𐴀𐴟𐴑𐴤𐴞𐴘𐴝𐴌 𐴑𐴠𐴀𐴠𐴔𐴡𐴌𐴃𐴧𐴟 𐴋𐴝𐴓𐴝𐴓𐴡𐴌 𐴃𐴟𐴌𐴥𐴟 𐴀𐴞𐴕𐴋𐴞𐴘𐴝 𐴉𐴝𐴄𐴤𐴝𐴌𐴊𐴧𐴠 𐴷 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴟𐴊𐴧𐴤𐴝𐴌 , 𐴀𐴠𐴑 𐴎𐴡𐴕 𐴒𐴠𐴌𐴠𐴉𐴃𐴝𐴌 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝 𐴀𐴟𐴑𐴤𐴞𐴘𐴝𐴌 𐴑𐴠𐴀𐴠𐴔𐴡𐴌𐴃𐴧𐴟 𐴋𐴝𐴓𐴡𐴌 𐴃𐴟𐴌𐴥𐴟 𐴀𐴞𐴕𐴋𐴞𐴘𐴝 𐴓𐴡𐴘 𐴎𐴝𐴘𐴁𐴤𐴝𐴌 𐴐𐴤𐴡𐴔𐴡𐴃 , 𐴵 𐴱 𐴓𐴡𐴔𐴁𐴤𐴡𐴌 𐴌𐴠𐴙𐴁𐴠 𐴇𐴥𐴝𐴣𐴃 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴟𐴊𐴧𐴤𐴝𐴌 𐴒𐴡𐴙𐴅𐴧𐴤𐴙𐴠 , 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴡𐴌𐴠 𐴏𐴥𐴡 𐴎𐴡𐴕 𐴔𐴝𐴘𐴧𐴝 𐴀𐴠𐴑 𐴎𐴡𐴕 𐴔𐴡𐴌𐴡𐴊 𐴱𐴱

𐴀𐴥𐴠 𐴀𐴡𐴑𐴃𐴤𐴡𐴃 𐴀𐴝𐴊𐴡𐴔 𐴁𐴞𐴘𐴝𐴌𐴞 𐴋𐴝𐴓𐴝𐴓𐴞𐴌 𐴏𐴡𐴑𐴧𐴡𐴌 𐴏𐴝𐴓𐴝𐴀𐴡𐴙𐴕𐴧𐴝 / 𐴀𐴞𐴊𐴌𐴞𐴏𐴢 𐴕𐴝𐴔𐴡𐴌 𐴀𐴠𐴑 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴁𐴡𐴕 𐴒𐴡𐴙𐴅𐴧𐴤𐴙𐴠 , 𐴰 𐴱 𐴉𐴥𐴠𐴌𐴖𐴝𐴌𐴞 𐴁𐴞𐴐𐴤𐴞𐴃 𐴁𐴝𐴌 𐴒𐴡𐴃𐴡 𐴌𐴝𐴙𐴃 𐴲 𐴄𐴝 𐴁𐴝𐴎𐴠 𐴇𐴥𐴝𐴣𐴃 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴟𐴊𐴧𐴤𐴝𐴌 𐴒𐴡𐴌𐴥𐴝 𐴒𐴞𐴘𐴠𐴊𐴠 𐴘𐴥𐴝𐴀𐴝𐴕 𐴱𐴱

𐴵 𐴱 𐴓𐴡𐴔𐴁𐴤𐴡𐴌 𐴌𐴠𐴙𐴁𐴡𐴌 𐴀𐴡𐴉𐴥𐴞𐴏𐴝𐴌 / 𐴈𐴝𐴘𐴌𐴟𐴓 𐴀𐴞𐴏𐴓𐴝𐴔𐴠 , 𐴱 𐴱 𐴉𐴥𐴠𐴌𐴖𐴝𐴌𐴞 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴔𐴦𐴝𐴔𐴠𐴓𐴝 𐴘𐴥𐴝𐴀𐴝𐴕 𐴈𐴥𐴝𐴄𐴞 𐴁𐴡𐴓𐴞 𐴈𐴡𐴘𐴧𐴠 , 𐴌𐴠𐴙𐴁𐴠 𐴈𐴡𐴘𐴧𐴠𐴊𐴠 ! 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴌𐴃𐴧𐴟 𐴀𐴝𐴊𐴡𐴔 𐴁𐴞𐴘𐴝𐴌𐴞 𐴋𐴝𐴓𐴝𐴓𐴡𐴌 𐴒𐴟𐴂𐴃𐴡 𐴈𐴥𐴡𐴁𐴡𐴌 𐴉𐴝𐴘 𐴁𐴦𐴝𐴊𐴠 𐴱𐴱

