𐴔𐴡𐴚𐴋𐴤𐴟𐴌 𐴀𐴟𐴃𐴧𐴡𐴌𐴠 𐴒𐴝𐴙𐴌 𐴑𐴝𐴕𐴟𐴕𐴞 𐴃𐴡𐴖𐴌𐴠 𐴒𐴤𐴡𐴙𐴓𐴧𐴙𐴠𐴊𐴠 𐴀𐴠𐴒𐴝𐴌𐴡 𐴎𐴡𐴕 𐴔𐴝𐴙𐴕𐴐𐴤𐴡𐴌𐴥𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴒𐴝𐴙𐴌 𐴑𐴝𐴕𐴟𐴕𐴞 𐴃𐴡𐴖𐴌𐴠 𐴁𐴡𐴌𐴔𐴥𐴝𐴌 𐴀𐴠𐴓𐴝𐴑𐴝𐴌 𐴁𐴤𐴟𐴃𐴡𐴌𐴠 , 𐴒𐴤𐴡𐴓𐴞𐴁𐴤𐴡𐴓𐴧𐴝 𐴑𐴟𐴐𐴤𐴞𐴐𐴢 𐴒𐴡𐴌𐴥𐴠𐴌𐴊𐴧𐴠 𐴱 𐴱 𐴎𐴡𐴕 𐴔𐴟𐴏𐴥𐴡𐴓𐴔𐴝𐴕𐴡𐴌𐴥𐴠 , 𐴁𐴡𐴌𐴔𐴥𐴝𐴌 𐴐𐴤𐴞𐴔𐴝 𐴏𐴦𐴡𐴛 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴠 𐴁𐴟𐴙𐴃 𐴁𐴝𐴌𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 , 𐴁𐴡𐴕 𐴀𐴥𐴡𐴘𐴧𐴠𐴊𐴠 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴡𐴌𐴠 𐴉𐴝𐴣𐴏𐴢 𐴎𐴡𐴕 𐴁𐴠𐴍𐴝𐴀𐴝𐴙𐴕 𐴀𐴝𐴌 𐴏𐴥𐴡 𐴎𐴡𐴕 𐴁𐴠𐴍𐴞𐴘𐴥𐴝𐴙𐴕 , 𐴃𐴝𐴌𐴥𐴝𐴌 𐴉𐴥𐴟𐴣𐴖𐴝𐴣𐴃𐴞 𐴊𐴟𐴘 𐴎𐴡𐴕 𐴒𐴟𐴌𐴝 𐴉𐴟𐴖𐴝 𐴘𐴥𐴡 𐴀𐴝𐴏𐴥𐴠 𐴁𐴡𐴓𐴞 , 𐴀𐴥𐴠 𐴔𐴟𐴃𐴦𐴝𐴓𐴧𐴠𐴑 𐴀𐴠𐴑 𐴎𐴡𐴕 𐴀𐴥𐴠𐴏𐴃𐴝𐴕𐴞 𐴇𐴥𐴡𐴑𐴟𐴔𐴡𐴃𐴞 𐴎𐴞𐴔𐴧𐴝𐴊𐴝𐴌𐴡𐴌 𐴃𐴟𐴌𐴥𐴟 𐴘𐴠 𐴎𐴝𐴕𐴝 𐴒𐴞𐴘𐴠 𐴱𐴱

𐴔𐴝𐴕𐴥𐴟𐴙𐴐𐴢 𐴀𐴥𐴟𐴀𐴟𐴕 𐴁𐴝𐴚𐴓𐴝𐴊𐴠𐴐𐴢 𐴀𐴝𐴌 𐴁𐴡𐴌𐴔𐴥𐴝𐴌 𐴔𐴝𐴎𐴤𐴡𐴌 𐴊𐴠𐴐𐴁𐴞𐴊𐴠𐴐𐴤𐴞 𐴁𐴡𐴖𐴋𐴝𐴌𐴡𐴃𐴧𐴟 𐴁𐴠𐴀𐴞𐴕𐴧𐴝 𐴏𐴥𐴡𐴀𐴡𐴌𐴠 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 , 𐴔𐴝𐴕𐴥𐴟𐴙𐴐𐴢 𐴀𐴥𐴟𐴀𐴟𐴕 𐴔𐴡𐴚𐴋𐴤𐴟𐴌 𐴀𐴠𐴓𐴝𐴑𐴝𐴌 𐴁𐴡𐴖𐴋𐴝𐴌𐴡𐴌 𐴏𐴥𐴞𐴘𐴡𐴓𐴡𐴌 𐴒𐴤𐴞𐴌𐴝 𐴉𐴝𐴌𐴥𐴝𐴘 𐴁𐴡𐴌𐴔𐴥𐴝𐴃 𐴒𐴤𐴡𐴓𐴞𐴁𐴡𐴓𐴧𐴥𐴝 𐴑𐴟𐴐𐴤𐴞𐴐𐴢 𐴒𐴡𐴌𐴥𐴠𐴌𐴊𐴧𐴠 𐴁𐴡𐴓𐴞 , 𐴌𐴠𐴑𐴝𐴙𐴚 𐴋𐴠𐴓𐴥𐴞 𐴈𐴥𐴡𐴁𐴡𐴌𐴡𐴌 𐴆𐴠𐴕𐴥𐴠𐴓𐴡𐴥𐴃𐴧𐴟 𐴎𐴝𐴕𐴝 𐴒𐴞𐴘𐴠 𐴱𐴱

