𐴀𐴠 𐴂𐴞 𐴁𐴞 𐴀𐴠𐴕 𐴴 𐴱 𐴓𐴡𐴔𐴁𐴤𐴡𐴌 𐴉𐴟𐴓𐴞𐴐𐴡𐴌 𐴑𐴝𐴌𐴖𐴝𐴘𐴃 𐴀𐴝𐴌𐴏𐴥𐴝𐴌 𐴒𐴦𐴝𐴕 𐴑𐴡𐴔𐴦𐴝𐴕𐴋𐴝𐴌 𐴒𐴠𐴌𐴠𐴉𐴃𐴝𐴌 𐴱𐴱

𐴀𐴝𐴙𐴅𐴧𐴙𐴝 𐴌𐴦𐴡𐴘 𐴁𐴝𐴌𐴠 𐴁𐴞𐴀𐴞𐴕𐴧𐴝 𐴏𐴥𐴡𐴀𐴡𐴌𐴠 , 𐴀𐴟𐴑𐴤𐴞𐴘𐴝 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 , 𐴀𐴠 𐴂𐴞 𐴁𐴞 𐴀𐴠𐴕 𐴉𐴟𐴓𐴞𐴐𐴠 𐴋𐴡𐴌𐴟𐴕 𐴑𐴠𐴔𐴌𐴝 𐴁𐴠𐴁𐴦𐴝𐴌 𐴒𐴡𐴌𐴥𐴞 ,𐴑𐴝𐴌𐴖𐴝𐴘 𐴏𐴝𐴓𐴝𐴘 , 𐴀𐴝𐴌𐴏𐴥𐴝𐴌 𐴒𐴦𐴝𐴕 𐴑𐴡𐴔𐴦𐴝𐴕𐴋𐴝𐴌 / 𐴏𐴡𐴘𐴧𐴡𐴊𐴟𐴓 𐴀𐴝𐴔𐴞𐴕 𐴁𐴡𐴐𐴢 𐴶 𐴲 𐴁𐴡𐴏𐴥𐴡𐴌 , 𐴀𐴞𐴁𐴤𐴝𐴌𐴠 𐴀𐴥𐴝𐴣𐴃𐴞𐴘𐴝𐴌 𐴐𐴤𐴡𐴣𐴀𐴡 𐴒𐴠𐴌𐴠𐴉𐴃𐴝𐴌 𐴒𐴡𐴙𐴅𐴧𐴤𐴙𐴠 𐴱𐴱

𐴀𐴠 𐴂𐴞 𐴁𐴞 𐴀𐴠𐴕𐴠 𐴎𐴝𐴕𐴝𐴘𐴧𐴠𐴊𐴠 , 𐴕𐴦𐴡𐴌 𐴔𐴝𐴍𐴥𐴡𐴌 𐴉𐴟𐴓𐴞𐴐𐴢 𐴑𐴠𐴀𐴠𐴔𐴡𐴌 𐴎𐴟𐴣𐴖𐴝𐴛𐴓𐴧𐴝 𐴑𐴡𐴔𐴦𐴝𐴕𐴋𐴝𐴌 / 𐴔𐴦𐴝𐴌𐴟𐴉𐴢 𐴇𐴟𐴏𐴠𐴙𐴕𐴡𐴌 𐴏𐴥𐴡𐴊𐴧𐴝𐴌𐴞𐴃 , 𐴀𐴡𐴂𐴝𐴌𐴠𐴐𐴤𐴠𐴕 𐴀𐴡𐴉𐴞𐴏𐴥𐴝𐴌 𐴔𐴟𐴁𐴦𐴝𐴙𐴓 𐴉𐴝𐴄𐴞𐴌 𐴒𐴟𐴉𐴡𐴕 𐴈𐴥𐴡𐴁𐴡𐴌𐴡𐴌 𐴖𐴡𐴌𐴠 , 𐴋𐴡𐴌𐴟𐴕 𐴑𐴠𐴔𐴌𐴝 𐴁𐴠𐴁𐴦𐴝𐴌 𐴒𐴡𐴌𐴥𐴞 𐴑𐴝𐴌𐴖𐴝𐴘 𐴏𐴝𐴓𐴝𐴘𐴁𐴤𐴝𐴌 𐴐𐴤𐴡𐴔𐴡𐴃 , 𐴀𐴟𐴓𐴧𐴠𐴑 𐴒𐴡𐴌𐴥𐴝 𐴒𐴞𐴘𐴠𐴊𐴠 𐴎𐴝𐴒𐴝 𐴘𐴝𐴀𐴝𐴕𐴡𐴃 , 𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓𐴡𐴌 𐴓𐴡𐴌𐴝 𐴏𐴡𐴌𐴝 𐴄𐴤𐴞𐴑 𐴒𐴡𐴌𐴥𐴞 𐴑𐴝𐴌𐴖𐴝𐴘 𐴏𐴝𐴓𐴝 𐴒𐴞𐴘𐴠 𐴱𐴱

