𐴆𐴙𐴡𐴑 𐴂𐴙𐴟𐴌 𐴔𐴟𐴏𐴥𐴡𐴓𐴔𐴝𐴕 𐴀𐴝𐴘 𐴋𐴞 𐴂𐴞 𐴑𐴠𐴀𐴠𐴔 𐴁𐴤𐴝𐴚𐴞 𐴉𐴝𐴌𐴝𐴌 𐴐𐴡𐴑𐴤𐴡𐴓 𐴓𐴡𐴘 𐴁𐴝𐴣𐴊𐴠𐴀𐴠𐴌 𐴱𐴱

𐴝𐴌𐴑𐴝𐴕𐴡𐴌 𐴊𐴟𐴘𐴀𐴡𐴔 𐴁𐴡𐴌𐴡 𐴐𐴤𐴡𐴀𐴡𐴌 𐴆𐴙𐴡𐴑 𐴂𐴙𐴟𐴌 𐴔𐴟𐴏𐴥𐴡𐴓𐴔𐴝𐴕𐴌 𐴀𐴝𐴘 𐴋𐴞 𐴂𐴞 𐴑𐴠𐴀𐴠𐴔 , 𐴁𐴤𐴝𐴚𐴞 𐴉𐴥𐴠𐴓𐴥𐴝𐴘 𐴁𐴦𐴝𐴊𐴠 𐴉𐴝𐴌𐴝𐴌 𐴐𐴡𐴑𐴤𐴡𐴓 𐴓𐴡𐴘 𐴀𐴝𐴁𐴧𐴝𐴌 𐴁𐴝𐴣𐴊𐴠𐴀𐴠𐴌 𐴁𐴡𐴓𐴞 , 𐴀𐴝𐴌𐴑𐴝𐴕 𐴋𐴞𐴐𐴄𐴤𐴞𐴑 𐴑𐴡𐴗𐴕𐴏𐴥𐴞𐴓𐴡𐴌 𐴃𐴡𐴌𐴉𐴥𐴡𐴌 𐴈𐴡𐴃𐴤𐴝 𐴈𐴡𐴀𐴡𐴙𐴕𐴧𐴝 𐴘𐴠 𐴈𐴡𐴘𐴧𐴠 𐴱𐴱

𐴆𐴙𐴡𐴑 𐴂𐴙𐴟 𐴀𐴝𐴘 𐴋𐴞 𐴂𐴞 𐴑𐴠𐴀𐴠𐴔 𐴀𐴥𐴞𐴁𐴤𐴝 , 𐴲 𐴱 𐴰 𐴲 𐴐𐴤𐴡𐴕𐴡𐴃 𐴀𐴥𐴡𐴀𐴡𐴙𐴓𐴊𐴠 𐴎𐴝𐴃𐴞𐴘𐴡 𐴒𐴡𐴃𐴝 𐴎𐴟𐴓𐴟𐴔𐴞 𐴇𐴥𐴝𐴔𐴓𐴝𐴌 𐴀𐴡𐴑𐴃𐴤𐴡𐴃 , ( 𐴂𐴥𐴝𐴙𐴑 𐴏𐴥𐴠 ) 𐴎𐴝𐴙𐴓𐴧𐴝 𐴉𐴝𐴌𐴝 𐴌𐴥𐴠𐴑𐴧𐴤𐴗𐴝𐴌𐴃𐴧𐴟 𐴊𐴤𐴝𐴘 𐴒𐴞𐴀𐴞𐴓 𐴒𐴤𐴡𐴘𐴊𐴠 𐴔𐴝𐴕𐴥𐴟𐴙𐴐𐴢 𐴀𐴥𐴟𐴀𐴟𐴕 𐴓𐴡𐴘 𐴁𐴝𐴕𐴝𐴘𐴧𐴠𐴊𐴠 , 𐴑𐴠𐴀𐴠𐴔 𐴀𐴥𐴞𐴁𐴤𐴝𐴃 𐴀𐴠𐴈𐴥𐴡𐴕 𐴰 𐴳 𐴵 𐴱 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴃𐴤𐴝𐴑𐴠𐴌 𐴱𐴱

