𐴎𐴦𐴡𐴣𐴓𐴧𐴗𐴝 𐴀𐴥𐴝𐴣𐴃𐴞 𐴘𐴠 𐴁𐴤𐴟𐴏𐴞𐴊𐴡𐴚𐴡𐴌 𐴂𐴡𐴚𐴋𐴡 𐴂𐴝𐴌𐴝𐴚𐴡𐴌 𐴀𐴞𐴐𐴑𐴟𐴓 𐴁𐴤𐴝𐴚𐴞 𐴏𐴟𐴌𐴞 𐴁𐴡𐴌𐴁𐴝𐴊 𐴒𐴡𐴌𐴥𐴞 𐴉𐴥𐴠𐴓𐴝𐴘𐴧𐴠 𐴱𐴱

𐴀𐴝𐴌𐴑𐴝𐴕𐴡𐴃 𐴁𐴤𐴟𐴏𐴞𐴊𐴡𐴚𐴡𐴌 𐴀𐴟𐴃𐴧𐴡𐴌𐴠 𐴑𐴝𐴌𐴥𐴝𐴚𐴏𐴡𐴔𐴥𐴝 𐴒𐴤𐴟𐴖𐴝𐴚𐴡𐴌 𐴂𐴡𐴚𐴋𐴡 𐴂𐴝𐴌𐴝𐴚𐴡𐴌 𐴀𐴞𐴐𐴑𐴟𐴓𐴡𐴃 𐴎𐴦𐴡𐴣𐴓𐴧𐴗𐴝 𐴀𐴥𐴝𐴣𐴃𐴞 𐴒𐴤𐴡𐴓𐴞 𐴁𐴤𐴝𐴚𐴞 𐴏𐴟𐴌𐴞 𐴁𐴡𐴌𐴁𐴝𐴊 𐴒𐴡𐴌𐴥𐴞 𐴉𐴥𐴝𐴓𐴝𐴘𐴧𐴠 𐴁𐴡𐴓𐴞 𐴉𐴝𐴌𐴝𐴃 𐴀𐴝𐴏𐴥𐴠𐴊𐴤𐴠 𐴔𐴝𐴙𐴕𐴐𐴤𐴙𐴠 𐴈𐴡𐴘𐴧𐴠 , 𐴅𐴟𐴓𐴝𐴘 𐴔𐴥𐴝𐴐𐴡𐴌 𐴷 𐴃𐴝𐴌𐴥𐴞𐴑𐴡𐴃 𐴁𐴞𐴀𐴞𐴕𐴧𐴝 𐴏𐴥𐴡𐴀𐴡𐴌𐴠 𐴴 𐴁𐴝𐴎𐴠 𐴎𐴦𐴡𐴣𐴓𐴧𐴗𐴝 𐴀𐴥𐴝𐴣𐴃𐴞 𐴊𐴟𐴖𐴥𐴝 𐴘𐴠 𐴀𐴞𐴐𐴑𐴟𐴓 𐴘𐴥𐴝𐴀𐴝𐴕 𐴁𐴤𐴝𐴚𐴞 𐴉𐴥𐴠𐴓𐴝𐴘𐴧𐴠 𐴁𐴡𐴓𐴞 , 𐴀𐴥𐴠 𐴀𐴞𐴐𐴑𐴟𐴓𐴡𐴌 𐴔𐴝𐴐𐴄𐴡𐴌 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 𐴱𐴱

