𐴔𐴡𐴒𐴁𐴝𐴒𐴞 𐴀𐴝𐴌 𐴔𐴠𐴓𐴠𐴄𐴠𐴌𐴞𐴌 𐴔𐴝𐴎𐴤𐴠 𐴓𐴝𐴌𐴥𐴝𐴘𐴃 𐴋𐴤𐴝𐴓 𐴁𐴝𐴕𐴝𐴘 𐴌𐴟𐴇𐴝𐴙𐴚𐴒𐴙𐴝 𐴋𐴠𐴌𐴠𐴁𐴤𐴝𐴌 𐴔𐴝𐴌𐴞 𐴉𐴥𐴠𐴓𐴥𐴝𐴘𐴧𐴠 𐴱𐴱

𐴲 𐴲 𐴰 𐴲 𐴉𐴥𐴠𐴌𐴖𐴝𐴌𐴞 𐴔𐴥𐴝𐴐𐴡𐴌 𐴷 𐴃𐴝𐴌𐴥𐴞𐴑𐴡𐴃 𐴀𐴝𐴌𐴑𐴝𐴕𐴡𐴃 𐴔𐴡𐴚𐴋𐴤𐴟𐴌 𐴀𐴟𐴃𐴧𐴡𐴌𐴠 , 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴔𐴡𐴒𐴁𐴝𐴒𐴞𐴌 ( 𐴀𐴠 𐴀𐴠 ) 𐴔𐴝𐴎𐴤𐴠 𐴋𐴤𐴝𐴓 𐴁𐴝𐴕𐴝𐴘 𐴌𐴟𐴇𐴝𐴙𐴚𐴒𐴙𐴝 𐴋𐴠𐴌𐴠𐴁𐴤𐴝𐴌 𐴀𐴠𐴑 𐴎𐴡𐴕 𐴔𐴝𐴌𐴞 𐴉𐴥𐴠𐴓𐴥𐴝𐴘𐴧𐴠 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴠 𐴱𐴱

𐴔𐴡𐴚𐴋𐴤𐴟𐴌 𐴀𐴟𐴃𐴧𐴡𐴌𐴠 𐴉𐴝𐴌𐴖𐴝𐴃 𐴆𐴤𐴡𐴚 𐴉𐴝𐴌𐴝𐴃 ( 𐴉𐴥𐴡𐴀𐴡 𐴈𐴝𐴓𐴞 ) 𐴃𐴤𐴝𐴑𐴠𐴊𐴠 / 𐴋𐴦𐴡 𐴏𐴥𐴡𐴑𐴞𐴕 𐴓𐴝𐴇𐴢 𐴰 𐴵 𐴁𐴡𐴏𐴥𐴡𐴌 , 𐴀𐴞𐴁𐴤𐴝 𐴘𐴠 𐴕𐴥𐴝𐴙𐴚 𐴆𐴤𐴡𐴚𐴡𐴌𐴃𐴧𐴟 𐴒𐴤𐴡𐴌 𐴁𐴝𐴣𐴊𐴞𐴁𐴤𐴝𐴌 𐴒𐴝𐴏𐴢 𐴀𐴝𐴌 𐴏𐴥𐴝𐴏𐴝𐴔𐴝𐴕 𐴀𐴝𐴕𐴥𐴞𐴁𐴤𐴡𐴓𐴧𐴝 , 𐴕𐴥𐴝𐴙𐴚𐴆𐴤𐴡𐴚𐴡𐴃 𐴃𐴤𐴝𐴑𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴅𐴟𐴖𐴝𐴕 𐴋𐴠𐴌𐴠𐴁𐴤𐴝𐴌 / 𐴀𐴝𐴌𐴅𐴞𐴃 𐴇𐴟𐴏𐴝𐴙𐴕 𐴵 𐴲 𐴁𐴡𐴏𐴥𐴡𐴌 , 𐴀𐴞𐴁𐴤𐴝𐴌𐴠 𐴀𐴥𐴞𐴃𐴝𐴌 𐴓𐴞𐴉𐴧𐴝𐴕 𐴒𐴝𐴌𐴥𐴞 𐴐𐴤𐴡𐴣𐴀𐴡 𐴑𐴠𐴌𐴠𐴘𐴝 𐴒𐴡𐴙𐴅𐴧𐴤𐴙𐴠𐴊𐴠 𐴁𐴡𐴓𐴞 , 𐴋𐴠𐴌𐴠𐴁𐴤𐴝𐴌𐴡𐴌 𐴀𐴠𐴒𐴠𐴕𐴝 𐴘𐴠 𐴈𐴡𐴘𐴧𐴠 𐴱𐴱

