𐴀𐴠𐴑 𐴓𐴝𐴑𐴡𐴌 𐴖𐴡𐴌𐴠 𐴌𐴟𐴇𐴝𐴙𐴚𐴒𐴙𐴝 𐴉𐴟𐴖𐴝𐴙𐴕𐴊𐴤𐴡𐴌𐴠 𐴑𐴡𐴁𐴤𐴞𐴋-𐴹 𐴱 𐴁𐴞𐴘𐴝𐴌𐴝𐴔𐴡𐴌 𐴄𐴞𐴑𐴝 𐴓𐴝𐴒𐴝𐴘𐴧𐴠 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴑𐴠𐴀𐴠𐴔𐴡𐴃 𐴃𐴤𐴝𐴑𐴠𐴊𐴠 , 𐴰 𐴰 𐴰 𐴰 𐴱 𐴱 𐴀𐴠𐴑 𐴓𐴝𐴑 𐴊𐴡𐴐𐴢 𐴇𐴥𐴝𐴎𐴝𐴌𐴡𐴌𐴃𐴧𐴟 𐴁𐴤𐴝𐴌𐴡 𐴁𐴠𐴐𐴤𐴞 𐴌𐴟𐴇𐴝𐴙𐴚𐴒𐴙𐴝 𐴉𐴟𐴖𐴝𐴙𐴕 𐴀𐴝𐴌 𐴑𐴞𐴐𐴦𐴟𐴌 ( 𐴳 𐴱 -𐴹 𐴱 𐴁𐴡𐴏𐴥𐴡𐴌𐴡𐴌 𐴔𐴝𐴎𐴤𐴠 ) 𐴀𐴥𐴡𐴑𐴧𐴡𐴓𐴡𐴌𐴥𐴠 𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴟𐴔𐴡𐴃𐴠 , 𐴘𐴟 𐴀𐴠𐴕 𐴀𐴠𐴆 𐴏𐴞 𐴀𐴝𐴌 , 𐴋𐴝𐴁𐴓𐴙𐴟 𐴀𐴠𐴆 𐴀𐴡 , 𐴘𐴟 𐴀𐴠𐴕 𐴀𐴝𐴘 𐴏𐴞 𐴀𐴞 𐴀𐴠𐴉𐴢 , 𐴀𐴝𐴌 𐴀𐴥𐴡 𐴀𐴡𐴙𐴕𐴧𐴡 𐴀𐴞𐴕𐴏𐴦𐴝𐴕𐴞 𐴇𐴥𐴡𐴑𐴧𐴡𐴌 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓𐴡𐴌 𐴔𐴡𐴊𐴡𐴊 𐴓𐴡𐴘 𐴑𐴡𐴁𐴤𐴞𐴋-𐴹 𐴱 𐴁𐴞𐴘𐴝𐴌𐴝𐴔𐴡𐴌 𐴀𐴠𐴑𐴀𐴡𐴔 𐴄𐴞𐴑𐴝 𐴓𐴝𐴒𐴝𐴘𐴧𐴠 𐴱𐴱

𐴘𐴟 𐴀𐴠𐴕 𐴀𐴠𐴆 𐴏𐴞 𐴀𐴝𐴌𐴡𐴌 𐴁𐴝𐴚𐴓𐴝𐴊𐴠𐴐𐴤𐴡𐴌 𐴕𐴡𐴔𐴝𐴙𐴕𐴊𐴝 / 𐴅𐴟𐴇𐴝𐴕𐴠𐴏𐴢 𐴁𐴝𐴕𐴋𐴞𐴌𐴠 𐴈𐴡𐴘𐴧𐴠𐴊𐴠 ! 𐴊𐴟𐴕𐴞𐴘𐴝𐴘𐴌 𐴊𐴠𐴐𐴢 𐴀𐴥𐴡𐴑𐴧𐴡𐴓𐴡𐴌 𐴁𐴤𐴟𐴃𐴡𐴌𐴠 𐴁𐴝𐴚𐴓𐴝𐴊𐴠𐴐𐴢 𐴀𐴠𐴑𐴀𐴡𐴔 𐴊𐴠𐴐𐴢 , 𐴎𐴞𐴘𐴝𐴕𐴠 𐴌𐴞𐴉𐴟𐴎𐴞𐴌 𐴉𐴟𐴖𐴝𐴙𐴕 𐴀𐴝𐴌 𐴑𐴞𐴐𐴦𐴟𐴌 𐴀𐴥𐴡𐴑𐴧𐴡𐴓𐴡𐴌𐴥𐴠 𐴄𐴞𐴑𐴝 𐴓𐴝𐴒𐴝𐴘𐴧𐴠 𐴱𐴱

