𐴁𐴡𐴌𐴔𐴥𐴝𐴌 𐴃𐴡𐴌𐴉𐴥𐴡𐴌𐴃𐴧𐴟 𐴇𐴥𐴝𐴣𐴃 𐴐𐴤𐴡𐴃 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴖𐴝𐴉𐴠𐴏𐴢 𐴕𐴞𐴁𐴝𐴌 𐴆𐴞𐴣𐴍𐴥𐴞 𐴱𐴱

𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴌𐴟𐴇𐴝𐴙𐴚𐴒𐴙𐴝 𐴌𐴥𐴠 𐴖𐴝𐴉𐴠𐴏𐴢 𐴕𐴞𐴁𐴝𐴌 𐴔𐴡𐴕𐴐𐴤𐴝 𐴎𐴝𐴀𐴞𐴌 𐴒𐴡𐴌𐴥𐴞 𐴀𐴠𐴑𐴧𐴤𐴝𐴕 𐴆𐴞𐴣𐴍𐴥𐴞 𐴉𐴝𐴄𐴤𐴝𐴘𐴧𐴠 , 𐴃𐴡𐴊𐴝𐴌𐴟𐴑 𐴃𐴡𐴊𐴡𐴕𐴃𐴤𐴡 𐴒𐴡𐴌𐴥𐴞 𐴅𐴡𐴓𐴊𐴞 𐴖𐴝𐴉𐴠𐴏𐴢 𐴕𐴞𐴁𐴡 𐴁𐴡𐴓𐴞 𐴈𐴡𐴀𐴡𐴘 𐴇𐴥𐴝𐴣𐴃 𐴐𐴤𐴡𐴃 𐴎𐴡𐴕𐴡𐴌 𐴓𐴞𐴐𐴄𐴤𐴞 𐴘𐴥𐴡 𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴟𐴔𐴡𐴃𐴡𐴌 𐴈𐴝𐴣𐴏𐴠 𐴊𐴞𐴉𐴠𐴍𐴥𐴝𐴘𐴧𐴠 𐴱𐴱

𐴋𐴤𐴝𐴑𐴝 – 𐴕𐴠𐴂𐴙𐴠𐴋𐴦𐴡 𐴔𐴞𐴓𐴞 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞𐴌 𐴁𐴝𐴁𐴡𐴃𐴠 𐴁𐴠𐴒𐴧𐴤𐴞𐴕 𐴄𐴤𐴞𐴑 𐴒𐴡𐴌𐴥𐴞 𐴉𐴥𐴠𐴓𐴥𐴝𐴘𐴧𐴠 , 𐴎𐴠𐴈𐴡𐴕𐴥𐴡 𐴔𐴟𐴇𐴥𐴟𐴌𐴃𐴠 𐴖𐴝𐴉𐴠𐴏𐴞𐴌 𐴈𐴝𐴔 𐴐𐴤𐴟𐴌𐴟 𐴀𐴥𐴡𐴙𐴃 𐴉𐴝𐴌𐴠 , 𐴁𐴡𐴌𐴔𐴥𐴝 𐴘𐴠 𐴀𐴠𐴑𐴀𐴡𐴔 𐴑𐴤𐴠𐴉𐴡𐴃 𐴰 𐴰 𐴷 𐴇𐴥𐴝𐴣𐴃 𐴐𐴤𐴡𐴃 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴖𐴝𐴉𐴠𐴏𐴢 𐴕𐴞𐴁𐴡 𐴁𐴡𐴓𐴞 𐴔𐴡𐴕𐴐𐴤𐴝 𐴎𐴝𐴀𐴞𐴌 𐴒𐴡𐴙𐴅𐴧𐴤𐴙𐴠 , 𐴇𐴥𐴝𐴓𐴠𐴑𐴤𐴞 𐴁𐴝𐴚𐴓𐴝𐴊𐴠𐴐𐴤𐴠 𐴰 𐴰 𐴱 𐴱 𐴒𐴤𐴡𐴌𐴒𐴟𐴐𐴧𐴤𐴞𐴌 𐴔𐴝𐴕𐴥𐴟𐴙𐴐𐴢 𐴀𐴠𐴑𐴧𐴟 𐴉𐴥𐴟𐴣𐴖𐴝𐴣𐴃𐴞 𐴖𐴝𐴉𐴠𐴏𐴢 𐴊𐴞𐴀𐴞𐴃𐴡 𐴏𐴝𐴀𐴝𐴌 𐴁𐴡𐴓𐴞 , 𐴁𐴡𐴘𐴊𐴠𐴐𐴢 𐴔𐴦𐴝𐴔𐴠𐴓𐴝𐴌 𐴀𐴠𐴏𐴄𐴠𐴙𐴄 𐴀𐴟𐴎𐴞𐴌 𐴐𐴤𐴡𐴇𐴡𐴌 𐴘𐴦𐴝𐴌𐴠 𐴈𐴡𐴘𐴧𐴠 𐴱𐴱

