𐴄𐴠𐴑𐴕𐴝𐴉𐴡𐴃 𐴁𐴞𐴊𐴠𐴐𐴤𐴞 𐴀𐴥𐴝𐴣𐴃𐴞𐴘𐴝𐴌 𐴐𐴤𐴡𐴣𐴀𐴡 𐴳 𐴌𐴟𐴇𐴝𐴙𐴚𐴒𐴙𐴝 𐴁𐴡𐴕 𐴱𐴱

𐴀𐴥𐴝𐴣𐴃𐴞𐴘𐴝𐴌𐴞 𐴉𐴟𐴓𐴞𐴐𐴢 𐴁𐴠𐴄𐴠𐴓𐴞𐴘𐴝𐴕𐴡𐴌 ( 𐴀𐴠 𐴀𐴠𐴉𐴢 𐴁𐴞 𐴀𐴠𐴕 ) 𐴉𐴥𐴡𐴗𐴏𐴢 𐴀𐴥𐴡𐴑𐴧𐴡𐴓𐴠 , 𐴑𐴝𐴑𐴏𐴡 𐴁𐴝𐴎𐴝𐴌 𐴋𐴞𐴐𐴄𐴤𐴞𐴑 𐴄𐴠𐴑𐴕𐴝𐴉𐴡𐴃 , 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴌𐴃𐴧𐴟 𐴁𐴞𐴊𐴠𐴐𐴤𐴞 𐴀𐴥𐴝𐴣𐴃𐴞𐴘𐴝𐴌 𐴀𐴝𐴌 𐴒𐴟𐴓𐴞 𐴐𐴤𐴡𐴣𐴀𐴡 𐴃𐴞𐴕 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴡𐴕 𐴒𐴡𐴙𐴅𐴧𐴤𐴙𐴠 , 𐴀𐴥𐴠 𐴀𐴡𐴑𐴃𐴤𐴡𐴃 𐴀𐴥𐴞𐴃𐴝𐴌𐴝𐴌𐴃𐴧𐴟 𐴁𐴞𐴊𐴠𐴐𐴤𐴞 𐴕𐴦𐴝𐴙𐴕 𐴀𐴠𐴔 𐴀𐴠𐴔 𐴉𐴞𐴏𐴃𐴡𐴓 𐴀𐴟𐴒𐴧𐴤𐴗𐴝 , 𐴀𐴝𐴌 𐴊𐴠𐴐𐴤𐴡𐴌 𐴃𐴡𐴘𐴧𐴝𐴌𐴞 𐴀𐴠𐴓 𐴅𐴞 𐴀𐴟𐴒𐴧𐴤𐴗𐴝 𐴀𐴝𐴌 𐴱 𐴶 𐴌𐴡𐴀𐴡𐴕𐴋 𐴒𐴟𐴓𐴞 𐴉𐴝𐴀𐴝 𐴒𐴞𐴘𐴠 𐴱𐴱

𐴉𐴥𐴠𐴌𐴖𐴝𐴌𐴞𐴌 𐴹 𐴱 𐴃𐴝𐴌𐴥𐴞𐴑 𐴐𐴤𐴡𐴕𐴞𐴁𐴝𐴌𐴠 𐴁𐴠𐴀𐴞𐴕𐴧𐴝 𐴶 𐴱 𐴓𐴡𐴔𐴁𐴤𐴡𐴌 𐴀𐴠 𐴀𐴠𐴉𐴢 𐴁𐴞 𐴀𐴠𐴕 𐴉𐴟𐴓𐴞𐴐𐴡𐴌 𐴑𐴠𐴂𐴄𐴞𐴕 𐴃𐴝𐴌𐴞𐴑𐴟𐴓 𐴀𐴞𐴏𐴓𐴝𐴔𐴠 𐴒𐴤𐴡𐴄𐴡𐴕𐴝 𐴘𐴝𐴀𐴝𐴕 𐴈𐴥𐴝𐴄𐴞 𐴁𐴡𐴓𐴞 𐴈𐴡𐴘𐴧𐴠 , 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴔𐴝𐴕𐴥𐴟𐴙𐴐𐴢 𐴀𐴥𐴟𐴀𐴟𐴕 𐴀𐴥𐴡𐴙𐴓𐴊𐴠 𐴱𐴱

