𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃𐴧𐴟 𐴀𐴠𐴑 𐴇𐴥𐴝𐴎𐴝𐴌 𐴊𐴟𐴖𐴝𐴕 𐴁𐴠𐴊𐴡𐴈𐴥𐴡𐴓 𐴒𐴡𐴌𐴥𐴝 𐴒𐴞𐴘𐴠 𐴱𐴱

𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌𐴥𐴠 𐴔𐴡𐴊𐴡𐴊 𐴒𐴡𐴌𐴥𐴝 𐴀𐴝𐴌 𐴊𐴠𐴐𐴤𐴡𐴃 𐴖𐴝𐴉𐴠𐴏𐴢 𐴒𐴡𐴌𐴥𐴝 𐴑𐴡𐴔𐴞𐴐𐴠𐴕𐴠 , 𐴑𐴝𐴑𐴏𐴡 𐴁𐴝𐴎𐴝𐴌 𐴋𐴞𐴐𐴄𐴤𐴞𐴑 𐴀𐴟𐴑𐴤𐴞𐴘𐴝𐴌 𐴀𐴠𐴓𐴝𐴑𐴝𐴃 𐴀𐴝𐴏𐴥𐴠𐴊𐴠 ,𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴓𐴡𐴒𐴁𐴤𐴡𐴒𐴢 𐴀𐴠𐴑 𐴇𐴥𐴝𐴎𐴝𐴌 𐴊𐴟𐴖𐴝𐴕𐴡𐴃𐴧𐴟 𐴔𐴝𐴙𐴕𐴐𐴤𐴡𐴌𐴥𐴠 𐴁𐴠𐴊𐴡𐴈𐴥𐴡𐴓 𐴒𐴡𐴌𐴥𐴞 𐴊𐴞𐴘𐴠 𐴱𐴱

𐴌𐴞𐴉𐴟𐴎𐴞𐴌 𐴔𐴡𐴊𐴡𐴃 𐴀𐴝𐴌 𐴖𐴝𐴉𐴠𐴏𐴢 𐴒𐴡𐴌𐴥𐴝 𐴑𐴡𐴔𐴞𐴐𐴤𐴠𐴕𐴡𐴌 𐴎𐴟𐴣𐴖𐴝𐴙𐴓𐴧𐴝 𐴑𐴡𐴔𐴞𐴐𐴕𐴝𐴌 / 𐴔𐴟𐴇𐴝𐴔𐴡𐴊 𐴐𐴤𐴡𐴔𐴏𐴟 𐴊𐴧𐴟𐴅𐴤𐴝𐴌 𐴏𐴥𐴡𐴊𐴧𐴝𐴌𐴞𐴃 , 𐴋𐴞𐴏𐴡𐴔𐴁𐴡𐴌𐴡𐴌 𐴰 𐴱 𐴃𐴝𐴌𐴥𐴞𐴑 𐴐𐴤𐴟𐴑𐴧𐴟𐴌 𐴁𐴝𐴌𐴠 , 𐴊𐴟𐴖𐴝𐴕𐴡𐴃𐴧𐴟 𐴁𐴠𐴊𐴡𐴈𐴥𐴡𐴓 𐴒𐴡𐴌𐴥𐴝 𐴑𐴝𐴌𐴖𐴝𐴘 𐴀𐴥𐴡𐴘𐴧𐴠𐴊𐴠 𐴱𐴱

𐴌𐴞𐴉𐴟𐴎𐴞𐴌 𐴖𐴝𐴉𐴠𐴏𐴞𐴌 𐴀𐴝𐴌 𐴔𐴡𐴊𐴡𐴃𐴡𐴌 𐴎𐴟𐴣𐴖𐴝𐴣𐴙𐴓𐴧𐴝 𐴑𐴡𐴔𐴞𐴐𐴕𐴝𐴌 / 𐴔𐴟𐴇𐴝𐴔𐴧𐴡𐴊 𐴐𐴤𐴡𐴔𐴏𐴟 𐴊𐴧𐴟𐴅𐴤𐴝 𐴘𐴠 𐴈𐴡𐴘𐴧𐴠𐴊𐴠 ! 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴒𐴤𐴡𐴌𐴒𐴟𐴐𐴧𐴞 𐴁𐴝𐴌𐴥𐴞 𐴎𐴝𐴀𐴝𐴌 𐴒𐴤𐴡𐴘 , 𐴃𐴝𐴌𐴥𐴝𐴌 𐴒𐴡𐴕𐴃𐴞 𐴘𐴥𐴡 𐴁𐴝𐴌𐴥𐴞 𐴎𐴝𐴀𐴝𐴌 𐴒𐴤𐴡𐴘 , 𐴀𐴠𐴈𐴥𐴡𐴕 𐴀𐴥𐴞𐴃𐴝𐴌𐴝𐴌𐴃𐴟 𐴈𐴡𐴕𐴥𐴡𐴁𐴡𐴃𐴠 𐴎𐴝𐴕 𐴏𐴥𐴟𐴌𐴝 𐴉𐴡𐴌𐴞𐴁𐴤𐴡 , 𐴀𐴥𐴠𐴃𐴡𐴓𐴧𐴝 𐴀𐴦𐴝𐴛 𐴁𐴠𐴀𐴝𐴙𐴕𐴞 𐴊𐴟𐴖𐴝𐴕 𐴀𐴥𐴡𐴑𐴧𐴡𐴓𐴡𐴌 𐴃𐴟 𐴁𐴠𐴊𐴡𐴈𐴥𐴡𐴓 𐴒𐴡𐴌𐴥𐴞𐴌𐴊𐴠 𐴱𐴱

