𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞 𐴀𐴝𐴒𐴧𐴗𐴝𐴌𐴊𐴧𐴠 𐴊𐴠𐴈𐴥𐴝 𐴕𐴡 𐴎𐴝𐴀𐴝𐴌 : 𐴌𐴝𐴙𐴅𐴧𐴙𐴡 𐴀𐴟𐴎𐴞𐴌 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝𐴌 𐴀𐴠𐴕𐴃𐴠𐴎𐴝𐴔𐴡𐴌 𐴁𐴝𐴁𐴡𐴃𐴠 𐴘𐴟 𐴀𐴠𐴏𐴢 𐴀𐴦𐴝𐴙𐴋 𐴋𐴠𐴓𐴞𐴒𐴠𐴐𐴤𐴠𐴕 𐴀𐴠𐴃𐴔𐴞𐴕𐴝𐴕 𐴁𐴡𐴓𐴞 𐴈𐴡𐴘𐴧𐴠 : 𐴔𐴟𐴇𐴝𐴔𐴧𐴡𐴊 𐴀𐴠𐴕𐴀𐴝𐴔𐴟𐴌 𐴌𐴝𐴇𐴔𐴝𐴕 , 𐴁𐴡𐴌𐴔𐴥𐴝 𐴘𐴠 𐴕𐴞𐴎𐴡𐴌 𐴎𐴡𐴌𐴔𐴡𐴏𐴃𐴤𐴝𐴕𐴡𐴌𐴃𐴧𐴟 𐴕𐴠𐴀𐴠𐴓𐴝𐴘 𐴊𐴞𐴘𐴠𐴊𐴤𐴠 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴕𐴞𐴎𐴡𐴌 𐴊𐴠𐴐𐴤𐴡𐴃 𐴉𐴥𐴞𐴌𐴞 𐴎𐴝𐴘𐴁𐴝𐴌 𐴁𐴝𐴁𐴡𐴃𐴠 𐴀𐴝𐴒𐴧𐴗𐴝𐴌𐴊𐴧𐴠 𐴑𐴠𐴙𐴏𐴧𐴥𐴟 𐴊𐴠𐴈𐴥𐴝 𐴕𐴡 𐴎𐴝𐴀𐴝𐴌 𐴁𐴡𐴓𐴞 , 𐴑𐴟𐴊𐴟𐴌𐴡𐴃𐴞 𐴀𐴝𐴉𐴡𐴃𐴡𐴌 𐴀𐴠𐴕𐴃𐴠𐴎𐴝𐴔 𐴀𐴝𐴌 𐴀𐴝𐴌𐴝𐴔𐴞𐴘𐴡𐴃𐴡𐴌 , 𐴌𐴝𐴙𐴅𐴧𐴙𐴡 𐴀𐴟𐴎𐴞𐴌 / 𐴀𐴠𐴕𐴀𐴝𐴔𐴟𐴌 𐴌𐴝𐴇𐴔𐴝𐴕𐴠 𐴈𐴡𐴘𐴧𐴠 𐴱𐴱

𐴒𐴠𐴓𐴊𐴠 𐴔𐴥𐴝𐴐𐴡𐴃 𐴔𐴞𐴄𐴤𐴞𐴚𐴡𐴃 𐴰 𐴰 𐴰 𐴵 𐴳 𐴇𐴥𐴝𐴎𐴝𐴌 𐴀𐴡𐴓𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴀𐴠𐴑𐴧𐴤𐴝𐴕 𐴓𐴞𐴏𐴄𐴤𐴞 𐴁𐴡𐴌𐴔𐴥𐴝𐴌𐴥𐴠 𐴊𐴞𐴘𐴝 𐴒𐴞𐴘𐴥𐴠 , 𐴁𐴡𐴌𐴔𐴥𐴝 𐴘𐴠 𐴒𐴡𐴏𐴥𐴞 𐴘𐴥𐴡 𐴓𐴡𐴘𐴧𐴥𐴠 , 𐴔𐴡𐴕𐴃𐴡𐴌 𐴀𐴝𐴙𐴅 𐴉𐴡𐴙𐴅𐴧𐴡𐴕𐴃𐴡 𐴀𐴥𐴠𐴃𐴧𐴟 𐴈𐴡𐴊𐴟𐴀𐴟𐴕 𐴔𐴝𐴕𐴥𐴙𐴐𐴢 𐴁𐴡𐴌𐴔𐴥𐴝 𐴘𐴠 𐴒𐴡𐴏𐴥𐴞 𐴓𐴡𐴘𐴁𐴡𐴊𐴠 𐴘𐴥𐴝𐴀𐴝𐴕 𐴀𐴝𐴣𐴀𐴝𐴌𐴝𐴌𐴥𐴠 𐴕𐴡𐴀𐴡 𐴎𐴝𐴕𐴝𐴀𐴝 𐴁𐴡𐴓𐴞 , 𐴌𐴝𐴙𐴅𐴧𐴡 𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱𐴱

