𐴀𐴝𐴏𐴞𐴘𐴠𐴕𐴡𐴌 𐴈𐴥𐴝𐴏𐴢 𐴕𐴡𐴔𐴝𐴙𐴕𐴊𐴝 𐴇𐴥𐴝𐴣𐴃𐴧𐴗𐴝 𐴏𐴞𐴘𐴝𐴏𐴞 𐴉𐴝𐴄𐴞 𐴓𐴡𐴘 𐴊𐴡𐴓𐴝 𐴀𐴥𐴡𐴘𐴧𐴠 𐴱𐴱

𐴃𐴞𐴕 𐴊𐴞𐴕𐴧𐴙𐴝 𐴏𐴥𐴡𐴉𐴡𐴌𐴡𐴌 𐴄𐴝𐴙𐴔 𐴓𐴡𐴘 𐴁𐴡𐴌𐴔𐴥𐴝𐴃 𐴀𐴝𐴙𐴐𐴧𐴤𐴙𐴠𐴊𐴠 , 𐴀𐴝𐴏𐴞𐴘𐴠𐴕𐴡𐴌 𐴈𐴥𐴝𐴏𐴢 𐴏𐴥𐴡𐴉𐴞𐴌 , 𐴑𐴡𐴔𐴁𐴤𐴡𐴋𐴞𐴘𐴝𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 / 𐴂𐴡𐴌𐴥𐴝𐴑 𐴏𐴡𐴑𐴤𐴟𐴕 , 𐴀𐴝𐴙𐴅𐴧𐴙𐴝 𐴁𐴞𐴀𐴞𐴕𐴧𐴝 𐴇𐴥𐴝𐴣𐴃𐴧𐴗𐴝 𐴏𐴞𐴘𐴝𐴏𐴞 𐴉𐴝𐴄𐴞𐴌 𐴕𐴡𐴔𐴝𐴙𐴕𐴊𐴝 𐴓𐴡𐴘 𐴊𐴡𐴓𐴝 𐴀𐴥𐴡𐴘 𐴔𐴡𐴐𐴖𐴝𐴌𐴝 𐴒𐴡𐴙𐴅𐴧𐴤𐴙𐴠 𐴱𐴱

𐴀𐴠 𐴇𐴥𐴝𐴣𐴃 𐴉𐴝𐴄𐴞 𐴀𐴝𐴏𐴥𐴠𐴊𐴠 𐴋𐴞𐴐𐴄𐴤𐴞𐴑 𐴀𐴥𐴡𐴑𐴧𐴡𐴓𐴡𐴃 , 𐴀𐴠𐴈𐴥𐴡𐴕𐴡𐴌 𐴏𐴞𐴘𐴝𐴏𐴞 𐴇𐴥𐴝𐴓𐴡𐴃 𐴀𐴝𐴌 𐴀𐴠𐴈𐴥𐴡𐴕 𐴏𐴡𐴓𐴠𐴌𐴊𐴧𐴠 𐴀𐴞𐴏𐴝𐴕𐴞𐴘𐴡𐴃𐴞𐴌 𐴇𐴥𐴝𐴓𐴡𐴃𐴡𐴌 𐴁𐴝𐴁𐴡𐴃𐴠 , 𐴀𐴝𐴌 𐴓𐴝𐴌𐴥𐴝𐴘 𐴁𐴡𐴕 𐴒𐴡𐴌𐴥𐴝 𐴏𐴟𐴑𐴃𐴞 𐴕𐴝𐴔𐴝 ( 𐴀𐴠𐴕 𐴏𐴞 𐴀𐴠 ) 𐴌 𐴇𐴥𐴝𐴓𐴡𐴃𐴡𐴌 𐴁𐴝𐴁𐴡𐴃𐴠 , 𐴀𐴝𐴌 𐴁𐴡𐴌𐴔𐴥𐴝𐴌 𐴀𐴠𐴈𐴥𐴡𐴕𐴡𐴌 𐴇𐴥𐴝𐴓𐴡𐴃𐴡𐴌𐴠 𐴀𐴝𐴏𐴝𐴕 𐴁𐴝𐴕𐴝𐴘𐴁𐴤𐴝𐴌 𐴁𐴝𐴁𐴡𐴃𐴠 𐴀𐴝𐴌 𐴊𐴠𐴐𐴤𐴡𐴃 𐴐𐴤𐴝𐴕𐴃𐴞 𐴁𐴝𐴌𐴥𐴝𐴘𐴁𐴤𐴝𐴌 𐴁𐴝𐴁𐴡𐴃𐴠 𐴔𐴡𐴐𐴖𐴝𐴌𐴝 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 , 𐴑𐴡𐴔𐴁𐴤𐴡𐴋𐴞𐴘𐴝𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴐𐴤𐴡𐴕𐴞 𐴁𐴝𐴌𐴠 𐴕𐴠𐴀𐴠𐴓𐴝𐴘𐴧𐴥𐴠𐴊𐴠 𐴀𐴠𐴏𐴄𐴦𐴠𐴙𐴄𐴔𐴥𐴠𐴕𐴡𐴃 𐴓𐴠𐴙𐴑𐴧𐴤𐴙𐴠 𐴱𐴱

