𐴌𐴟𐴇𐴝𐴙𐴚𐴒𐴙𐴝 𐴀𐴠𐴑 𐴎𐴡𐴕𐴠 𐴀𐴠𐴕 𐴅𐴞 𐴀𐴡𐴌 𐴔𐴝𐴐𐴄𐴡𐴌𐴕𐴞 𐴀𐴠𐴑 𐴎𐴡𐴕𐴡𐴌𐴥𐴠 𐴑𐴟𐴉𐴝𐴘𐴧𐴥𐴠 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴀𐴟𐴑𐴤𐴞𐴘𐴝 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 , 𐴌𐴟𐴇𐴝𐴙𐴚𐴒𐴙𐴝 𐴈𐴡𐴙𐴆𐴧𐴙𐴝 𐴉𐴟𐴖𐴝 𐴀𐴠𐴑 𐴎𐴡𐴕𐴠 , 𐴀𐴠𐴕 𐴅𐴞 𐴀𐴡 𐴔𐴟𐴑𐴃𐴞 𐴑𐴝𐴑𐴏𐴡 𐴁𐴝𐴎𐴝𐴌𐴡𐴌 𐴓𐴥𐴝𐴕𐴞𐴚 𐴏𐴠𐴕𐴄𐴝𐴌𐴡𐴌 ( 𐴐𐴤𐴞𐴑𐴧𐴝 𐴒𐴤𐴡𐴌𐴡𐴌 ) 𐴈𐴝𐴔 𐴒𐴡𐴌𐴥𐴡𐴙𐴕𐴧𐴝 𐴔𐴝𐴐𐴄𐴡𐴌𐴕𐴞 𐴀𐴠𐴑 𐴎𐴡𐴕𐴡𐴌𐴥𐴠 , 𐴀𐴝𐴎𐴧𐴗𐴝 𐴃𐴝𐴎𐴧𐴗𐴝 𐴑𐴟𐴉𐴝𐴘 𐴁𐴠𐴐𐴤𐴞 𐴊𐴡𐴌𐴥𐴡 𐴒𐴤𐴝𐴙𐴓 𐴒𐴡𐴙𐴅𐴧𐴤𐴙𐴠 𐴱𐴱

𐴔𐴡𐴚𐴒𐴡𐴓 𐴁𐴝𐴌𐴠 𐴁𐴞𐴀𐴞𐴕𐴧𐴝 𐴀𐴡𐴕𐴟 𐴔𐴝𐴕𐴞𐴑 𐴐𐴤𐴟𐴖𐴝 𐴊𐴡𐴐𐴢 𐴁𐴝𐴎𐴠( 𐴵 𐴱 : 𐴰 𐴱) 𐴲 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴖𐴥𐴠𐴏𐴄𐴡𐴌(𐴉𐴡𐴏𐴥𐴞𐴔𐴡𐴌 ) 𐴸 𐴱 𐴓𐴡𐴔𐴁𐴤𐴡𐴌 𐴓𐴥𐴝𐴕𐴞𐴚 𐴏𐴠𐴕𐴄𐴝𐴌𐴡𐴃 , 𐴒𐴤𐴡𐴄𐴡𐴕𐴝 𐴘𐴝𐴀𐴝𐴕 𐴒𐴤𐴡𐴙𐴄𐴧𐴙𐴠 𐴊𐴠 , 𐴑𐴟𐴉𐴝 𐴈𐴥𐴝𐴘𐴧𐴠𐴊𐴠 𐴔𐴝𐴐𐴄𐴡𐴌𐴕𐴞𐴌 𐴕𐴝𐴔 / 𐴋𐴠 𐴀𐴞𐴎𐴞 𐴁𐴡𐴍𐴗𐴝 𐴱𐴱

