𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴀𐴥𐴝𐴣𐴃𐴞𐴘𐴝𐴌 𐴐𐴤𐴡𐴣𐴀𐴡 𐴸 𐴱 𐴎𐴡𐴕 𐴁𐴡𐴕 𐴱𐴱

𐴀𐴥𐴝𐴣𐴃𐴞𐴘𐴝𐴌 𐴀𐴡𐴓𐴝 𐴉𐴟𐴓𐴞𐴐𐴢 𐴁𐴠𐴄𐴠𐴓𐴞𐴘𐴠𐴕 ( 𐴀𐴠 𐴂𐴞 𐴁𐴞 𐴀𐴠𐴕 ) 𐴉𐴟𐴓𐴞𐴐𐴠 , 𐴑𐴝𐴑𐴏𐴡 𐴁𐴝𐴎𐴝𐴌 𐴋𐴞𐴐𐴄𐴤𐴞𐴑 𐴀𐴟𐴑𐴤𐴞𐴘𐴝 𐴀𐴠𐴓𐴝𐴑𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 , 𐴀𐴝𐴓𐴡𐴑 𐴀𐴝𐴓𐴡𐴑 𐴑𐴝𐴌𐴖𐴝𐴘 𐴒𐴡𐴌𐴥𐴞 𐴀𐴥𐴝𐴣𐴃𐴞𐴘𐴝𐴌 𐴐𐴤𐴡𐴣𐴀𐴡 𐴸 𐴱 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴁𐴡𐴕 𐴒𐴡𐴙𐴅𐴧𐴤𐴙𐴠 , 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴡𐴌𐴠 𐴀𐴠𐴑 𐴎𐴡𐴕 𐴀𐴝𐴏𐴡𐴓𐴥𐴞 𐴁𐴝𐴚𐴓𐴝𐴊𐴠𐴐𐴤𐴞 𐴀𐴝𐴏𐴥𐴠 𐴱𐴱

