𐴁𐴝𐴚𐴓𐴝𐴊𐴠𐴐𐴤𐴡𐴃 𐴃𐴞𐴕 𐴇𐴥𐴝𐴎𐴝𐴌𐴡𐴌 𐴖𐴡𐴌𐴠 𐴌𐴟𐴇𐴝𐴙𐴚𐴒𐴙𐴝𐴌 𐴊𐴟𐴖𐴝𐴕 𐴁𐴤𐴝𐴚𐴞 𐴉𐴥𐴠𐴓𐴥𐴝𐴘𐴧𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴀𐴝𐴏𐴥𐴠𐴊𐴠 , 𐴃𐴞𐴕 𐴇𐴥𐴝𐴎𐴝𐴌𐴡𐴌 𐴖𐴡𐴌𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴊𐴟𐴖𐴝𐴕 , 𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴟𐴔𐴡𐴃𐴠 𐴄𐴠𐴑𐴄𐴤𐴝𐴌 𐴓𐴡𐴘 𐴋𐴡𐴓𐴞 𐴁𐴤𐴝𐴚𐴞 𐴏𐴟𐴌𐴞 𐴁𐴡𐴌𐴁𐴝𐴊 𐴒𐴡𐴌𐴥𐴞 𐴊𐴞𐴘𐴠𐴊𐴠 𐴘𐴥𐴝𐴀𐴝𐴕 𐴏𐴥𐴡𐴀𐴞 𐴁𐴡𐴓𐴞 , 𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴟𐴔𐴡𐴃𐴠 𐴀𐴠 𐴀𐴠𐴉𐴢 𐴂𐴞 𐴈𐴥𐴡𐴁𐴡𐴌𐴡𐴃 𐴈𐴡𐴘𐴧𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴁𐴠𐴀𐴝𐴙𐴕𐴞 𐴑𐴤𐴟𐴙𐴓𐴧𐴙𐴠𐴊𐴠 𐴃𐴞𐴕 𐴇𐴥𐴝𐴎𐴝𐴌𐴡𐴌 𐴖𐴡𐴌𐴠 𐴊𐴟𐴖𐴝𐴕 ,𐴒𐴠𐴓𐴊𐴠 𐴔𐴥𐴝𐴐𐴢 𐴓𐴡𐴃𐴞 𐴁𐴤𐴝𐴚𐴝 𐴐𐴤𐴟𐴌𐴟 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴌𐴞𐴉𐴟𐴎𐴞𐴌 𐴁𐴝𐴁𐴡𐴃𐴠 𐴊𐴟𐴘𐴀𐴡𐴔 𐴑𐴡𐴔𐴞𐴐𐴕𐴝𐴌 / 𐴐𐴤𐴡𐴔𐴏𐴟𐴊 𐴊𐴟𐴅𐴤𐴝 𐴘𐴠 𐴈𐴡𐴘𐴧𐴠 , 𐴀𐴠𐴕𐴋𐴞𐴓𐴧𐴝 𐴒𐴡𐴌𐴥𐴞 𐴊𐴟𐴖𐴝𐴕 𐴁𐴤𐴝𐴚𐴞 𐴊𐴡𐴀𐴡𐴕𐴠 𐴇𐴥𐴝𐴎𐴝𐴌 𐴇𐴥𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴔𐴡𐴐𐴑𐴞𐴓𐴡𐴃 𐴉𐴡𐴌𐴞 𐴎𐴝𐴘𐴁𐴡 𐴒𐴤𐴡𐴘 𐴁𐴡𐴓𐴞 , 𐴌𐴟𐴇𐴝𐴙𐴚𐴒𐴙𐴝 𐴑𐴡𐴗𐴔𐴡𐴌 𐴀𐴠𐴑 𐴎𐴡𐴕 𐴕𐴠𐴃𐴝 / 𐴀𐴥𐴟 𐴑𐴞𐴚 𐴔𐴡𐴚𐴠 𐴈𐴡𐴘𐴧𐴠

