𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝 𐴘𐴠 𐴌𐴟𐴇𐴝𐴙𐴚𐴒𐴙𐴝𐴌 𐴔𐴝𐴀𐴝𐴔𐴠𐴓𐴝𐴃 𐴁𐴝𐴚𐴓𐴝𐴊𐴠𐴐𐴤𐴡𐴌 𐴓𐴝𐴒𐴝𐴃𐴝𐴌 𐴇𐴥𐴠𐴔𐴝𐴘𐴡𐴃 𐴒𐴡𐴌𐴥𐴞𐴁𐴤𐴡 𐴱𐴱

𐴁𐴝𐴚𐴓𐴝𐴊𐴠𐴐𐴤𐴡𐴃 𐴃𐴤𐴝𐴑𐴠𐴊𐴠 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴑𐴡𐴀𐴡𐴋𐴞𐴕𐴞𐴄𐴝𐴌 (𐴉𐴥𐴟𐴣𐴖𐴝𐴣𐴃𐴞 𐴈𐴝𐴔 𐴒𐴡𐴌𐴥𐴡𐴙𐴕𐴧𐴝) / 𐴔𐴞𐴘𐴝 𐴏𐴞𐴂𐴥𐴟 𐴘𐴠 𐴈𐴡𐴘𐴧𐴠𐴊𐴠 ! 𐴌𐴟𐴇𐴝𐴙𐴚𐴒𐴙𐴝𐴌 𐴔𐴝𐴀𐴝𐴔𐴠𐴓𐴝𐴃 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝 𐴘𐴠 𐴓𐴝𐴒𐴝𐴃𐴝𐴌 𐴁𐴝𐴚𐴓𐴝𐴊𐴠𐴐𐴤𐴡𐴌 𐴇𐴥𐴠𐴔𐴝𐴘𐴡𐴃 𐴒𐴡𐴌𐴥𐴞 𐴎𐴝𐴘𐴁𐴡 𐴱𐴱

𐴀𐴝𐴎𐴞𐴘𐴝 𐴁𐴞𐴀𐴞𐴕𐴧𐴝 / 𐴔𐴞𐴘𐴝 𐴏𐴞𐴂𐴥𐴟 𐴘𐴠 𐴁𐴡𐴚𐴒𐴡 𐴁𐴤𐴡𐴁𐴡𐴕𐴡𐴃 , 𐴁𐴡𐴌 𐴀𐴟𐴎𐴞𐴌 / 𐴐𐴠𐴙𐴑 𐴇𐴥𐴝𐴏𐴞𐴕𐴝𐴌 𐴓𐴡𐴘 𐴁𐴞𐴊𐴝𐴘 𐴔𐴟𐴓𐴡𐴃𐴡𐴃 𐴈𐴡𐴘𐴧𐴠𐴊𐴠 , 𐴀𐴝𐴣𐴀𐴝𐴌𐴝 𐴌𐴟𐴇𐴝𐴙𐴚𐴒𐴙𐴝𐴌 𐴔𐴝𐴀𐴝𐴔𐴠𐴓𐴝𐴃 𐴓𐴝𐴒𐴝𐴃𐴝𐴌 𐴁𐴝𐴚𐴓𐴝𐴊𐴠𐴐𐴤𐴡𐴌 𐴏𐴝𐴂𐴥𐴟𐴄 𐴒𐴡𐴌𐴥𐴞 𐴎𐴝𐴘𐴧𐴟𐴔 𐴱𐴱

𐴐𐴠𐴙𐴑 𐴇𐴥𐴝𐴏𐴞𐴕𐴝 𐴘𐴠 𐴈𐴡𐴘𐴧𐴠𐴊𐴠 ! 𐴀𐴝𐴣𐴀𐴝𐴌𐴝 𐴀𐴞𐴕𐴏𐴝𐴕𐴞𐴘𐴡𐴃𐴡𐴌𐴥𐴠 𐴔𐴟𐴀𐴟𐴕𐴃𐴟 𐴌𐴝𐴑𐴤𐴞 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴌𐴥𐴠 𐴎𐴝𐴒𐴝 𐴊𐴞𐴘𐴧𐴞 , 𐴔𐴡𐴕𐴃𐴡𐴌 𐴀𐴥𐴞𐴃𐴝𐴌𐴝 𐴀𐴠𐴈𐴥𐴡𐴕 𐴐𐴤𐴡𐴔𐴝𐴎𐴤𐴞𐴑 𐴀𐴡𐴐𐴤𐴝𐴕𐴃𐴞 𐴐𐴤𐴟𐴌𐴟 𐴒𐴡𐴌𐴥𐴞 𐴊𐴞𐴘𐴠 , 𐴁𐴡𐴌 𐴀𐴟𐴎𐴞𐴌𐴠 𐴀𐴝𐴌𐴀𐴥𐴡 𐴈𐴡𐴘𐴧𐴠𐴊𐴠 𐴱𐴱