𐴁𐴠𐴊𐴡𐴈𐴥𐴡𐴓 𐴒𐴡𐴌𐴥𐴝 𐴑𐴝𐴌𐴖𐴝𐴘 𐴑𐴠𐴀𐴠𐴔 𐴁𐴠𐴒𐴧𐴤𐴞𐴕𐴡𐴃 𐴏𐴡𐴓𐴞𐴁𐴤𐴡 , 𐴀𐴝𐴣𐴀𐴝𐴌𐴝 𐴓𐴡𐴒𐴁𐴤𐴡𐴒𐴢 𐴀𐴠𐴑 𐴇𐴥𐴝𐴎𐴝𐴌 𐴁𐴠𐴀𐴝𐴙𐴕𐴞 𐴊𐴟𐴖𐴝𐴕 𐴁𐴠𐴊𐴡𐴈𐴥𐴡𐴓 𐴒𐴡𐴌𐴥𐴞 𐴉𐴥𐴠𐴓𐴝𐴘𐴧𐴞 , 𐴁𐴠𐴀𐴝𐴙𐴕𐴞 𐴊𐴟𐴖𐴝𐴕 𐴀𐴥𐴡𐴑𐴧𐴡𐴓𐴡𐴌 𐴎𐴝𐴒𐴝𐴃 𐴏𐴥𐴝𐴀𐴝𐴌𐴝 𐴈𐴥𐴝𐴕𐴝 ( 𐴑𐴠𐴀𐴠𐴔 ) 𐴁𐴝𐴣𐴊𐴤𐴞 𐴁𐴤𐴡𐴓𐴧𐴝 𐴁𐴠𐴊𐴡𐴈𐴥𐴡𐴓 𐴒𐴡𐴌𐴥𐴝 𐴎𐴝𐴀𐴝𐴌𐴊𐴠 , 𐴀𐴠𐴑 𐴎𐴡𐴕 𐴊𐴟𐴖𐴝𐴕𐴊𐴝𐴌𐴠 𐴈𐴡𐴘𐴧𐴠𐴊𐴠 ! 𐴊𐴟𐴖𐴝𐴕 𐴀𐴞𐴀𐴞𐴕 𐴁𐴤𐴝𐴚𐴞 𐴉𐴥𐴠𐴓𐴥𐴝 𐴎𐴝𐴘𐴁𐴡 𐴀𐴝𐴌 𐴎𐴝𐴒𐴝 𐴀𐴥𐴞𐴀𐴞𐴕𐴡𐴃 𐴒𐴤𐴡𐴌 𐴁𐴝𐴣𐴊𐴝 𐴎𐴝𐴘𐴁𐴡 , 𐴀𐴝𐴣𐴀𐴝𐴌 𐴊𐴟𐴖𐴝𐴕 𐴀𐴥𐴡 𐴁𐴤𐴝𐴚𐴞 𐴉𐴥𐴠𐴓𐴥𐴝𐴘𐴧𐴠 , 𐴊𐴟𐴖𐴝𐴕 𐴘𐴥𐴝𐴀𐴝𐴕 𐴀𐴝𐴣𐴀𐴝𐴌 𐴌𐴟𐴎𐴞𐴌 𐴀𐴟𐴏𐴥𐴞𐴓𐴝 𐴀𐴝𐴐𐴧𐴤𐴞𐴀𐴞𐴓 , 𐴁𐴟𐴎𐴤𐴞 𐴕𐴡 𐴉𐴝𐴌𐴥𐴞𐴌 𐴀𐴠𐴈𐴥𐴡𐴕 𐴀𐴦𐴝𐴛 𐴑𐴞𐴀𐴞 𐴒𐴡𐴙𐴅𐴧𐴤𐴟𐴔 𐴱𐴱

