𐴊𐴟𐴘 𐴊𐴞𐴕𐴡𐴌 𐴁𐴤𐴟𐴃𐴡𐴌𐴠 𐴁𐴠𐴑𐴝𐴕𐴟𐴕𐴞 𐴈𐴝𐴔 𐴒𐴡𐴌𐴥𐴡𐴙𐴕𐴧𐴝 𐴁𐴡𐴌𐴔𐴥𐴝 𐴰 𐴳 𐴱 𐴎𐴡𐴕𐴡𐴌 𐴖𐴡𐴌𐴠 𐴄𐴤𐴝𐴘𐴓𐴠𐴕𐴡𐴃 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴱𐴱

𐴒𐴡𐴃𐴡 𐴊𐴟𐴘 𐴊𐴞𐴕𐴡𐴌 𐴁𐴤𐴟𐴃𐴡𐴌𐴠 𐴄𐴤𐴝𐴘- 𐴁𐴡𐴌𐴔𐴥𐴝 𐴁𐴡𐴖𐴋𐴝𐴌𐴡𐴃 , 𐴁𐴠𐴑𐴝𐴕𐴟𐴕𐴞 𐴉𐴡𐴣𐴀𐴡𐴙𐴏𐴧𐴠𐴊𐴤𐴠 𐴉𐴡𐴌𐴁𐴤𐴝𐴐𐴤𐴞 𐴈𐴝𐴔 𐴒𐴡𐴌𐴥𐴡𐴙𐴕𐴧𐴝 𐴁𐴡𐴌𐴔𐴥𐴝 𐴰 𐴳 𐴱 𐴎𐴡𐴕𐴡𐴌 𐴖𐴡𐴌𐴠 , 𐴄𐴤𐴝𐴘 𐴇𐴥𐴠𐴉𐴝𐴎𐴡𐴃𐴞 𐴉𐴟𐴓𐴞𐴐𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴔𐴝𐴌𐴠𐴆𐴡𐴌 𐴳 𐴱 𐴃𐴝𐴌𐴥𐴞𐴑𐴡𐴃 𐴑𐴦𐴡𐴉𐴞𐴌 𐴁𐴤𐴝𐴕𐴋𐴞 𐴀𐴝𐴕𐴥𐴠𐴌𐴊𐴧𐴠 𐴒𐴝𐴌𐴥𐴞 𐴀𐴠𐴑𐴧𐴤𐴝𐴕𐴡𐴌𐴃𐴧𐴟, 𐴏𐴥𐴝𐴁𐴟𐴃 𐴏𐴥𐴝𐴌𐴝 𐴀𐴝𐴘𐴧𐴠𐴌𐴊𐴧𐴠 𐴉𐴡𐴌𐴁𐴤𐴝𐴐𐴤𐴞 𐴈𐴝𐴔 𐴒𐴡𐴌𐴥𐴡𐴙𐴕𐴧𐴝 𐴁𐴡𐴌𐴔𐴥𐴝 𐴳 𐴵 𐴎𐴡𐴕 , 𐴔𐴠𐴏𐴥𐴡𐴄 𐴐𐴤𐴡𐴀𐴡𐴌𐴡𐴌 𐴇𐴥𐴠𐴉𐴝𐴎𐴡𐴃𐴞 𐴒𐴠𐴀𐴞𐴍𐴡𐴃 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴁𐴡𐴓𐴞 , 𐴔𐴠𐴏𐴥𐴡𐴄 𐴐𐴤𐴡𐴀𐴡𐴌𐴡𐴃 𐴃𐴤𐴝𐴑𐴠𐴊𐴠 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴡𐴌𐴓𐴧𐴝 𐴈𐴝𐴔 𐴒𐴡𐴌𐴥𐴡𐴙𐴕𐴧𐴝 𐴑𐴡𐴌𐴔𐴞 𐴀𐴥𐴡𐴑𐴧𐴡𐴓𐴡𐴌 𐴑𐴡𐴔𐴞𐴄𐴤𐴞 ( 𐴅𐴠 𐴀𐴠 𐴏𐴞 𐴁𐴞 𐴀𐴠 )𐴌 𐴀𐴥𐴟𐴑𐴧𐴝𐴄𐴝 / 𐴀𐴥𐴟 𐴔𐴥𐴟 𐴑𐴟𐴌𐴥𐴟 𐴘𐴠 𐴈𐴡𐴘𐴧𐴠 𐴱𐴱

