𐴀𐴡𐴚 𐴏𐴥𐴠𐴕 𐴏𐴥𐴟𐴆𐴞 𐴊𐴟𐴐𐴤𐴞 𐴑𐴠𐴙𐴏𐴢 𐴓𐴡𐴘 𐴵 𐴁𐴡𐴏𐴥𐴡𐴌 𐴎𐴞𐴘𐴥𐴡𐴓 𐴱𐴱

𐴌𐴠𐴕𐴒𐴟𐴕 𐴋𐴞𐴐𐴄𐴤𐴞𐴑𐴡𐴌 𐴉𐴟𐴌𐴝𐴕 𐴁𐴡𐴌 𐴀𐴟𐴎𐴞𐴌 / 𐴀𐴥𐴟 𐴂𐴥𐴟𐴌𐴥𐴟 𐴔𐴥𐴝𐴚 𐴏𐴥𐴞𐴕𐴠 , 𐴒𐴤𐴟𐴐𐴢 𐴊𐴞𐴘𐴥𐴠 𐴈𐴡𐴀𐴡𐴘 𐴑𐴤𐴟𐴓𐴧𐴞𐴀𐴞𐴓𐴊𐴤𐴠 𐴑𐴠𐴙𐴏𐴢 𐴘𐴥𐴝𐴀𐴝𐴕 𐴓𐴡𐴘 , 𐴊𐴟𐴐𐴤𐴞 𐴁𐴝𐴕𐴝𐴘 𐴊𐴠𐴐𐴤𐴡𐴌 𐴔𐴡𐴐𐴖𐴝𐴌𐴝 𐴊𐴝𐴃𐴝 / 𐴀𐴡𐴚 𐴏𐴥𐴠𐴕 𐴏𐴥𐴟𐴐𐴞 𐴌𐴥𐴠 𐴵 𐴁𐴡𐴏𐴥𐴡𐴌 𐴎𐴞𐴘𐴥𐴡𐴓 𐴉𐴥𐴟𐴕𐴝𐴘 𐴊𐴞𐴘𐴥𐴠 𐴁𐴡𐴓𐴞 , 𐴕𐴠𐴂𐴠𐴌𐴠 𐴋𐴦𐴡𐴌 𐴈𐴥𐴝𐴏𐴢 𐴀𐴝𐴊𐴝𐴓𐴡𐴃𐴡𐴌 𐴈𐴝𐴣𐴏𐴥𐴡𐴌 𐴔𐴝𐴕𐴥𐴟𐴙𐴐𐴢 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 𐴱𐴱

𐴉𐴥𐴝𐴘𐴏𐴠𐴓𐴝 𐴘𐴥𐴝𐴀𐴝𐴕𐴡𐴌 𐴖𐴡𐴌𐴠 𐴀𐴡𐴚 𐴏𐴥𐴠𐴕 𐴏𐴥𐴟𐴆𐴞 𐴀𐴠𐴃𐴔𐴞𐴕𐴝𐴕 𐴕𐴡𐴀𐴡 , 𐴀𐴥𐴠𐴃𐴡𐴓𐴧𐴝 𐴀𐴝𐴉𐴞𐴓 𐴒𐴡𐴌𐴥𐴞 𐴉𐴝𐴌𐴥𐴞𐴁𐴤𐴡 𐴁𐴡𐴓𐴞 𐴈𐴡𐴘𐴧𐴠 , 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴑𐴟𐴀𐴟𐴂𐴢 𐴒𐴡𐴌𐴥𐴞 𐴁𐴦𐴝𐴊𐴠 , 𐴀𐴥𐴟 𐴂𐴥𐴟𐴌𐴥𐴟 𐴔𐴥𐴝𐴚 𐴏𐴥𐴞𐴕𐴡𐴌𐴠 𐴁𐴡𐴕 𐴒𐴡𐴌𐴥𐴞 𐴔𐴦𐴝𐴔𐴠𐴓𐴝 𐴏𐴥𐴝𐴙𐴑 𐴒𐴡𐴌𐴥𐴠𐴌𐴊𐴧𐴠 𐴀𐴡𐴑𐴃𐴤𐴡𐴃 , 𐴏𐴥𐴟𐴆𐴞 𐴌𐴥𐴠 𐴷 𐴁𐴞𐴏𐴧𐴝 𐴐𐴤𐴟𐴕𐴝 𐴀𐴝𐴌 𐴏𐴥𐴡 𐴓𐴝𐴑 𐴀𐴝𐴔𐴠𐴌𐴞𐴑𐴞 𐴋𐴦𐴡𐴓𐴝𐴌 𐴒𐴤𐴟𐴐𐴢 𐴊𐴞𐴘𐴥𐴠 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴀𐴥𐴞𐴃𐴝𐴌 𐴔𐴟𐴑𐴎𐴟𐴁𐴝𐴕𐴞 𐴘𐴥𐴝𐴀𐴝𐴕 𐴓𐴡𐴘 𐴑𐴟𐴀𐴟𐴂𐴑𐴝𐴌 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 , 𐴏𐴥𐴟𐴆𐴞 𐴌𐴠 𐴊𐴟𐴐𐴤𐴞 𐴁𐴝𐴕𐴝𐴘 𐴊𐴟𐴌𐴕𐴞𐴃𐴞 𐴊𐴤𐴝𐴌𐴝 𐴓𐴡𐴔𐴁𐴤𐴡𐴌 𐴵 𐴵 𐴓𐴡𐴘 𐴔𐴦𐴡𐴊𐴧𐴞𐴔𐴝 𐴑𐴤𐴟𐴙𐴓𐴧𐴙𐴠 , 𐴔𐴡𐴕𐴃𐴡𐴌 𐴀𐴞𐴀𐴞𐴕 𐴈𐴡𐴕𐴥𐴡 𐴔𐴦𐴝𐴕𐴞 𐴏𐴥𐴝𐴌𐴝 𐴑𐴠𐴙𐴏𐴢 𐴁𐴡𐴓𐴞 𐴈𐴡𐴀𐴡𐴘 𐴏𐴥𐴟𐴆𐴞 𐴘𐴠 𐴔𐴥𐴠𐴆𐴧𐴤𐴙𐴝 𐴃𐴟𐴓𐴞 𐴌𐴝𐴑𐴧𐴤𐴞𐴓 𐴱𐴱

