𐴲 𐴲 𐴰 𐴲 𐴐𐴤𐴡𐴕𐴡𐴃 𐴁𐴡𐴌𐴔𐴥𐴝𐴌𐴃𐴧𐴟 , 𐴀𐴝𐴐𐴤𐴝 𐴒𐴡𐴌𐴥𐴝 𐴕𐴡 𐴎𐴝𐴀𐴝𐴊𐴠 𐴀𐴥𐴠𐴕𐴋𐴞𐴓𐴧𐴝 𐴔𐴡𐴐𐴑𐴞𐴓 𐴔𐴝𐴀𐴝𐴔𐴠𐴓𐴝 𐴓𐴡𐴘 𐴔𐴟𐴑𐴤𐴝 𐴔𐴟𐴑𐴤𐴞 𐴒𐴡𐴌𐴥𐴝 𐴉𐴡𐴌𐴞𐴁𐴤𐴡 𐴁𐴡𐴓𐴞 𐴈𐴡𐴘𐴧𐴠 : 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝 𐴱𐴱

𐴲 𐴲 𐴰 𐴲 𐴐𐴤𐴡𐴕𐴡𐴃 𐴁𐴡𐴌𐴔𐴥𐴝 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴡𐴌𐴃𐴧𐴟 , 𐴁𐴤𐴝𐴉𐴝𐴕𐴞𐴃 𐴕𐴥𐴡 𐴀𐴝𐴘𐴧𐴠𐴊𐴤𐴠 𐴀𐴝𐴌 𐴀𐴝𐴐𐴤𐴝 𐴕𐴥𐴡 𐴌𐴝𐴑𐴤𐴠𐴊𐴤𐴠 𐴀𐴥𐴠𐴕𐴋𐴞𐴓𐴧𐴝 , 𐴏𐴥𐴞𐴘𐴝𐴏𐴞 𐴇𐴥𐴝𐴓𐴡𐴃 , 𐴈𐴝𐴏𐴈𐴝𐴌𐴁𐴝𐴌𐴞 𐴇𐴥𐴝𐴓𐴡𐴃 , 𐴀𐴞𐴕𐴏𐴝𐴕𐴞 𐴇𐴥𐴡𐴑 𐴀𐴝𐴌 𐴔𐴡𐴊𐴡𐴃𐴡𐴌 𐴇𐴥𐴝𐴓𐴡𐴃𐴡𐴌 𐴁𐴝𐴁𐴡𐴃𐴠 , 𐴁𐴠𐴐𐴤𐴞 𐴔𐴡𐴐𐴑𐴞𐴓 𐴀𐴝𐴁𐴡𐴏𐴃𐴤𐴝 𐴓𐴡𐴘 𐴔𐴟𐴑𐴤𐴝 𐴔𐴟𐴑𐴤𐴞 𐴒𐴡𐴌𐴥𐴝 𐴉𐴡𐴌𐴞𐴁𐴤𐴡 𐴁𐴡𐴓𐴞 , ( 𐴘𐴟 𐴀𐴠𐴕 𐴀𐴡 𐴏𐴞 𐴀𐴠𐴆 𐴀𐴠 ) 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴀𐴞𐴕𐴏𐴝𐴕𐴞 𐴇𐴥𐴝𐴔𐴊𐴡𐴌𐴊𐴞𐴌 𐴔𐴟𐴃𐴦𐴝𐴓𐴧𐴠𐴑 𐴔𐴡𐴊𐴡𐴃 𐴒𐴡𐴌𐴥𐴞𐴁𐴤𐴝𐴌 𐴎𐴟𐴑𐴝 𐴎𐴟𐴑 𐴀𐴡𐴉𐴥𐴞𐴏𐴡𐴌𐴃𐴧𐴟 , 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴕𐴠𐴀𐴠𐴓𐴝𐴘𐴧𐴥𐴠𐴊𐴠 𐴌𐴠𐴂𐴟𐴄𐴡𐴃 𐴈𐴡𐴘𐴧𐴠 𐴱𐴱

