𐴔𐴡𐴚𐴋𐴤𐴟𐴌 𐴀𐴝𐴊𐴝𐴓𐴡𐴃𐴠 𐴀𐴠𐴌𐴞 𐴊𐴞𐴘𐴧𐴠𐴊𐴠 𐴁𐴠𐴏𐴥𐴝𐴀𐴝𐴌𐴝 𐴔𐴝𐴘𐴧𐴝 𐴊𐴟𐴘 𐴎𐴡𐴕𐴡𐴌𐴃𐴧𐴟 , 𐴉𐴝𐴌𐴝𐴌 𐴀𐴥𐴟𐴑 𐴆𐴤𐴙𐴟𐴑 𐴌𐴥𐴠𐴔𐴥𐴟 𐴘𐴠 𐴰 𐴰 𐴰 𐴰 𐴵 𐴳 𐴄𐴞𐴛𐴝 𐴓𐴡𐴘𐴧𐴠 𐴱𐴱

𐴀𐴝𐴌𐴑𐴝𐴕 𐴋𐴞𐴐𐴄𐴤𐴞𐴑 𐴔𐴡𐴚𐴋𐴤𐴟𐴌 𐴀𐴟𐴃𐴧𐴡𐴌𐴡𐴌 𐴊𐴟𐴘 𐴎𐴡𐴕 𐴔𐴝𐴘𐴧𐴝𐴌𐴥𐴠 , 𐴔𐴡𐴚𐴋𐴤𐴟𐴌 𐴀𐴝𐴊𐴝𐴓𐴡𐴃𐴠 𐴀𐴠𐴌𐴞𐴊𐴞𐴀𐴞 𐴁𐴦𐴝𐴊𐴠 , 𐴁𐴡𐴖𐴋𐴝𐴌 𐴏𐴦𐴡𐴛 𐴉𐴟𐴓𐴞𐴐𐴢 𐴀𐴝𐴌 𐴀𐴠𐴔𐴞𐴒𐴞𐴌𐴞𐴐𐴤𐴠𐴕𐴠 𐴏𐴥𐴗𐴥𐴠 𐴄𐴞𐴚 𐴏𐴥𐴝𐴙𐴑 𐴒𐴡𐴙𐴅𐴧𐴤𐴙𐴠𐴊𐴠 𐴀𐴥𐴠𐴍𐴠 , 𐴃𐴟𐴣𐴖𐴥𐴝𐴣𐴌𐴥𐴝𐴌𐴠 𐴏𐴠𐴑 𐴒𐴡𐴌𐴥𐴝𐴘 𐴊𐴞𐴘𐴟𐴔 𐴁𐴡𐴓𐴞 𐴈𐴡𐴀𐴡𐴘 , 𐴀𐴥𐴠 𐴁𐴠𐴏𐴥𐴝𐴀𐴝𐴌𐴝 𐴔𐴝𐴘𐴧𐴝 𐴊𐴟𐴕𐴥𐴞 𐴎𐴡𐴕𐴡𐴌𐴃𐴧𐴟 , 𐴉𐴝𐴌𐴝𐴌 𐴀𐴥𐴟𐴑 𐴆𐴤𐴙𐴟𐴑 𐴌𐴥𐴠𐴔𐴥𐴟 𐴘𐴠 𐴰 𐴰 𐴰 𐴰 𐴵𐴳 𐴄𐴞𐴛𐴝 𐴓𐴡𐴘𐴧𐴠 𐴱𐴱