𐴊𐴟𐴕𐴥𐴞 𐴃𐴡𐴌𐴉𐴠 𐴔𐴟𐴓 𐴀𐴞𐴐𐴤𐴟𐴌 𐴖𐴡𐴌𐴠 𐴁𐴠𐴐𐴤𐴞 𐴑𐴤𐴟𐴓𐴝 𐴁𐴤𐴝𐴉𐴠 𐴈𐴡𐴃𐴤𐴝 𐴈𐴟𐴖𐴝 𐴈𐴡𐴀𐴡𐴘 𐴒𐴡𐴌𐴥𐴞 𐴔𐴡𐴐𐴖𐴝𐴌𐴝 𐴒𐴡𐴙𐴅𐴧𐴤𐴙𐴠 , 𐴀𐴝𐴌 𐴁𐴡𐴌𐴔𐴥𐴝𐴃 𐴔𐴟𐴀𐴟𐴔𐴧𐴞𐴑𐴧𐴤𐴙𐴝 𐴐𐴤𐴝𐴕𐴃𐴞 𐴁𐴝𐴌𐴥𐴞 𐴎𐴝𐴘𐴁𐴡𐴓𐴧𐴥𐴝 𐴀𐴝𐴏𐴞𐴘𐴠𐴕𐴡𐴌 𐴉𐴝𐴣𐴏𐴧𐴥𐴝𐴕 𐴌𐴝𐴎𐴞 𐴀𐴥𐴡𐴘𐴧𐴝 𐴐𐴡𐴌𐴥𐴡𐴃 𐴐𐴤𐴡𐴣𐴀𐴡 𐴀𐴝𐴏𐴞𐴘𐴠𐴕𐴡𐴌 𐴈𐴥𐴝𐴏𐴢 𐴕𐴡𐴔𐴝𐴙𐴕𐴊𐴝𐴌 𐴎𐴡𐴌𐴟𐴌𐴞 𐴀𐴞𐴐𐴤𐴟𐴌 𐴖𐴡𐴌𐴠 𐴘𐴥𐴡 𐴔𐴡𐴐𐴖𐴝𐴌𐴝 𐴒𐴡𐴙𐴅𐴧𐴤𐴙𐴠 𐴱𐴱

