𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴉𐴟𐴌𐴝 𐴊𐴞𐴘𐴝 ,𐴎𐴝𐴕𐴠 𐴔𐴝𐴌𐴝 𐴵 𐴸 𐴏𐴥𐴝𐴕 𐴔𐴦𐴝𐴔𐴠𐴓𐴝 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴀𐴠𐴕 𐴘𐴟 𐴅𐴞 𐴘𐴠 𐴈𐴡𐴘𐴧𐴠 𐴱𐴱

𐴁𐴡𐴌𐴔𐴥𐴝𐴃 𐴔𐴠 𐴔𐴥𐴝𐴐𐴡𐴌 𐴀𐴠𐴑𐴀𐴡𐴔 𐴇𐴥𐴝𐴉𐴃𐴝𐴌 𐴁𐴤𐴟𐴃𐴡𐴌𐴠 , 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 , 𐴉𐴝𐴌𐴝 𐴉𐴟𐴌𐴝 𐴊𐴞𐴘𐴝 , 𐴔𐴝𐴕𐴥𐴟𐴙𐴐𐴢 𐴁𐴡𐴕 𐴒𐴡𐴌𐴥𐴝 𐴀𐴝𐴌 𐴔𐴝𐴌𐴞 𐴉𐴥𐴠𐴓𐴥𐴝 𐴁𐴠𐴒𐴧𐴤𐴞𐴕𐴠 𐴔𐴞𐴓𐴝𐴘 𐴵 𐴸 𐴉𐴝𐴣𐴏𐴢 𐴀𐴝𐴐𐴤𐴞 𐴘𐴥𐴝𐴕 𐴔𐴦𐴝𐴔𐴠𐴓𐴝 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴈𐴡𐴀𐴡𐴘 ( 𐴀𐴠𐴕 𐴘𐴟 𐴅𐴞 ) 𐴊𐴠𐴐𐴤𐴡𐴙𐴃𐴧𐴝 𐴀𐴠𐴃𐴧𐴠𐴉𐴝𐴑𐴞 𐴇𐴥𐴡𐴑𐴟𐴔𐴡𐴃𐴡𐴌 , 𐴒𐴤𐴡𐴌 𐴔𐴦𐴝𐴔𐴠𐴓𐴝 𐴀𐴝𐴌 𐴀𐴠𐴔𐴞𐴒𐴞𐴌𐴞𐴐𐴤𐴠𐴕 𐴀𐴟𐴎𐴞𐴌𐴞 𐴀𐴡𐴉𐴥𐴞𐴏𐴡𐴌𐴃𐴧𐴟 𐴔𐴠 𐴔𐴥𐴝𐴐𐴡𐴌 𐴸 𐴃𐴝𐴌𐴥𐴞𐴑𐴡𐴃 𐴀𐴠𐴓𐴝𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴀𐴞𐴀𐴞𐴕 𐴔𐴠 𐴔𐴥𐴝𐴐𐴡𐴌 𐴱 𐴃𐴝𐴌𐴥𐴞𐴑 𐴀𐴥𐴡𐴘𐴃𐴠 𐴷 𐴃𐴝𐴌𐴥𐴞𐴑 𐴉𐴡𐴙𐴅𐴧𐴡𐴕𐴃𐴡 𐴀𐴠𐴑 𐴇𐴥𐴝𐴉𐴃𐴝𐴌 𐴁𐴤𐴟𐴃𐴡𐴌𐴠 , 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴸 𐴲 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴔𐴝𐴌𐴞 𐴉𐴥𐴠𐴓𐴥𐴝𐴘𐴧𐴠 , 𐴶 𐴲 𐴎𐴡𐴕 𐴔𐴡𐴕𐴎𐴡𐴑𐴧𐴤𐴝 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴀𐴠𐴓𐴝𐴕 𐴕𐴝𐴔𐴝𐴃 𐴓𐴠𐴙𐴑𐴧𐴤𐴙𐴠 , 𐴔𐴝𐴌𐴞 𐴉𐴥𐴠𐴓𐴥𐴝𐴘𐴧𐴠𐴊𐴠 𐴀𐴝𐴌 𐴁𐴡𐴕 𐴒𐴡𐴙𐴅𐴧𐴤𐴙𐴠𐴊𐴠 𐴀𐴥𐴞𐴀𐴞𐴕 𐴁𐴦𐴝𐴊𐴠 𐴱 𐴳 𐴐𐴤𐴝𐴕 𐴉𐴝𐴌𐴝 𐴉𐴟𐴌𐴝 𐴊𐴞𐴘𐴧𐴠 𐴁𐴡𐴓𐴞 𐴘𐴥𐴡 𐴓𐴠𐴙𐴑𐴧𐴤𐴙𐴠 𐴱𐴱