𐴔𐴟𐴑𐴃𐴞 𐴑𐴝𐴑𐴏𐴡 𐴁𐴝𐴎𐴝𐴌𐴡𐴌 ( 𐴏𐴞 𐴀𐴞 𐴀𐴡 ) 𐴀𐴝𐴔𐴠𐴓𐴝 𐴑𐴡𐴔𐴞𐴄𐴤𐴞𐴌 𐴁𐴡𐴌𐴡 / 𐴁𐴞𐴔𐴡𐴓 𐴏𐴡𐴕𐴊𐴡𐴌𐴡 𐴊𐴠 𐴏𐴥𐴡𐴌𐴑𐴝𐴌𐴠 𐴈𐴡𐴘𐴧𐴠𐴊𐴠 , 𐴕𐴞𐴐𐴤𐴝 𐴑𐴤𐴟𐴌 𐴌𐴟𐴇𐴝𐴙𐴚𐴒𐴙𐴝 𐴈𐴡𐴙𐴆𐴧𐴙𐴝 𐴉𐴟𐴖𐴝 𐴀𐴠𐴑 𐴎𐴡𐴕 𐴇𐴥𐴡𐴄𐴝𐴃 𐴀𐴝𐴃𐴤𐴞𐴑𐴧𐴙𐴝 , 𐴐𐴤𐴞𐴑𐴧𐴤𐴝 𐴏𐴠𐴕𐴄𐴝𐴌𐴡𐴌 𐴁𐴤𐴟𐴃𐴡𐴌𐴠 𐴒𐴤𐴡𐴓𐴞 𐴔𐴝𐴐𐴄𐴡𐴌𐴕𐴞/ 𐴋𐴠 𐴀𐴞𐴎𐴞 𐴌𐴥𐴠 𐴀𐴦𐴡𐴓𐴝 𐴉𐴝𐴃𐴤𐴝𐴌𐴞 𐴑𐴟𐴉𐴝 𐴐𐴤𐴟𐴌𐴟 𐴒𐴡𐴙𐴅𐴧𐴤𐴙𐴠 𐴱𐴱

𐴀𐴥𐴠 𐴀𐴡𐴑𐴃𐴤𐴡𐴃 𐴀𐴝𐴐𐴠 𐴉𐴝𐴐𐴤𐴠𐴌 𐴔𐴝𐴕𐴥𐴟𐴙𐴐𐴢 𐴀𐴟𐴎𐴝𐴘 𐴀𐴝𐴀𐴝𐴘 𐴀𐴥𐴞𐴁𐴤𐴝𐴌𐴠 𐴁𐴝𐴏𐴝𐴘 𐴓𐴡𐴀𐴡𐴘 𐴀𐴠𐴑𐴤𐴡𐴔𐴠 𐴀𐴟𐴑𐴤𐴞𐴘𐴝𐴌 𐴑𐴟𐴃𐴤𐴟𐴉𐴝𐴓𐴡𐴚𐴌 𐴀𐴠𐴔 𐴀𐴠𐴏𐴢 𐴀𐴠𐴉𐴡𐴌 𐴇𐴥𐴝𐴐𐴉𐴝𐴃𐴝𐴓𐴡𐴃 𐴁𐴤𐴡𐴃𐴧𐴞 𐴒𐴡𐴌𐴥𐴝𐴘𐴧𐴠 , 𐴀𐴥𐴠𐴍𐴠 𐴀𐴝𐴁𐴡𐴏𐴃𐴤𐴝 𐴄𐴤𐴞𐴑 𐴕𐴡 𐴀𐴥𐴡𐴀𐴡𐴕𐴠 , 𐴒𐴤𐴝𐴙𐴓 𐴀𐴥𐴡𐴘𐴧𐴝 𐴔𐴝𐴐𐴄𐴡𐴌𐴕𐴞 𐴀𐴥𐴞𐴁𐴤𐴝𐴌𐴠 𐴑𐴝𐴑𐴏𐴡 𐴁𐴝𐴎𐴝𐴌 𐴏𐴥𐴡𐴊𐴡𐴌 𐴇𐴥𐴝𐴐𐴉𐴝𐴃𐴝𐴓𐴡𐴃 𐴉𐴡𐴣𐴀𐴡𐴏𐴝𐴘 𐴊𐴞𐴘𐴠 𐴱𐴱

𐴀𐴥𐴞𐴁𐴤𐴝 𐴘𐴠 𐴀𐴝𐴌𐴀𐴥𐴡 𐴈𐴡𐴘𐴧𐴠𐴊𐴠 𐴔𐴦𐴝𐴔𐴠𐴓𐴝 𐴀𐴥𐴡𐴘 𐴔𐴡𐴕𐴃𐴡𐴌 𐴒𐴤𐴡𐴄𐴡𐴕𐴝𐴌 𐴁𐴝𐴁𐴡𐴃𐴠 , 𐴀𐴥𐴠 𐴑𐴠𐴀𐴠𐴔 𐴀𐴞𐴕𐴆𐴤𐴝𐴏𐴡 𐴌𐴥𐴠 𐴎𐴝𐴕𐴝𐴘 𐴌𐴝𐴑𐴤𐴝 𐴒𐴞𐴘𐴠 , 𐴔𐴟𐴑𐴃𐴞 𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴕 𐴅𐴞 𐴀𐴡𐴌 𐴃𐴡𐴌𐴉𐴥𐴡𐴌𐴃𐴧𐴟 𐴈𐴝𐴍𐴝 𐴈𐴥𐴝𐴘𐴧𐴝 𐴔𐴝𐴐𐴄𐴡𐴌𐴕𐴞𐴌 𐴀𐴠𐴓𐴝𐴅 𐴒𐴡𐴌𐴥𐴝 𐴎𐴝𐴀𐴝𐴌 𐴊𐴠 𐴘𐴥𐴝𐴀𐴝𐴕 𐴈𐴥𐴝𐴄𐴞 , 𐴑𐴠𐴙𐴏𐴢 𐴘𐴝𐴀𐴝𐴕𐴡𐴌 𐴉𐴥𐴝𐴙𐴓 𐴁𐴝𐴕𐴝𐴘 𐴖𐴡𐴌𐴠 𐴃𐴟𐴓𐴥𐴞 𐴊𐴞𐴘𐴝 𐴒𐴞𐴘𐴠 𐴱𐴱

