𐴏𐴝𐴙𐴌 𐴎𐴡𐴕 𐴔𐴟𐴏𐴥𐴡𐴓𐴔𐴝𐴕𐴡𐴌𐴥𐴠 𐴉𐴝𐴐𐴤𐴞𐴕𐴊𐴝𐴌𐴞 𐴒𐴝𐴌𐴥𐴞𐴃 𐴁𐴤𐴡𐴌𐴞 𐴓𐴟𐴖𐴝𐴘 𐴀𐴝𐴕𐴥𐴠𐴌𐴊𐴧𐴠 𐴀𐴥𐴠𐴃𐴤𐴡𐴓𐴧𐴝 , 𐴒𐴝𐴌𐴥𐴞 𐴀𐴡𐴓𐴝 𐴃𐴞𐴕 𐴎𐴡𐴕𐴡𐴌𐴥𐴠 𐴉𐴡𐴗𐴎𐴊𐴝𐴌𐴞 𐴊𐴤𐴝𐴌𐴝 𐴓𐴡𐴔𐴁𐴤𐴡𐴌 𐴷 𐴶 𐴳 𐴓𐴡𐴘 𐴔𐴦𐴡𐴊𐴧𐴞𐴔𐴝 𐴑𐴤𐴟𐴙𐴓𐴧𐴙𐴠 𐴱𐴱

𐴀𐴝𐴙𐴑𐴧𐴙𐴝𐴁𐴡𐴃𐴧𐴤𐴟 𐴌𐴠𐴚𐴒𐴟𐴕 𐴎𐴝𐴀𐴝𐴌𐴊𐴧𐴠 𐴒𐴝𐴌𐴥𐴞 𐴀𐴠𐴑𐴧𐴤𐴝𐴕𐴡𐴃 𐴁𐴤𐴡𐴌𐴞 , 𐴏𐴝𐴙𐴌 𐴎𐴡𐴕 𐴔𐴟𐴏𐴥𐴡𐴓𐴔𐴝𐴕 𐴓𐴡𐴘 𐴎𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 , 𐴒𐴝𐴌𐴥𐴞 𐴀𐴡𐴓𐴝 𐴳 𐴎𐴡𐴕𐴡𐴌𐴥𐴠 𐴁𐴡𐴕 𐴒𐴡𐴌𐴥𐴞 𐴉𐴡𐴗𐴎𐴊𐴝𐴌𐴞 𐴑𐴝𐴕𐴟𐴕𐴡𐴌 𐴊𐴤𐴝𐴌𐴝 𐴓𐴡𐴔𐴁𐴤𐴡𐴌 𐴷 𐴶 𐴳 𐴓𐴡𐴘 𐴔𐴦𐴡𐴊𐴧𐴞𐴔𐴝 𐴑𐴤𐴟𐴙𐴓𐴧𐴙𐴠 𐴁𐴡𐴓𐴞 𐴈𐴥𐴡𐴁𐴡𐴌 𐴉𐴝𐴀𐴝 𐴒𐴞𐴘𐴠 𐴱𐴱