𐴌𐴝𐴔𐴥𐴟𐴌 𐴏𐴠𐴀𐴞𐴕𐴊𐴝 𐴀𐴠𐴓𐴝𐴑𐴝𐴃 𐴑𐴤𐴟𐴂𐴢 𐴊𐴡𐴌𐴥𐴡 𐴀𐴠𐴑𐴄𐴝 𐴃𐴝𐴓𐴝𐴐𐴤𐴞 𐴏𐴠𐴑 𐴂𐴦𐴟𐴏𐴄 𐴁𐴟𐴖𐴥𐴝𐴘 𐴊𐴞𐴀𐴞 𐴔𐴡𐴎𐴁𐴟𐴃 𐴑𐴝𐴌𐴖𐴝𐴘 𐴏𐴝𐴓𐴝 𐴒𐴞𐴘𐴠 , 𐴀𐴥𐴠𐴃𐴡𐴑𐴧𐴡𐴕𐴡𐴃 𐴏𐴞 𐴀𐴠𐴕 𐴅𐴞 𐴂𐴝𐴖𐴝𐴌 𐴀𐴡𐴓𐴝 𐴀𐴡𐴄𐴟 𐴌𐴞𐴑𐴐𐴤𐴝 𐴓𐴡𐴘 𐴎𐴝𐴀𐴝𐴌 𐴒𐴤𐴡𐴘𐴊𐴠 𐴐𐴤𐴡𐴣𐴀𐴡𐴃 , 𐴇𐴥𐴝𐴣𐴃 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴔𐴝𐴘𐴧𐴝 𐴔𐴡𐴌𐴡𐴊 𐴁𐴝𐴏𐴝𐴘 𐴓𐴟𐴖𐴝 𐴒𐴞𐴘𐴠 𐴱𐴱

𐴀𐴥𐴞𐴃𐴝𐴌𐴝 𐴌𐴥𐴠 𐴓𐴡𐴘 𐴎𐴝𐴀𐴝𐴌𐴊𐴠 𐴀𐴝𐴊𐴡𐴔 𐴁𐴞𐴘𐴝𐴌𐴞 𐴊𐴡𐴓𐴡𐴌 𐴀𐴥𐴞𐴏𐴧𐴝𐴊𐴝𐴌 / 𐴔𐴟𐴇𐴝𐴔𐴧𐴡𐴊 𐴀𐴞𐴊𐴌𐴞𐴏𐴢 , 𐴀𐴝𐴌 𐴵 𐴱 𐴓𐴡𐴔𐴁𐴤𐴡𐴌 𐴌𐴠𐴙𐴁𐴡𐴌 𐴀𐴡𐴉𐴥𐴞𐴏𐴝𐴌 𐴈𐴝𐴘𐴌𐴟𐴓 𐴀𐴞𐴏𐴓𐴝𐴔 𐴐𐴤𐴡𐴌𐴑𐴝𐴌𐴠 𐴈𐴡𐴘𐴧𐴠𐴊𐴠 ! 𐴀𐴝𐴊𐴡𐴔 𐴁𐴞𐴘𐴝𐴌𐴞 𐴋𐴝𐴓𐴝𐴓 𐴀𐴥𐴡𐴑𐴧𐴡𐴓𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴓𐴟𐴁𐴢 𐴓𐴝𐴓𐴥𐴡𐴏𐴢 𐴊𐴠𐴈𐴥𐴝𐴘 ,𐴱𐴱

𐴋𐴤𐴝𐴑𐴡𐴌 𐴊𐴠𐴐𐴤𐴡𐴃 𐴓𐴡𐴘 𐴎𐴝𐴀𐴝𐴌𐴊𐴧𐴠 𐴐𐴤𐴡𐴣𐴀𐴡𐴃 , 𐴌𐴠𐴙𐴁𐴡𐴌 𐴒𐴟𐴌𐴞𐴕𐴊𐴝 𐴀𐴥𐴡𐴑𐴧𐴡𐴓𐴠 𐴀𐴥𐴞𐴃𐴝𐴌𐴝𐴌 𐴂𐴠𐴓𐴝𐴕 𐴂𐴡𐴌𐴟𐴒𐴠𐴌𐴝𐴔 𐴀𐴟𐴌𐴝𐴘 𐴊𐴞𐴀𐴞 𐴉𐴥𐴠𐴓𐴥𐴝𐴘𐴧𐴠 , 𐴐𐴤𐴟𐴌𐴟𐴌 𐴏𐴥𐴟𐴖𐴝𐴓𐴝 𐴏𐴥𐴝𐴓𐴞 𐴎𐴠𐴌𐴥𐴝 𐴒𐴡𐴌𐴥𐴝𐴃 , 𐴀𐴞𐴊𐴌𐴞𐴏𐴠 𐴀𐴥𐴞𐴏𐴧𐴝𐴊𐴝𐴌 𐴊𐴟𐴘 𐴎𐴡𐴕𐴡𐴌 𐴕𐴝𐴔 𐴁𐴡𐴐𐴤𐴡𐴌 𐴀𐴝𐴌 𐴏𐴡𐴘𐴡𐴊 𐴇𐴟𐴏𐴝𐴙𐴕𐴡𐴌 𐴕𐴝𐴔 𐴈𐴡𐴘𐴧𐴠 , 𐴀𐴝𐴌𐴀𐴥𐴡 𐴈𐴡𐴕 𐴈𐴡𐴕 𐴀𐴝𐴏𐴥𐴠 𐴎𐴝𐴕𐴞𐴁𐴤𐴡𐴓𐴧𐴝 𐴃𐴡𐴊𐴝𐴌𐴟𐴑 𐴒𐴡𐴌𐴥𐴝 𐴎𐴝𐴀𐴝𐴌 𐴁𐴡𐴓𐴞 𐴈𐴡𐴘𐴧𐴠 𐴱𐴱

Sources : Ukhiyanews.com