𐴱𐴱 𐴌𐴞𐴉𐴟𐴎𐴞𐴌 𐴉𐴟𐴖𐴝𐴙𐴕 𐴏𐴥𐴝𐴀𐴝𐴙𐴕 𐴓𐴡𐴘 𐴒𐴡𐴕𐴝𐴃 𐴁𐴝𐴌𐴥𐴡𐴀𐴡𐴕𐴠 , 𐴇𐴥𐴡𐴑𐴟𐴔𐴡𐴃𐴠 𐴊𐴠𐴀𐴠𐴌𐴊𐴧𐴠 𐴌𐴝𐴘𐴐𐴤𐴡𐴕𐴥𐴠 𐴕𐴡 𐴑𐴟𐴓𐴝𐴌𐴊𐴧𐴠 𐴀𐴥𐴠𐴃𐴡𐴓𐴧𐴝 , 𐴑𐴠𐴙𐴏𐴧𐴥𐴟 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴊𐴟𐴖𐴝𐴕 𐴑𐴤𐴟𐴓𐴞 , 𐴉𐴝𐴀𐴝𐴊𐴠 𐴀𐴝𐴔𐴡𐴊𐴡𐴕𐴞 𐴓𐴡𐴘 𐴒𐴟𐴎𐴝𐴌𐴝 𐴒𐴡𐴌𐴥𐴠𐴌 𐴁𐴡𐴓𐴞 𐴈𐴡𐴘𐴧𐴠 , 𐴀𐴠𐴈𐴥𐴡𐴕 𐴊𐴟𐴖𐴝𐴕 𐴁𐴤𐴝𐴚𐴞 𐴊𐴠𐴀𐴠𐴌𐴊𐴧𐴠 𐴀𐴥𐴠𐴕𐴋𐴞𐴓𐴧𐴝 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴀𐴞𐴐𐴑𐴟𐴓 𐴑𐴤𐴟𐴓𐴞 𐴉𐴟𐴖𐴙𐴕 𐴉𐴡𐴌𐴥𐴝𐴌𐴊𐴧𐴠 , 𐴀𐴞𐴐𐴑𐴟𐴓 𐴀𐴥𐴞𐴀𐴞𐴕 𐴀𐴥𐴡 𐴁𐴡𐴕 𐴒𐴡𐴌𐴥𐴞 𐴊𐴞𐴀𐴞𐴓𐴥𐴠 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴓𐴧𐴝 𐴁𐴠𐴐𐴤𐴞 𐴏𐴞𐴕𐴃𐴝 𐴀𐴝𐴌 𐴀𐴡𐴐𐴤𐴝𐴕𐴃𐴞𐴌 𐴇𐴥𐴝𐴓𐴡𐴃 𐴀𐴥𐴡𐴘𐴁𐴡𐴊𐴠 𐴀𐴥𐴠𐴃𐴡𐴓𐴧𐴝 , 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌 𐴇𐴥𐴡𐴑 𐴀𐴝𐴌 𐴐𐴤𐴟𐴎𐴟𐴑 𐴐𐴤𐴟𐴁𐴞𐴊𐴝𐴌 𐴇𐴥𐴝𐴉𐴝𐴎𐴡𐴃𐴡𐴌𐴓𐴧𐴝 𐴱𐴱

𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴟𐴔𐴡𐴃𐴌 𐴈𐴝𐴣𐴏𐴠 𐴀𐴝𐴉𐴞𐴓 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 , 𐴊𐴠𐴐𐴁𐴞𐴊𐴠𐴐𐴤𐴞 𐴐𐴤𐴝𐴕𐴃𐴞 𐴏𐴡𐴀𐴡𐴘𐴧𐴝 𐴉𐴦𐴝𐴄𐴞𐴌 ( 𐴀𐴠𐴔𐴕𐴥𐴠𐴏𐴄𐴞 𐴀𐴞𐴕𐴄𐴝𐴌𐴕𐴥𐴠𐴐𐴕𐴠𐴓 ) 𐴃𐴡𐴕𐴎𐴞𐴔𐴡𐴌 / 𐴏𐴝𐴀𐴝𐴊 𐴇𐴝𐴔𐴧𐴝𐴊𐴞 𐴘𐴠 𐴈𐴡𐴘𐴧𐴠 , 𐴁𐴡𐴌𐴔𐴥𐴝𐴌𐴃𐴧𐴟 𐴀𐴝𐴀𐴝𐴘 𐴁𐴝𐴚𐴓𐴝𐴊𐴠𐴐𐴤𐴡𐴃 , 𐴊𐴠𐴐𐴢 𐴇𐴥𐴝𐴌𐴝 𐴀𐴥𐴡𐴘 𐴒𐴞𐴘𐴠 𐴒𐴤𐴡𐴘𐴊𐴠 𐴀𐴥𐴠𐴕𐴋𐴞𐴓𐴧𐴝 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴐𐴤𐴝𐴀𐴝𐴌𐴡 𐴀𐴝𐴣𐴐𐴄𐴡 𐴓𐴥𐴝𐴑𐴡𐴌 𐴖𐴡𐴌𐴠 𐴀𐴝𐴏𐴥𐴠 𐴱𐴱