𐴋𐴦𐴡 𐴀𐴡𐴚 𐴏𐴥𐴠𐴕 𐴏𐴥𐴟𐴆𐴞 𐴉𐴥𐴞𐴃𐴞𐴕 𐴀𐴝𐴌𐴀𐴥𐴡 𐴊𐴟𐴘𐴧𐴝𐴕 𐴊𐴟𐴌𐴕𐴞𐴃𐴞𐴌 𐴑𐴠𐴙𐴏𐴡𐴌 𐴀𐴞𐴚𐴑𐴗𐴝𐴌𐴞𐴃 𐴱𐴱

𐴊𐴠𐴐𐴤𐴡𐴌 𐴔𐴡𐴐𐴖𐴝𐴌𐴝 𐴊𐴝𐴃𐴝 / 𐴋𐴦𐴡 𐴀𐴡𐴚 𐴏𐴥𐴠𐴕 𐴏𐴥𐴟𐴆𐴞 𐴘𐴠 , 𐴁𐴠𐴁𐴐𐴤𐴝𐴊𐴤𐴝𐴌 𐴈𐴝𐴌𐴁𐴝𐴌𐴞 / 𐴀𐴥𐴟 𐴔𐴡𐴗𐴚 𐴖𐴥𐴞𐴃𐴡𐴌𐴃𐴧𐴟 𐴋𐴦𐴡𐴓𐴝𐴌 𐴒𐴤𐴟𐴐𐴢 𐴓𐴡𐴘𐴧𐴥𐴠 𐴁𐴡𐴓𐴞 𐴈𐴡𐴀𐴡𐴘 𐴉𐴥𐴝𐴙𐴓 𐴁𐴝𐴕𐴝𐴘 𐴌𐴝𐴙𐴑𐴧𐴤𐴞𐴀𐴞𐴓𐴊𐴠 , 𐴊𐴟𐴌𐴕𐴞𐴃𐴞 𐴑𐴠𐴙𐴏𐴢 𐴊𐴟𐴘𐴧𐴝𐴕𐴡𐴌 𐴁𐴝𐴁𐴡𐴃𐴠 𐴕𐴠𐴂𐴙𐴠 𐴋𐴦𐴡𐴌 𐴈𐴥𐴝𐴏𐴢 𐴀𐴝𐴊𐴝𐴓𐴡𐴃𐴡𐴃 , 𐴔𐴠 𐴔𐴥𐴝𐴐𐴡𐴌 𐴲 𐴃𐴝𐴌𐴥𐴞𐴑𐴡𐴃 𐴀𐴠𐴑𐴀𐴡𐴔 𐴁𐴝𐴌 𐴏𐴥𐴝𐴙𐴑 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 , 𐴀𐴝𐴊𐴝𐴓𐴡𐴃 𐴓𐴡𐴘 𐴈𐴝𐴣𐴏𐴥𐴠 𐴀𐴝𐴏𐴥𐴠𐴊𐴠 𐴔𐴝𐴙𐴕𐴐𐴤𐴠 𐴈𐴡𐴘𐴧𐴠 𐴱𐴱

𐴔𐴡𐴗𐴚 𐴖𐴥𐴞𐴃𐴠 𐴀𐴥𐴞𐴃𐴝𐴌 𐴈𐴝𐴌𐴁𐴝𐴌 𐴁𐴠𐴁𐴐𐴤𐴝 𐴄𐴤𐴞𐴑 𐴔𐴡𐴃𐴠 𐴏𐴝𐴓𐴝𐴘 𐴉𐴝𐴌𐴞𐴁𐴤𐴡𐴓𐴧𐴝 , 𐴋𐴦𐴡 𐴑𐴠𐴚 𐴆𐴙𐴠 𐴉𐴥𐴡𐴕𐴋𐴠𐴐𐴤𐴠𐴕𐴡𐴃 𐴊𐴝𐴕 𐴒𐴡𐴌𐴥𐴝𐴌 𐴁𐴤𐴝𐴀𐴝𐴕𐴝 𐴓𐴡𐴘 , 𐴀𐴝𐴔𐴌𐴞𐴑𐴞 𐴋𐴦𐴡𐴓𐴝𐴌 𐴉𐴝𐴣𐴏𐴢 𐴓𐴝𐴑 𐴉𐴡𐴕𐴎𐴝𐴙𐴐𐴢 𐴇𐴥𐴝𐴎𐴝𐴌 𐴌𐴡𐴌𐴥𐴠 𐴋𐴦𐴡 𐴀𐴡𐴚 𐴏𐴥𐴠𐴕 𐴏𐴥𐴟𐴆𐴞 𐴘𐴠 , 𐴹 𐴱 𐴰 𐴲 𐴀𐴝𐴌 𐴰 𐴲 𐴰 𐴲 𐴐𐴤𐴡𐴕𐴡𐴌 𐴁𐴤𐴟𐴃𐴡𐴌𐴠 𐴏𐴝𐴙𐴌 𐴁𐴝𐴌 𐴒𐴡𐴌𐴥𐴞 𐴒𐴡𐴏𐴥𐴞 𐴓𐴡𐴘𐴧𐴠 𐴈𐴡𐴀𐴡𐴘 , 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞 𐴘𐴠 𐴉𐴥𐴝𐴙𐴓 𐴁𐴝𐴕𐴝𐴘 𐴌𐴝𐴙𐴑𐴧𐴤𐴞𐴀𐴞𐴓𐴊𐴠 𐴑𐴠𐴙𐴏𐴢 𐴀𐴥𐴠 𐴊𐴟𐴕𐴞𐴘𐴧𐴥𐴝𐴕 𐴱𐴱

