𐴁𐴞𐴐𐴧𐴤𐴡 𐴁𐴠𐴀𐴠𐴚𐴠 𐴌𐴟𐴇𐴝𐴙𐴚𐴒𐴙𐴝𐴌 𐴈𐴥𐴝𐴕𐴝𐴌𐴓𐴧𐴝 𐴵 𐴵 𐴲 𐴑𐴟𐴄𐴤𐴞 𐴄𐴞𐴛𐴝 𐴔𐴡𐴊𐴡𐴊 𐴒𐴡𐴌𐴥𐴞𐴁𐴤𐴡 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴋𐴞𐴐𐴄𐴤𐴞𐴑 𐴀𐴟𐴑𐴤𐴞𐴘𐴝 𐴀𐴝𐴌 𐴄𐴠𐴑𐴕𐴝𐴉𐴢 𐴀𐴠𐴓𐴝𐴑𐴝𐴃 𐴏𐴥𐴝𐴀𐴝𐴌𐴝 𐴓𐴡𐴘𐴧𐴥𐴠𐴊𐴠 , 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝𐴌 𐴈𐴥𐴝𐴕𐴝𐴌𐴓𐴧𐴝 , 𐴁𐴞𐴐𐴧𐴤𐴡 𐴁𐴠𐴀𐴠𐴚𐴠 𐴵 𐴵 𐴲 𐴑𐴟𐴌𐴟𐴓 𐴄𐴞𐴛𐴝 𐴊𐴝𐴕 𐴒𐴡𐴌𐴥𐴞𐴁𐴤𐴡 , 𐴑𐴟𐴊𐴟𐴌𐴡𐴃𐴞 𐴀𐴝𐴉𐴡𐴃𐴡𐴌 𐴁𐴠𐴁𐴡𐴏𐴃𐴝 𐴒𐴡𐴌𐴥𐴝 𐴀𐴡 𐴌𐴞𐴓𐴥𐴞𐴉𐴢 𐴀𐴟𐴎𐴞𐴌 𐴀𐴝𐴌 ( 𐴋𐴝𐴁𐴓𐴙𐴟 𐴀𐴠𐴉𐴢 𐴂𐴞 ) 𐴀𐴦𐴝𐴓𐴡𐴔𐴞 𐴈𐴥𐴝𐴕𐴝𐴌 𐴂𐴡𐴌𐴟𐴒𐴠𐴌𐴝𐴔𐴡𐴌 𐴔𐴝𐴎𐴤𐴠 , 𐴏𐴟𐴃𐴧𐴞 𐴕𐴝𐴔𐴝𐴌 𐴖𐴡𐴌𐴠 𐴐𐴤𐴡𐴔 𐴁𐴝𐴌𐴠 𐴏𐴥𐴝𐴀𐴝𐴙𐴕 𐴊𐴡𐴏𐴃𐴡𐴑 𐴀𐴥𐴡𐴘𐴧𐴠 𐴁𐴡𐴓𐴞 , 𐴀𐴠𐴏𐴄𐴦𐴠𐴙𐴄 𐴀𐴟𐴎𐴞𐴌 / 𐴀𐴠𐴕 𐴀𐴝𐴔𐴟𐴌 𐴌𐴝𐴇𐴔𐴝𐴕𐴠 𐴌𐴠𐴂𐴟𐴄𐴝𐴌 𐴀𐴥𐴡𐴑𐴧𐴡𐴓𐴡𐴌𐴠 𐴈𐴡𐴘𐴧𐴠 𐴱𐴱

