𐴀𐴝𐴌𐴀𐴥𐴡 𐴰 𐴵 𐴹 𐴲 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴁𐴞𐴐𐴤𐴞𐴃 𐴁𐴝𐴌𐴠 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴡𐴣𐴀𐴡𐴏𐴞𐴁𐴤𐴡 𐴱𐴱

𐴀𐴠𐴈𐴥𐴡𐴕 𐴉𐴡𐴙𐴅𐴧𐴡𐴕𐴃𐴡 𐴓𐴡𐴒𐴢 𐴁𐴤𐴡𐴒𐴢 𐴰 𐴰 𐴰 𐴲 𐴲 𐴎𐴡𐴕 𐴌𐴠𐴅𐴞𐴏𐴄𐴝𐴌 𐴒𐴡𐴙𐴅𐴧𐴤𐴙𐴝 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 , 𐴱 𐴱 𐴑𐴤𐴠𐴉𐴡𐴃 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴎𐴝𐴘𐴧𐴝 𐴀𐴥𐴡𐴘𐴧𐴠 , 𐴰 𐴵 𐴹 𐴲 𐴎𐴡𐴕 𐴀𐴡𐴓𐴝 𐴀𐴝𐴌𐴀𐴥𐴡 𐴀𐴟𐴒𐴧𐴤𐴗𐴝 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌 𐴑𐴤𐴠𐴉𐴢 𐴁𐴞𐴐𐴤𐴞𐴃 𐴁𐴝𐴌𐴠 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴡𐴣𐴀𐴡𐴏𐴞𐴁𐴡 𐴁𐴡𐴓𐴞 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱𐴱

𐴁𐴤𐴝𐴐𐴡𐴕 𐴏𐴡𐴌𐴡𐴃 𐴎𐴡𐴀𐴡𐴙𐴕𐴧𐴝 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴟𐴀𐴟𐴕𐴡𐴌𐴥𐴠 𐴷 𐴲 𐴐𐴤𐴝𐴕 𐴁𐴦𐴝𐴏𐴢 𐴒𐴝𐴌𐴥𐴞𐴃 𐴁𐴤𐴡𐴌𐴞, 𐴁𐴟𐴙𐴃 𐴁𐴝𐴌𐴠 𐴊𐴦𐴟𐴛𐴅𐴧𐴙𐴝 𐴀𐴟𐴑𐴤𐴞𐴘𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌𐴃𐴧𐴟 𐴏𐴞𐴄𐴝𐴚 𐴐𐴤𐴡𐴀𐴡𐴌𐴡𐴃 𐴎𐴝𐴘𐴁𐴡𐴓𐴧𐴥𐴝 𐴁𐴝𐴘𐴐𐴤𐴝 𐴊𐴞𐴘𐴧𐴠 𐴱𐴱

𐴌𐴞𐴉𐴟𐴎𐴞𐴌 𐴌𐴞𐴓𐴥𐴞𐴉𐴢 𐴀𐴝𐴌 𐴄𐴤𐴞𐴑𐴔𐴡𐴃𐴠 𐴌𐴝𐴑𐴤𐴝𐴌 𐴎𐴟𐴣𐴖𐴝𐴣𐴓𐴧𐴝 𐴑𐴡𐴔𐴞𐴐𐴕𐴝𐴌 / 𐴔𐴟𐴇𐴝𐴔𐴧𐴡𐴊 𐴐𐴤𐴡𐴔𐴏𐴟𐴎𐴧𐴡𐴔𐴝 𐴕𐴝𐴘𐴝𐴕𐴠 𐴌𐴠𐴂𐴟𐴄𐴝𐴌 𐴀𐴥𐴡𐴑𐴧𐴡𐴓𐴡𐴌𐴥𐴠 𐴈𐴡𐴘𐴧𐴥𐴠𐴊𐴠 ! 𐴌𐴞𐴉𐴟𐴎𐴞 𐴀𐴥𐴟𐴀𐴟𐴕 𐴁𐴞𐴐𐴤𐴞𐴃 𐴁𐴝𐴌𐴠 𐴊𐴦𐴟𐴛𐴅𐴧𐴙𐴝 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴡𐴣𐴀𐴡𐴏𐴥𐴞𐴁𐴤𐴡 𐴁𐴡𐴓𐴞 𐴀𐴝𐴐𐴤𐴝 𐴒𐴡𐴌𐴥𐴝 𐴎𐴝𐴀𐴝𐴌 𐴱𐴱

