𐴌𐴟𐴇𐴝𐴙𐴚𐴒𐴙𐴝 𐴅𐴠𐴕𐴟𐴏𐴥𐴝𐴙𐴋𐴡𐴌 𐴑𐴞𐴃𐴝𐴁 𐴁𐴠𐴏𐴠𐴌𐴊𐴧𐴠 𐴓𐴗𐴝𐴚 𐴀𐴥𐴟𐴀𐴟 𐴑𐴞𐴃𐴝𐴁 𐴒𐴤𐴡𐴌 𐴁𐴡𐴕 𐴒𐴡𐴌𐴥𐴞 𐴊𐴞𐴘𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴅𐴠𐴕𐴟𐴏𐴥𐴝𐴙𐴋𐴡𐴌 𐴇𐴥𐴝𐴓𐴡𐴃 𐴓𐴠𐴙𐴑𐴧𐴤𐴙𐴠𐴊𐴠 𐴑𐴞𐴃𐴝𐴁 , 𐴉𐴡𐴌𐴏𐴝𐴌 𐴒𐴡𐴌𐴥𐴠𐴌𐴊𐴧𐴠 , 𐴁𐴠𐴏𐴠𐴌𐴊𐴧𐴠 𐴀𐴥𐴠𐴃𐴡𐴓𐴧𐴝 , 𐴔𐴠𐴓𐴠𐴄𐴞𐴌𐴞 𐴇𐴥𐴡𐴑𐴟𐴔𐴡𐴃𐴠 , 𐴔𐴠 𐴔𐴥𐴝𐴐𐴡𐴌 𐴸 𐴲 𐴃𐴝𐴌𐴥𐴞𐴑𐴡𐴃 𐴓𐴗𐴝𐴚 𐴀𐴥𐴟𐴀𐴟 𐴑𐴞𐴃𐴝𐴁 𐴒𐴤𐴡𐴌𐴡𐴌𐴥𐴠 , 𐴑𐴞𐴃𐴝𐴁 𐴀𐴥𐴞𐴁𐴤𐴝 𐴉𐴡𐴌𐴏𐴝𐴌 𐴒𐴡𐴌𐴥𐴝 𐴀𐴝𐴌 𐴁𐴠𐴏𐴞𐴁𐴤𐴝𐴌 𐴀𐴠𐴅𐴝𐴎𐴡𐴃 𐴁𐴡𐴕 𐴒𐴡𐴌𐴥𐴞 𐴊𐴞𐴘𐴠 𐴱𐴱

𐴓𐴗𐴝𐴚 𐴀𐴥𐴟𐴀𐴟 𐴑𐴞𐴃𐴝𐴁 𐴒𐴤𐴡𐴌𐴠 ” 𐴁𐴡𐴌𐴔𐴥𐴝𐴌 𐴌𐴟𐴇𐴝𐴙𐴚𐴒𐴙𐴝 𐴅𐴠𐴕𐴟 𐴏𐴥𐴝𐴙𐴋 , 𐴏𐴞𐴕𐴧𐴡 , 𐴀𐴥𐴞𐴏𐴄𐴟𐴌𐴞 𐴀𐴝𐴌 𐴕𐴞𐴉𐴡𐴌𐴡𐴃𐴞 𐴃𐴡𐴑𐴌𐴞𐴌 “𐴕𐴝𐴔 𐴊𐴞𐴀𐴞 𐴓𐴠𐴙𐴑𐴧𐴤𐴙𐴠𐴊𐴠 𐴑𐴞𐴃𐴝𐴁 𐴀𐴥𐴞𐴁𐴤𐴝 𐴉𐴦𐴠𐴏𐴁𐴤𐴟𐴑𐴡𐴌 𐴃𐴟𐴌𐴥𐴟 𐴘𐴠 𐴉𐴡𐴌𐴏𐴝𐴌 𐴀𐴝𐴌 𐴁𐴠𐴏𐴠𐴌𐴊𐴧𐴠 𐴀𐴥𐴠𐴃𐴡𐴓𐴧𐴝 , 𐴁𐴡𐴕 𐴒𐴡𐴌𐴥𐴞 𐴊𐴞𐴘𐴠𐴊𐴠 𐴁𐴡𐴓𐴞 , 𐴔𐴠 𐴔𐴥𐴝𐴐𐴡𐴌 𐴱 𐴳 𐴃𐴝𐴌𐴥𐴞𐴑𐴡𐴃 𐴕𐴠𐴀𐴠𐴙𐴓𐴧𐴥𐴠𐴊𐴠 𐴔𐴠𐴓𐴠𐴄𐴠𐴌𐴞𐴌 𐴈𐴥𐴡𐴁𐴡𐴌𐴞 𐴈𐴝𐴁𐴡𐴏𐴡𐴃 𐴓𐴠𐴙𐴑𐴧𐴤𐴙𐴠 𐴱𐴱