𐴀𐴥𐴠 𐴑𐴠𐴀𐴠𐴔𐴡𐴌 𐴈𐴡𐴊𐴞 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴥𐴠𐴊𐴠 ! 𐴀𐴝𐴘 𐴋𐴞 𐴂𐴞 𐴑𐴠𐴀𐴠𐴔 𐴁𐴤𐴝𐴚𐴞 𐴉𐴝𐴌𐴝𐴌 𐴐𐴡𐴑𐴤𐴡𐴓 𐴓𐴡𐴘 𐴁𐴝𐴣𐴊𐴡𐴀𐴡𐴕 𐴔𐴦𐴝𐴕𐴞 , 𐴔𐴟𐴏𐴥𐴡𐴓𐴔𐴝𐴕 𐴌𐴞𐴉𐴟𐴎𐴞 𐴀𐴥𐴟𐴀𐴟𐴕 𐴕𐴞𐴎𐴡𐴌 𐴀𐴝𐴏𐴥𐴡𐴓𐴞 𐴎𐴝𐴒𐴝𐴃 𐴎𐴝𐴘 𐴃𐴤𐴝𐴑𐴡𐴕𐴡𐴌 𐴇𐴥𐴡𐴑 𐴈𐴝𐴌𐴥𐴞 𐴓𐴡𐴘 𐴉𐴥𐴠𐴓𐴡𐴀𐴡𐴕 , 𐴇𐴥𐴡𐴑𐴟𐴔𐴡𐴃𐴞 𐴉𐴥𐴝𐴘𐴏𐴠𐴓𐴝 𐴘𐴝𐴀𐴝𐴕 𐴓𐴡𐴒𐴢 𐴁𐴤𐴡𐴒𐴢 𐴊𐴡𐴐𐴢 𐴁𐴡𐴏𐴥𐴡𐴌 𐴁𐴦𐴝𐴊𐴠 𐴔𐴟𐴏𐴥𐴡𐴓𐴔𐴝𐴕𐴡𐴌 𐴇𐴥𐴠𐴔𐴝𐴘𐴡𐴃𐴡𐴃 𐴀𐴝𐴙𐴓𐴊𐴠 𐴱𐴱

𐴑𐴤𐴙𐴡𐴑 𐴃𐴡𐴓𐴥𐴟𐴚 𐴌𐴥𐴠𐴑𐴧𐴤𐴗𐴝𐴌 𐴀𐴥𐴟𐴑 𐴆𐴤𐴙𐴑 𐴌𐴥𐴠𐴔𐴥𐴟 / 𐴀𐴥𐴟 𐴔𐴡𐴗𐴚 𐴕𐴞 𐴘𐴠 𐴅𐴝𐴕𐴑𐴝𐴌𐴞 𐴊𐴞𐴘𐴧𐴥𐴠𐴊𐴠 ! 𐴑𐴞 𐴈𐴡𐴘𐴓𐴥𐴠 𐴇𐴥𐴡𐴑𐴟𐴔𐴡𐴃𐴠 ( 𐴀𐴝𐴘 𐴋𐴞 𐴂𐴞 𐴑𐴠𐴀𐴠𐴔 ) 𐴁𐴡𐴓𐴞 𐴈𐴡𐴀𐴡𐴊𐴠 𐴕𐴝𐴔 𐴘𐴥𐴝𐴀𐴝𐴕 𐴁𐴤𐴟𐴎𐴝𐴘 𐴉𐴥𐴠𐴓𐴥𐴝𐴘𐴁𐴤𐴡𐴓𐴧𐴝 𐴏𐴝𐴀𐴝𐴌𐴊𐴧𐴠 , 𐴀𐴝𐴌 𐴘𐴝𐴀𐴝𐴕 𐴔𐴟𐴀𐴟𐴔𐴧𐴞𐴑𐴧𐴤𐴙𐴝 𐴎𐴝𐴘 , 𐴉𐴝𐴌𐴝 𐴘𐴝 𐴃𐴡 𐴆𐴙𐴡𐴑 𐴂𐴙𐴟 𐴐𐴤𐴡𐴀𐴡𐴌𐴡𐴌 𐴀𐴟𐴒𐴧𐴤𐴗𐴝 𐴌𐴥𐴠𐴑𐴧𐴤𐴗𐴝 𐴁𐴡𐴕𐴞𐴁𐴤𐴡 , 𐴔𐴡𐴕𐴃𐴡𐴌 𐴀𐴠𐴈𐴥𐴡𐴕 𐴉𐴡𐴙𐴅𐴧𐴡𐴕𐴃𐴡 𐴕𐴟𐴖𐴝 𐴉𐴝𐴌𐴝 𐴘𐴥𐴝𐴀𐴝𐴕𐴡𐴌 𐴕𐴝𐴔 𐴄𐴤𐴞𐴑 𐴒𐴡𐴌𐴥𐴝 𐴕𐴥𐴡 𐴎𐴝𐴀𐴝 𐴱𐴱