𐴀𐴥𐴠 𐴏𐴥𐴞𐴓𐴏𐴞𐴓𐴝𐴃 𐴀𐴠𐴈𐴥𐴡𐴕 𐴉𐴡𐴙𐴅𐴧𐴡𐴕𐴃𐴡 𐴁𐴡𐴌𐴔𐴥𐴝 𐴘𐴠 𐴰 𐴰 𐴰 𐴶 𐴲 𐴏𐴥𐴝𐴁𐴧𐴞𐴐𐴢 𐴇𐴥𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴌 𐴎𐴝𐴣𐴏𐴝𐴘 𐴃𐴡𐴊𐴡𐴕𐴃𐴡 𐴕𐴝𐴓 𐴒𐴡𐴌𐴥𐴞 𐴉𐴥𐴠𐴓𐴥𐴝𐴘𐴧𐴠 𐴁𐴡𐴓𐴞 𐴘𐴥𐴡 𐴐𐴤𐴡𐴇𐴡𐴌 𐴘𐴦𐴝𐴌𐴠 𐴈𐴡𐴘𐴧𐴠 , 𐴈𐴡 𐴀𐴠𐴑 𐴑𐴤𐴠𐴉𐴢 𐴒𐴡𐴌𐴥𐴞 𐴰 𐴰 𐴰 𐴰 𐴵 𐴷 𐴌𐴟𐴇𐴝𐴙𐴚𐴒𐴙𐴝 , 𐴁𐴡𐴌𐴔𐴥𐴝 𐴘𐴠 𐴖𐴝𐴉𐴠𐴏𐴢 𐴕𐴞𐴁𐴡 𐴁𐴡𐴓𐴞 𐴁𐴝𐴚𐴓𐴝𐴊𐴠𐴐𐴤𐴠 𐴀𐴝𐴐𐴤𐴝 𐴒𐴡𐴌𐴥𐴠𐴌 , 𐴀𐴠 𐴖𐴝𐴉𐴠𐴏𐴞𐴌 𐴈𐴝𐴔𐴡𐴃 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝 𐴘𐴥𐴡 𐴁𐴝𐴎𐴤𐴝𐴘𐴧𐴠 𐴃𐴤𐴝𐴑𐴞𐴁𐴤𐴡 , 𐴀𐴝𐴌 𐴀𐴝𐴃𐴧𐴝 𐴑𐴤𐴟𐴐𐴞 𐴓𐴡𐴘 𐴀𐴥𐴡𐴘𐴁𐴡 𐴀𐴝𐴌 𐴈𐴥𐴝𐴄𐴤𐴞 𐴇𐴥𐴠𐴉𐴝𐴎𐴡𐴃𐴞 𐴃𐴤𐴝𐴑𐴞𐴁𐴤𐴡 𐴱𐴱