𐴏𐴥𐴞𐴘𐴝𐴏𐴞 𐴇𐴥𐴝𐴓𐴡𐴃 𐴀𐴝𐴌 𐴀𐴥𐴞𐴐𐴄𐴟𐴌𐴞 𐴀𐴥𐴡𐴑𐴧𐴡𐴓 𐴔𐴝𐴙𐴕𐴐𐴤𐴡𐴌𐴠 𐴎𐴝𐴙𐴕𐴃𐴡 𐴕𐴡 𐴊𐴞𐴘𐴝 𐴉𐴡𐴌𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴇𐴥𐴝𐴓𐴡𐴃 𐴀𐴥𐴡𐴘𐴧𐴠𐴊𐴠 𐴀𐴥𐴠𐴃𐴡𐴓𐴧𐴝 , 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴡𐴃𐴧𐴟 𐴏𐴟𐴑 𐴕𐴠𐴀𐴠𐴓𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴑𐴞𐴃𐴝𐴁 𐴊𐴠𐴐𐴤𐴡𐴌 𐴁𐴤𐴟𐴃𐴡𐴌𐴠 𐴓𐴠𐴙𐴑𐴧𐴤𐴙𐴠𐴊𐴠 𐴀𐴥𐴡𐴘𐴓𐴠 𐴀𐴥𐴡𐴀𐴡𐴑 𐴁𐴝𐴀𐴝𐴌𐴠 𐴓𐴠𐴙𐴑𐴧𐴤𐴙𐴠𐴊𐴠 𐴀𐴥𐴡𐴘𐴓𐴠 𐴀𐴥𐴡𐴀𐴡𐴑 , 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴑𐴞𐴃𐴝𐴁 𐴀𐴥𐴟𐴀𐴟𐴕 𐴁𐴠𐴏𐴝 𐴔𐴝𐴕𐴥𐴝 𐴒𐴡𐴙𐴅𐴧𐴤𐴙𐴠𐴊𐴠 , 𐴀𐴥𐴠 𐴏𐴥𐴞𐴓𐴏𐴞𐴓𐴝𐴃 𐴑𐴞𐴃𐴝𐴁 𐴀𐴥𐴞𐴁𐴤𐴝 𐴘𐴥𐴡 𐴁𐴡𐴕 𐴒𐴡𐴌𐴥𐴞 𐴊𐴞𐴘𐴠𐴊𐴠 𐴁𐴡𐴓𐴞 𐴌𐴠𐴕𐴒𐴟𐴕𐴡𐴃𐴧𐴟 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 𐴱𐴱