𐴘𐴝𐴀𐴝𐴕 𐴊𐴠𐴔𐴝𐴒𐴡𐴃 𐴌𐴝𐴑𐴤𐴝 𐴉𐴡𐴌𐴠𐴊𐴠 𐴈𐴡𐴃𐴤𐴝 , 𐴐𐴤𐴝𐴀𐴝𐴌𐴡 𐴀𐴝𐴣𐴐𐴄𐴡 𐴓𐴥𐴝𐴑 𐴌𐴟𐴇𐴝𐴙𐴚𐴒𐴙𐴝 𐴁𐴝𐴚𐴓𐴝𐴊𐴠𐴐𐴤𐴡𐴃 𐴴 𐴳 𐴐𐴤𐴝𐴕 𐴑𐴠𐴀𐴔𐴡𐴃 𐴃𐴤𐴝𐴑𐴠𐴌,𐴎𐴞𐴃𐴝𐴌𐴥𐴝𐴌 𐴁𐴦𐴠𐴐𐴢 𐴀𐴥𐴞𐴏𐴧𐴝 𐴷 𐴱 𐴰 𐴲 𐴐𐴤𐴡𐴕𐴡𐴃 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞𐴌 𐴎𐴟𐴓𐴟𐴔 𐴀𐴡𐴃𐴧𐴞𐴏𐴝𐴌 𐴐𐴤𐴡𐴀𐴡𐴘 𐴕𐴡 𐴉𐴝𐴌𐴥𐴞 𐴁𐴝𐴚𐴓𐴝 𐴊𐴠𐴐𐴤𐴡𐴃 𐴏𐴥𐴝𐴀𐴝𐴌𐴝 𐴓𐴡𐴘𐴧𐴠 , 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴡𐴌𐴃𐴟 𐴀𐴠 𐴉𐴡𐴙𐴅𐴧𐴡𐴕𐴃𐴡 ” 𐴰 𐴰 𐴰 𐴹 𐴱 ” 𐴀𐴟𐴕𐴧𐴥𐴞𐴐𐴢 𐴇𐴥𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴎𐴝𐴒𐴝 𐴓𐴝𐴌𐴞 𐴌𐴝𐴑𐴤𐴝 𐴒𐴞𐴘𐴠 , 𐴌𐴞𐴉𐴟𐴎𐴞𐴌𐴥𐴠 𐴏𐴥𐴝𐴀𐴝𐴌𐴝 𐴊𐴞𐴘𐴠𐴊𐴠 𐴘𐴥𐴝𐴀𐴝𐴕𐴡𐴃 𐴉𐴟𐴌𐴝 𐴊𐴟𐴕𐴞𐴘𐴝𐴘 𐴘𐴠 , 𐴁𐴝𐴚𐴓𐴝𐴊𐴠𐴐𐴤𐴡𐴌 𐴃𐴝𐴌𐴞𐴉𐴢 𐴒𐴡𐴙𐴓𐴧𐴠 𐴘𐴥𐴡 𐴱𐴱

𐴌𐴞𐴉𐴟𐴎𐴞 𐴑𐴠𐴀𐴔𐴡𐴃 𐴂𐴝𐴁𐴡𐴕𐴊𐴞 𐴓𐴝𐴒𐴝𐴘 𐴌𐴝𐴙𐴑𐴧𐴤𐴙𐴠𐴊𐴠 𐴘𐴥𐴝𐴀𐴝𐴕𐴡𐴌𐴓𐴝 𐴀𐴝𐴌 𐴊𐴡𐴙𐴅𐴧𐴙𐴝𐴌 𐴔𐴝𐴎𐴤𐴠 𐴋𐴞𐴘𐴝𐴃 , 𐴎𐴝𐴒𐴝 𐴓𐴝𐴌𐴞 𐴌𐴝𐴑𐴤𐴠𐴌𐴊𐴠 𐴘𐴥𐴝𐴀𐴝𐴕𐴡𐴌𐴓𐴝 , 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴋𐴦𐴝𐴘 𐴀𐴥𐴡𐴑𐴧𐴡𐴓𐴠 𐴁𐴝𐴚𐴓𐴝𐴊𐴠𐴐𐴤𐴡𐴌 𐴕𐴞𐴕𐴊𐴝 𐴒𐴡𐴌𐴥𐴠𐴌 𐴱𐴱

Sourcec : ukhiyanews.com