𐴀𐴠 𐴔𐴦𐴝𐴔𐴠𐴓𐴝 𐴀𐴞𐴀𐴞𐴕 𐴑𐴝𐴆𐴞𐴚 𐴂𐴠𐴌𐴠𐴕𐴠 , 𐴏𐴥𐴝𐴘 𐴒𐴤𐴝𐴙𐴚 𐴋𐴤𐴝𐴙𐴚 , 𐴆𐴤𐴙𐴝𐴚 𐴂𐴠𐴌𐴠𐴕𐴠 , 𐴌𐴠𐴑𐴝𐴙𐴚 𐴂𐴠𐴌𐴠𐴕𐴠 , 𐴔𐴡𐴒𐴧𐴤𐴗𐴥𐴠 𐴋𐴤𐴝𐴙𐴚 , 𐴀𐴥𐴠𐴌𐴝 𐴖𐴡𐴋𐴧𐴞 𐴋𐴤𐴝𐴙𐴚 , 𐴔𐴥𐴝𐴕𐴋𐴠𐴓𐴥𐴠 𐴋𐴤𐴝𐴙𐴚 , 𐴐𐴤𐴠𐴔 𐴂𐴠𐴌𐴠𐴕𐴠 , 𐴂𐴥𐴠𐴒𐴤𐴟 𐴋𐴤𐴝𐴙𐴚 , 𐴑𐴠𐴀𐴞𐴚 𐴂𐴠𐴌𐴠𐴕𐴠 , 𐴔𐴗𐴠𐴕 𐴂𐴠𐴌𐴠𐴕𐴠 , 𐴌𐴠𐴕𐴒𐴟𐴕 𐴋𐴤𐴝𐴙𐴚 𐴀𐴝𐴌 𐴃𐴡𐴕𐴝𐴚 𐴏𐴝𐴌𐴞 𐴋𐴤𐴝𐴙𐴚 , 𐴎𐴝𐴒𐴝 𐴀𐴞𐴀𐴞𐴕𐴡𐴃 𐴀𐴥𐴡𐴘𐴧𐴠𐴊𐴠 𐴱𐴱