𐴑𐴡𐴌𐴟𐴕𐴝 𐴁𐴞𐴘𐴝𐴌𐴝𐴔 , 𐴁𐴡𐴌𐴔𐴥𐴝𐴌 𐴀𐴠𐴓𐴠𐴑𐴐𐴤𐴠𐴕 𐴀𐴝𐴌 𐴔𐴠𐴓𐴠𐴄𐴠𐴌𐴞𐴌 𐴑𐴟𐴀𐴟𐴂𐴢 , 𐴀𐴞𐴀𐴞𐴕𐴡𐴌 𐴏𐴥𐴡𐴁𐴡𐴁𐴠 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞𐴌 𐴈𐴝𐴔 𐴊𐴠𐴌𐴞 𐴀𐴥𐴡𐴘𐴧𐴠𐴊𐴠 𐴁𐴡𐴓𐴞 𐴘𐴥𐴡 𐴐𐴤𐴡𐴇𐴡𐴌 𐴘𐴦𐴝𐴌𐴠 𐴈𐴡𐴘𐴧𐴠 , 𐴁𐴝𐴚𐴓𐴝𐴊𐴠𐴐𐴤𐴡𐴌 𐴃𐴡𐴌𐴉𐴡𐴌𐴃𐴧𐴟 𐴌𐴞𐴉𐴟𐴎𐴞 𐴌𐴞𐴓𐴥𐴞𐴉𐴢 𐴀𐴝𐴌 𐴖𐴝𐴉𐴠𐴏𐴞𐴌 𐴑𐴡𐴔𐴞𐴐𐴕𐴝𐴌 / 𐴌𐴞𐴎𐴖𐴝𐴕 𐴇𐴥𐴝𐴘𐴝𐴃𐴡𐴌 𐴏𐴥𐴡𐴊𐴧𐴝𐴌𐴞𐴃 𐴁𐴝𐴕𐴝𐴘𐴧𐴠𐴊𐴠 𐴋𐴠𐴓𐴞𐴒𐴠𐴐𐴤𐴠𐴕 𐴀𐴝𐴌 𐴁𐴡𐴌𐴔𐴥𐴝𐴌 𐴃𐴡𐴌𐴉𐴡𐴥𐴡𐴌𐴃𐴧𐴟 , 𐴀𐴠𐴔𐴞𐴒𐴞𐴌𐴞𐴐𐴤𐴠𐴕 𐴀𐴝𐴌 𐴀𐴝𐴁𐴝𐴊𐴞𐴌 𐴀𐴟𐴎𐴞𐴌𐴞𐴌 𐴊𐴟𐴘𐴀𐴡𐴔 𐴋𐴝𐴘𐴌𐴥𐴠𐴑𐴄𐴤𐴝𐴌 𐴅𐴡𐴕𐴡𐴌𐴡𐴓 / 𐴘𐴥𐴠𐴇𐴢 𐴄𐴟𐴕 𐴀𐴥𐴟𐴌 𐴏𐴥𐴡𐴊𐴧𐴝𐴌𐴞𐴃 𐴁𐴝𐴕𐴝𐴘𐴧𐴠𐴊𐴠 𐴋𐴠𐴓𐴞𐴒𐴠𐴐𐴤𐴠𐴕 , 𐴀𐴝𐴌 𐴆𐴞𐴕𐴝 𐴀𐴥𐴟𐴊𐴧𐴝 𐴔𐴞𐴓𐴞 𐴶 𐴲 / 𐴅𐴝𐴕𐴖𐴝𐴌𐴞 𐴱 𐴲 𐴰 𐴲 𐴐𐴤𐴡𐴕𐴡𐴃 , 𐴃𐴞𐴕 𐴑𐴤𐴟𐴙𐴄𐴧𐴝 𐴔𐴞𐴄𐴤𐴞𐴚 𐴒𐴡𐴌𐴥𐴞 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞𐴌 𐴈𐴝𐴔 𐴁𐴠𐴒𐴧𐴤𐴞𐴕 𐴕𐴝𐴓 𐴒𐴡𐴌𐴥𐴞 𐴉𐴥𐴠𐴓𐴥𐴝𐴘𐴧𐴠 𐴱𐴱

Sources : Ukhiya news.com