴠𐴓𐴝𐴘 𐴊𐴞𐴘𐴠𐴊𐴠 𐴘𐴝𐴀𐴝𐴕𐴡𐴌𐴥𐴠 , 𐴊𐴠𐴐𐴤𐴡𐴙𐴃𐴧𐴝 𐴀𐴠𐴃𐴧𐴠𐴉𐴝𐴑𐴞 𐴉𐴝𐴄𐴞 ( 𐴀𐴠𐴕 𐴘𐴟 𐴅𐴞 ) 𐴘𐴠 𐴏𐴟𐴖𐴝𐴒𐴡𐴃 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴒𐴡𐴃𐴡 𐴈𐴝𐴙𐴓𐴧𐴝 𐴀𐴠𐴓𐴝𐴕 𐴒𐴡𐴙𐴅𐴧𐴤𐴙𐴠 , 𐴀𐴥𐴠𐴕𐴋𐴞𐴓𐴧𐴝 𐴁𐴝𐴚𐴓𐴝𐴊𐴠𐴐𐴢 𐴀𐴝𐴌 𐴒𐴠𐴔𐴁𐴞𐴘𐴝 𐴘𐴠 𐴘𐴥𐴡 𐴉𐴥𐴝𐴘𐴏𐴠𐴓𐴝 𐴌𐴥𐴠 𐴏𐴥𐴝𐴂𐴟𐴄 𐴀𐴝𐴌 𐴏𐴟𐴖𐴝𐴒𐴡𐴃 𐴒𐴡𐴙𐴅𐴧𐴤𐴙𐴠 𐴱𐴱

Sources : RFAburmese