𐴉𐴥𐴡𐴌𐴘𐴝𐴊𐴞 𐴀𐴥𐴞𐴏𐴝𐴉𐴠 𐴊𐴟𐴌𐴕𐴞𐴃𐴞 𐴈𐴥𐴡𐴃𐴡𐴔 𐴒𐴡𐴌𐴥𐴝 𐴑𐴡𐴔𐴞𐴐𐴠𐴕𐴡𐴌 𐴀𐴞𐴕𐴞𐴏𐴂𐴝𐴑𐴄𐴡𐴌 / 𐴀𐴥𐴟 𐴌𐴥𐴠 𐴄𐴤𐴝 𐴌𐴠 𐴉𐴟𐴏𐴥𐴝𐴌 𐴀𐴝𐴏𐴥𐴝𐴌 𐴀𐴞𐴚𐴑𐴗𐴝𐴌𐴞 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 , 𐴀𐴝𐴊𐴝𐴓𐴡𐴃𐴡𐴌 𐴈𐴝𐴣𐴏𐴥𐴡𐴌 𐴔𐴝𐴙𐴕𐴐𐴤𐴙𐴠 𐴈𐴡𐴘𐴧𐴠 , 𐴈𐴡𐴕𐴥𐴡 𐴔𐴞𐴋𐴞𐴘𐴝𐴌𐴥𐴠 𐴕𐴡 𐴈𐴡𐴘𐴁𐴤𐴡𐴓𐴧𐴝, 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴏𐴥𐴟𐴆𐴞𐴌 𐴀𐴟𐴑𐴞𐴓 𐴀𐴥𐴡𐴑𐴧𐴡𐴓𐴡𐴌𐴠 𐴔𐴝𐴕𐴥𐴝 𐴒𐴡𐴙𐴅𐴧𐴤𐴙𐴠𐴊𐴠 𐴀𐴥𐴠𐴃𐴡𐴓𐴧𐴝 , 𐴀𐴝𐴙𐴅𐴧𐴙𐴝𐴌 𐴀𐴝𐴊𐴝𐴓𐴡𐴃𐴡𐴌 𐴀𐴞𐴚𐴑𐴗𐴝𐴌𐴞𐴌 𐴁𐴝𐴁𐴡𐴃𐴠 𐴎𐴝𐴕𐴞 𐴉𐴝𐴌𐴝 𐴕𐴡𐴀𐴡 𐴎𐴝𐴀𐴝 𐴱𐴱

𐴏𐴥𐴟𐴆𐴞 𐴌𐴥𐴠 𐴋𐴦𐴡𐴓𐴝𐴌 𐴊𐴞𐴘𐴠𐴊𐴠 𐴘𐴥𐴝𐴀𐴝𐴕𐴡𐴌 𐴁𐴝𐴁𐴡𐴃𐴠 , 𐴔𐴡𐴚 𐴖𐴥𐴞𐴃𐴠 𐴕𐴞𐴎𐴠 𐴀𐴠𐴑𐴌𐴝𐴌 𐴒𐴡𐴙𐴅𐴧𐴤𐴙𐴠𐴊𐴠 𐴁𐴞𐴋𐴞𐴘𐴟 𐴉𐴥𐴝𐴙𐴓 𐴀𐴟𐴒𐴧𐴤𐴗𐴝 , 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡𐴌 𐴀𐴝𐴕𐴋𐴤𐴝𐴌𐴡𐴌 𐴔𐴡𐴌𐴥𐴝 𐴖𐴡𐴋𐴧𐴞 𐴄𐴠𐴓𐴞𐴁𐴤𐴞𐴐𐴠𐴕 𐴀𐴞𐴐𐴄𐴞𐴐𐴤𐴞𐴕𐴡𐴃𐴧𐴟 𐴒𐴠𐴓𐴊𐴠 𐴔𐴝𐴌𐴠𐴆 𐴔𐴥𐴝𐴐𐴡𐴃 𐴉𐴥𐴟𐴕𐴝𐴘𐴧𐴠𐴊𐴠 𐴀𐴝𐴏𐴥𐴠 𐴱𐴱