𐴕𐴝𐴔 𐴕𐴡 𐴈𐴡𐴘𐴁𐴤𐴝𐴌 𐴐𐴡𐴌𐴥𐴡𐴃 𐴓𐴡𐴘 𐴏𐴟𐴑 𐴊𐴠𐴈𐴥𐴝 𐴒𐴡𐴁𐴤𐴝 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴥𐴠𐴊𐴠 ! 𐴀𐴥𐴞𐴃𐴝𐴌𐴥𐴝 𐴊𐴟𐴕𐴥𐴞𐴎𐴡𐴕 𐴒𐴝𐴌𐴥𐴞 𐴓𐴡𐴘 , 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴔𐴡𐴒𐴁𐴝𐴒𐴞𐴌 𐴔𐴝𐴎𐴤𐴠 𐴓𐴝𐴌𐴥𐴝𐴘 𐴏𐴡𐴓𐴠𐴌𐴊𐴧𐴠 𐴎𐴝𐴒𐴝 𐴘𐴥𐴝𐴀𐴝𐴕 𐴁𐴤𐴝𐴌𐴝𐴘 𐴎𐴝𐴀𐴝𐴌𐴒𐴤𐴡𐴘𐴊𐴠 𐴀𐴡𐴑𐴃𐴤𐴡𐴃 , 𐴒𐴝𐴌𐴥𐴞 𐴃𐴤𐴞𐴘𐴧𐴝 𐴒𐴡𐴌𐴥𐴝𐴘 𐴉𐴟𐴏𐴥𐴝𐴌 𐴀𐴝𐴏𐴥𐴝𐴌 𐴒𐴡𐴌𐴥𐴞 𐴁𐴦𐴝𐴊𐴠 , 𐴒𐴤𐴡𐴌𐴡𐴌 𐴏𐴥𐴝𐴔𐴝𐴕 𐴕𐴞𐴎𐴝𐴘𐴁𐴤𐴝𐴌 𐴀𐴠𐴅𐴝𐴎𐴡𐴃 𐴕𐴡𐴀𐴡 𐴊𐴠𐴀𐴠 𐴱𐴱

𐴁𐴤𐴡𐴓𐴑𐴤𐴞 , 𐴒𐴤 𐴝𐴙𐴓 𐴀𐴥𐴡𐴘𐴧𐴠𐴊𐴠 𐴉𐴥𐴡𐴗𐴏𐴢 𐴀𐴥𐴡𐴑𐴧𐴡𐴓𐴡𐴌𐴥𐴠 𐴔𐴡𐴚𐴋𐴤𐴟𐴌 𐴇𐴥𐴝𐴐𐴉𐴝𐴃𐴝𐴓𐴡𐴃 𐴕𐴞𐴁𐴡𐴓𐴧𐴥𐴝 𐴀𐴡𐴋𐴝𐴌 𐴊𐴞𐴘𐴧𐴠 , 𐴀𐴥𐴠𐴃𐴤𐴡𐴑𐴧𐴡𐴕𐴡𐴃 𐴀𐴥𐴞𐴃𐴠 𐴒𐴝𐴌𐴥𐴞 𐴉𐴞𐴏𐴧𐴥𐴝 𐴏𐴥𐴝𐴙𐴋 𐴒𐴡𐴌𐴥𐴠𐴌𐴊𐴧𐴠 𐴀𐴡𐴑𐴃𐴤𐴡𐴃 𐴔𐴠𐴍𐴞𐴃 𐴒𐴝𐴣𐴌𐴝𐴘𐴧𐴝 𐴁𐴟𐴔 𐴀𐴟𐴒𐴧𐴤𐴗𐴝𐴃 𐴒𐴝𐴌𐴥𐴞𐴃 𐴁𐴝𐴎𐴤𐴞 𐴉𐴥𐴟𐴙𐴄𐴧𐴙𐴠 , 𐴉𐴥𐴟𐴙𐴄𐴧𐴙𐴠𐴊𐴠 𐴄𐴝𐴙𐴔 𐴀𐴥𐴡𐴙𐴓𐴊𐴠 𐴵 𐴱 : 𐴱 𐴱 𐴁𐴝𐴎𐴤𐴠 𐴌𐴝𐴃𐴞𐴘𐴝 𐴱𐴱