𐴀𐴝𐴌𐴑𐴝𐴕𐴡𐴃 𐴁𐴡𐴌𐴔𐴥𐴝 𐴇𐴥𐴡𐴑𐴟𐴔𐴡𐴃𐴡𐴌 𐴕𐴞𐴊𐴡𐴘𐴧𐴝 𐴇𐴥𐴡𐴙𐴃𐴧𐴝 𐴀𐴝𐴌 𐴎𐴟𐴓𐴟𐴔𐴠 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴥𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴡 𐴊𐴠𐴐𐴤𐴡𐴌 𐴁𐴝𐴀𐴝𐴌𐴠 𐴕𐴞𐴘𐴡𐴓𐴞 𐴎𐴝𐴘𐴁𐴡 𐴒𐴤𐴡𐴙𐴓𐴧𐴝 𐴔𐴡𐴅𐴁𐴟𐴌 𐴒𐴡𐴙𐴅𐴧𐴤𐴙𐴠 , 𐴀𐴥𐴠 𐴏𐴥𐴞𐴓𐴏𐴞𐴓𐴝𐴃 𐴁𐴠𐴐𐴤𐴞 𐴌𐴟𐴇𐴝𐴙𐴚𐴒𐴙𐴝 𐴔𐴡𐴌𐴡𐴊 𐴔𐴝𐴘𐴧𐴝 𐴉𐴡𐴃𐴧𐴞 𐴁𐴡𐴏𐴥𐴡𐴌 𐴊𐴠𐴐𐴢 𐴏𐴥𐴝𐴌𐴞 𐴁𐴟𐴄 𐴓𐴡𐴘 𐴁𐴝𐴀𐴝𐴌𐴠 𐴕𐴠𐴀𐴠𐴓𐴞 𐴎𐴝𐴀𐴝𐴌 𐴒𐴤𐴡𐴘 , 𐴀𐴥𐴞𐴃𐴝𐴌𐴥𐴝𐴌 𐴋𐴦𐴡𐴙𐴓𐴧𐴝 𐴔𐴡𐴚𐴋𐴤𐴟𐴌 𐴀𐴟𐴃𐴧𐴡𐴌𐴡𐴌 𐴱𐴱

𐴑𐴞𐴘𐴝𐴌 𐴈𐴡𐴚 𐴄𐴡𐴚 𐴉𐴝𐴌𐴝𐴌 / 𐴏𐴟𐴉𐴞𐴘𐴝 𐴁𐴠𐴒𐴡𐴔 𐴁𐴝𐴉𐴢 𐴐𐴤𐴡𐴉𐴞𐴑 𐴀𐴝𐴇𐴔𐴡𐴊 𐴀𐴝𐴌 𐴉𐴝𐴃𐴠𐴔𐴝 𐴈𐴝𐴃𐴟𐴕 𐴁𐴝𐴉𐴢 𐴏𐴗𐴠 𐴃𐴝𐴕𐴟 , 𐴀𐴠 𐴔𐴝𐴘𐴧𐴝 𐴊𐴟𐴕𐴥𐴞 𐴎𐴡𐴕𐴀𐴥𐴡 𐴀𐴠𐴑 𐴊𐴞𐴕 𐴑𐴠𐴙𐴏𐴧𐴥𐴟 𐴔𐴝𐴙𐴕𐴐𐴤𐴡𐴌 𐴉𐴥𐴟𐴣𐴖𐴥𐴝𐴣𐴃𐴞 𐴔𐴡𐴓𐴝𐴘𐴐𐴤𐴞𐴘𐴝 𐴎𐴝𐴘𐴁𐴡𐴓𐴧𐴥𐴝 𐴒𐴞𐴘𐴥𐴡𐴘 , 𐴑𐴟𐴖𐴝𐴓 𐴈𐴥𐴡𐴌𐴝𐴁 𐴀𐴥𐴡𐴀𐴡𐴕𐴠 𐴁𐴟𐴄 𐴄𐴤𐴞𐴘𐴝 𐴔𐴝𐴕𐴥𐴟𐴙𐴐𐴢 𐴁𐴡𐴌𐴔𐴥𐴝 𐴔𐴠𐴓𐴠𐴌𐴞𐴌 𐴇𐴥𐴝𐴃𐴡𐴃 𐴊𐴤𐴡𐴌𐴝 𐴉𐴡𐴌𐴞 𐴒𐴞𐴘𐴥𐴡𐴘 , 𐴁𐴦𐴝𐴊𐴠 𐴁𐴠𐴒𐴧𐴤𐴟𐴕𐴡𐴌𐴥𐴠 𐴔𐴡𐴚𐴋𐴤𐴟𐴌 𐴀𐴝𐴊𐴝𐴓𐴡𐴃𐴡𐴃 𐴀𐴝𐴙𐴕𐴧𐴥𐴙𐴠 𐴱𐴱