𐴑𐴤𐴟𐴕𐴞 𐴀𐴝𐴐𐴤𐴝𐴔𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴞𐴁𐴤𐴝 𐴌𐴥𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 , 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴌 𐴕𐴞𐴌𐴝𐴉𐴡𐴃𐴧𐴝𐴌 𐴎𐴞𐴔𐴧𐴝𐴊𐴝𐴌 , 𐴴 𐴱 𐴓𐴡𐴔𐴁𐴤𐴡𐴌𐴀𐴥𐴝𐴣𐴃𐴞𐴘𐴝𐴌𐴞 𐴉𐴟𐴓𐴞𐴐𐴢 𐴁𐴠𐴄𐴤𐴠𐴓𐴞𐴘𐴠𐴕 𐴉𐴟𐴓𐴞𐴐𐴡𐴌 𐴁𐴡𐴌𐴡 / 𐴕𐴡𐴀𐴞𐴔𐴟𐴓 𐴇𐴥𐴡𐴑𐴠 𐴈𐴡𐴘𐴧𐴠 , 𐴕𐴞𐴐𐴤𐴝 𐴑𐴤𐴟𐴌 𐴉𐴟𐴖𐴝 𐴀𐴥𐴞𐴁𐴤𐴝 𐴘𐴠 𐴀𐴠𐴑𐴤𐴡𐴔𐴠 𐴃𐴝𐴌 𐴁𐴡𐴖𐴧𐴡 𐴌𐴥𐴠 𐴉𐴞𐴍𐴞 𐴁𐴦𐴝𐴊𐴠 𐴒𐴤𐴡𐴌𐴡𐴃𐴧𐴟 𐴕𐴠𐴀𐴠𐴓𐴞 𐴔𐴝𐴐𐴄𐴡𐴌𐴕𐴞 𐴌𐴥𐴠 𐴑𐴟𐴉𐴝𐴘𐴧𐴥𐴠 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴠 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴏𐴥𐴡𐴊𐴡𐴌 𐴇𐴥𐴝𐴐𐴉𐴝𐴃𐴝𐴓𐴡𐴌 𐴀𐴠𐴓𐴝𐴅 𐴋𐴞𐴂𐴝𐴌𐴔𐴥𐴠𐴕𐴡𐴌 𐴀𐴡𐴉𐴞𐴏𐴥𐴝𐴌 ( 𐴀𐴝𐴌 𐴀𐴠𐴔 𐴀𐴡 ) 𐴀𐴝𐴐𐴞𐴑𐴟𐴌 𐴌𐴝𐴇𐴔𐴝𐴕𐴠 𐴈𐴘𐴧𐴠𐴊𐴠 , 𐴔𐴝𐴐𐴄𐴡𐴌𐴕𐴞𐴌 𐴄𐴤𐴠𐴚 , 𐴔𐴝𐴃𐴤𐴝 𐴐𐴤𐴡𐴣𐴀𐴡 𐴒𐴦𐴝𐴌 𐴁𐴞𐴁𐴤𐴞𐴕𐴧𐴡 𐴎𐴝𐴒𐴝𐴃 𐴁𐴠𐴐𐴤𐴞 𐴊𐴡𐴌𐴥𐴡 𐴎𐴡𐴈𐴥𐴡𐴔 𐴀𐴥𐴡𐴘𐴧𐴠 , 𐴇𐴥𐴝𐴓𐴡𐴃𐴡𐴌 𐴁𐴝𐴁𐴡𐴃𐴠 𐴀𐴠𐴈𐴥𐴡𐴕 𐴀𐴥𐴡 𐴄𐴤𐴑 𐴒𐴡𐴌𐴥𐴞 𐴈𐴗𐴝 𐴕𐴡 𐴎𐴝𐴀𐴝𐴌 𐴱𐴱

Sources : Ukhiyanews.com