𐴎𐴦𐴝𐴣𐴇𐴥𐴡𐴑 𐴔𐴦𐴝𐴔𐴠𐴓𐴝 𐴘𐴥𐴝𐴀𐴝𐴕 𐴀𐴠 𐴁𐴡𐴏𐴥𐴡𐴌 𐴉𐴥𐴠𐴌𐴖𐴝𐴌𐴞𐴌 𐴳 𐴃𐴝𐴌𐴥𐴞𐴑𐴡𐴃𐴧𐴟 , 𐴕𐴠𐴂𐴙𐴠 𐴋𐴦𐴡 𐴎𐴡𐴁𐴧𐴟 𐴏𐴞𐴌𐴥𐴞 𐴐𐴤𐴡𐴀𐴡𐴌𐴡𐴌 ( 𐴵 ) 𐴓𐴡𐴔𐴁𐴤𐴡𐴌 𐴕𐴠𐴔𐴠𐴌𐴠𐴌 𐴉𐴟𐴓𐴞𐴐𐴢 𐴃𐴤𐴝𐴕𐴝𐴃𐴧𐴟 𐴑𐴠𐴙𐴏𐴢 𐴁𐴝𐴕𐴝𐴘 𐴊𐴞𐴘𐴧𐴠𐴊𐴠 𐴘𐴥𐴝𐴀𐴝𐴕 𐴀𐴝𐴎𐴞𐴘𐴝 𐴀𐴠𐴑𐴀𐴡𐴔 𐴁𐴝𐴌 𐴉𐴥𐴟𐴕𐴝𐴕𐴞 𐴀𐴥𐴡𐴘𐴧𐴠 𐴱𐴱

𐴀𐴥𐴟 𐴂𐴥𐴟𐴌𐴥𐴟 𐴔𐴥𐴝𐴚𐴡𐴌 𐴐𐴤𐴟𐴕𐴝 𐴀𐴝𐴌 𐴋𐴦𐴡𐴓𐴝𐴌𐴡𐴌 𐴁𐴝𐴁𐴡𐴃𐴠 , 𐴏𐴥𐴟𐴆𐴞𐴌𐴥𐴠 𐴀𐴠𐴂𐴌𐴞𐴓𐴡𐴌 𐴷 𐴲 𐴃𐴝𐴌𐴥𐴞𐴑𐴡𐴃 𐴉𐴝𐴣𐴏𐴢 𐴁𐴡𐴏𐴥𐴡𐴌 𐴎𐴞𐴘𐴡𐴓 𐴉𐴥𐴟𐴕𐴝𐴘 𐴊𐴞𐴘𐴧𐴠 , 𐴔𐴠𐴓𐴠𐴄𐴠𐴌𐴞 𐴘𐴠 𐴑𐴟𐴀𐴟𐴂𐴢 𐴒𐴡𐴌𐴥𐴞 𐴁𐴦𐴝𐴊𐴠 , 𐴏𐴥𐴟𐴆𐴞𐴌𐴓𐴧𐴝 𐴹 𐴱 𐴐𐴤𐴝𐴕 𐴔𐴦𐴡𐴊𐴧𐴞𐴔𐴝 𐴑𐴤𐴟𐴙𐴓𐴧𐴠𐴊𐴠 𐴀𐴥𐴠𐴃𐴧𐴟 𐴀𐴠𐴈𐴥𐴡𐴕 𐴏𐴥𐴡𐴖𐴧𐴝𐴕𐴡𐴃 𐴱 𐴱 𐴁𐴡𐴏𐴥𐴡𐴌 𐴎𐴞𐴘𐴡𐴓 𐴀𐴥𐴡𐴘𐴧𐴠 , 𐴀𐴝𐴌𐴀𐴥𐴡 𐴳 𐴱 𐴖𐴥𐴝𐴕 𐴑𐴠𐴙𐴏𐴢 𐴏𐴥𐴟𐴆𐴞𐴃𐴧𐴟 𐴁𐴝𐴀𐴝𐴘 𐴎𐴝𐴀𐴝 𐴉𐴡𐴌𐴞𐴁𐴤𐴡 𐴱𐴱

Sources : RFAburmese