𐴋𐴠𐴌𐴠𐴁𐴤𐴝𐴌𐴡𐴌 𐴁𐴤𐴝𐴘 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠𐴊𐴠,𐴁𐴟𐴔 𐴑𐴤𐴟𐴂𐴢 𐴊𐴡𐴌𐴥𐴡 𐴒𐴡𐴌𐴥𐴞 𐴉𐴥𐴟𐴍𐴥𐴡𐴕𐴠 𐴀𐴝𐴣𐴀𐴝𐴌 𐴁𐴤𐴝𐴘𐴧𐴡𐴌 𐴄𐴤𐴠𐴚 𐴀𐴠𐴑𐴧𐴝𐴕 𐴏𐴥𐴞𐴌𐴞 𐴀𐴟𐴌𐴝𐴘 𐴓𐴡𐴘 𐴒𐴞𐴘𐴥𐴡𐴘 , 𐴎𐴞𐴘𐴥𐴝𐴕𐴡𐴌 𐴎𐴡𐴌𐴞𐴘𐴝 𐴀𐴝𐴣𐴀𐴝𐴌 𐴁𐴤𐴝𐴘 𐴀𐴥𐴡𐴊𐴡𐴃 𐴔𐴡𐴌𐴞 𐴒𐴞𐴘𐴥𐴡𐴘 , 𐴔𐴡𐴌𐴝 𐴓𐴝𐴐𐴢 𐴌𐴝𐴏𐴧𐴝𐴌 𐴀𐴠𐴑 𐴈𐴝𐴣𐴏𐴝𐴃 𐴉𐴡𐴙𐴅𐴧𐴙𐴝 𐴃𐴤𐴝𐴑𐴞 𐴒𐴞𐴘𐴥𐴡𐴘 , 𐴅𐴝𐴕𐴖𐴝𐴌𐴞𐴌 𐴸 𐴃𐴝𐴌𐴥𐴞𐴑𐴡𐴃 𐴁𐴞𐴀𐴞𐴕𐴧𐴝 𐴰 𐴱 𐴁𐴝𐴎𐴠 𐴕𐴥𐴝𐴙𐴚 𐴆𐴤𐴡𐴚𐴡𐴌 𐴀𐴥𐴟𐴑 𐴆𐴤𐴙𐴟𐴑 𐴌𐴥𐴠𐴔𐴥𐴟 𐴌𐴥𐴠 𐴔𐴝𐴃𐴝𐴘 𐴓𐴝𐴐𐴢 𐴒𐴡𐴏𐴥𐴝𐴘 𐴊𐴞𐴘𐴠 𐴱𐴱

𐴀𐴥𐴞𐴃𐴝𐴌𐴥𐴠 𐴁𐴤𐴝𐴌𐴝 𐴕𐴞𐴎𐴝𐴀𐴝𐴙𐴓 𐴊𐴠 𐴁𐴠𐴍𐴞 / 𐴋𐴦𐴡 𐴏𐴥𐴡𐴑𐴞𐴕 𐴓𐴝𐴇𐴢 𐴘𐴥𐴡 𐴛𐴥𐴡𐴀𐴡𐴃 𐴔𐴡𐴌𐴞 𐴒𐴞𐴘𐴥𐴡𐴘 , 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴀𐴥𐴞𐴃𐴝𐴌𐴝𐴌 𐴉𐴥𐴡𐴗𐴏𐴡𐴌 𐴁𐴡𐴊𐴡𐴓𐴝 𐴋𐴤𐴝𐴓 𐴀𐴥𐴞𐴏𐴝𐴉𐴠 𐴀𐴠𐴏𐴃𐴠𐴔𐴝𐴓 𐴒𐴡𐴌𐴥𐴠𐴌𐴊𐴧𐴠 𐴀𐴥𐴞𐴀𐴞𐴕 𐴀𐴞𐴕𐴏𐴦𐴝𐴕𐴞 𐴇𐴥𐴡𐴑𐴧𐴡𐴌 𐴁𐴠𐴐𐴤𐴞 𐴀𐴟𐴓𐴋𐴝 𐴁𐴡𐴓𐴞 , 𐴌𐴟𐴇𐴝𐴙𐴚𐴒𐴙𐴝 𐴑𐴡𐴌𐴔𐴞 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 𐴱𐴱

Sources : Rvision