𐴁𐴡𐴌𐴔𐴥𐴝𐴌 𐴏𐴥𐴡𐴖𐴁𐴝 𐴀𐴝𐴌 𐴋𐴞𐴐𐴄𐴤𐴞𐴑 𐴵 𐴱 𐴖𐴥𐴝𐴕𐴡𐴌 𐴁𐴤𐴟𐴃𐴡𐴌𐴃𐴧𐴟 𐴴 𐴱 𐴖𐴥𐴝𐴕𐴡𐴃 𐴈𐴥𐴝𐴙𐴊𐴧𐴡 𐴑𐴤𐴟𐴌𐴝𐴉𐴢 𐴈𐴡𐴔𐴞 𐴒𐴞𐴘𐴥𐴡𐴘𐴊𐴠 𐴀𐴥𐴠𐴕𐴋𐴞𐴓𐴧𐴝 , 𐴈𐴥𐴡𐴌𐴝𐴉𐴢 𐴒𐴠𐴎𐴝 𐴈𐴥𐴡𐴀𐴡𐴕𐴡𐴌 𐴀𐴝𐴁𐴡𐴏𐴃𐴤𐴝 𐴀𐴥𐴡𐴘𐴁𐴡𐴊𐴠 𐴀𐴥𐴠𐴕𐴋𐴞𐴓𐴧𐴝 , 𐴒𐴟𐴣𐴍𐴝 𐴁𐴡𐴌𐴔𐴥𐴝𐴌 𐴏𐴝𐴙𐴌 𐴁𐴤𐴝𐴑𐴡𐴌 𐴀𐴠𐴑 𐴁𐴤𐴝𐴑 𐴀𐴥𐴡𐴀𐴡𐴊𐴠 𐴀𐴝𐴁𐴝𐴊𐴞 𐴱𐴱

𐴔𐴡𐴌𐴡𐴊 𐴹 . 𐴶 𐴔𐴡𐴓𐴞𐴘𐴟𐴕 𐴔𐴝𐴘𐴧𐴝 𐴵 . 𐴷 𐴔𐴡𐴓𐴞𐴘𐴟𐴕 𐴀𐴝𐴌 𐴒𐴟𐴌𐴝 𐴉𐴟𐴖𐴝𐴙𐴕 𐴵 𐴔𐴡𐴓𐴞𐴘𐴟𐴕 , 𐴁𐴠𐴒𐴧𐴤𐴟𐴕𐴠 𐴔𐴞𐴓𐴝𐴘 𐴹 𐴱 𐴔𐴡𐴓𐴞𐴘𐴟𐴕𐴡𐴌 𐴖𐴡𐴌𐴠 𐴔𐴝𐴙𐴕𐴐𐴤𐴡𐴌𐴠 , 𐴔𐴡𐴊𐴡𐴃 𐴒𐴡𐴌𐴥𐴡𐴕 𐴀𐴝𐴌 𐴀𐴏𐴧𐴥𐴡𐴌𐴡 𐴊𐴡𐴀𐴡𐴕𐴡𐴌 𐴎𐴡𐴌𐴟𐴌𐴡𐴃 𐴉𐴡𐴌𐴞𐴁𐴤𐴡 𐴁𐴡𐴓𐴞 ( 𐴘𐴟 𐴀𐴠𐴕 𐴀𐴡 𐴏𐴞 𐴀𐴠𐴆 𐴀𐴠 ) 𐴘𐴠 𐴕𐴠𐴀𐴠𐴓𐴝𐴘𐴧𐴥𐴠𐴊𐴠 𐴌𐴠𐴂𐴟𐴄𐴡𐴃 𐴀𐴝𐴕𐴊𐴝𐴎 𐴒𐴡𐴙𐴅𐴧𐴤𐴙𐴠 𐴱𐴱