𐴵 𐴲 𐴉𐴥𐴟𐴄 𐴀𐴟𐴏𐴡𐴓 𐴀𐴞𐴐𐴑𐴟𐴓𐴡𐴌 𐴋𐴠𐴁𐴝𐴓 𐴁𐴤𐴝𐴚𐴞 𐴉𐴥𐴠𐴓𐴝𐴘𐴧𐴠 , 𐴳 𐴕𐴝𐴕 𐴄𐴝𐴄𐴧𐴞𐴌 𐴊𐴡𐴌𐴡𐴎𐴝 𐴁𐴤𐴚𐴞 𐴉𐴥𐴠𐴓𐴝𐴘𐴧𐴠 , 𐴀𐴠𐴑𐴧𐴤𐴝𐴕 𐴁𐴝𐴀𐴝𐴌 𐴋𐴤𐴝𐴑𐴡𐴌 𐴑𐴤𐴞𐴌𐴑𐴞𐴌𐴞 𐴁𐴤𐴝𐴚𐴞 𐴉𐴥𐴠𐴓𐴝𐴘𐴧𐴠 , 𐴰 𐴰 𐴱 𐴉𐴥𐴟𐴄 𐴉𐴡𐴙𐴅𐴧𐴡𐴕𐴃𐴡 𐴀𐴞𐴐𐴑𐴟𐴓𐴡𐴌 𐴒𐴤𐴞𐴌𐴝 𐴁𐴤𐴝𐴚𐴞 𐴉𐴥𐴠𐴓𐴝𐴘𐴧𐴠 , 𐴏𐴟𐴓𐴝 𐴓𐴡𐴘 𐴉𐴝𐴕𐴥𐴞 𐴃𐴟𐴓𐴥𐴠𐴊𐴠 𐴔𐴡𐴄𐴝 𐴀𐴝𐴌 𐴃𐴝𐴌 𐴀𐴥𐴡𐴑𐴧𐴡𐴓 𐴁𐴡𐴌𐴁𐴝𐴊 𐴒𐴡𐴌𐴥𐴞 𐴉𐴥𐴠𐴓𐴝𐴘𐴧𐴠 𐴊𐴠 𐴎𐴝𐴕𐴝 𐴒𐴞𐴘𐴠 𐴱𐴱

𐴀𐴞𐴐𐴑𐴟𐴓 𐴘𐴥𐴝𐴀𐴝𐴕𐴡𐴃 𐴏𐴝𐴙𐴌𐴒𐴤𐴝𐴕 𐴁𐴞𐴓𐴋𐴤𐴞𐴚 𐴀𐴝𐴏𐴥𐴠 𐴊𐴠 𐴀𐴥𐴠𐴃𐴧𐴟 𐴀𐴠𐴑𐴧𐴤𐴝𐴕 𐴈𐴥𐴡𐴃𐴡𐴌𐴝 𐴀𐴥𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 𐴘𐴥𐴝𐴀𐴝𐴕 𐴁𐴡𐴕 𐴒𐴡𐴌𐴥𐴞 𐴀𐴠𐴙𐴅𐴧𐴤𐴙𐴠 , 𐴀𐴞𐴐𐴑𐴟𐴓 𐴘𐴥𐴝𐴀𐴝𐴕𐴡𐴃 𐴔𐴝𐴐𐴄𐴡𐴌 𐴔𐴝𐴐𐴄𐴡𐴌𐴕𐴞 𐴁𐴠𐴒𐴧𐴤𐴟𐴕𐴠 𐴔𐴞𐴓𐴝𐴘 𐴳 𐴲 𐴎𐴡𐴕𐴠 𐴉𐴡𐴕𐴧𐴥𐴝 𐴉𐴝𐴌𐴥𐴝𐴊𐴠 𐴘𐴥𐴝𐴀𐴝𐴕 𐴎𐴝𐴕𐴝 𐴒𐴞𐴘𐴠 , 𐴃𐴞𐴕 𐴔𐴥𐴝𐴐𐴢 𐴀𐴝𐴒𐴠 𐴘𐴥𐴡 𐴀𐴠𐴑𐴁𐴝𐴌 𐴎𐴦𐴡𐴣𐴓𐴧𐴗𐴝 𐴀𐴥𐴝𐴣𐴃𐴞 𐴀𐴥𐴟𐴀𐴟𐴕𐴠 𐴀𐴞𐴐𐴑𐴟𐴓 𐴘𐴥𐴝𐴀𐴝𐴕𐴡𐴌 𐴋𐴠𐴁𐴝𐴓 𐴁𐴤𐴝𐴚𐴞 𐴉𐴥𐴠𐴓𐴝𐴀𐴝𐴙𐴓 , 𐴀𐴝𐴌 𐴉𐴝𐴌𐴝𐴌 𐴔𐴝𐴙𐴕𐴐𐴤𐴡𐴌 𐴑𐴤𐴠𐴃𐴞 𐴈𐴡𐴓𐴥𐴝 𐴘𐴥𐴡 𐴁𐴡𐴌𐴌𐴁𐴝𐴊 𐴊𐴞𐴀𐴞 𐴉𐴥𐴠𐴓𐴝𐴀𐴝𐴙𐴓 , 𐴉𐴝𐴙𐴅𐴧𐴙𐴝 𐴔𐴝𐴙𐴕𐴐𐴤𐴡𐴌 𐴖𐴡𐴌𐴠 𐴀𐴥𐴟𐴊𐴧𐴝 𐴇𐴥𐴝𐴔𐴓𐴝 𐴒𐴡𐴅𐴧𐴤𐴞𐴀𐴞𐴓 𐴁𐴡𐴓𐴞 𐴉𐴝𐴙𐴅𐴧𐴝 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 𐴱𐴱