𐴀𐴥𐴠 𐴀𐴡𐴑𐴃𐴤𐴡𐴃 𐴀𐴥𐴞𐴃𐴝𐴌𐴝𐴌 𐴃𐴟 𐴊𐴟𐴖𐴧𐴝 𐴀𐴥𐴝𐴣𐴃𐴞𐴘𐴝𐴌 𐴀𐴝𐴌 𐴊𐴟𐴖𐴧𐴝 𐴈𐴝𐴃𐴧𐴟𐴐𐴢 , 𐴰 𐴵 𐴹 𐴱 𐴀𐴠𐴑 𐴇𐴥𐴝𐴎𐴝𐴌 𐴕𐴡 𐴐𐴤𐴡 𐴉𐴡𐴕𐴎𐴝𐴙𐴐𐴢 𐴂𐴦𐴞𐴏𐴢 𐴘𐴝𐴁𐴤𐴝 ( 𐴕𐴞𐴐𐴤𐴝𐴌 ) 𐴁𐴡𐴌𐴡𐴘 𐴀𐴝𐴌 𐴰 𐴰 𐴸 𐴀𐴝𐴣𐴐𐴄𐴡 𐴐𐴤𐴡𐴃 𐴒𐴠𐴌𐴝𐴔 𐴒𐴝𐴎𐴝 𐴉𐴝𐴀𐴝 𐴒𐴞𐴘𐴠 , 𐴀𐴠 𐴂𐴞 𐴁𐴞 𐴀𐴠𐴕 𐴉𐴟𐴓𐴞𐴐𐴡𐴌 𐴑𐴠𐴂𐴄𐴞𐴕 / 𐴕𐴡𐴀𐴞𐴔𐴟𐴓 𐴇𐴥𐴡𐴑𐴠 𐴔𐴡𐴚𐴒𐴡𐴓 𐴁𐴝𐴌𐴠 𐴊𐴦𐴟𐴛𐴅𐴧𐴙𐴝 , 𐴒𐴤𐴡𐴄𐴡𐴕𐴝 𐴘𐴝𐴀𐴝𐴕 𐴏𐴥𐴡𐴀𐴞 𐴈𐴥𐴝𐴄𐴞 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴕𐴡𐴀𐴞𐴔𐴟𐴓 𐴇𐴥𐴡𐴑𐴠 𐴀𐴝𐴌𐴀𐴥𐴡 𐴈𐴡𐴘𐴧𐴠𐴊𐴠 ! 𐴐𐴤𐴡𐴔 𐴁𐴝𐴌𐴠 𐴀𐴥𐴝𐴣𐴎𐴡𐴙𐴕𐴧𐴝 𐴶 𐴄𐴝 𐴁𐴝𐴎𐴠 , 𐴔𐴡𐴊𐴟𐴌 𐴏𐴥𐴡𐴌𐴝 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔 𐴀𐴠𐴓𐴝𐴑𐴝𐴃 , 𐴀𐴝𐴌 𐴏𐴝 𐴃𐴡𐴕𐴎𐴞𐴔𐴡𐴌 𐴃𐴞𐴕 𐴎𐴡𐴕 𐴔𐴞𐴔𐴁𐴤𐴡𐴌 𐴀𐴥𐴝𐴣𐴃𐴞𐴘𐴝𐴌 𐴐𐴤𐴡𐴣𐴀𐴡 𐴃𐴤𐴝𐴑𐴠 𐴁𐴡𐴓𐴞 , 𐴈𐴥𐴡𐴁𐴡𐴌 𐴉𐴝𐴘 𐴁𐴦𐴝𐴊𐴠 𐴑𐴝𐴌𐴖𐴝𐴘 𐴒𐴡𐴌𐴥𐴝 𐴒𐴞𐴘𐴠𐴊𐴠 , 𐴑𐴝𐴌𐴖𐴝𐴘 𐴀𐴥𐴞𐴁𐴤𐴝𐴃 𐴃𐴞𐴕 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴝𐴃𐴡𐴚𐴁𐴝𐴊𐴞 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴀𐴥𐴞𐴃𐴝𐴌𐴝𐴌 𐴃𐴟 𐴀𐴥𐴝𐴣𐴃𐴞𐴘𐴝𐴌 𐴀𐴝𐴌 𐴈𐴝𐴃𐴧𐴟𐴐𐴢 𐴉𐴝𐴀𐴝 𐴒𐴞𐴘𐴠 , 𐴀𐴥𐴞𐴁𐴤𐴝 𐴘𐴠 𐴀𐴝𐴌𐴀𐴥𐴡 𐴈𐴡𐴘𐴧𐴠𐴊𐴠 , 𐴀𐴥𐴠 𐴊𐴞𐴕 𐴌𐴝𐴃𐴞𐴘𐴝 𐴑𐴠𐴀𐴠𐴔𐴡𐴃 𐴈𐴥𐴝𐴏𐴢 𐴁𐴤𐴝𐴉𐴠 𐴑𐴝𐴌𐴖𐴝𐴘 𐴒𐴡𐴌𐴥𐴝 𐴒𐴞𐴘𐴠𐴊𐴠 𐴀𐴥𐴠𐴍𐴠 , 𐴀𐴝𐴌 𐴏𐴝𐴌 𐴔𐴞𐴔𐴁𐴤𐴡 𐴎𐴟𐴀𐴟𐴕 𐴋𐴦𐴡𐴙𐴓𐴧𐴝 𐴁𐴡𐴋𐴦𐴡𐴙𐴓𐴧𐴝 𐴀𐴡𐴉𐴥𐴡𐴌𐴝𐴊𐴡𐴃 𐴅𐴡𐴍𐴞𐴃𐴡 𐴀𐴝𐴏𐴥𐴠𐴊𐴠 , 𐴀𐴥𐴠𐴕𐴋𐴞𐴓𐴧𐴝 𐴵 𐴱 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴁𐴡𐴕 𐴒𐴡𐴙𐴅𐴧𐴤𐴙𐴠𐴊𐴠 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴡𐴌𐴠 𐴴 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴱𐴱

𐴀𐴥𐴠 𐴀𐴡𐴑𐴃𐴤𐴡𐴃 𐴀𐴥𐴞𐴃𐴝𐴌𐴝𐴌 𐴃𐴟 𐴀𐴟𐴒𐴧𐴤𐴗𐴝 𐴀𐴠𐴓 𐴅𐴞 𐴰 𐴵 𐴹 𐴱 𐴂𐴦𐴞𐴏𐴢 𐴘𐴝𐴁𐴤𐴝 𐴰 𐴰 𐴸 𐴒𐴠𐴌𐴝𐴔 𐴒𐴝𐴎𐴝 𐴀𐴝𐴌 𐴶 𐴏𐴥𐴡𐴖𐴧𐴝𐴕 𐴀𐴡𐴄𐴟 𐴌𐴞𐴑𐴐𐴤𐴝 𐴎𐴡𐴁𐴊𐴤𐴡 𐴒𐴡𐴌𐴥𐴝 𐴒𐴞𐴘𐴠 , 𐴈𐴡𐴊𐴞 𐴵 𐴱 𐴎𐴡𐴕𐴡𐴌 𐴁𐴤𐴟𐴃𐴡𐴌𐴃𐴟 𐴃𐴞𐴕 𐴎𐴡𐴕 𐴀𐴥𐴝𐴣𐴃𐴞𐴘𐴝𐴌𐴡𐴌 𐴑𐴠𐴙𐴏𐴢 𐴓𐴡𐴘 , 𐴀𐴝𐴌 𐴃𐴞𐴕 𐴎𐴡𐴕 𐴊𐴟𐴘𐴧𐴝𐴕 𐴕𐴞𐴐𐴤𐴝𐴌 𐴑𐴠𐴙𐴏𐴢 𐴓𐴡𐴘 𐴎𐴞𐴘𐴡𐴓𐴡𐴃 𐴉𐴡𐴣𐴀𐴡𐴏𐴝𐴘 𐴊𐴞𐴘𐴠 𐴱𐴱

𐴁𐴝𐴑𐴞 𐴕𐴡 𐴎𐴡𐴕𐴡𐴌𐴥𐴠 𐴑𐴟𐴓𐴠 𐴔𐴞𐴓𐴝𐴘 𐴔𐴟𐴁𐴦𐴝𐴙𐴓 𐴀𐴝𐴊𐴝𐴓𐴡𐴃𐴡𐴌 𐴉𐴥𐴝𐴘𐴏𐴠𐴓𐴝 𐴓𐴡𐴘 𐴰 𐴰 𐴰 𐴵 𐴱 𐴇𐴥𐴝𐴎𐴝𐴌 𐴄𐴞𐴛𐴝 𐴎𐴡𐴌𐴞𐴁𐴝𐴕𐴝 𐴒𐴡𐴙𐴅𐴧𐴤𐴙𐴠 , 𐴀𐴥𐴝𐴣𐴃𐴞𐴘𐴝𐴌 𐴑𐴠𐴙𐴏𐴡𐴌 𐴀𐴝𐴐𐴤𐴝𐴔𐴞 𐴃𐴞𐴕𐴥𐴞 𐴎𐴡𐴕𐴡𐴌𐴥𐴠 𐴑𐴠𐴙𐴏𐴢 𐴐𐴤𐴡𐴣𐴀𐴡 𐴃𐴤𐴝𐴕𐴝𐴌 𐴇𐴥𐴡𐴓𐴝 𐴒𐴌𐴥𐴞 𐴉𐴥𐴠𐴓𐴥𐴝𐴘𐴧𐴠 𐴱𐴱

Sources : ukhiyanews.com