𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴒𐴤𐴟𐴔𐴡𐴃 𐴐𐴤𐴝𐴔𐴞 𐴌𐴥𐴠 𐴑𐴟𐴉𐴝𐴘 , 𐴔𐴝𐴌𐴞 𐴉𐴥𐴠𐴓𐴥𐴝𐴘𐴧𐴥𐴠𐴊𐴠 𐴁𐴠𐴍𐴞 𐴁𐴡𐴕𐴃𐴞 𐴱𐴱

𐴑𐴝𐴑𐴐𐴡 𐴁𐴝𐴎𐴝𐴌 𐴄𐴠𐴑𐴕𐴝𐴉𐴢 𐴖𐴥𐴡𐴀𐴝𐴙𐴑𐴧𐴤𐴡𐴔 𐴘𐴟𐴕𐴞𐴘𐴥𐴡𐴕𐴡𐴌 𐴏𐴝𐴑𐴔𐴝𐴌𐴑𐴟𐴓 𐴲 𐴲 𐴓𐴡𐴔𐴁𐴤𐴡𐴌 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴌 𐴏𐴞 𐴲 𐴁𐴡𐴓𐴡𐴑𐴡𐴃 , 𐴸 𐴃𐴝𐴌𐴥𐴞𐴑 𐴀𐴠𐴂𐴌𐴞𐴓 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴌𐴝𐴃𐴞𐴘𐴝 , 𐴇𐴝𐴔𐴞𐴊𐴟𐴌 𐴌𐴝𐴇𐴔𐴝𐴕𐴡𐴌 𐴉𐴟𐴖𐴝 𐴔𐴟𐴇𐴝𐴔𐴧𐴡𐴊 𐴏𐴡𐴘𐴡𐴊𐴟𐴌 𐴌𐴝𐴇𐴔𐴦𐴝𐴕 𐴁𐴡𐴐𐴢 𐴳 𐴲 𐴁𐴡𐴏𐴥𐴡𐴌𐴥𐴡 𐴌𐴥𐴠 , 𐴕𐴞𐴎𐴡𐴌 𐴁𐴠𐴍𐴞 𐴘𐴠 𐴊𐴦𐴡 𐴓𐴡𐴘 𐴑𐴟𐴉𐴝𐴘 𐴔𐴝𐴌𐴞 𐴉𐴥𐴠𐴓𐴥𐴝𐴘𐴧𐴠 𐴱𐴱

𐴔𐴡𐴌𐴞 𐴒𐴞𐴘𐴥𐴡𐴘𐴊𐴠 𐴀𐴥𐴞𐴃𐴝𐴌 𐴁𐴠𐴍𐴞 𐴑𐴤𐴟𐴕𐴞 𐴏𐴥𐴡𐴕𐴅𐴞𐴊𐴝 𐴁𐴠𐴒𐴡𐴔 𐴁𐴡𐴐𐴢 𐴳 𐴲 𐴁𐴡𐴏𐴥𐴡𐴌𐴥𐴡𐴌𐴥𐴠 ( 𐴀𐴠 𐴂𐴞 𐴁𐴞 𐴀𐴠𐴕 ) 𐴶 𐴱 𐴓𐴡𐴔𐴁𐴡𐴌 𐴉𐴟𐴓𐴞𐴐𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 , 𐴶 𐴱 𐴓𐴡𐴔𐴁𐴤𐴡𐴌 𐴀𐴠 𐴂𐴞 𐴁𐴞 𐴀𐴠𐴕 𐴉𐴟𐴓𐴞𐴐𐴡𐴌 𐴀𐴡𐴉𐴥𐴞𐴏𐴥𐴝𐴌 𐴃𐴝𐴌𐴞𐴑𐴟𐴓 𐴀𐴞𐴏𐴓𐴝𐴔𐴠 𐴘𐴥𐴝𐴀𐴝𐴕𐴡𐴌 𐴔𐴝𐴙𐴕𐴐𐴤𐴡𐴌 𐴇𐴥𐴡𐴓𐴝 𐴊𐴞𐴀𐴞 𐴈𐴡𐴘𐴧𐴥𐴠𐴊𐴠 ! 𐴱𐴱