𐴏𐴥𐴝𐴁𐴡𐴀𐴡𐴕 𐴀𐴝𐴌 𐴉𐴡𐴌𐴏𐴝𐴌 𐴒𐴡𐴌𐴥𐴡𐴀𐴡𐴕𐴡𐴌 𐴑𐴝𐴕𐴟𐴕𐴡𐴌 𐴊𐴤𐴝𐴌𐴝 𐴸 , 𐴕𐴞𐴏𐴢𐴊𐴤𐴝𐴌𐴝 ( 𐴀 ) 𐴓𐴡𐴘 𐴎𐴡𐴍𐴞𐴃𐴡 𐴀𐴝𐴏𐴥𐴠 𐴈𐴡𐴀𐴡𐴘 , 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴓𐴗𐴝𐴚 𐴀𐴥𐴟𐴀𐴟 𐴑𐴞𐴃𐴝𐴁 𐴒𐴤𐴡𐴌𐴡𐴌𐴓𐴧𐴝 𐴔𐴦𐴡𐴊𐴧𐴞𐴔𐴝 𐴑𐴤𐴟𐴓𐴞 𐴁𐴦𐴝𐴊𐴠 , 𐴊𐴤𐴝𐴌𐴝 𐴀𐴥𐴞𐴁𐴤𐴝𐴃 𐴔𐴟𐴓 𐴁𐴤𐴝𐴐𐴞𐴌 𐴀𐴝𐴉𐴡𐴏𐴡𐴃 , 𐴊𐴠𐴐𐴢 𐴁𐴤𐴝𐴐𐴞𐴌 𐴀𐴝𐴉𐴡𐴏𐴡𐴃 , 𐴎𐴝𐴃𐴡𐴌 𐴀𐴝𐴉𐴡𐴏𐴡𐴃 , 𐴊𐴤𐴡𐴌𐴔𐴡𐴌 𐴀𐴝𐴉𐴡𐴏𐴡𐴃 , 𐴏𐴡𐴓𐴝𐴏𐴡𐴓 𐴔𐴥𐴝𐴀𐴝𐴙𐴑 𐴓𐴟𐴏𐴧𐴝𐴕 𐴀𐴥𐴡𐴀𐴡𐴊𐴠 𐴀𐴥𐴠𐴕𐴋𐴞𐴓𐴧𐴝 𐴈𐴡𐴕𐴥𐴡 𐴈𐴝𐴔 𐴒𐴡𐴌𐴥𐴞 𐴕𐴡 𐴉𐴝𐴌𐴡𐴀𐴡𐴕𐴡𐴌 𐴔𐴦𐴝𐴕𐴞 𐴘𐴥𐴡 𐴒𐴤𐴡𐴓𐴝𐴘 𐴊𐴞𐴘𐴠𐴊𐴠 𐴉𐴝𐴀𐴝 𐴒𐴞𐴘𐴠 𐴱𐴱

𐴐𐴤𐴡𐴕 𐴱 𐴲 𐴰 𐴲 𐴉𐴥𐴠𐴌𐴖𐴝𐴌𐴞𐴌 𐴵 𐴲 𐴃𐴝𐴌𐴥𐴞𐴑𐴡𐴃 , 𐴑𐴞𐴃𐴝𐴁 𐴓𐴠𐴑𐴤𐴡𐴀𐴡𐴙𐴕𐴧𐴝 / 𐴌𐴟𐴕𐴝𐴕 𐴓𐴦𐴞 𐴘𐴠” 𐴁𐴡𐴌𐴔𐴥𐴝𐴌 𐴌𐴟𐴇𐴝𐴙𐴚𐴒𐴙𐴝 𐴅𐴠𐴕𐴟𐴏𐴥𐴝𐴙𐴋 “ 𐴕𐴝𐴔 𐴊𐴞𐴀𐴞 𐴀𐴞𐴚𐴌𐴝𐴎𐴞 𐴎𐴟𐴁𐴝𐴕𐴡𐴃 𐴓𐴠𐴑𐴤𐴞 𐴘𐴡𐴌𐴠 𐴓𐴡𐴕𐴋𐴤𐴡𐴕𐴡𐴌 ( 𐴀𐴝𐴘 𐴁𐴞 𐴄𐴡𐴌𐴥𐴞𐴏𐴢 ) 𐴏𐴥𐴝𐴁𐴝 𐴈𐴥𐴝𐴕𐴝𐴃𐴧𐴟 𐴏𐴥𐴝𐴁𐴝𐴘 𐴕𐴠𐴀𐴠𐴓𐴝𐴘 𐴊𐴞𐴘𐴠𐴊𐴠 𐴀𐴟𐴒𐴧𐴤𐴗𐴝 𐴑𐴞𐴃𐴝𐴁 , 𐴎𐴞𐴁𐴤𐴝 𐴖𐴠𐴁𐴏𐴥𐴝𐴙𐴋𐴡𐴌 𐴃𐴟𐴌𐴥𐴟 𐴘𐴠 𐴉𐴟𐴌𐴝 𐴊𐴟𐴕𐴞𐴘𐴝𐴘𐴃 𐴑𐴞𐴕𐴞 𐴉𐴝𐴌𐴠𐴊𐴠 𐴑𐴞𐴃𐴝𐴁 𐴱𐴱

Sources : RFAburmese