𐴑𐴟𐴀𐴟𐴂𐴑𐴝𐴌 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴏𐴥𐴟𐴆𐴞𐴌 𐴖𐴡𐴌𐴠 𐴑𐴠𐴙𐴏𐴢 𐴑𐴤𐴟𐴙𐴓𐴧𐴙𐴠 𐴊𐴠 𐴀𐴥𐴞𐴀𐴞𐴕𐴡𐴃𐴧𐴟 𐴶 𐴖𐴥𐴝𐴕𐴡𐴌 𐴉𐴥𐴝𐴘𐴏𐴠𐴓𐴝 𐴉𐴥𐴟𐴕𐴝𐴘 𐴊𐴞𐴀𐴞 𐴉𐴥𐴠𐴓𐴧𐴝𐴘𐴧𐴠 , 𐴊𐴤𐴝𐴌𐴝 𐴓𐴡𐴔𐴁𐴤𐴡𐴌 𐴸 , 𐴷 𐴶 , 𐴵 𐴲 , 𐴵 𐴰 𐴵 𐴀𐴝𐴌 𐴑𐴟𐴊𐴟𐴌𐴡𐴃𐴞 𐴀𐴝𐴉𐴡𐴃𐴡𐴌 𐴔𐴟𐴃𐴦𐴝𐴓𐴧𐴠𐴑 𐴊𐴤𐴝𐴌𐴝 𐴓𐴡𐴔𐴁𐴤𐴡𐴌 𐴵 𐴲 , 𐴀𐴠 𐴑𐴠𐴙𐴏𐴢 𐴉𐴝𐴣𐴏𐴥𐴡𐴖𐴧𐴝𐴕 𐴔𐴞𐴓𐴝𐴘 𐴸 𐴁𐴡𐴏𐴥𐴡𐴌 𐴎𐴞𐴘𐴥𐴡𐴓𐴡𐴌 𐴇𐴥𐴡𐴑𐴟𐴔 𐴉𐴥𐴟𐴕𐴝𐴘 𐴊𐴞𐴀𐴞𐴓 , 𐴔𐴡𐴕𐴃𐴡𐴌 𐴑𐴟𐴀𐴟𐴂𐴑𐴝𐴌 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡𐴌 𐴕𐴠𐴃𐴝 𐴘𐴠 𐴲 𐴁𐴡𐴏𐴥𐴡𐴌 𐴈𐴡𐴔𐴝𐴘 𐴊𐴞𐴀𐴞𐴓 𐴱𐴱

𐴀𐴠𐴈𐴥𐴡𐴕 𐴀𐴠 𐴉𐴝𐴣𐴏𐴢 𐴁𐴡𐴏𐴥𐴡𐴌 𐴀𐴥𐴟𐴊𐴧𐴝 𐴔𐴞𐴓𐴝𐴘 𐴱 𐴱 𐴁𐴡𐴏𐴥𐴡𐴌 𐴀𐴥𐴡𐴘𐴧𐴠 , 𐴀𐴡𐴙𐴕𐴧𐴡 𐴑𐴠𐴙𐴏𐴢 𐴀𐴥𐴡𐴑𐴧𐴡𐴓 𐴀𐴥𐴞𐴏𐴝𐴉𐴠 𐴔𐴝𐴐𐴄𐴡𐴌 𐴐𐴡𐴚 𐴄𐴝𐴕𐴠𐴌 𐴉𐴥𐴟𐴣𐴖𐴝𐴣𐴃𐴞 , 𐴇𐴥𐴡𐴑𐴟𐴔𐴡𐴃𐴡𐴌 𐴒𐴟𐴉𐴃𐴡 𐴐𐴡𐴌𐴥𐴡𐴃𐴡𐴌 𐴁𐴝𐴁𐴡𐴃𐴠 𐴊𐴤𐴝𐴌𐴝 𐴓𐴡𐴔𐴁𐴤𐴡𐴌 𐴱-𐴳 ( 𐴂𐴢 ) 𐴀𐴝𐴌 𐴀𐴡𐴙𐴕𐴧𐴡 𐴊𐴟𐴌𐴕𐴞𐴃𐴞𐴌 𐴑𐴠𐴙𐴏𐴢 𐴀𐴥𐴡𐴑𐴧𐴡𐴓𐴡𐴌𐴥𐴠 𐴁𐴝𐴀𐴝𐴘 𐴎𐴝𐴀𐴝 𐴉𐴡𐴌𐴠𐴌 𐴱𐴱

Sources : Burma.irrawaddy.com