𐴔𐴡𐴕𐴃𐴡𐴌 𐴎𐴞𐴘𐴡𐴓𐴡𐴃 𐴊𐴞𐴘𐴝 𐴎𐴝𐴀𐴝𐴊𐴠 𐴀𐴥𐴠𐴊𐴧𐴟𐴌 𐴁𐴡𐴐𐴢 𐴕𐴡 𐴀𐴥𐴡𐴀𐴡 𐴁𐴡𐴓𐴞 𐴈𐴡𐴀𐴡𐴘 / 𐴏𐴟𐴉𐴞𐴘𐴝 𐴀𐴝𐴌 𐴉𐴝𐴃𐴠𐴔𐴝 𐴊𐴟𐴕𐴥𐴞 𐴎𐴡𐴕𐴥𐴡𐴌𐴠 , 𐴉𐴝𐴌𐴝𐴌 𐴀𐴠𐴒𐴠𐴕𐴝 𐴒𐴟𐴐𐴧𐴤𐴞𐴌 𐴒𐴤𐴡𐴌𐴡𐴃 𐴎𐴝𐴘 𐴃𐴤𐴝𐴑𐴡 𐴒𐴤𐴡𐴘 𐴁𐴡𐴓𐴞 𐴈𐴡𐴀𐴡𐴘 𐴋𐴞𐴏𐴡𐴔𐴁𐴡𐴌𐴡𐴌 𐴵 𐴱 𐴃𐴝𐴌𐴥𐴞𐴑𐴡𐴃 𐴀𐴠𐴌𐴞 𐴊𐴞𐴀𐴞 𐴉𐴥𐴠𐴓𐴝𐴘𐴧𐴠 𐴁𐴡𐴓𐴞 𐴊𐴠𐴐𐴤𐴡𐴙𐴃𐴧𐴝 𐴔𐴝𐴙𐴕𐴐𐴤𐴙𐴠 𐴈𐴡𐴘𐴧𐴠 𐴱𐴱

𐴀𐴠 𐴁𐴡𐴏𐴥𐴡𐴌 𐴅𐴝𐴕𐴖𐴝𐴌𐴞𐴃 𐴔𐴝𐴘𐴧𐴝 𐴊𐴟𐴕𐴥𐴞𐴎𐴡𐴕 , 𐴒𐴡𐴌𐴥𐴞 𐴉𐴥𐴠𐴓𐴥𐴝𐴘𐴧𐴠𐴊𐴠 𐴏𐴥𐴗𐴥𐴠 𐴄𐴞𐴚 𐴏𐴥𐴝𐴙𐴑𐴡𐴃 𐴀𐴝𐴣𐴀𐴝𐴌𐴝 𐴒𐴤𐴡𐴓𐴞 𐴉𐴝𐴙𐴅𐴧𐴟𐴔 𐴕𐴥𐴠 ؟ 𐴉𐴟𐴏𐴥𐴝𐴌 𐴒𐴡𐴌𐴥𐴞𐴁𐴤𐴡𐴓𐴧𐴝 𐴉𐴝𐴌𐴝𐴌 𐴀𐴥𐴟𐴑 𐴆𐴤𐴙𐴟𐴑 𐴌𐴥𐴠𐴔𐴥𐴟 𐴑𐴡𐴔𐴝𐴓 𐴇𐴟𐴏𐴠𐴕𐴡𐴌 𐴈𐴝𐴣𐴏𐴠 𐴒𐴞𐴘𐴠 , 𐴃𐴡𐴀𐴡𐴘 𐴀𐴥𐴞𐴃𐴠 𐴏𐴥𐴗𐴥𐴠 𐴄𐴞𐴚 𐴏𐴥𐴝𐴙𐴑𐴡𐴌 𐴁𐴝𐴎𐴤𐴝 𐴊𐴞𐴀𐴞 / 𐴏𐴟𐴉𐴞𐴘𐴝𐴌𐴃𐴧𐴟 𐴰 𐴰 𐴰 𐴰 𐴰 𐴲 𐴄𐴞𐴛𐴝 𐴀𐴝𐴌 𐴉𐴝𐴃𐴠𐴔𐴝𐴌𐴃𐴧𐴟 𐴰 𐴰 𐴰 𐴰 𐴵 𐴱 𐴄𐴞𐴛𐴝 𐴓𐴡𐴘𐴧𐴠 , 𐴀𐴥𐴠 𐴔𐴝𐴘𐴧𐴝 𐴊𐴟𐴕𐴥𐴞 𐴎𐴡𐴕𐴡𐴌 𐴁𐴝𐴉𐴢 𐴔𐴦𐴝𐴣 𐴁𐴝𐴚𐴓𐴝𐴊𐴠𐴐𐴢 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴁𐴡𐴓𐴞 𐴊𐴠𐴐𐴤𐴡𐴙𐴃𐴧𐴝 𐴔𐴝𐴙𐴕𐴐𐴤𐴙𐴠 𐴈𐴡𐴘𐴧𐴠 𐴱𐴱