𐴒𐴡𐴃𐴡 𐴉𐴥𐴠𐴌𐴖𐴝𐴌𐴞 𐴔𐴥𐴝𐴐𐴡𐴌 𐴶 𐴱 𐴃𐴝𐴌𐴥𐴞𐴑𐴡𐴃 𐴴 𐴵 𐴶 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴀𐴝𐴕𐴥𐴞 𐴌𐴝𐴑𐴤𐴝 𐴒𐴞𐴘𐴧𐴠 , 𐴀𐴠𐴈𐴥𐴡𐴕 𐴉𐴡𐴙𐴅𐴧𐴡𐴕𐴃𐴡 𐴱 𐴱 𐴑𐴤𐴠𐴉𐴡𐴃 𐴓𐴡𐴒𐴢 𐴁𐴤𐴡𐴒𐴢 𐴰 𐴰 𐴰 𐴲 𐴲 𐴁𐴝𐴙𐴐𐴢 𐴇𐴥𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 , 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴀𐴝𐴕𐴞 𐴌𐴝𐴙𐴑𐴧𐴤𐴙𐴠 𐴁𐴡𐴓𐴞 , 𐴌𐴞𐴉𐴟𐴎𐴞𐴌 𐴌𐴞𐴓𐴥𐴞𐴉𐴢 𐴀𐴝𐴌 𐴖𐴝𐴉𐴠𐴏𐴞𐴌 𐴑𐴡𐴔𐴞𐴐𐴕𐴝𐴌𐴡𐴌 𐴀𐴡𐴉𐴥𐴞𐴏𐴡𐴌𐴃𐴧𐴟 𐴈𐴡𐴘𐴧𐴠 𐴱𐴱

𐴑𐴤𐴠𐴉𐴠 𐴑𐴤𐴠𐴉𐴠 𐴀𐴝𐴕𐴥𐴞 𐴰 𐴰 𐴰 𐴰 𐴰 𐴱 𐴀𐴠𐴑 𐴓𐴥𐴝𐴑 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 , 𐴑𐴝𐴑𐴏𐴡 𐴁𐴝𐴎𐴝𐴌 𐴑𐴠𐴀𐴠𐴔𐴡𐴃 𐴊𐴞𐴕 𐴁𐴡𐴊𐴞𐴕 𐴁𐴝𐴌𐴥𐴠𐴌𐴊𐴧𐴠 𐴒𐴤𐴞𐴐𐴤𐴝 𐴒𐴤𐴞𐴐𐴧𐴤𐴝 𐴎𐴝𐴔 , 𐴈𐴡𐴔𐴝𐴘𐴁𐴤𐴡𐴓𐴧𐴝 𐴀𐴝𐴌 𐴑𐴝𐴑𐴏𐴡 𐴁𐴝𐴎𐴝𐴌 𐴑𐴠𐴀𐴠𐴔𐴡𐴃 𐴋𐴡𐴣𐴀𐴡𐴌 𐴈𐴥𐴡𐴃𐴞 𐴀𐴥𐴡𐴀𐴡𐴊𐴠 𐴒𐴤𐴡𐴄𐴡𐴕𐴝𐴌𐴃𐴧𐴟 𐴁𐴝𐴏𐴞 𐴉𐴝𐴌𐴠 𐴉𐴥𐴝𐴀𐴝𐴕 , 𐴎𐴝𐴒𐴝 𐴓𐴝𐴌𐴞 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴌𐴝𐴑𐴤𐴞𐴁𐴤𐴝𐴌 𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴟𐴔𐴡𐴃𐴡𐴌 𐴂𐴡𐴌𐴟𐴒𐴠𐴌𐴝𐴔 𐴱𐴱

𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴈𐴥𐴝𐴌𐴝 𐴖𐴝𐴉𐴠𐴏𐴢 𐴊𐴠𐴐𐴤𐴡𐴃 𐴉𐴡𐴣𐴀𐴡𐴏𐴝𐴀𐴡𐴕𐴧𐴝𐴕 𐴈𐴥𐴝𐴄𐴞 𐴁𐴝𐴕𐴝𐴁𐴤𐴝𐴌 𐴑𐴠𐴔𐴂𐴠𐴀𐴞𐴕 𐴀𐴥𐴡 , 𐴀𐴠𐴈𐴥𐴡𐴕 𐴁𐴝𐴚𐴓𐴝𐴊𐴠𐴐𐴤𐴠 𐴱 . 𐴱 𐴔𐴡𐴓𐴞𐴘𐴟𐴕 𐴌𐴟𐴇𐴝𐴙𐴚𐴒𐴙𐴝 𐴌𐴥𐴠 𐴏𐴥𐴝𐴀𐴝𐴌𐴝 𐴊𐴞𐴘𐴧𐴥𐴠 , 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴡𐴌𐴠 𐴁𐴦𐴠𐴐𐴢 𐴀𐴥𐴞𐴏𐴧𐴥𐴝 𐴷 𐴱 𐴰 𐴲 𐴐𐴤𐴡𐴕𐴡𐴃 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞𐴌 𐴎𐴟𐴓𐴟𐴠𐴔 𐴐𐴤𐴡𐴀𐴡𐴘 𐴕𐴡 𐴉𐴝𐴌𐴥𐴞 , 𐴕𐴞𐴎𐴡𐴌 𐴎𐴡𐴌𐴔𐴡𐴏𐴃𐴤𐴝𐴕 𐴀𐴝𐴌𐴑𐴝𐴕 𐴏𐴥𐴝𐴌𐴞 𐴊𐴤𐴝𐴘 𐴀𐴝𐴙𐴐𐴧𐴤𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴱𐴱

Sources : Dhakatribune