𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴐𐴤𐴡𐴕𐴃𐴡𐴌𐴝𐴐𐴤𐴞𐴌 𐴒𐴟𐴓𐴞 𐴘𐴠 𐴌𐴟𐴇𐴝𐴙𐴚𐴒𐴙𐴝 𐴀𐴠𐴑 𐴎𐴡𐴕𐴡𐴌 𐴔𐴡𐴗𐴃 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴀𐴟𐴑𐴤𐴞𐴘𐴝𐴌 𐴁𐴝𐴓𐴟𐴈𐴥𐴝𐴓𐴞 𐴑𐴠𐴀𐴠𐴔𐴡𐴃 , 𐴈𐴥𐴡𐴌𐴝𐴁 𐴔𐴝𐴙𐴕𐴐𐴤𐴡𐴌 𐴒𐴟𐴓𐴞𐴌 𐴎𐴡𐴌𐴞𐴘𐴝 , 𐴲 𐴴 𐴁𐴡𐴏𐴥𐴡𐴌 𐴁𐴡𐴐𐴢 𐴀𐴡𐴓𐴝 𐴔𐴟𐴇𐴝𐴔𐴧𐴡𐴊 𐴐𐴝𐴇 𐴕𐴝𐴔𐴡𐴌 , 𐴌𐴟𐴇𐴝𐴚 𐴊𐴠𐴐𐴤𐴡𐴌 𐴕𐴝𐴒𐴡𐴌𐴥𐴞𐴑 𐴌𐴟𐴇𐴝𐴙𐴚𐴒𐴙𐴝 𐴀𐴠𐴑 𐴎𐴡𐴕𐴡𐴌 𐴔𐴡𐴗𐴃 𐴀𐴥𐴡𐴘𐴧𐴠 𐴱𐴱

𐴁𐴟𐴙𐴃 𐴁𐴝𐴌𐴠 𐴀𐴥𐴝𐴣𐴎𐴡𐴙𐴕𐴧𐴝 𐴀𐴥𐴝𐴀𐴝𐴌𐴡 𐴉𐴝𐴣𐴏𐴢 𐴁𐴝𐴎𐴠 , 𐴁𐴝𐴓𐴟𐴈𐴥𐴝𐴓𐴞𐴌 𐴔𐴡𐴊𐴤𐴟𐴌 𐴏𐴥𐴡𐴌𐴝𐴌 𐴀𐴠𐴓𐴝𐴑𐴝𐴌 𐴷 𐴱 𐴓𐴡𐴔𐴁𐴤𐴡𐴌 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴒𐴤𐴡𐴄𐴡𐴕𐴝 𐴘𐴝𐴀𐴝𐴕 𐴒𐴤𐴡𐴙𐴄𐴧𐴙𐴠𐴊𐴠 , 𐴔𐴡𐴌𐴞 𐴒𐴞𐴘𐴥𐴡𐴘𐴊𐴠 𐴔𐴟𐴇𐴝𐴔𐴧𐴡𐴊 𐴐𐴝𐴇𐴢 𐴔𐴡𐴊𐴤𐴟𐴌 𐴏𐴥𐴡𐴌𐴝 𐴀𐴠𐴓𐴝𐴑𐴝𐴌 𐴷 𐴱 𐴓𐴡𐴔𐴁𐴤𐴡𐴌 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴃𐴤𐴝𐴑𐴠𐴊𐴠 𐴀𐴠𐴑 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴱𐴱

𐴔𐴝𐴕𐴟𐴙𐴐𐴢 𐴀𐴥𐴞𐴁𐴤𐴝 𐴀𐴥𐴡𐴊𐴡𐴊𐴤𐴠 𐴀𐴥𐴠 𐴑𐴠𐴀𐴠𐴔𐴡𐴃 𐴃𐴤𐴝𐴑𐴞𐴃𐴤𐴡𐴊𐴤𐴠 𐴔𐴡𐴌𐴇𐴦𐴟𐴔 𐴀𐴝𐴁𐴊𐴟𐴓 𐴀𐴝𐴓𐴞𐴌 𐴉𐴟𐴖𐴝 , 𐴔𐴡𐴌𐴞 𐴒𐴞𐴘𐴥𐴡𐴘𐴊𐴠 𐴌𐴟𐴇𐴝𐴙𐴚𐴒𐴙𐴝 𐴔𐴟𐴇𐴝𐴔𐴧𐴡𐴊 𐴐𐴝𐴇𐴀𐴝𐴌 𐴁𐴡𐴖 / 𐴏𐴦𐴝𐴅𐴠𐴊𐴝 𐴁𐴠𐴒𐴡𐴔 𐴓𐴡𐴘 , 𐴑𐴝𐴑𐴏𐴡 𐴁𐴝𐴎𐴝𐴌𐴡𐴌 𐴏𐴥𐴡𐴊𐴡𐴌 𐴇𐴥𐴝𐴐𐴉𐴝𐴃𐴝𐴓𐴡𐴌 𐴌𐴠𐴂𐴟𐴄𐴝𐴌 𐴀𐴥𐴡𐴑𐴧𐴡𐴓𐴠 𐴈𐴡𐴃𐴤𐴝 𐴈𐴡𐴘𐴧𐴠 𐴱𐴱

