𐴔𐴡𐴐𐴖𐴝𐴌𐴝 𐴊𐴝𐴃𐴝 𐴘𐴠 𐴊𐴟𐴌𐴕𐴞𐴃𐴞 𐴀𐴠𐴓𐴎𐴝𐴔𐴡𐴃 𐴊𐴟𐴐𐴤𐴞 𐴕𐴡𐴀𐴡 𐴈𐴡𐴀𐴡𐴘 𐴅𐴟𐴖𐴝𐴁 𐴊𐴞𐴘𐴠 𐴱𐴱

𐴌𐴠𐴚𐴒𐴟𐴕 𐴋𐴞𐴐𐴄𐴤𐴞𐴑𐴡𐴌 𐴁𐴡𐴌 𐴀𐴟𐴎𐴞𐴌 / 𐴀𐴥𐴟 𐴂𐴟𐴌𐴥𐴟 𐴔𐴥𐴝𐴚 𐴏𐴥𐴞𐴕𐴡𐴌𐴃𐴧𐴟 𐴐𐴤𐴟𐴕𐴝 𐴀𐴝𐴌 𐴋𐴦𐴡𐴓𐴝𐴌 𐴓𐴡𐴘𐴧𐴥𐴠 𐴁𐴡𐴓𐴞 𐴈𐴡𐴀𐴡𐴘 𐴑𐴠𐴙𐴏𐴢 𐴁𐴝𐴕𐴝𐴀𐴝𐴙𐴓 𐴊𐴠 , 𐴘𐴥𐴝𐴀𐴝𐴕 𐴓𐴡𐴘 𐴸 𐴲 𐴃𐴝𐴌𐴥𐴞𐴑 𐴉𐴥𐴠𐴌𐴖𐴝𐴌𐴞𐴃 𐴑𐴟𐴀𐴟𐴍𐴠 𐴇𐴥𐴡𐴑𐴟𐴔 𐴒𐴡𐴌𐴥𐴞 𐴉𐴥𐴠𐴓𐴥𐴝𐴘𐴧𐴠 , 𐴔𐴡𐴕𐴃𐴡𐴌 𐴑𐴠𐴙𐴏𐴢 𐴘𐴥𐴝𐴀𐴝𐴕𐴡𐴃 𐴀𐴥𐴞𐴁𐴤𐴝 𐴊𐴟𐴐𐴤𐴞 𐴕𐴡𐴀𐴡 𐴁𐴡𐴓𐴞 𐴅𐴟𐴖𐴝𐴁 𐴊𐴞𐴘𐴠𐴊𐴠 𐴘𐴥𐴝𐴀𐴝𐴕 𐴁𐴠𐴐𐴤𐴞 𐴈𐴝𐴣𐴏𐴥𐴡𐴌 𐴐𐴤𐴟𐴃𐴧𐴡𐴌𐴡𐴌 𐴎𐴡𐴌𐴞𐴘𐴝 𐴎𐴝𐴕𐴝 𐴒𐴞𐴘𐴠 𐴱𐴱

𐴀𐴠𐴓𐴎𐴝𐴔 𐴘𐴥𐴝𐴀𐴝𐴕𐴡𐴌 𐴁𐴝𐴁𐴡𐴃𐴠 𐴂𐴟𐴌𐴥𐴟 𐴔𐴥𐴝𐴚 𐴏𐴥𐴞𐴕 𐴐𐴤𐴡𐴣𐴀𐴡 𐴀𐴥𐴞𐴃𐴝𐴌 𐴁𐴠𐴍𐴞 𐴀𐴝𐴌 𐴋𐴦𐴡 𐴑𐴞𐴕 𐴔𐴞 𐴔𐴞 𐴑𐴟𐴌𐴗𐴠 𐴀𐴝𐴌 𐴀𐴥𐴟 𐴔𐴡𐴗𐴚 𐴔𐴡𐴗𐴚 𐴑𐴠𐴌𐴠 𐴀𐴝𐴌 𐴉𐴥𐴡𐴌𐴘𐴝𐴊𐴞 / 𐴀𐴥𐴟 𐴌𐴥𐴠 𐴄𐴤𐴝 , 𐴏𐴝𐴙𐴌𐴀𐴥𐴡 𐴎𐴡𐴕𐴡 𐴌𐴥𐴠 𐴔𐴝𐴌𐴠𐴆𐴡𐴌 𐴷 𐴃𐴝𐴌𐴥𐴞𐴑𐴡𐴃 𐴎𐴝𐴣𐴏𐴝𐴘 𐴒𐴡𐴌𐴥𐴞 𐴁𐴤𐴡𐴓𐴧𐴝 𐴃𐴝𐴌𐴥𐴞𐴑 𐴊𐴞𐴘𐴠 𐴱𐴱