𐴀𐴝𐴘 𐴀𐴝𐴘 𐴀𐴠𐴔 𐴀𐴠𐴔 ) 𐴁𐴡𐴌𐴔𐴥𐴝𐴌 𐴁𐴝𐴁𐴡𐴃𐴠 𐴀𐴝𐴎𐴝𐴊𐴝𐴕𐴝 𐴃𐴡𐴊𐴝𐴌𐴟𐴑𐴞 𐴄𐴞𐴀𐴞𐴔𐴡𐴌 𐴁𐴡𐴌𐴡 / 𐴕𐴞𐴑𐴡𐴓𐴝𐴏𐴢 𐴑𐴡𐴔𐴅𐴞𐴘𐴝𐴕 𐴓𐴡𐴘 , 𐴀𐴥𐴞𐴁𐴤𐴝𐴌 𐴀𐴡𐴉𐴥𐴞𐴏𐴡𐴃 𐴔𐴞𐴄𐴤𐴞𐴚 𐴒𐴡𐴌𐴥𐴞 𐴁𐴦𐴝𐴊𐴠 𐴌𐴠𐴂𐴟𐴄𐴝𐴌 𐴀𐴥𐴡𐴑𐴧𐴡𐴓 𐴓𐴡𐴘 𐴈𐴡𐴃𐴤𐴝 𐴈𐴡𐴘𐴁𐴤𐴝𐴌 𐴐𐴤𐴡𐴔𐴡𐴃 , 𐴌𐴝𐴙𐴅𐴧𐴡 𐴀𐴟𐴎𐴞𐴌 / 𐴀𐴠𐴕𐴀𐴝𐴔𐴟𐴌 𐴌𐴝𐴇𐴔𐴝𐴕𐴠 𐴀𐴠𐴏𐴄𐴠𐴙𐴄𐴔𐴥𐴠𐴕 𐴘𐴝𐴀𐴝𐴕 𐴕𐴠𐴀𐴠𐴓𐴝𐴘𐴧𐴥𐴠𐴊𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴁𐴝𐴚𐴓𐴝𐴊𐴠𐴐𐴤𐴡𐴃 𐴀𐴝𐴘𐴁𐴤𐴝𐴌 𐴀𐴝𐴒𐴠 𐴁𐴡𐴌𐴔𐴥𐴝𐴌 𐴇𐴥𐴠𐴉𐴝𐴎𐴡𐴃𐴞 𐴉𐴥𐴡𐴗𐴏𐴠 𐴒𐴡𐴙𐴅𐴧𐴤𐴙𐴠𐴊𐴠 𐴎𐴟𐴓𐴟𐴔 𐴀𐴥𐴡𐴑𐴧𐴡𐴓 𐴃𐴡𐴊𐴝𐴌𐴟𐴑 𐴒𐴡𐴌𐴥𐴞𐴁𐴤𐴡𐴓𐴧𐴝 , 𐴀𐴝𐴘 𐴀𐴝𐴘 𐴀𐴠𐴔 𐴀𐴠𐴔𐴡𐴌 𐴁𐴡𐴌𐴡 𐴀𐴥𐴞𐴁𐴤𐴝 𐴀𐴠𐴍𐴥𐴠 𐴀𐴝𐴙𐴐𐴧𐴤𐴙𐴠𐴊𐴠 , 𐴀𐴥𐴠 𐴏𐴥𐴞𐴓𐴏𐴞𐴓𐴝𐴃 𐴔𐴡𐴎𐴓𐴟𐴔 𐴌𐴟𐴇𐴝𐴙𐴚𐴒𐴙𐴝𐴌 𐴎𐴟𐴓𐴟𐴔𐴡𐴌 𐴖𐴝𐴑𐴞𐴘𐴝 𐴀𐴥𐴡𐴑𐴧𐴡𐴓 𐴎𐴡𐴔𐴝 𐴒𐴡𐴌𐴥𐴡𐴕𐴡𐴃 , 𐴌𐴞𐴉𐴟𐴎𐴞𐴌 𐴀𐴝𐴌𐴝𐴔𐴞𐴘𐴡𐴃 𐴀𐴝𐴌 𐴖𐴝𐴉𐴠𐴏𐴞𐴌 𐴑𐴡𐴔𐴞𐴐𐴕𐴝𐴌𐴡𐴌 𐴔𐴡𐴊𐴡𐴊 𐴏𐴝𐴘𐴧𐴥𐴠 𐴁𐴡𐴓𐴞 𐴌𐴝𐴙𐴅𐴧𐴡 𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱𐴱

𐴎𐴠 𐴈𐴡𐴕𐴥𐴡 𐴎𐴡𐴌𐴟𐴌𐴡𐴃𐴡𐴃 𐴀𐴝𐴣𐴀𐴝𐴌𐴝 𐴔𐴡𐴊𐴡𐴊 𐴒𐴡𐴙𐴅𐴧𐴤𐴟𐴔 𐴁𐴡𐴓𐴞 𐴀𐴥𐴞𐴁𐴤𐴝𐴌𐴠 𐴁𐴞𐴐𐴧𐴤𐴝𐴐𐴢 𐴊𐴞𐴘𐴧𐴥𐴞 , 𐴎𐴦𐴝𐴣𐴇𐴥𐴡𐴑 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴇𐴥𐴡𐴑 𐴓𐴡𐴘 𐴇𐴥𐴠𐴉𐴝𐴎𐴡𐴃𐴡𐴌 𐴏𐴥𐴝𐴣𐴀𐴝𐴃𐴠 , 𐴖𐴝𐴉𐴠𐴏𐴢 𐴊𐴠𐴐𐴤𐴡𐴃 𐴎𐴝𐴘 𐴉𐴝𐴌𐴠 𐴉𐴥𐴝𐴀𐴝𐴕 , 𐴉𐴟𐴌𐴝 𐴊𐴟𐴕𐴞𐴘𐴝𐴘𐴌 𐴔𐴡𐴊𐴡𐴊 𐴉𐴝𐴘𐴁𐴡𐴓𐴧𐴥𐴝 𐴈𐴝𐴔 𐴒𐴡𐴌𐴥𐴞 𐴎𐴝𐴘𐴁𐴡 𐴁𐴡𐴓𐴞 / 𐴕𐴞𐴑𐴡𐴓𐴝𐴏𐴠 𐴈𐴡𐴘𐴧𐴠 𐴱𐴱

Sources : Dhakatribune