𐴉𐴝𐴙𐴅𐴧𐴝 𐴔𐴝𐴕𐴥𐴟𐴙𐴐𐴢 𐴀𐴥𐴡𐴑𐴧𐴡𐴓 𐴁𐴠𐴐𐴤𐴞 𐴀𐴥𐴟𐴣𐴐𐴞𐴘𐴝𐴌𐴞𐴌 𐴏𐴥𐴝𐴣𐴀𐴝𐴃𐴠 𐴏𐴡𐴓𐴝 𐴉𐴥𐴞𐴌𐴝 𐴒𐴡𐴌𐴥𐴡𐴕𐴠 𐴀𐴝𐴌 𐴇𐴥𐴝𐴔𐴞𐴐𐴤𐴝 𐴀𐴥𐴡𐴎𐴝𐴑 𐴃𐴤𐴝𐴑𐴤𐴡𐴀𐴡𐴕𐴠 𐴇𐴡𐴕𐴥𐴝 𐴑𐴞𐴘𐴥𐴝 𐴓𐴟𐴏𐴧𐴝 𐴕𐴡𐴀𐴡 𐴀𐴥𐴡𐴀𐴡 , 𐴑𐴤𐴠𐴃𐴞 𐴈𐴡𐴓𐴝 𐴀𐴥𐴡𐴑𐴧𐴡𐴓 𐴋𐴡𐴣𐴀𐴡𐴌 𐴋𐴡𐴣𐴀𐴡𐴌 𐴑𐴤𐴟𐴣𐴐𐴢 𐴓𐴡𐴘 𐴀𐴥𐴟𐴣𐴌𐴞 𐴔𐴝𐴌𐴞 𐴏𐴠𐴄𐴧𐴤𐴝 𐴒𐴡𐴌𐴥𐴞 𐴊𐴞𐴘𐴠 , 𐴀𐴠 𐴁𐴡𐴏𐴥𐴡𐴌 𐴇𐴥𐴝𐴓𐴡𐴃 𐴀𐴝𐴌𐴀𐴥𐴡 𐴁𐴠𐴐𐴤𐴞 𐴈𐴥𐴡𐴌𐴝𐴁 , 𐴀𐴥𐴝𐴓 𐴐𐴝𐴐𐴢 𐴒𐴡𐴙𐴃𐴧𐴤𐴠 𐴀𐴥𐴟𐴊𐴧𐴝 𐴔𐴝𐴕𐴥𐴟𐴙𐴐𐴢 𐴔𐴡𐴐𐴑𐴞𐴓𐴡𐴃 𐴉𐴡𐴌𐴞 𐴒𐴞𐴘𐴥𐴡𐴘 𐴱𐴱

Sources : burmese.narinjara.com