𐴔𐴝𐴌𐴠𐴆𐴡𐴌 𐴱 𐴱 / 𐴃𐴝𐴌𐴥𐴞𐴑𐴡𐴃 𐴁𐴞𐴀𐴞𐴕𐴧𐴝 𐴀𐴥𐴠𐴔 𐴐𐴤𐴡𐴀𐴡𐴌𐴡𐴌 𐴑𐴠𐴚 𐴔𐴡𐴌𐴥𐴝𐴚 𐴀𐴞𐴚𐴑𐴗𐴝𐴌𐴞 𐴒𐴠𐴀𐴞𐴍𐴡𐴃 , 𐴔𐴠𐴕 𐴏𐴥𐴝𐴏𐴧𐴝 𐴒𐴝𐴌𐴥𐴞 𐴓𐴡𐴘 𐴀𐴝𐴘𐴧𐴥𐴠𐴌𐴊𐴧𐴠 𐴏𐴝𐴙𐴌 𐴎𐴡𐴕 𐴔𐴟𐴏𐴥𐴡𐴓𐴔𐴝𐴕 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴌𐴠𐴑𐴝𐴙𐴚 𐴕𐴥𐴠𐴎𐴞𐴚 𐴈𐴥𐴡𐴁𐴡𐴌𐴡𐴃 𐴓𐴠𐴙𐴑𐴧𐴤𐴙𐴠 , 𐴌𐴠𐴚𐴒𐴟𐴕 𐴉𐴡𐴣𐴀𐴡𐴏𐴞 𐴁𐴦𐴝𐴊𐴠 𐴎𐴡𐴕 𐴉𐴞𐴏𐴥𐴠 𐴱 𐴱 𐴓𐴥𐴝𐴑 𐴄𐴞𐴛𐴝 𐴊𐴡𐴀𐴡𐴕𐴡𐴌 𐴈𐴡𐴃𐴤𐴝𐴌 𐴖𐴡𐴌𐴠 , 𐴒𐴝𐴌𐴥𐴞𐴌 𐴕𐴞𐴏𐴠 𐴔𐴝𐴓 𐴌𐴝𐴑𐴤𐴠𐴊𐴠 𐴀𐴥𐴠𐴍𐴠 𐴔𐴝𐴓𐴡𐴌 𐴉𐴥𐴟𐴣𐴖𐴥𐴝𐴣𐴃𐴞 𐴓𐴟𐴖𐴝𐴘 𐴘𐴥𐴡𐴌𐴠 ,𐴒𐴝𐴌𐴥𐴞 𐴀𐴡𐴓𐴝 𐴀𐴥𐴡𐴑𐴧𐴡𐴓𐴠 𐴀𐴝𐴕𐴥𐴠𐴌 𐴁𐴡𐴓𐴞 𐴈𐴥𐴡𐴁𐴡𐴌𐴡𐴃 𐴓𐴠𐴙𐴑𐴧𐴤𐴙𐴠 𐴱𐴱

𐴁𐴡𐴕 𐴒𐴡𐴙𐴅𐴧𐴤𐴙𐴠𐴊𐴤𐴠 𐴒𐴝𐴌𐴥𐴞 𐴀𐴡𐴓𐴝 𐴀𐴥𐴟𐴀𐴟𐴕 𐴀𐴥𐴡𐴙𐴓𐴊𐴠 , 𐴑𐴙𐴡𐴑 𐴄𐴡𐴌 𐴌𐴗𐴝 𐴔𐴥𐴝 𐴉𐴝𐴌𐴝𐴃 𐴃𐴤𐴝𐴑𐴠𐴊𐴠 𐴋𐴠𐴌𐴥𐴝𐴘𐴁𐴤𐴝𐴌 / 𐴀𐴥𐴟 𐴄𐴤𐴗𐴠𐴕 𐴄𐴤𐴗𐴠𐴕 𐴅𐴙𐴡 𐴁𐴝𐴉𐴢 / 𐴀𐴥𐴟 𐴓𐴝𐴇 𐴅𐴙𐴡 𐴎𐴤𐴡 𐴱 𐴴 𐴁𐴡𐴏𐴥𐴡𐴌 , 𐴑𐴙𐴡𐴑 𐴄𐴡𐴌 𐴔𐴥𐴝𐴚 𐴏𐴥𐴝 𐴄𐴡𐴚 𐴉𐴝𐴌𐴝𐴌 / 𐴄𐴤𐴗𐴠𐴕 𐴄𐴤𐴗𐴠𐴕 𐴀𐴥𐴟 𐴁𐴝𐴉𐴢 / 𐴀𐴥𐴟 𐴁𐴤𐴝 𐴄𐴞𐴚 𐴷 𐴳 𐴁𐴡𐴏𐴥𐴡𐴌 , 𐴔𐴠𐴌𐴠𐴁𐴟𐴚 𐴐𐴤𐴡𐴀𐴡𐴌𐴡𐴌 𐴏𐴠𐴕 𐴘𐴥𐴝𐴚 𐴉𐴝𐴌𐴝𐴌 / 𐴑𐴙𐴡 𐴎𐴗𐴝 𐴁𐴝𐴉𐴢 / 𐴀𐴥𐴟 𐴐𐴗𐴠 𐴓𐴝𐴇 𐴸 𐴲 𐴁𐴡𐴏𐴥𐴡𐴌 𐴱𐴱