𐴑𐴠𐴙𐴏𐴢 𐴘𐴥𐴝𐴀𐴝𐴕𐴡𐴃 𐴂𐴟𐴌𐴥𐴟 𐴔𐴥𐴝𐴚 𐴏𐴥𐴞𐴕𐴠 𐴋𐴦𐴡 𐴀𐴡𐴗𐴚 𐴏𐴥𐴠𐴕 𐴏𐴥𐴟𐴆𐴞 𐴌𐴥𐴠 𐴰 𐴰 𐴰 𐴰 𐴰 𐴶 𐴓𐴝𐴑 𐴋𐴦𐴡𐴓𐴝𐴌 𐴀𐴝𐴌 𐴇𐴥𐴝𐴣𐴃𐴧𐴝𐴕 𐴐𐴤𐴟𐴕𐴝𐴌 𐴉𐴝𐴄 𐴒𐴤𐴟𐴐𐴢 𐴊𐴞𐴘𐴠 𐴁𐴡𐴓𐴞 𐴀𐴠𐴓𐴎𐴝𐴔 , 𐴉𐴥𐴡𐴌𐴘𐴝𐴊𐴞𐴌 𐴒𐴡𐴁𐴤𐴝 𐴀𐴥𐴞𐴏𐴝𐴉𐴠 𐴀𐴥𐴟 𐴂𐴟𐴌𐴥𐴟 𐴔𐴥𐴝𐴚 𐴏𐴞𐴕𐴠 , 𐴀𐴡𐴑𐴃𐴟𐴁𐴡𐴌𐴡𐴌 𐴀𐴠𐴑 𐴃𐴝𐴌𐴥𐴞𐴑𐴡𐴃 𐴊𐴞𐴀𐴞𐴓 𐴊𐴠 𐴔𐴟𐴑𐴎𐴟𐴁𐴝𐴕𐴞 𐴌𐴥𐴠 , 𐴋𐴦𐴡 𐴀𐴡𐴗𐴚 𐴏𐴥𐴠𐴕 𐴏𐴥𐴟𐴆𐴞 𐴘𐴠 𐴀𐴞𐴀𐴞𐴕 𐴁𐴠𐴀𐴥𐴟𐴊𐴝 𐴈𐴡𐴃𐴤𐴝 𐴀𐴝𐴌 𐴔𐴞𐴏𐴥𐴝 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴀𐴥𐴞𐴃𐴤𐴝𐴌 𐴁𐴠𐴍𐴞 𐴋𐴦𐴡 𐴑𐴞𐴚 𐴔𐴞 𐴔𐴞 𐴑𐴟𐴌𐴗𐴠 𐴘𐴠 𐴁𐴠𐴍𐴝 𐴘𐴠 𐴔𐴝𐴙𐴒𐴧𐴤𐴙𐴠 𐴊𐴠 𐴀𐴥𐴠𐴃𐴡𐴓𐴧𐴝 𐴊𐴟𐴖𐴝𐴕𐴡𐴌 𐴐𐴤𐴟𐴕𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴉𐴝𐴄 𐴁𐴝𐴕𐴝𐴘𐴧𐴥𐴠 , 𐴀𐴥𐴠𐴃𐴧𐴟 𐴑𐴠𐴙𐴏𐴧𐴥𐴟 𐴁𐴠𐴏𐴞 𐴋𐴦𐴡𐴓𐴝𐴌 𐴑𐴞𐴕𐴞 𐴀𐴝𐴙𐴕𐴧𐴥𐴙𐴠 , 𐴁𐴠𐴍𐴝 𐴘𐴠 / 𐴏𐴥𐴟𐴆𐴞𐴌𐴥𐴠 𐴊𐴞𐴀𐴞𐴃𐴡 𐴎𐴝𐴘𐴁𐴝𐴌 𐴐𐴤𐴡𐴣𐴀𐴡𐴃 𐴀𐴥𐴞𐴁𐴤𐴝 𐴉𐴥𐴟𐴣𐴖𐴝𐴣𐴃𐴞 𐴕𐴥𐴡 𐴎𐴝𐴀𐴝𐴊𐴠 𐴀𐴥𐴠𐴃𐴡𐴓𐴧𐴝 𐴊𐴞𐴕 𐴃𐴝𐴌𐴥𐴞𐴑 𐴁𐴡𐴌𐴝𐴁𐴡𐴌 𐴄𐴤𐴞𐴑 𐴔𐴡𐴃𐴠 𐴘𐴦𐴝𐴊 𐴕𐴥𐴝𐴘 𐴁𐴡𐴓𐴞 , 𐴕𐴡𐴖𐴡𐴔𐴁𐴡𐴌𐴡𐴌 𐴲 𐴃𐴝𐴌𐴥𐴞𐴑𐴡𐴃 𐴑𐴟𐴀𐴟𐴍𐴡𐴃 𐴔𐴟𐴑𐴎𐴟𐴁𐴝𐴕𐴞 𐴊𐴞𐴘𐴠 𐴱𐴱