𐴀𐴥𐴠 𐴑𐴝𐴌𐴖𐴝𐴘𐴃 𐴀𐴟𐴑𐴤𐴞𐴘𐴝 𐴃𐴤𐴝𐴕𐴝𐴌 𐴀𐴝𐴕𐴋𐴤𐴝𐴌𐴠 𐴴 𐴓𐴡𐴔𐴁𐴤𐴡𐴌 𐴌𐴝𐴎𐴝𐴉𐴝𐴓𐴡𐴚 𐴘𐴟𐴕𐴞𐴘𐴡𐴕𐴡𐴌 𐴀𐴝𐴌𐴏𐴝 𐴒𐴟𐴌𐴟𐴉𐴡𐴌 𐴑𐴤𐴦𐴟𐴂𐴢 𐴏𐴝𐴓𐴟 𐴔𐴞𐴔𐴁𐴤𐴡𐴌 , 𐴷 𐴓𐴡𐴔𐴁𐴤𐴡𐴌 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴌 𐴖𐴡𐴌𐴡𐴌 𐴎𐴞𐴔𐴧𐴝𐴊𐴝𐴌 , 𐴒𐴦𐴝𐴕 𐴒𐴟𐴌𐴟𐴉𐴡𐴌 𐴖𐴡𐴌𐴡𐴌 𐴎𐴞𐴔𐴧𐴝𐴊𐴝𐴌 𐴏𐴡𐴘𐴧𐴡𐴊𐴟𐴓 𐴀𐴝𐴔𐴞𐴕 𐴁𐴡𐴐𐴢 𐴶 𐴲 𐴁𐴡𐴏𐴥𐴡𐴌 ( 𐴁𐴝𐴉𐴢 ) 𐴀𐴝𐴔𐴞𐴌 𐴇𐴟𐴏𐴠𐴙𐴕 ( 𐴔𐴝𐴣 ) 𐴉𐴥𐴡𐴌𐴞𐴊𐴝 𐴈𐴝𐴃𐴟 , 𐴀𐴠𐴉𐴢 𐴏𐴞 𐴀𐴠𐴕 𐴓𐴡𐴔𐴁𐴤𐴡𐴌 𐴹 𐴵 𐴶 𐴷 𐴲 𐴱 𐴁𐴡𐴓𐴡𐴑 𐴅𐴞 / 𐴀𐴠𐴑 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 : 𐴷 𐴰 𐴃𐴤𐴝𐴕𐴝 𐴀𐴟𐴑𐴤𐴞𐴘𐴝 , 𐴎𐴞𐴓𐴥𐴝 𐴑𐴝𐴑𐴏𐴡 𐴁𐴝𐴎𐴝𐴌 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴱𐴱

