𐴑𐴝𐴑𐴏𐴡 𐴁𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴀𐴦𐴡𐴙𐴕 𐴊𐴤𐴡𐴌𐴞 𐴰 𐴰 𐴳 𐴁𐴝𐴣𐴐𐴤𐴝 𐴎𐴡𐴓𐴞 𐴒𐴞𐴘𐴥𐴡𐴘 , 𐴀𐴟𐴒𐴧𐴤𐴗𐴝 𐴉𐴟𐴖𐴝 𐴔𐴡𐴌𐴞 𐴒𐴞𐴘𐴥𐴡𐴘 𐴱𐴱

𐴀𐴥𐴠𐴏𐴃𐴤𐴝𐴕𐴞𐴘𐴡 𐴀𐴦𐴡𐴙𐴕 𐴕𐴞𐴉𐴥𐴡𐴀𐴡𐴙𐴕𐴧𐴝 𐴀𐴥𐴡𐴑𐴧𐴡𐴓𐴠 𐴁𐴠𐴐𐴤𐴞 𐴑𐴟𐴐𐴤𐴞𐴐𐴢 𐴒𐴡𐴌𐴥𐴞 𐴁𐴦𐴝𐴊𐴠 𐴀𐴦𐴡𐴙𐴕 𐴕𐴞𐴉𐴥𐴝𐴘 𐴉𐴝𐴙𐴅𐴧𐴤𐴙𐴠 , 𐴑𐴝𐴑𐴏𐴡 𐴁𐴝𐴎𐴝𐴌 𐴋𐴞𐴐𐴄𐴤𐴞𐴑 𐴀𐴟𐴑𐴤𐴞𐴘𐴝 𐴀𐴟𐴉𐴡𐴎𐴞𐴓𐴥𐴝𐴌 𐴑𐴟𐴃𐴤𐴟𐴉𐴝𐴓𐴡𐴚 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 , 𐴔𐴡𐴚𐴒𐴡𐴓 𐴁𐴝𐴌𐴠 𐴀𐴦𐴡𐴙𐴕 𐴊𐴤𐴡𐴌𐴞 𐴀𐴟𐴒𐴧𐴤𐴗𐴝 𐴉𐴟𐴖𐴝 𐴉𐴟𐴌𐴞 𐴔𐴡𐴌𐴞 𐴒𐴞𐴘𐴥𐴡𐴘 𐴱𐴱