𐴏𐴡𐴘𐴡𐴊𐴟𐴌 𐴌𐴝𐴇𐴔𐴦𐴝𐴕 𐴀𐴝𐴌 𐴃𐴝𐴌 𐴁𐴡𐴖 𐴓𐴡𐴘 , 𐴁𐴡𐴀𐴡𐴃 𐴊𐴞𐴕 𐴀𐴥𐴡𐴘𐴃𐴠 𐴒𐴤𐴡𐴌𐴒𐴤𐴗𐴝 𐴈𐴡𐴏𐴡𐴔𐴡𐴏𐴡 𐴏𐴡𐴓𐴠𐴌 , 𐴁𐴡𐴖-𐴎𐴝𐴔𐴝𐴘𐴌 𐴔𐴝𐴎𐴤𐴠 𐴈𐴡𐴙𐴅𐴧𐴝 𐴀𐴥𐴟𐴖𐴝𐴃 𐴃𐴤𐴝𐴑𐴤𐴞𐴃𐴡 , 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴌𐴝𐴃𐴞𐴘𐴝 𐴏𐴡𐴘𐴡𐴊𐴟𐴌 𐴌𐴝𐴇𐴔𐴦𐴝𐴕 𐴒𐴤𐴡𐴌𐴡𐴃 𐴒𐴤𐴟𐴔 𐴒𐴞𐴘𐴥𐴠 , 𐴒𐴤𐴟𐴔𐴡𐴌 𐴀𐴝𐴁𐴡𐴏𐴃𐴤𐴝𐴃 𐴀𐴥𐴞𐴃𐴝𐴌 𐴁𐴠𐴍𐴞 𐴏𐴥𐴡𐴕𐴅𐴞𐴊𐴝 𐴁𐴠𐴒𐴡𐴔𐴠 𐴊𐴦𐴡 𐴓𐴡𐴘 𐴀𐴝𐴎𐴧𐴗𐴝 𐴃𐴝𐴎𐴧𐴗𐴝 𐴑𐴟𐴉𐴝𐴘𐴧𐴥𐴠 𐴱𐴱