𐴘𐴝𐴀𐴝𐴕 , 𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴟𐴔𐴡𐴃𐴡𐴌 𐴃𐴡𐴌𐴉𐴡𐴌𐴃𐴧𐴟 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌𐴠 , 𐴁𐴞𐴑𐴏𐴞𐴕𐴥𐴠𐴐𐴠𐴕 𐴂𐴡𐴌𐴟𐴒𐴠𐴌𐴝𐴔𐴡𐴃 𐴒𐴤𐴡𐴓𐴝𐴀𐴡𐴕𐴧𐴝𐴕 𐴔𐴠𐴏𐴦𐴝𐴓𐴞 𐴉𐴡𐴓𐴡𐴏𐴞 𐴀𐴝𐴌 𐴏𐴠𐴇𐴠𐴃𐴡𐴌 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴡𐴌 𐴑𐴟𐴐𐴤𐴞𐴐𐴡𐴌𐴥𐴠 , 𐴁𐴠𐴐𐴤𐴞 𐴒𐴡𐴌𐴥𐴞 𐴃𐴝𐴌𐴞𐴉𐴢 𐴒𐴡𐴌𐴥𐴝 𐴉𐴡𐴌𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴔𐴝𐴙𐴓 𐴉𐴝𐴃𐴧𐴤𐴡𐴌 𐴱𐴱

𐴀𐴞𐴕𐴏𐴦𐴝𐴕𐴞 𐴇𐴥𐴡𐴑𐴧𐴡𐴌 𐴐𐴤𐴡𐴎𐴟𐴒𐴞𐴃𐴝𐴑𐴝𐴌 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴁𐴤𐴡𐴓𐴡𐴕𐴄𐴞𐴘𐴝𐴌 ( 𐴀𐴝𐴃𐴧𐴝 𐴑𐴤𐴟𐴐𐴞𐴘𐴠 𐴈𐴝𐴔 𐴒𐴡𐴌𐴥𐴡𐴙𐴕𐴧𐴝 ) 𐴁𐴠𐴒𐴧𐴤𐴟𐴕𐴡𐴌 𐴁𐴡𐴓𐴝𐴁𐴡𐴓𐴞 𐴒𐴡𐴙𐴅𐴧𐴤𐴙𐴝 𐴑𐴟𐴐𐴤𐴞𐴐𐴢 𐴓𐴡𐴘 𐴄𐴝𐴙𐴔𐴡𐴌 𐴖𐴡𐴌𐴠 𐴄𐴞𐴑𐴝 𐴓𐴝𐴒𐴝𐴘𐴧𐴝 𐴀𐴥𐴡𐴘𐴧𐴠 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱𐴱

𐴘𐴟 𐴀𐴠𐴕 𐴀𐴠𐴆 𐴏𐴞 𐴀𐴝𐴌𐴡𐴌 𐴀𐴠𐴑 𐴌𐴠𐴂𐴟𐴄 𐴔𐴡𐴎𐴞𐴕 , 𐴁𐴝𐴚𐴓𐴝𐴊𐴠𐴐𐴢 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴃𐴤𐴝𐴑𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌 𐴁𐴤𐴟𐴃𐴡𐴌𐴠 , 𐴀𐴝𐴊𐴤𐴝 𐴔𐴡𐴓𐴞𐴘𐴟𐴕𐴡𐴌 𐴃𐴟 𐴁𐴤𐴝𐴌𐴥𐴡 𐴁𐴠𐴐𐴤𐴞 𐴉𐴟𐴖𐴝𐴙𐴕 , 𐴁𐴝𐴚𐴓𐴝𐴊𐴠𐴐𐴤𐴠 𐴁𐴠𐴒𐴧𐴤𐴟𐴕𐴡𐴌 𐴎𐴡𐴃𐴧𐴡𐴕 𐴕𐴞𐴌𐴝𐴉𐴡𐴃 𐴏𐴝𐴀𐴝𐴌 𐴊𐴠 𐴀𐴥𐴠𐴃𐴡𐴓𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴊𐴠𐴐𐴁𐴞𐴊𐴠𐴐𐴤𐴞 𐴁𐴠𐴑𐴏𐴞𐴕𐴥𐴠𐴐𐴠𐴕 𐴂𐴡𐴌𐴟𐴒𐴠𐴌𐴝𐴔𐴡𐴃 𐴒𐴤𐴡𐴓𐴝𐴘 𐴉𐴥𐴠𐴓𐴥𐴝𐴘𐴧𐴠𐴊𐴠 𐴁𐴡𐴓𐴞 𐴘𐴥𐴡 𐴌𐴠𐴂𐴟𐴄𐴡𐴃 𐴈𐴡𐴘𐴧𐴠 𐴱𐴱