𐴔𐴟𐴏𐴥𐴡𐴓𐴔𐴝𐴕 𐴀𐴥𐴟𐴀𐴟𐴕 𐴔𐴡𐴓𐴝𐴘𐴆𐴤𐴙𐴝𐴃 𐴀𐴝𐴏𐴥𐴠𐴊𐴠 𐴀𐴠𐴒𐴝𐴕𐴝 𐴀𐴥𐴡𐴑𐴧𐴡𐴓𐴡𐴌 𐴃𐴡𐴌𐴉𐴥𐴡𐴌𐴃𐴧𐴟 , 𐴀𐴝𐴙𐴑𐴧𐴙𐴝𐴁𐴡𐴃 𐴀𐴝𐴏𐴥𐴠𐴊𐴠 𐴋𐴝𐴓𐴝𐴓 𐴓𐴡𐴘 𐴔𐴡𐴓𐴝𐴘𐴆𐴤𐴙𐴝 𐴉𐴡𐴣𐴀𐴣𐴏𐴞𐴓𐴥𐴠 𐴎𐴡𐴕 𐴉𐴞𐴏𐴠 𐴰 𐴳 𐴓𐴥𐴝𐴑 𐴊𐴞𐴀𐴞𐴁𐴡 𐴁𐴡𐴓𐴞 𐴈𐴡𐴃𐴤𐴝 𐴁𐴤𐴝𐴚𐴞 , 𐴒𐴝𐴌𐴥𐴞 𐴘𐴝𐴀𐴝𐴕 𐴓𐴡𐴘 𐴀𐴝𐴘𐴧𐴠𐴌𐴊𐴧𐴠 𐴁𐴡𐴓𐴞 𐴈𐴡𐴘𐴧𐴠 , 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴔𐴟𐴏𐴥𐴡𐴓𐴔𐴝𐴕 𐴀𐴥𐴟𐴀𐴟𐴕𐴡𐴌𐴠 𐴱𐴱

𐴀𐴠𐴔𐴞𐴒𐴞𐴌𐴞𐴐𐴤𐴠𐴕 𐴑𐴝𐴕𐴟𐴕𐴡𐴌 𐴊𐴤𐴝𐴌𐴝 𐴓𐴡𐴔𐴁𐴤𐴡𐴌 ( 𐴳 ) 𐴶 / ( 𐴲 ) 𐴶 𐴓𐴡𐴘 𐴔𐴦𐴡𐴊𐴧𐴞𐴔𐴝 𐴑𐴤𐴟𐴓𐴞 𐴎𐴡𐴌𐴞𐴁𐴝𐴕𐴝 𐴒𐴡𐴌𐴥𐴞𐴁𐴤𐴝𐴌 𐴁𐴠𐴁𐴡𐴏𐴃𐴝 𐴒𐴡𐴙𐴅𐴧𐴤𐴙𐴠 , 𐴀𐴝𐴌 𐴒𐴝𐴌𐴥𐴞 𐴀𐴡𐴓𐴝 𐴃𐴞𐴕𐴥𐴞 𐴎𐴡𐴕𐴡𐴌𐴥𐴠 𐴉𐴡𐴗𐴎𐴊𐴝𐴌𐴞 𐴑𐴝𐴕𐴟𐴕𐴡𐴌 𐴊𐴤𐴝𐴌𐴝 𐴓𐴡𐴔𐴁𐴤𐴡𐴌 𐴷 𐴶 𐴳 𐴓𐴡𐴘 𐴔𐴦𐴡𐴊𐴧𐴞𐴔𐴝 𐴑𐴤𐴟𐴓𐴞 𐴎𐴡𐴌𐴞𐴁𐴝𐴕𐴝 𐴒𐴡𐴌𐴥𐴞𐴁𐴤𐴝𐴌 𐴁𐴠𐴁𐴡𐴏𐴃𐴤𐴝 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴈𐴥𐴡𐴁𐴡𐴌𐴡𐴃 𐴈𐴡𐴘𐴧𐴠 𐴱𐴱

Sources : Narinzaranews