𐴔𐴡𐴌𐴞 𐴒𐴞𐴘𐴥𐴡𐴘 𐴊𐴠 𐴉𐴟𐴖𐴝 𐴀𐴥𐴞𐴁𐴤𐴝 𐴈𐴝𐴌𐴥𐴡 , 𐴀𐴝𐴘𐴅𐴤𐴡 𐴉𐴡𐴌𐴞𐴏𐴡 𐴉𐴝𐴀𐴝 𐴕𐴥𐴡 𐴎𐴝𐴀𐴝 , 𐴈𐴡𐴔𐴡𐴃 𐴰 𐴰 𐴳 𐴃𐴞𐴕 𐴐𐴤𐴡𐴃 𐴁𐴝𐴣𐴐𐴤𐴝 𐴎𐴡𐴓𐴞 𐴒𐴞𐴘𐴥𐴡𐴘, 𐴀𐴦𐴡𐴙𐴕 𐴊𐴤𐴡𐴙𐴅𐴧𐴙𐴠𐴊𐴠 𐴑𐴟𐴃𐴤𐴟𐴉𐴝𐴓𐴡𐴚 𐴵 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 ( 𐴁𐴞 ) 𐴁𐴡𐴓𐴡𐴑𐴡𐴃 𐴊𐴦𐴟𐴛𐴅𐴧𐴙𐴝 𐴓𐴡𐴒𐴁𐴤𐴡𐴒𐴢 𐴃𐴞𐴕 𐴁𐴝𐴎𐴞 𐴁𐴦𐴝𐴊𐴠 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴌𐴞𐴉𐴟𐴎𐴞 𐴌𐴞𐴓𐴥𐴞𐴉𐴢 𐴀𐴝𐴌 𐴖𐴝𐴉𐴠𐴏𐴞𐴌 𐴀𐴡𐴉𐴥𐴞𐴏𐴡𐴌 𐴎𐴟𐴣𐴖𐴝𐴣𐴙𐴓𐴧𐴝 𐴑𐴡𐴔𐴞𐴐𐴕𐴝𐴌 / 𐴐𐴤𐴡𐴔𐴏𐴥𐴟𐴊𐴧𐴟𐴅𐴤𐴝 𐴕𐴝𐴘𐴝𐴕𐴠 𐴈𐴡𐴘𐴧𐴠𐴊𐴠 ! 𐴀𐴥𐴠𐴏𐴃𐴝𐴕𐴞𐴘𐴡 𐴀𐴥𐴡𐴑𐴧𐴡𐴓 𐴐𐴤𐴡𐴣𐴀𐴡 ( 𐴀𐴠 𐴂𐴞 𐴁𐴞 𐴀𐴠𐴕 ) 𐴀𐴥𐴣𐴃𐴞𐴘𐴝𐴌𐴞 𐴉𐴟𐴓𐴞𐴐𐴢 𐴁𐴠𐴄𐴠𐴓𐴞𐴘𐴠𐴕 𐴀𐴝𐴌 𐴀𐴦𐴡𐴙𐴕 𐴕𐴞𐴉𐴥𐴡𐴀𐴡𐴙𐴕𐴧𐴝 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴡𐴌 𐴑𐴟𐴐𐴤𐴞𐴐𐴤𐴡𐴌 𐴎𐴡𐴌𐴞𐴘𐴝 𐴀𐴦𐴡𐴙𐴕 𐴕𐴞𐴉𐴥𐴝𐴘 𐴉𐴥𐴠𐴓𐴝𐴘 𐴉𐴝𐴙𐴅𐴧𐴤𐴙𐴠 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴀𐴦𐴡𐴙𐴕 𐴕𐴞𐴉𐴥𐴝 𐴉𐴟𐴓𐴞𐴐𐴡𐴌 𐴊𐴟𐴘𐴀𐴡𐴔 𐴐𐴤𐴡𐴎𐴟𐴒𐴞 𐴋𐴝𐴘𐴌𐴠𐴑𐴄𐴝𐴌 / 𐴔𐴟𐴇𐴝𐴔𐴧𐴡𐴊 𐴀𐴝𐴁𐴊𐴟𐴓𐴧𐴝𐴇 𐴘𐴠 𐴈𐴡𐴘𐴧𐴠𐴊𐴠 ! 𐴀𐴦𐴡𐴙𐴕 𐴊𐴤𐴡𐴙𐴅𐴧𐴙𐴠𐴊𐴠 𐴘𐴥𐴝𐴀𐴝𐴕𐴡𐴌 𐴅𐴝𐴕𐴑𐴝𐴌𐴞 𐴉𐴝𐴘𐴁𐴝𐴌 𐴓𐴡𐴒𐴠 𐴓𐴡𐴒𐴠 , 𐴐𐴤𐴟𐴌𐴟𐴃 𐴀𐴦𐴡𐴙𐴕 𐴕𐴞𐴉𐴥𐴝𐴘𐴁𐴤𐴡𐴓𐴧𐴝 𐴀𐴟𐴑𐴤𐴞𐴘𐴝 𐴀𐴦𐴡𐴙𐴕 𐴕𐴞𐴉𐴥𐴝 𐴉𐴟𐴓𐴞𐴐𐴡𐴌 𐴄𐴞𐴀𐴞𐴔𐴡𐴌𐴃𐴧𐴟 𐴊𐴟𐴘 𐴋𐴦𐴝𐴘 𐴊𐴞𐴉𐴠𐴍𐴥𐴝 𐴒𐴞𐴘𐴠 𐴱𐴱

𐴘𐴥𐴝𐴀𐴝𐴌 𐴁𐴦𐴝𐴊𐴠 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴌 𐴀𐴦𐴡𐴙𐴕 𐴕𐴞𐴉𐴥𐴝𐴘𐴁𐴤𐴡𐴓𐴧𐴝 𐴀𐴝𐴌𐴀𐴥𐴡 𐴊𐴟𐴘 𐴋𐴦𐴝𐴘 𐴊𐴞𐴉𐴠𐴍𐴥𐴝 𐴒𐴞𐴘𐴠 , 𐴁𐴠𐴒𐴧𐴤𐴟𐴕𐴠 𐴔𐴞𐴓𐴞 𐴊𐴡𐴌𐴥𐴡 𐴔𐴡𐴌𐴥𐴡 𐴑𐴟𐴐𐴤𐴞𐴐𐴢 𐴒𐴡𐴌𐴥𐴞 𐴀𐴦𐴡𐴙𐴕 𐴕𐴉𐴥𐴝𐴘 𐴉𐴥𐴠𐴓𐴝𐴘 𐴉𐴝𐴙𐴅𐴧𐴤𐴙𐴠 𐴁𐴡𐴓𐴞 𐴈𐴡𐴘𐴧𐴠 𐴱𐴱

Sources : Dhakatribune