𐴉𐴝𐴌𐴝 𐴁𐴝𐴣𐴊𐴤𐴝 𐴐𐴤𐴟𐴌𐴟 𐴀𐴥𐴡𐴘𐴁𐴤𐴝𐴌 𐴀𐴝𐴒𐴠 𐴃𐴞𐴕𐴧𐴥𐴝𐴕 𐴁𐴞𐴓𐴋𐴤𐴞𐴚 𐴁𐴝𐴣𐴊𐴤𐴝 𐴎𐴝𐴘𐴁𐴡 , 𐴀𐴠𐴑𐴧𐴤𐴝𐴕 𐴃𐴦𐴝𐴓𐴞𐴔 𐴐𐴤𐴞𐴑𐴧𐴤𐴝𐴌 𐴁𐴝𐴁𐴡𐴃𐴠 , 𐴀𐴝𐴌 𐴊𐴟𐴘𐴧𐴥𐴝𐴕 𐴏𐴠𐴇𐴥𐴠𐴃𐴡𐴌 𐴋𐴞𐴂𐴦𐴝𐴌 𐴔𐴥𐴠𐴕𐴡𐴌 𐴈𐴝𐴔 𐴒𐴡𐴌𐴥𐴡𐴙𐴕𐴧𐴝 𐴀𐴥𐴡𐴑𐴧𐴡𐴓𐴡𐴌 𐴓𐴝 𐴀𐴝𐴌 𐴋𐴞𐴏𐴂𐴥𐴠𐴕𐴏𐴠𐴌𐴞𐴌 𐴐𐴡𐴑𐴤𐴡𐴓𐴡𐴃 𐴎𐴡𐴌𐴟𐴌𐴞 𐴊𐴝𐴁𐴝𐴘 𐴀𐴥𐴡𐴑𐴧𐴡𐴓 𐴌𐴝𐴑𐴤𐴞𐴁𐴤𐴡𐴓𐴧𐴝 , 𐴂𐴝𐴂𐴓𐴥𐴞𐴑𐴡𐴌 𐴉𐴥𐴝𐴘𐴊𐴝𐴌𐴓𐴧𐴝, 𐴒𐴤𐴡𐴌 𐴀𐴥𐴞𐴀𐴞𐴕 𐴁𐴠𐴐𐴤𐴞 𐴈𐴥𐴝𐴌𐴝 𐴁𐴝𐴣𐴊𐴤𐴝 𐴎𐴝𐴘𐴁𐴡 𐴱𐴱

𐴁𐴞𐴐𐴧𐴤𐴝𐴐𐴢 𐴒𐴡𐴌𐴥𐴝 𐴎𐴝𐴀𐴝𐴊𐴠 𐴔𐴟𐴓 𐴎𐴝𐴒𐴝𐴌 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴲 𐴱 𐴰 𐴲 𐴐𐴤𐴡𐴕𐴡𐴌 𐴎𐴝𐴃𐴞𐴘𐴡 𐴒𐴡𐴃𐴝 𐴎𐴟𐴓𐴟𐴔𐴞 𐴇𐴥𐴝𐴔𐴓𐴝𐴌 𐴁𐴦𐴝𐴊𐴠 𐴀𐴠𐴈𐴥𐴡𐴕 𐴓𐴦𐴡𐴃 𐴰 𐴰 𐴰 𐴰 𐴰 𐴱 𐴀𐴠𐴑 𐴓𐴥𐴝𐴑𐴡𐴌 𐴖𐴡𐴌𐴠 𐴔𐴟𐴏𐴥𐴡𐴓𐴔𐴝𐴕 𐴀𐴝𐴌𐴑𐴝𐴕𐴡𐴃 𐴀𐴝𐴘 𐴋𐴞 𐴂𐴞 𐴑𐴠𐴀𐴠𐴔𐴡𐴃 𐴏𐴥𐴝𐴀𐴝𐴌𐴝 𐴓𐴡𐴘 𐴃𐴤𐴝𐴙𐴑𐴧𐴤𐴙𐴠 𐴱𐴱

Sources : Narinzaranews