𐴌𐴠𐴂𐴟𐴄𐴝𐴌𐴡 𐴌𐴥𐴠 𐴁𐴡𐴖𐴧𐴠 𐴈𐴡𐴘𐴧𐴠𐴊𐴠 , 𐴒𐴤𐴡𐴌𐴡𐴌 𐴁𐴤𐴟𐴃𐴡𐴌𐴠 𐴕𐴦𐴠𐴄𐴖𐴥𐴝𐴑 𐴕𐴡 𐴃𐴤𐴝𐴑𐴡𐴕𐴡𐴌 𐴈𐴝𐴌𐴡𐴕𐴠 , 𐴔𐴟𐴁𐴦𐴝𐴙𐴓𐴡𐴃 𐴈𐴡𐴃𐴤𐴝 𐴈𐴡𐴘𐴁𐴤𐴡𐴓𐴧𐴝 , 𐴒𐴤𐴡𐴌𐴡𐴌 𐴁𐴤𐴟𐴃𐴡𐴌𐴃𐴧𐴟 𐴕𐴠𐴀𐴠𐴓𐴞 𐴁𐴝𐴀𐴝𐴌𐴠 , 𐴀𐴠𐴑𐴧𐴤𐴝𐴕 𐴋𐴤𐴝𐴑𐴡𐴌 𐴊𐴟𐴖𐴝𐴕𐴡𐴃 𐴒𐴞𐴘𐴠 , 𐴀𐴥𐴠𐴃𐴡𐴑𐴧𐴤𐴡𐴕𐴡𐴃 𐴇𐴥𐴡𐴄𐴝𐴃 𐴒𐴡𐴌𐴥𐴞 𐴑𐴠𐴙𐴏𐴧𐴥𐴟 𐴀𐴡𐴏𐴞𐴕𐴧𐴡 𐴔𐴝𐴕𐴥𐴟𐴙𐴐𐴢 𐴀𐴝𐴀𐴝𐴘 𐴒𐴟𐴓𐴞 𐴔𐴝𐴌𐴞 𐴊𐴤𐴝𐴘 𐴒𐴞𐴘𐴥𐴡𐴘 𐴱𐴱

𐴁𐴦𐴝𐴊𐴠 𐴀𐴠𐴒𐴠𐴕𐴝 𐴒𐴟𐴐𐴧𐴤𐴞 𐴀𐴥𐴡𐴑𐴧𐴡𐴓𐴠 , 𐴀𐴥𐴞𐴃𐴝𐴌𐴠 𐴊𐴤𐴡𐴌𐴝 𐴊𐴤𐴡𐴌𐴞 𐴒𐴡𐴌𐴥𐴞 𐴎𐴡𐴈𐴥𐴡𐴔𐴡𐴌 𐴇𐴥𐴝𐴓𐴡𐴃𐴡𐴃 , 𐴑𐴝𐴑𐴏𐴡 𐴁𐴝𐴎𐴝𐴌 𐴏𐴥𐴡𐴊𐴡𐴌 𐴇𐴥𐴝𐴐𐴉𐴝𐴃𐴝𐴓𐴡𐴃 𐴉𐴡𐴣𐴀𐴡𐴏𐴝𐴘𐴧𐴠 , 𐴉𐴡𐴌𐴠 𐴋𐴝𐴑𐴄𐴡𐴌 𐴀𐴥𐴡𐴑𐴧𐴡𐴓𐴠 𐴏𐴠𐴑 𐴒𐴡𐴌𐴥𐴞 𐴏𐴝𐴀𐴝𐴘 𐴔𐴡𐴌𐴞 𐴒𐴞𐴘𐴥𐴡𐴘 𐴁𐴡𐴓𐴞 𐴈𐴡𐴘𐴧𐴠 𐴱𐴱

Sources : Ukhiyanews.com