𐴔𐴝𐴘𐴧𐴝 𐴀𐴠𐴑 𐴎𐴡𐴕𐴡𐴌 𐴀𐴠𐴒𐴠𐴕𐴝 𐴘𐴠 𐴈𐴡𐴘𐴧𐴠𐴊𐴠 ! 𐴀𐴥𐴟𐴑 𐴆𐴤𐴙𐴟𐴑 𐴌𐴥𐴠𐴔𐴥𐴟 𐴀𐴥𐴞𐴃𐴠 𐴁𐴠𐴐𐴤𐴞 𐴌𐴝𐴇𐴥𐴝𐴔 𐴏𐴥𐴝𐴌𐴝 𐴊𐴞𐴓 𐴊𐴡𐴌𐴥𐴡 𐴔𐴝𐴕𐴥𐴟𐴙𐴐𐴢 , 𐴕𐴞𐴎𐴡𐴌 𐴑𐴡𐴗𐴔𐴡𐴌 𐴈𐴡𐴕𐴥𐴡 𐴉𐴥𐴝𐴘𐴊𐴝 𐴕𐴡 𐴒𐴡𐴌𐴥𐴠 , 𐴘𐴥𐴝𐴀𐴝𐴌 𐴀𐴟𐴓𐴋𐴝 𐴁𐴡𐴖𐴋𐴝𐴌 𐴏𐴦𐴡𐴛 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓 𐴓𐴡𐴘 𐴔𐴞𐴓𐴞 𐴉𐴝𐴙𐴅𐴧𐴙𐴝 𐴔𐴝𐴙𐴕𐴐𐴤𐴡𐴌 𐴀𐴟𐴍𐴥𐴝𐴕𐴡𐴌𐴃𐴧𐴟 𐴒𐴝𐴏𐴢 𐴀𐴥𐴡𐴑𐴧𐴡𐴓 𐴈𐴝𐴍𐴞 𐴁𐴠𐴏𐴞 𐴉𐴥𐴠𐴓𐴝𐴀𐴝 𐴱𐴱

𐴀𐴥𐴠𐴃𐴡𐴓𐴧𐴝 𐴉𐴝𐴙𐴅𐴧𐴙𐴝 𐴀𐴥𐴡𐴑𐴧𐴡𐴓𐴠 𐴖𐴡𐴌𐴡𐴌 𐴃𐴡𐴑𐴧𐴝𐴌 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴡𐴌 𐴈𐴝𐴣𐴏𐴠 , 𐴀𐴥𐴞𐴃𐴝𐴌 𐴀𐴡𐴉𐴥𐴡𐴌𐴝𐴊𐴡𐴌 𐴎𐴡𐴌𐴞𐴘𐴝 𐴀𐴠𐴓𐴝𐴑𐴝𐴌 𐴐𐴤𐴝𐴕𐴃𐴞 𐴀𐴟𐴍𐴥𐴞 𐴎𐴝𐴀𐴝𐴌 𐴒𐴤𐴡𐴘𐴊𐴠 𐴘𐴥𐴝𐴀𐴝𐴕𐴡𐴓𐴧𐴝 , 𐴉𐴥𐴡𐴄𐴝𐴉𐴥𐴡𐴄 𐴀𐴠𐴑𐴐𐴤𐴠𐴕 𐴓𐴡𐴘𐴁𐴡𐴓𐴧𐴥𐴝 𐴀𐴥𐴞𐴃𐴝𐴌 𐴁𐴠𐴌𐴟𐴊𐴧𐴤𐴠 𐴀𐴝𐴉𐴞𐴓 𐴒𐴡𐴙𐴅𐴧𐴤𐴙𐴠 𐴱𐴱

Sources : Rvision