𐴑𐴟𐴊𐴟𐴌𐴡𐴃𐴞 𐴀𐴝𐴉𐴡𐴃𐴡𐴌 𐴁𐴠𐴁𐴡𐴏𐴃𐴝 𐴒𐴡𐴌𐴥𐴝 𐴀𐴡 𐴌𐴞𐴓𐴥𐴞𐴉𐴢 𐴀𐴟𐴎𐴞𐴌𐴡𐴌 𐴃𐴡𐴌𐴉𐴡𐴌𐴃𐴧𐴟 , 𐴀𐴥𐴞𐴁𐴤𐴝𐴌 𐴏𐴥𐴠𐴒𐴠𐴄𐴠𐴌𐴞 / 𐴔𐴟𐴇𐴝𐴔𐴧𐴡𐴊 𐴑𐴡𐴔𐴌𐴟𐴓 𐴇𐴥𐴝𐴏𐴡𐴕𐴠 𐴀𐴝𐴌 𐴋𐴝𐴁𐴓𐴞𐴙𐴟 𐴀𐴠𐴉𐴢 𐴂𐴞𐴌 𐴃𐴡𐴌𐴉𐴡𐴌𐴃𐴧𐴟 𐴑𐴦𐴡𐴕𐴄𐴞𐴌𐴞 𐴋𐴝𐴘𐴌𐴠𐴑𐴄𐴝𐴌 / 𐴅𐴦𐴞𐴕 𐴂𐴦𐴞𐴌𐴏𐴞 𐴘𐴠 𐴏𐴥𐴝𐴀𐴝𐴙𐴕 𐴒𐴡𐴙𐴅𐴧𐴤𐴙𐴠 , 𐴀𐴥𐴠 𐴀𐴡𐴑𐴃𐴤𐴡𐴃 𐴊𐴟𐴕𐴥𐴞 𐴃𐴡𐴌𐴉𐴡𐴌 𐴁𐴡𐴌𐴡 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓 𐴇𐴥𐴝𐴎𐴞𐴌 𐴀𐴝𐴐𐴧𐴞𐴀𐴞𐴓 𐴱𐴱

𐴀𐴠𐴕 𐴀𐴝𐴔𐴟𐴌 𐴌𐴝𐴇𐴔𐴝𐴕𐴠 𐴈𐴡𐴘𐴧𐴠𐴊𐴠 ! 𐴏𐴟𐴑𐴃𐴞 𐴔𐴡𐴎𐴞𐴕 𐴋𐴝𐴁𐴓𐴙𐴟 𐴀𐴠𐴉𐴢 𐴂𐴞 𐴘𐴠 ( 𐴏𐴠𐴉𐴄𐴞 𐴕𐴥𐴠𐴄 𐴏𐴞𐴏𐴄𐴠𐴔 𐴉𐴡𐴌 𐴊𐴞 𐴂𐴟𐴀𐴟𐴌𐴥𐴠𐴏𐴄 𐴂𐴡𐴌𐴡𐴅𐴤𐴠𐴑𐴄 ) 𐴡𐴌 𐴔𐴝𐴙𐴊𐴧𐴡𐴔𐴠 𐴑𐴝𐴑𐴏𐴡𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴀𐴥𐴠𐴍𐴠 𐴉𐴡𐴣𐴀𐴡𐴏𐴝𐴘𐴁𐴡 , 𐴂𐴡𐴌𐴡𐴅𐴤𐴠𐴑𐴄 𐴀𐴥𐴞𐴁𐴤𐴝 𐴁𐴞𐴐𐴧𐴤𐴡 𐴁𐴠𐴀𐴠𐴚𐴡𐴌 𐴔𐴠𐴕𐴞𐴅𐴤𐴝𐴌 𐴀𐴡 𐴕𐴡𐴔𐴝𐴙𐴕𐴊𐴝 𐴀𐴥𐴡𐴘𐴁𐴤𐴡 𐴱𐴱