𐴄𐴠𐴑𐴕𐴝𐴉𐴡𐴌 𐴀𐴟𐴕𐴏𐴞 𐴉𐴝𐴌𐴝𐴚 𐴲 𐴲 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 𐴏𐴞 𐴁𐴡𐴓𐴡𐴑𐴡𐴌 , 𐴔𐴡𐴌𐴇𐴦𐴟𐴔 𐴊𐴞𐴓 𐴔𐴟𐴇𐴝𐴔𐴧𐴡𐴊𐴡𐴌 𐴉𐴟𐴖𐴝 𐴇𐴝𐴉𐴠𐴎 𐴐𐴡𐴉𐴞𐴑 𐴁𐴡𐴐𐴢 𐴷 𐴲 𐴁𐴡𐴏𐴥𐴡𐴌 , 𐴋𐴞 𐴁𐴡𐴓𐴡𐴑𐴡𐴌 𐴇𐴝𐴓𐴝 𐴔𐴞𐴛𐴝𐴌 𐴉𐴟𐴖𐴝 𐴀𐴝𐴔𐴝𐴕𐴟𐴓𐴧𐴝𐴇 𐴁𐴡𐴐𐴢 𐴶 𐴲 𐴁𐴡𐴏𐴥𐴡𐴌 , 𐴁𐴞 𐴁𐴡𐴓𐴡𐴑𐴡𐴌 𐴔𐴡𐴌𐴇𐴦𐴟𐴔 𐴏𐴥𐴡𐴘𐴡𐴊𐴟𐴓 𐴀𐴞𐴏𐴓𐴝𐴔𐴡𐴌 𐴉𐴟𐴖𐴝 𐴅𐴡𐴔𐴝𐴓 𐴀𐴝𐴇𐴔𐴡𐴊 𐴁𐴡𐴐𐴢 𐴱 𐴵 𐴁𐴡𐴏𐴥𐴡𐴌 𐴱𐴱

𐴐𐴤𐴟𐴑𐴧𐴟𐴌 𐴁𐴝𐴌𐴠 𐴌𐴝𐴃𐴞𐴘𐴝 𐴄𐴠𐴑𐴕𐴝𐴉𐴡𐴌 𐴀𐴟𐴕𐴏𐴞 𐴉𐴝𐴌𐴝𐴚 𐴲 𐴲 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴃 𐴑𐴝𐴌𐴖𐴝𐴘 𐴒𐴡𐴌𐴥𐴞 , 𐴀𐴥𐴝𐴣𐴃𐴞𐴘𐴝𐴌 𐴐𐴤𐴡𐴣𐴀𐴡 𐴔𐴝𐴕𐴥𐴟𐴙𐴐𐴢 𐴀𐴟𐴀𐴟𐴕𐴡𐴌𐴥𐴠 𐴊𐴤𐴡𐴙𐴅𐴧𐴤𐴙𐴠 𐴊𐴠 𐴁𐴡𐴓𐴞 , 𐴀𐴠𐴏𐴢 𐴂𐴞 𐴃𐴝𐴌𐴞𐴑𐴟𐴓 𐴀𐴞𐴏𐴓𐴝𐴔𐴠 𐴈𐴡𐴘𐴧𐴠 , 𐴀𐴠𐴏𐴢 𐴂𐴞 𐴃𐴝𐴌𐴞𐴑𐴟𐴓 𐴀𐴞𐴏𐴓𐴝𐴔𐴠 𐴀𐴝𐴌𐴀𐴥𐴡 𐴈𐴡𐴘𐴧𐴠𐴊𐴠 𐴱𐴱

𐴔𐴝𐴕𐴥𐴟𐴙𐴐𐴢 𐴀𐴥𐴟𐴀𐴟𐴕𐴡𐴌𐴥𐴠 𐴏𐴥𐴟𐴖𐴝𐴓𐴝 𐴏𐴥𐴝𐴀𐴝𐴓𐴞 𐴀𐴝𐴌 𐴎𐴠𐴌𐴥𐴝 𐴒𐴡𐴌𐴥𐴡𐴕𐴡𐴌 𐴁𐴦𐴝𐴊𐴠 , 𐴀𐴥𐴞𐴃𐴝𐴌 𐴀𐴞𐴏𐴓𐴝𐴔 𐴒𐴟𐴌𐴥𐴂𐴡𐴌 𐴀𐴝𐴃𐴡𐴚𐴁𐴝𐴊𐴞 𐴔𐴞𐴔𐴁𐴤𐴡𐴌 𐴁𐴡𐴓𐴞 𐴐𐴤𐴞𐴑𐴤𐴝𐴌 𐴒𐴡𐴙𐴅𐴧𐴤𐴙𐴠 , 𐴀𐴠𐴈𐴥𐴡𐴕 𐴃𐴝𐴌𐴥𐴝𐴌 𐴁𐴠𐴌𐴟𐴊𐴧𐴤𐴠 𐴑𐴝𐴕𐴟𐴕𐴞 𐴑𐴝𐴌𐴖𐴝𐴘 𐴒𐴡𐴌𐴥𐴝 𐴒𐴞𐴘𐴠 𐴱𐴱

Sources : Ukhiyanews.com