𐴔𐴝𐴌𐴠𐴆𐴡𐴌 𐴲 𐴱 𐴃𐴝𐴌𐴥𐴞𐴑𐴡𐴃 𐴀𐴥𐴡 𐴊𐴡𐴐𐴢 𐴏𐴝𐴑𐴧𐴝 𐴒𐴝𐴌𐴥𐴞 𐴁𐴤𐴡𐴌𐴥𐴞 𐴀𐴝𐴘𐴧𐴠𐴌𐴊𐴧𐴤𐴠 , 𐴉𐴡𐴌𐴁𐴤𐴝𐴐𐴞 𐴈𐴝𐴔 𐴒𐴡𐴌𐴥𐴡𐴙𐴕𐴧𐴝 𐴁𐴡𐴌𐴔𐴥𐴝 𐴰 𐴸 𐴎𐴡𐴕 , 𐴓𐴥𐴠𐴕 𐴂𐴥𐴠𐴕 𐴑𐴠𐴌𐴝𐴙𐴚𐴡𐴃 𐴄𐴤𐴝𐴘 𐴇𐴥𐴠𐴉𐴝𐴎𐴡𐴃𐴞 𐴉𐴟𐴓𐴞𐴐𐴡𐴌 𐴇𐴥𐴝𐴃𐴡𐴃 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 , 𐴀𐴥𐴞𐴃𐴝𐴌𐴝 𐴄𐴤𐴝𐴘𐴓𐴠𐴕𐴡𐴌 𐴁𐴠𐴣𐴑𐴧𐴤𐴡𐴑 𐴐𐴤𐴡𐴣𐴀𐴡 𐴀𐴡𐴙𐴕𐴧𐴡 𐴀𐴡𐴙𐴕𐴧𐴡 𐴐𐴤𐴡𐴀𐴡𐴌 𐴀𐴥𐴡𐴑𐴧𐴡𐴓𐴡𐴃 𐴎𐴝𐴘 𐴈𐴝𐴔 𐴒𐴡𐴌𐴥𐴞𐴁𐴤𐴡𐴓𐴧𐴝 , 𐴋𐴝𐴓𐴝𐴓𐴡𐴌𐴥𐴠 𐴎𐴡𐴕 𐴉𐴞𐴏𐴥𐴠 𐴁𐴦𐴝𐴄 𐴄𐴞𐴛𐴝 𐴃𐴞𐴌𐴥𐴞𐴐𐴢 𐴇𐴥𐴝𐴎𐴝𐴌 𐴊𐴞𐴘𐴝 𐴉𐴡𐴌𐴞𐴁𐴤𐴡 𐴁𐴡𐴓𐴞 / 𐴀𐴥𐴟 𐴔𐴥𐴟 𐴑𐴟𐴌𐴥𐴟 𐴘𐴠 𐴈𐴡𐴘𐴧𐴠 𐴱𐴱

𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴉𐴡𐴌𐴁𐴤𐴝𐴐𐴤𐴞 𐴈𐴝𐴔 𐴒𐴡𐴌𐴥𐴡𐴙𐴕𐴧𐴝 𐴁𐴡𐴌𐴔𐴥𐴝 𐴳 𐴵 𐴎𐴡𐴕 𐴀𐴝𐴌 𐴋𐴝𐴓𐴝𐴓 𐴊𐴟𐴘 𐴎𐴡𐴕 , 𐴔𐴠𐴏𐴥𐴡𐴄 𐴐𐴤𐴡𐴀𐴡𐴌𐴡𐴌 𐴉𐴟𐴓𐴞𐴐𐴢 𐴃𐴤𐴝𐴕𐴝𐴃 𐴁𐴡𐴕 𐴒𐴡𐴌𐴥𐴞 𐴌𐴝𐴙𐴑𐴧𐴤𐴙𐴠 𐴀𐴝𐴌 𐴑𐴝𐴕𐴟𐴕𐴞 𐴑𐴝𐴌𐴖𐴝𐴘 𐴒𐴡𐴌𐴥𐴞 𐴎𐴝𐴘𐴁𐴡 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴔𐴝𐴌𐴠𐴆𐴡𐴌 𐴱 𐴃𐴝𐴌𐴥𐴞𐴑 𐴀𐴥𐴡𐴘𐴃𐴠 𐴴 𐴱 𐴃𐴝𐴌𐴥𐴞𐴑 𐴉𐴡𐴙𐴅𐴧𐴡𐴕𐴃𐴡 𐴁𐴠𐴑𐴝𐴕𐴟𐴕𐴞 𐴃𐴡𐴖𐴌𐴠 𐴄𐴤𐴝𐴘𐴓𐴠𐴕𐴡𐴃 𐴒𐴤𐴡𐴙𐴓𐴧𐴠𐴊𐴠 , 𐴉𐴡𐴌𐴁𐴤𐴝𐴐𐴤𐴞 𐴈𐴝𐴔 𐴒𐴡𐴌𐴥𐴡𐴙𐴕𐴧𐴝 𐴁𐴡𐴌𐴔𐴥𐴝 𐴁𐴠𐴒𐴧𐴤𐴟𐴕𐴠 𐴔𐴞𐴓𐴝𐴘 𐴰 𐴴 𐴹 𐴎𐴡𐴕𐴡𐴌 𐴖𐴡𐴌𐴠 𐴐𐴤𐴡𐴣𐴀𐴡 𐴄𐴤𐴝𐴘 𐴑𐴡𐴗𐴔 𐴋𐴝𐴓𐴝𐴓 𐴰 𐴲 𐴎𐴡𐴕𐴡𐴌𐴥𐴠 , 𐴄𐴤𐴝𐴘 𐴇𐴥𐴠𐴉𐴝𐴎𐴡𐴃𐴞 𐴉𐴟𐴓𐴞𐴐𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 / 𐴀𐴥𐴟 𐴔𐴥𐴟 𐴑𐴟𐴌𐴥𐴟 𐴘𐴠 𐴈𐴡𐴘𐴧𐴠 𐴱𐴱

Sources : RFA