𐴑𐴟𐴁𐴤𐴝𐴙𐴋 𐴹 𐴱 𐴁𐴞𐴘𐴝𐴌𐴝𐴔𐴡𐴌 𐴎𐴡𐴌𐴞𐴘𐴝 𐴀𐴝𐴌 𐴇𐴥𐴠𐴉𐴝𐴎𐴡𐴃𐴞 𐴂𐴝𐴁𐴡𐴕𐴊𐴞 𐴓𐴝𐴒𐴡𐴕𐴡𐴌 𐴎𐴡𐴌𐴞𐴘𐴝 , 𐴉𐴝𐴘𐴑𐴝𐴌𐴞 𐴔𐴝𐴓 𐴁𐴠𐴏𐴝 𐴑𐴞𐴕𐴝 𐴃𐴤𐴞𐴘𐴝𐴘 𐴎𐴡𐴀𐴡𐴕𐴠 , 𐴔𐴝𐴓𐴡𐴌 𐴊𐴝𐴔 𐴁𐴝𐴌𐴥𐴞 𐴒𐴞𐴘𐴥𐴠𐴒𐴤𐴡𐴘𐴊𐴠 𐴀𐴥𐴠𐴃𐴡𐴓𐴧𐴝 𐴀𐴠𐴕𐴋𐴞𐴓𐴧𐴝 𐴇𐴥𐴝𐴓𐴡𐴃 𐴀𐴥𐴡𐴘𐴧𐴠𐴊𐴠 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱𐴱

𐴀𐴥𐴠𐴕𐴋𐴞𐴓𐴧𐴝 𐴲 𐴲 𐴰 𐴲 𐴐𐴤𐴡𐴕𐴡𐴃 𐴊𐴠𐴐𐴤𐴡𐴌 𐴏𐴥𐴞𐴘𐴝𐴏𐴞 𐴇𐴥𐴝𐴓𐴡𐴃 𐴀𐴝𐴌 𐴇𐴥𐴠𐴉𐴝𐴎𐴡𐴃𐴞 𐴇𐴥𐴝𐴓𐴡𐴃 𐴀𐴥𐴡 𐴁𐴤𐴝𐴓𐴝𐴘𐴌 𐴀𐴟𐴎𐴟 𐴉𐴡𐴣𐴀𐴡𐴏𐴞 𐴕𐴡 𐴉𐴝𐴌𐴥𐴠𐴌𐴊𐴧𐴠 𐴘𐴥𐴝𐴀𐴝𐴕𐴡𐴌𐴓𐴧𐴝 , 𐴊𐴠𐴐𐴤𐴡𐴌 𐴁𐴤𐴟𐴃𐴡𐴌𐴠 𐴑𐴟𐴁𐴤𐴝𐴙𐴋 𐴹 𐴱 𐴀𐴡𐴣𐴏𐴥𐴝 𐴄𐴞𐴑𐴝 𐴉𐴟𐴌𐴝𐴉𐴟𐴌𐴞 𐴔𐴝𐴌𐴞 𐴕𐴡 𐴉𐴝𐴌𐴥𐴡𐴕𐴡𐴌 𐴎𐴡𐴌𐴞𐴘𐴝 , 𐴏𐴥𐴝𐴔𐴧𐴡𐴌𐴃𐴧𐴟 𐴀𐴝𐴘𐴁𐴤𐴡𐴊𐴠 𐴏𐴝𐴙𐴌𐴀𐴡𐴔 𐴓𐴠𐴇𐴥𐴠𐴌𐴡𐴌 𐴋𐴡𐴌𐴡𐴌 𐴁𐴝𐴁𐴡𐴃𐴠 𐴘𐴥𐴡 𐴌𐴠𐴂𐴟𐴄𐴡𐴃 𐴓𐴠𐴙𐴑𐴧𐴤𐴙𐴠 𐴱𐴱

Sources : RFA