𐴃𐴝𐴌𐴉𐴡𐴌𐴠 𐴃𐴡𐴊𐴡𐴕𐴃𐴡 𐴃𐴤𐴝𐴑𐴞𐴑𐴡𐴌 𐴁𐴦𐴝𐴊𐴠 𐴀𐴝𐴐𐴤𐴝𐴔𐴞𐴌 𐴎𐴟𐴁𐴝𐴕𐴞 𐴔𐴡𐴎𐴞𐴕 , 𐴕𐴞𐴎𐴡𐴌 𐴒𐴤𐴡𐴌𐴡𐴃 𐴄𐴡𐴙𐴕𐴡𐴌 𐴉𐴠𐴄𐴞𐴌 𐴁𐴤𐴟𐴃𐴡𐴌𐴃𐴧𐴟 , 𐴊𐴠𐴐𐴤𐴞 𐴁𐴝𐴕𐴥𐴝 𐴀𐴠𐴓 𐴅𐴞 𐴎𐴞𐴁𐴤𐴝 𐴒𐴝𐴏𐴥𐴡𐴌 𐴁𐴦𐴝𐴄 𐴐𐴤𐴡𐴣𐴀𐴡 𐴵 𐴲 . 𐴵 𐴱 𐴀𐴞𐴕𐴏𐴞 𐴓𐴝𐴔𐴁𐴝 , 𐴁𐴦𐴝𐴄 𐴏𐴥𐴝𐴌𐴝 𐴰 𐴵 . 𐴰 𐴱 𐴀𐴞𐴕𐴏𐴞 𐴓𐴝𐴔𐴁𐴝 𐴱𐴱

𐴃𐴡𐴊𐴡𐴕𐴃𐴡 𐴒𐴡𐴌𐴥𐴡𐴕𐴡𐴌 𐴁𐴦𐴝𐴊𐴠 𐴎𐴝𐴕𐴝 𐴒𐴞𐴘𐴠𐴊𐴠 , 𐴀𐴥𐴞𐴃𐴠 𐴀𐴝𐴌𐴏𐴥𐴝 𐴕𐴝𐴔𐴡𐴌 𐴒𐴟𐴌𐴟𐴉𐴡𐴌 𐴀𐴝𐴕𐴋𐴤𐴝𐴌𐴠 𐴏𐴥𐴡 𐴔𐴥𐴝𐴐𐴢 𐴄𐴠𐴕𐴧𐴞𐴕 𐴓𐴡𐴘𐴧𐴠 , 𐴄𐴠𐴕𐴧𐴞𐴕𐴡𐴃 𐴁𐴞𐴁𐴤𐴞𐴕𐴧𐴡 𐴀𐴥𐴝𐴣𐴃𐴞𐴘𐴝𐴌 𐴏𐴝𐴓𐴝 𐴐𐴤𐴞𐴑𐴤𐴝𐴘𐴧𐴠 , 𐴀𐴠𐴈𐴥𐴡𐴕 𐴀𐴥𐴞𐴃𐴠 𐴃𐴝𐴌 𐴒𐴤𐴡𐴌𐴒𐴟𐴐𐴧𐴞𐴌 𐴀𐴥𐴠𐴍𐴠 𐴁𐴠𐴌𐴝𐴘𐴃𐴤𐴡 𐴀𐴝𐴙𐴐𐴧𐴤𐴙𐴠𐴊𐴠 𐴀𐴡𐴑𐴃𐴤𐴡𐴃 𐴊𐴤𐴡𐴌𐴝 𐴉𐴡𐴌𐴞 𐴒𐴞𐴘𐴡𐴘 , 𐴑𐴝𐴕𐴟𐴕𐴞 𐴑𐴝𐴌𐴖𐴝𐴘 𐴒𐴡𐴌𐴥𐴞𐴁𐴤𐴡𐴓𐴧𐴝 𐴀𐴥𐴞𐴃𐴝𐴌𐴠 𐴏𐴥𐴝𐴁𐴟𐴃 𐴐𐴤𐴡𐴣𐴀𐴡 𐴀𐴟𐴑𐴤𐴞𐴘𐴝 𐴃𐴤𐴝𐴕𐴝𐴃 𐴒𐴡𐴏𐴥𐴝𐴘 𐴊𐴞𐴘𐴝 𐴒𐴞𐴘𐴠 𐴱𐴱

Sources : Ukhiyanews.com