𐴏𐴡𐴘𐴡𐴊𐴟𐴌 𐴌𐴝𐴇𐴔𐴦𐴝𐴕𐴠 𐴎𐴡𐴈𐴥𐴡𐴔𐴡𐴌 𐴇𐴥𐴝𐴓𐴡𐴃𐴡𐴃 𐴑𐴠𐴏𐴢 𐴑𐴠𐴏𐴝𐴘𐴧𐴠 𐴘𐴝𐴌 , 𐴋𐴤𐴝𐴑𐴡𐴌 𐴒𐴤𐴡𐴌𐴈𐴝𐴛𐴏𐴧𐴝 𐴔𐴝𐴕𐴥𐴟𐴙𐴐𐴢 𐴀𐴟𐴎𐴝𐴘 𐴀𐴝𐴙𐴐𐴧𐴤𐴙𐴠 , 𐴃𐴡𐴈𐴥𐴡𐴕 𐴏𐴥𐴡𐴕𐴅𐴞𐴊𐴝 𐴊𐴤𐴝𐴘 𐴎𐴝𐴘𐴁𐴝𐴌 𐴏𐴠𐴐𐴃𐴝 𐴒𐴡𐴌𐴥𐴠𐴌𐴊𐴧𐴠 𐴐𐴤𐴡𐴣𐴀𐴡𐴃 , 𐴔𐴝𐴙𐴕𐴐𐴤𐴠 𐴇𐴥𐴝𐴔𐴓𐴝 𐴒𐴡𐴌𐴥𐴞 𐴊𐴤𐴡𐴌𐴞 𐴉𐴥𐴠𐴓𐴧𐴝𐴘𐴧𐴠 , 𐴁𐴦𐴝𐴊𐴠 𐴃𐴡𐴌𐴝 𐴃𐴡𐴌𐴞 𐴏𐴡𐴘𐴡𐴊𐴟𐴌 𐴌𐴝𐴇𐴔𐴦𐴝𐴕𐴡 𐴌𐴥𐴠 𐴀𐴥𐴝𐴃𐴝 𐴀𐴥𐴝𐴃𐴞 𐴒𐴡𐴌𐴥𐴞 𐴑𐴠𐴀𐴠𐴔𐴡𐴌 𐴇𐴥𐴝𐴐𐴉𐴝𐴃𐴝𐴓𐴡𐴃 𐴓𐴡𐴘 𐴒𐴞𐴘𐴥𐴠 , 𐴏𐴠𐴑 𐴒𐴡𐴌𐴥𐴞 𐴏𐴝𐴀𐴝𐴘 𐴁𐴦𐴝𐴊𐴠 𐴋𐴝𐴑𐴄𐴡𐴌𐴠 𐴔𐴡𐴌𐴞 𐴒𐴞𐴘𐴥𐴡𐴘 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴀𐴠 𐴒𐴤𐴡𐴄𐴡𐴕𐴝𐴌 𐴈𐴥𐴡𐴁𐴡𐴌 𐴉𐴝𐴘 𐴉𐴟𐴓𐴞𐴐𐴡𐴌 𐴄𐴞𐴀𐴞𐴔 𐴀𐴟𐴒𐴧𐴤𐴗𐴝 𐴒𐴤𐴡𐴄𐴡𐴕𐴝𐴌 𐴎𐴝𐴒𐴝𐴃 𐴉𐴡𐴣𐴀𐴡𐴙𐴏𐴧𐴥𐴙𐴠 , 𐴃𐴡𐴀𐴡𐴘 𐴔𐴝𐴙𐴕𐴐𐴤𐴠 𐴊𐴤𐴡𐴌𐴞 𐴌𐴝𐴙𐴑𐴧𐴤𐴙𐴠𐴊𐴠 𐴏𐴥𐴡𐴕𐴅𐴞𐴊𐴝 𐴌𐴥𐴠 𐴉𐴟𐴓𐴞𐴐𐴡 𐴌𐴥𐴠 𐴒𐴡𐴏𐴥𐴝𐴘 𐴊𐴞𐴘𐴥𐴠 , 𐴁𐴦𐴝𐴊𐴠 𐴇𐴥𐴝𐴐𐴉𐴝𐴃𐴝𐴓𐴡𐴃𐴧𐴟 𐴔𐴡𐴌𐴝 𐴓𐴝𐴐𐴢 𐴓𐴡𐴘 , 𐴂𐴟𐴏𐴄 𐴔𐴝𐴌𐴄𐴤𐴡𐴔 𐴒𐴡𐴌𐴥𐴞 𐴁𐴤𐴡𐴓𐴧𐴝 𐴑𐴝𐴑𐴐𐴡 𐴁𐴝𐴎𐴝𐴌 𐴏𐴥𐴡𐴊𐴡𐴌 𐴇𐴥𐴝𐴐𐴉𐴝𐴃𐴝𐴓𐴡𐴃 𐴉𐴡𐴣𐴀𐴡𐴏𐴝𐴘 𐴊𐴞𐴘𐴝 𐴒𐴞𐴘𐴠 , 𐴁𐴡𐴖-𐴎𐴝𐴔𐴝𐴘𐴌 𐴔𐴝𐴎𐴤𐴠 𐴑𐴞𐴘𐴥𐴡𐴓𐴧𐴝 𐴈𐴡𐴙𐴅𐴧𐴙𐴝 𐴏𐴡𐴙𐴓𐴃𐴡𐴊𐴠 , 𐴘𐴥𐴝𐴀𐴝𐴕 𐴀𐴝𐴘𐴅𐴤𐴡 𐴉𐴡𐴙𐴅𐴧𐴡𐴕𐴃𐴡 , 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴠 𐴏𐴥𐴡𐴀𐴞 𐴈𐴝𐴌𐴡𐴕 𐴃𐴟𐴖𐴝𐴘 𐴕𐴥𐴡 𐴉𐴝𐴀𐴝 𐴱𐴱

Sources : Ukhiyanews.com