𐴔𐴡𐴕𐴃𐴡𐴌 𐴁𐴠𐴒𐴧𐴤𐴞𐴕𐴡𐴌𐴃𐴧𐴟 𐴁𐴤𐴝𐴌𐴡 𐴏𐴥𐴝𐴘 𐴒𐴤𐴝𐴙𐴚 𐴋𐴤𐴝𐴙𐴚𐴡𐴃 𐴁𐴠𐴐𐴤𐴞 𐴀𐴥𐴡𐴘𐴧𐴠 𐴁𐴡𐴓𐴞 𐴀𐴠𐴕 𐴘𐴟 𐴅𐴞𐴌 𐴀𐴠𐴓𐴝𐴕𐴡𐴃 𐴓𐴠𐴙𐴑𐴧𐴤𐴙𐴠 , 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴑𐴟𐴀𐴟𐴂𐴢 𐴒𐴡𐴌𐴥𐴞 𐴁𐴦𐴝𐴊𐴠 𐴏𐴥𐴝𐴘 𐴒𐴤𐴝𐴙𐴚 𐴋𐴤𐴝𐴙𐴚 , 𐴆𐴤𐴙𐴝𐴚 𐴂𐴠𐴌𐴠𐴕𐴠 𐴑𐴝𐴘𐴥𐴝 𐴂𐴠𐴌𐴠𐴕𐴠 , 𐴑𐴠𐴀𐴞𐴚 𐴂𐴠𐴌𐴠𐴕𐴠 𐴀𐴝𐴌 𐴔𐴡𐴒𐴧𐴤𐴗𐴥𐴠 𐴋𐴤𐴝𐴙𐴚 , 𐴎𐴝𐴒𐴝 𐴀𐴞𐴀𐴞𐴕𐴡𐴃 𐴊𐴠𐴐𐴤𐴡𐴙𐴃𐴧𐴝 𐴀𐴥𐴝𐴣𐴃𐴞𐴘𐴝𐴌𐴞 𐴉𐴝𐴄𐴞 𐴐𐴤𐴣𐴀𐴡 𐴂𐴞 𐴋𐴞 𐴀𐴠𐴉𐴢 𐴓𐴡𐴘 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃 𐴓𐴡𐴘 𐴓𐴝𐴌𐴥𐴝𐴘 𐴑𐴤𐴟𐴂𐴢 𐴁𐴠𐴐𐴤𐴞 𐴏𐴡𐴙𐴓𐴧𐴥𐴙𐴠 𐴱𐴱

𐴒𐴠𐴓𐴊𐴠 𐴀𐴠𐴂𐴌𐴞𐴓 𐴔𐴥𐴝𐴐𐴡𐴌 𐴀𐴝𐴈𐴥𐴠𐴌𐴞 𐴇𐴥𐴝𐴉𐴃𐴝 , 𐴀𐴠𐴑 𐴇𐴥𐴝𐴉𐴃𐴝𐴃 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴉𐴟𐴌𐴝 𐴊𐴞𐴘𐴝 , 𐴎𐴝𐴕𐴠 𐴔𐴝𐴌𐴝 , 𐴔𐴡𐴕𐴎𐴡𐴑𐴧𐴤𐴝 𐴁𐴡𐴕 𐴒𐴡𐴌𐴥𐴝 𐴔𐴞𐴓𐴝𐴘 𐴁𐴠𐴒𐴧𐴤𐴞𐴕𐴠 𐴴 𐴹 𐴒𐴤𐴝𐴕 𐴔𐴦𐴝𐴔𐴠𐴓𐴝 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 , ( 𐴀𐴠𐴕 𐴘𐴟 𐴅𐴞 ) 𐴊𐴠𐴐𐴤𐴡𐴙𐴃𐴧𐴝 𐴀𐴠𐴃𐴧𐴠𐴉𐴝𐴑𐴞 𐴇𐴥𐴡𐴑𐴟𐴔𐴡𐴃𐴡𐴌 𐴒𐴤𐴡𐴌 𐴔𐴦𐴝𐴔𐴠𐴓𐴝 𐴀𐴝𐴌 𐴀𐴠𐴔𐴞𐴒𐴞𐴌𐴞𐴐𐴤𐴠𐴕 𐴀𐴟𐴎𐴞𐴌𐴞𐴌 𐴀𐴡𐴉𐴥𐴞𐴏𐴡𐴌𐴃𐴧𐴟 𐴔𐴠 𐴔𐴥𐴝𐴐𐴡𐴌 𐴱 𐴃𐴝𐴌𐴥𐴞𐴑𐴡𐴃 𐴀𐴠𐴓𐴝𐴕 𐴒𐴡𐴙𐴅𐴧𐴤𐴞𐴀𐴞𐴓 𐴱𐴱

Sources : RFAburmese