𐴃𐴦𐴝𐴛 𐴀𐴝𐴌 𐴀𐴥𐴡 𐴈𐴡𐴘𐴧𐴠𐴊𐴠 ! 𐴂𐴡𐴌𐴡𐴅𐴤𐴠𐴑𐴄 𐴀𐴥𐴞𐴁𐴤𐴝 𐴘𐴠 𐴒𐴠𐴎𐴝 ( 𐴈𐴥𐴝𐴕𐴝𐴌 ) 𐴁𐴝𐴁𐴡𐴃𐴠 𐴁𐴠𐴍𐴘𐴝𐴙𐴕𐴊𐴤𐴡 𐴌𐴠 𐴐𐴤𐴞𐴑𐴧𐴝 𐴊𐴞𐴀𐴞𐴁𐴡 , 𐴉𐴝𐴣𐴏𐴢 𐴁𐴡𐴏𐴥𐴡𐴌𐴡𐴃𐴧𐴟 𐴕𐴞𐴏𐴡𐴌 𐴉𐴟𐴖𐴝𐴙𐴕𐴊𐴤𐴡𐴌𐴠 𐴏𐴠𐴇𐴥𐴠𐴃 𐴏𐴠𐴕𐴄𐴝𐴌𐴡𐴃𐴧𐴟 𐴔𐴡𐴊𐴡𐴊 𐴒𐴡𐴌𐴥𐴞𐴁𐴤𐴡 , 𐴀𐴝𐴌 𐴇𐴥𐴝𐴑 𐴃𐴡𐴌𐴈𐴝𐴌𐴞 𐴒𐴝𐴏𐴢 𐴒𐴟𐴏𐴥𐴝𐴓𐴝 𐴓𐴝𐴒𐴝𐴘𐴁𐴤𐴝𐴌 𐴀𐴝𐴌 𐴀𐴥𐴞𐴀𐴞𐴕𐴡𐴌𐴥𐴠 𐴎𐴡𐴃𐴧𐴡𐴕 𐴒𐴡𐴌𐴥𐴞𐴁𐴤𐴝𐴌 𐴄𐴠𐴕𐴧𐴞𐴕 𐴊𐴞𐴀𐴞𐴁𐴡 , 𐴀𐴝𐴌 𐴉𐴝𐴀𐴝𐴌 , 𐴈𐴝𐴙𐴕𐴊𐴤𐴝 , 𐴌𐴝𐴏𐴧𐴝 𐴒𐴤𐴝𐴣𐴄 𐴁𐴤𐴝𐴚𐴡𐴕𐴡𐴌𐴃𐴧𐴟 𐴁𐴝𐴏𐴝𐴘𐴁𐴤𐴝𐴌 𐴃𐴡𐴌𐴞𐴑𐴝𐴌 𐴄𐴠𐴕𐴧𐴞𐴕 𐴀𐴥𐴡 𐴊𐴞𐴀𐴞𐴁𐴡 𐴱𐴱

𐴀𐴝𐴌 𐴈𐴡𐴏𐴡𐴌𐴝𐴌 𐴕𐴦𐴝𐴓𐴥𐴞 𐴀𐴥𐴡𐴑𐴧𐴡𐴓 𐴈𐴡𐴕 𐴃𐴡𐴌𐴞𐴑𐴝 𐴓𐴡𐴘 𐴏𐴥𐴝𐴉𐴢 𐴌𐴝𐴑𐴤𐴞𐴁𐴤𐴡 𐴀𐴝𐴌 𐴐𐴤𐴡𐴔𐴝𐴎𐴤𐴡𐴌 𐴀𐴟𐴓𐴋𐴝 𐴈𐴝𐴔 𐴀𐴥𐴡𐴑𐴧𐴡𐴓 𐴕𐴡 𐴒𐴡𐴌𐴥𐴞𐴁𐴤𐴝𐴌 𐴁𐴝𐴁𐴡𐴃𐴠 𐴐𐴤𐴡𐴣𐴀𐴡 𐴀𐴝𐴌 𐴀𐴥𐴡 𐴁𐴡𐴀𐴡𐴃 𐴋𐴦𐴡𐴙𐴓𐴧𐴝 𐴅𐴝𐴕𐴑𐴝𐴌𐴞 𐴀𐴥𐴡𐴑𐴧𐴡𐴓 𐴀𐴥𐴡 𐴊𐴞𐴀𐴞𐴁𐴡 𐴱𐴱

Sources : Ukhiyanews.com