Sources : Mizzima Burmese

𐴀𐴝𐴙𐴑𐴧𐴙𐴝𐴁𐴡𐴌 𐴁𐴡𐴒𐴝𐴌 𐴋𐴞𐴉𐴢 𐴉𐴝𐴌𐴝

𐴀𐴝𐴙𐴅𐴧𐴙𐴝 𐴱 / 𐴳 / 𐴲 𐴲 𐴰 𐴲 𐴐𐴤𐴡𐴕 𐴔𐴡𐴚𐴒𐴡𐴓 𐴁𐴝𐴌𐴠 𐴓𐴡𐴒𐴁𐴤𐴡𐴒𐴢 𐴀𐴥𐴝𐴣𐴎𐴡𐴙𐴕𐴧𐴝 𐴳 𐴄𐴝 𐴁𐴝𐴎𐴠 , 𐴀𐴝𐴙𐴑𐴧𐴙𐴝𐴁𐴡𐴌 𐴁𐴡𐴒𐴝𐴌 𐴋𐴞𐴉𐴢 𐴉𐴝𐴌𐴝 𐴎𐴞𐴘𐴝𐴕𐴥𐴡𐴃 𐴃𐴞𐴕 𐴐𐴤𐴡𐴃𐴡𐴌 𐴖𐴡𐴌𐴠 ( 𐴰 𐴵 𐴳 ) 𐴓𐴡𐴃𐴞 𐴒𐴤𐴡𐴌 𐴀𐴝𐴏𐴥𐴠 𐴊𐴤𐴠 𐴉𐴝𐴌𐴝 𐴘𐴥𐴝𐴀𐴝𐴕𐴡𐴌 , 𐴉𐴡𐴏𐴥𐴞𐴔 𐴋𐴤𐴝𐴙𐴑𐴧𐴙𐴝 𐴏𐴡𐴌𐴡𐴌 𐴈𐴝𐴣𐴏𐴝 𐴓𐴡𐴘 𐴀𐴦𐴡𐴙𐴕 𐴊𐴤𐴡𐴙𐴅𐴧𐴙𐴠 , 𐴀𐴦𐴡𐴙𐴕 𐴊𐴤𐴡𐴙𐴅𐴧𐴙𐴠𐴊𐴠 𐴈𐴥𐴡𐴁𐴡𐴌 𐴁𐴠𐴒𐴧𐴤𐴗𐴝 𐴀𐴥𐴡𐴘 𐴎𐴝𐴘 𐴒𐴤𐴡𐴘 𐴁𐴦𐴝𐴊𐴠 𐴘𐴥𐴡 𐴱𐴱

𐴌𐴝𐴏𐴧𐴝 𐴕𐴡 𐴃𐴤𐴝𐴑𐴡𐴕𐴡𐴌 𐴎𐴡𐴌𐴞𐴘𐴝 𐴀𐴝𐴌 𐴒𐴡𐴌𐴡𐴔𐴀𐴥𐴡 𐴁𐴠𐴐𐴤𐴞 𐴀𐴝𐴌 𐴉𐴝𐴕𐴥𐴞𐴌 𐴉𐴥𐴝𐴙𐴑𐴀𐴥𐴡 𐴈𐴡𐴔 𐴀𐴥𐴡𐴕𐴡𐴌 𐴎𐴡𐴌𐴞𐴘𐴝 , 𐴊𐴟𐴌𐴥𐴡𐴃𐴧𐴟 𐴉𐴝𐴕𐴥𐴞 𐴀𐴝𐴕𐴥𐴝 𐴉𐴡𐴌𐴡𐴕𐴠 𐴷 𐴱 𐴖𐴥𐴝𐴕 𐴓𐴡𐴃𐴞 𐴒𐴤𐴡𐴌 𐴎𐴡𐴓𐴞 𐴁𐴦𐴝𐴊𐴠 𐴕𐴞𐴉𐴥𐴝𐴘 𐴉𐴝𐴙𐴅𐴧𐴤𐴙𐴠 , 𐴏𐴝𐴀𐴝𐴌 𐴊𐴟𐴖𐴝𐴕 𐴀𐴝𐴏𐴥𐴠𐴊𐴠 𐴒𐴤𐴡𐴌 𐴀𐴠𐴑𐴧𐴝𐴕𐴡𐴌𐴃𐴧𐴟 𐴀𐴦𐴡𐴙𐴕 𐴊𐴤𐴡𐴙𐴅𐴧𐴙𐴠 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴠 , 𐴇𐴥𐴡𐴑𐴟𐴔𐴡𐴃 𐴀𐴝𐴀𐴘 𐴁𐴠𐴍𐴝 𐴌𐴥𐴠 𐴓𐴦𐴡𐴃 𐴕𐴡 𐴉𐴡𐴀𐴡𐴕𐴠 , 𐴀𐴥𐴠 𐴒𐴡𐴌𐴥𐴡𐴌 𐴁𐴠𐴍𐴞 𐴌𐴥𐴠 𐴀𐴝𐴌 𐴀𐴥𐴞𐴁𐴤𐴝𐴌 𐴁𐴝𐴉𐴡 𐴌𐴥𐴠 𐴓𐴡𐴘 𐴒𐴞𐴘𐴥𐴡𐴘 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴥𐴠 𐴱𐴱