𐴀𐴥𐴞𐴃𐴝𐴌𐴝 𐴁𐴝𐴚𐴓𐴝𐴊𐴠𐴐𐴤𐴡𐴃𐴧𐴟 𐴑𐴞𐴘𐴥𐴡𐴓𐴧𐴝 𐴁𐴡𐴌𐴔𐴥𐴝𐴌 𐴁𐴤𐴟𐴃𐴡𐴌𐴠 𐴒𐴤𐴡𐴙𐴓𐴃𐴡 𐴏𐴝𐴀𐴝𐴌𐴊𐴧𐴠 , 𐴘𐴥𐴝𐴀𐴝𐴕 𐴀𐴝𐴘𐴅𐴤𐴡 𐴏𐴥𐴝𐴉𐴢 𐴒𐴡𐴌𐴥𐴞 𐴎𐴝𐴕𐴝 𐴕𐴥𐴡 𐴎𐴝𐴀𐴝 , 𐴎𐴝𐴣𐴀𐴝 𐴇𐴥𐴡𐴑 , 𐴀𐴠𐴑 𐴎𐴡𐴕 𐴀𐴥𐴠𐴏𐴃𐴝𐴕𐴞 𐴎𐴞𐴔𐴧𐴝𐴊𐴝𐴌𐴡𐴌 𐴁𐴡𐴘𐴝𐴕 𐴔𐴡𐴎𐴞𐴕 , 𐴀𐴥𐴡𐴙𐴃 𐴉𐴝𐴌𐴠 𐴀𐴥𐴞𐴃𐴝𐴌𐴥𐴝 𐴁𐴝𐴚𐴓𐴝𐴊𐴠𐴐𐴤𐴡𐴃 𐴀𐴝𐴏𐴥𐴠𐴊𐴠 𐴁𐴡𐴌𐴔𐴥𐴝𐴌 𐴔𐴟𐴏𐴥𐴡𐴓𐴔𐴝𐴕 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌𐴃𐴧𐴟 𐴀𐴝𐴘𐴧𐴥𐴠𐴌𐴊𐴧𐴠 𐴀𐴥𐴡𐴘𐴁𐴤𐴡 𐴱𐴱

𐴑𐴡𐴁𐴤𐴞𐴋 𐴹 𐴱 𐴁𐴞𐴘𐴝𐴌𐴝𐴔𐴡𐴌 𐴂𐴡𐴌𐴡𐴄𐴡𐴑𐴟𐴓 𐴔𐴡𐴎𐴞𐴕 𐴀𐴥𐴞𐴃𐴝𐴌𐴝𐴌𐴥𐴠 𐴀𐴠𐴈𐴥𐴡𐴕 𐴑𐴡𐴌𐴠𐴕𐴄𐴤𐴝𐴙𐴕𐴡𐴃 𐴌𐴝𐴙𐴑𐴧𐴤𐴙𐴠 , 𐴁𐴡𐴌𐴔𐴥𐴝𐴌 𐴀𐴞𐴔𐴞𐴒𐴞𐴌𐴞𐴐𐴤𐴠𐴕 𐴋𐴞𐴂𐴦𐴝𐴌𐴔𐴥𐴠𐴕𐴠 , 𐴁𐴡𐴖𐴋𐴝𐴌 𐴑𐴡𐴌𐴡𐴏𐴡𐴌 𐴔𐴟𐴃𐴦𐴝𐴓𐴧𐴠𐴑 𐴑𐴝𐴕𐴟𐴕 𐴓𐴡𐴘 , 𐴀𐴥𐴞𐴃𐴝𐴌𐴝𐴌𐴓𐴧𐴝 𐴔𐴦𐴡𐴊𐴧𐴞𐴔𐴝 𐴑𐴤𐴟𐴙𐴓𐴧𐴙𐴠 𐴁𐴡𐴓𐴞 𐴎𐴞𐴔𐴧𐴝𐴊𐴝𐴌 𐴀𐴥𐴞𐴁𐴤𐴝 𐴘𐴠 𐴈𐴡𐴘𐴧𐴠 𐴱𐴱

Sources : Narinjara.com