𐴀𐴝𐴏𐴞𐴘𐴠𐴕𐴡𐴌 𐴈𐴥𐴝𐴏𐴢 𐴕𐴡𐴔𐴝𐴙𐴕𐴊𐴝 𐴓𐴡𐴘 𐴊𐴡𐴓𐴝 𐴀𐴥𐴡𐴘 𐴔𐴡𐴐𐴖𐴝𐴌𐴝 𐴒𐴡𐴙𐴅𐴧𐴤𐴙𐴠𐴊𐴠 𐴉𐴝𐴄𐴞 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴡𐴌𐴃𐴧𐴟 , 𐴘𐴟 𐴀𐴠𐴏𐴢 𐴋𐴞 𐴂𐴞 , 𐴀𐴝𐴌 𐴊𐴟𐴖𐴧𐴥𐴝 𐴔𐴡𐴒𐴤𐴡𐴌 𐴉𐴝𐴄𐴞 ,𐴀𐴝𐴌 𐴑𐴠𐴙𐴏𐴧𐴥𐴟 𐴊𐴠𐴐𐴤𐴡𐴙𐴃𐴧𐴝 𐴈𐴡𐴔 𐴐𐴤𐴡𐴙𐴚𐴒𐴙𐴝 𐴑𐴡𐴗𐴔𐴡𐴌 𐴉𐴝𐴄𐴞 𐴀𐴝𐴏𐴥𐴠 , 𐴀𐴝𐴏𐴞𐴘𐴠𐴕𐴡𐴌 𐴈𐴥𐴝𐴏𐴢 𐴕𐴡𐴔𐴝𐴙𐴕𐴊𐴝 𐴀𐴥𐴞𐴏𐴝𐴉𐴠 𐴰 𐴲 𐴰 𐴲 𐴐𐴤𐴡𐴕𐴡𐴃 𐴁𐴤𐴟𐴍𐴡𐴃 𐴎𐴞𐴃𐴧𐴤𐴠𐴊𐴠 ( 𐴀𐴠𐴕 𐴀𐴠𐴓 𐴋𐴞 ) 𐴉𐴝𐴄𐴞 𐴓𐴡𐴘 𐴊𐴡𐴓𐴝 𐴀𐴥𐴡𐴘 𐴉𐴝𐴙𐴅𐴧𐴤𐴙𐴠 𐴕𐴠 𐴕𐴥𐴝𐴑𐴞 𐴕𐴡𐴀𐴡 𐴉𐴝𐴌𐴠 𐴈𐴥𐴡𐴁𐴡𐴌 𐴉𐴝𐴀𐴝 𐴕𐴥𐴡 𐴎𐴝𐴀𐴝 𐴱𐴱

𐴎𐴝𐴣𐴀𐴝 𐴇𐴥𐴡𐴑 𐴕𐴠 𐴂𐴙𐴠 𐴋𐴦𐴡𐴌 𐴎𐴞𐴘𐴡𐴓𐴡𐴃 𐴁𐴡𐴕 𐴀𐴝𐴏𐴥𐴠𐴊𐴠 𐴊𐴠𐴐𐴤𐴡𐴌 𐴔𐴡𐴐𐴖𐴝𐴌𐴝 𐴊𐴝𐴃𐴝 / 𐴋𐴦𐴡 𐴀𐴡𐴗𐴚 𐴏𐴥𐴠𐴕 𐴏𐴥𐴟𐴆𐴞 𐴓𐴡𐴘 𐴊𐴡𐴓𐴝 𐴀𐴥𐴡𐴘𐴁𐴡𐴓𐴧𐴥𐴝 𐴑𐴟𐴐𐴤𐴞𐴐𐴢 𐴒𐴡𐴙𐴅𐴧𐴤𐴙𐴠𐴊𐴠 𐴘𐴥𐴝𐴀𐴝𐴕 𐴎𐴝𐴕𐴝 𐴒𐴞𐴘𐴠 , 𐴆𐴞𐴕𐴝𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 / 𐴖𐴠𐴕 𐴅𐴞𐴀𐴝 𐴁𐴝𐴀𐴡𐴌 𐴏𐴥𐴡𐴊𐴧𐴝𐴌𐴞𐴃 , 𐴂𐴝𐴒𐴝𐴕 𐴐𐴤𐴡𐴀𐴡𐴌𐴡𐴃 𐴀𐴝𐴙𐴅𐴧𐴙𐴝 𐴀𐴥𐴡𐴘𐴧𐴠𐴊𐴠 𐴔𐴥𐴠 𐴑𐴡𐴗𐴚 𐴔𐴞𐴄𐴤𐴞𐴚𐴡𐴃 𐴔𐴝𐴎𐴠 𐴘𐴥𐴡 , 𐴀𐴝𐴏𐴞𐴘𐴠𐴕𐴡𐴌 𐴈𐴥𐴝𐴏𐴢 𐴕𐴡𐴔𐴝𐴙𐴕𐴊𐴝 , 𐴑𐴡𐴔𐴁𐴤𐴡𐴋𐴞𐴘𐴝𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 𐴇𐴥𐴝𐴎𐴞𐴌 𐴀𐴥𐴡𐴘𐴧𐴠 𐴱𐴱

Sources : burmese.voanews.com