𐴄𐴝𐴌𐴒𐴤𐴠𐴄 𐴒𐴡𐴌𐴥𐴞 𐴌𐴝𐴙𐴑𐴧𐴤𐴙𐴠𐴊𐴠 𐴲 𐴱 -𐴷 𐴱 𐴔𐴝𐴎𐴤𐴡𐴌 𐴁𐴡𐴏𐴥𐴡𐴌𐴡𐴌 𐴁𐴡𐴐𐴢 𐴀𐴡𐴓𐴝 𐴔𐴝𐴙𐴕𐴐𐴤𐴡𐴌𐴠 % 𐴰 𐴰 𐴱 𐴀𐴡𐴕𐴟𐴔𐴝𐴕𐴞𐴑 𐴀𐴠𐴑 𐴇𐴝𐴉𐴃𐴝𐴌 𐴁𐴤𐴟𐴃𐴡𐴌𐴠 𐴄𐴞𐴑𐴝 𐴔𐴝𐴙𐴅𐴧𐴙𐴝 𐴀𐴥𐴡𐴘𐴧𐴠 𐴱𐴱

𐴑𐴠𐴀𐴠𐴔𐴡𐴃 𐴃𐴤𐴝𐴑𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌 𐴉𐴟𐴖𐴝 / 𐴀𐴝𐴁𐴟 𐴅𐴡𐴔𐴞𐴓 𐴁𐴡𐴐𐴢 𐴵 𐴱 𐴁𐴡𐴏𐴥𐴡𐴌 , 𐴉𐴟𐴖𐴝 𐴀𐴞𐴁𐴤𐴝 𐴘𐴠 ! 𐴀𐴝𐴣𐴀𐴝𐴌𐴝 𐴁𐴝𐴚𐴓𐴝𐴊𐴠𐴐𐴤𐴡𐴌 𐴁𐴠𐴐𐴤𐴞 𐴐𐴤𐴟𐴑𐴟𐴌𐴞𐴘𐴝 𐴒𐴡𐴌𐴥𐴞𐴌 , 𐴘𐴝𐴀𐴝𐴕 𐴀𐴠𐴑𐴧𐴤𐴝𐴕 𐴆𐴟𐴄𐴑𐴞𐴌 𐴉𐴥𐴟𐴖𐴝𐴙𐴕𐴧𐴝 𐴀𐴥𐴡𐴘𐴓𐴠 𐴘𐴥𐴡 𐴀𐴝𐴣𐴀𐴝𐴌𐴝𐴌 𐴏𐴠𐴇𐴥𐴠𐴃𐴡𐴌 𐴓𐴝 𐴋𐴡𐴣𐴀𐴡𐴌 𐴈𐴝𐴔 𐴀𐴥𐴡𐴘𐴧𐴠 , 𐴄𐴞𐴑𐴝 𐴓𐴝𐴒𐴝𐴀𐴡𐴕𐴡𐴌 𐴁𐴦𐴝𐴊𐴠 𐴀𐴝𐴣𐴀𐴝𐴌𐴝 𐴁𐴠𐴐𐴤𐴞 𐴕𐴞𐴌𐴝𐴉𐴡𐴃 𐴁𐴟𐴎𐴤𐴞𐴌 𐴁𐴡𐴓𐴞 𐴈𐴡𐴀𐴡𐴘 𐴐𐴤𐴟𐴑𐴟𐴌𐴞𐴘𐴝 𐴎𐴝𐴕𐴝𐴘𐴧𐴠 𐴱𐴱

Sources : Dhakatribune