𐴎𐴦𐴝𐴣𐴇𐴥𐴡𐴑 𐴈𐴥𐴝𐴔𐴝𐴈𐴥𐴝 𐴀𐴥𐴞𐴃𐴝𐴌𐴝 , 𐴃𐴝𐴌𐴥𐴝𐴌 𐴊𐴠𐴐𐴤𐴡𐴃 𐴖𐴝𐴉𐴠𐴏𐴢 𐴎𐴝𐴘𐴁𐴡 𐴒𐴤𐴡𐴘 , 𐴔𐴞𐴄𐴤𐴞𐴚 𐴀𐴥𐴞𐴁𐴤𐴝𐴌 𐴁𐴦𐴝𐴊𐴠 𐴁𐴡𐴌 𐴀𐴟𐴎𐴞𐴌𐴡𐴌 𐴂𐴠𐴌𐴠𐴏𐴢 𐴏𐴥𐴠𐴒𐴠𐴄𐴠𐴌𐴞 / 𐴀𐴠𐴇𐴏𐴝𐴕𐴟𐴓 𐴑𐴡𐴌𐴞𐴔𐴠 𐴌𐴠𐴂𐴟𐴄𐴝𐴌 𐴀𐴥𐴡𐴑𐴧𐴡𐴓𐴡𐴌𐴠 𐴈𐴡𐴘𐴧𐴠 , 𐴐𐴠𐴙𐴑 𐴇𐴥𐴝𐴏𐴞𐴕𐴝 𐴘𐴠 𐴈𐴡𐴘𐴧𐴠𐴊𐴠 , 𐴎𐴠𐴊𐴤𐴟𐴒𐴧𐴤𐴟𐴕 ( 𐴀𐴠𐴕 𐴅𐴞 𐴀𐴡 ) 𐴀𐴥𐴡𐴑𐴧𐴡𐴓𐴠 𐴀𐴥𐴞𐴃𐴝𐴌𐴥𐴝𐴌𐴓𐴝 𐴁𐴝𐴚𐴓𐴝𐴊𐴠𐴐𐴤𐴡𐴃 𐴈𐴝𐴔 𐴒𐴡𐴌𐴥𐴠𐴌 , 𐴀𐴠𐴕𐴋𐴞𐴓𐴧𐴝 𐴀𐴥𐴞𐴃𐴝𐴌𐴥𐴝𐴌 𐴊𐴠𐴐𐴤𐴡𐴃 𐴀𐴥𐴡 𐴒𐴡𐴌𐴥𐴞 𐴉𐴝𐴌𐴞𐴁𐴤𐴡 𐴱𐴱

𐴀𐴥𐴞𐴃𐴝𐴌𐴝 ( 𐴏𐴞 𐴋𐴝𐴁𐴡𐴓𐴘𐴟 𐴀𐴝𐴘 𐴋𐴞 -𐴹 𐴱 ) 𐴐𐴤𐴡𐴌 𐴔𐴟𐴀𐴟𐴏𐴡𐴔𐴞 𐴉𐴡𐴌𐴞𐴁𐴡𐴌𐴃𐴡𐴕 𐴀𐴝𐴌 𐴁𐴠𐴍𐴞𐴘𐴥𐴝𐴙𐴕𐴊𐴤𐴡𐴌 𐴀𐴡𐴊𐴤𐴞𐴑𐴝𐴌𐴡𐴌 𐴁𐴝𐴁𐴡𐴃𐴠 𐴘𐴥𐴡 𐴈𐴟𐴖𐴥𐴝 𐴈𐴡𐴀𐴡𐴘 𐴒𐴡𐴙𐴅𐴧𐴤𐴙𐴠 , 𐴃𐴡𐴀𐴡𐴘 𐴁𐴡𐴌 𐴀𐴟𐴎𐴞𐴌𐴠 𐴈𐴡𐴘𐴧𐴠𐴊𐴠 , 𐴁𐴠𐴍𐴞𐴘𐴥𐴝𐴙𐴕 𐴊𐴠 𐴇𐴥𐴡𐴑𐴟𐴔𐴡𐴃𐴡𐴌 𐴎𐴠𐴈𐴡𐴕𐴥𐴡 𐴋𐴞𐴂𐴝𐴌𐴔𐴠𐴕𐴥𐴡𐴃 𐴈𐴝𐴔 𐴒𐴡𐴌𐴥𐴞 𐴉𐴝𐴌𐴥𐴞𐴁𐴤𐴡 , 𐴐𐴤𐴡𐴔𐴝𐴎𐴤𐴞𐴑 𐴏𐴥𐴞𐴘𐴝𐴏𐴞 𐴔𐴡𐴘𐴊𐴝𐴕 𐴐𐴤𐴣𐴀𐴡 𐴀𐴥𐴝𐴣𐴃𐴞𐴌𐴞 𐴋𐴞𐴂𐴝𐴌𐴔𐴠𐴕𐴥𐴡𐴃 𐴀𐴥𐴟𐴊𐴧𐴝 𐴈𐴝𐴔 𐴒𐴡𐴌𐴥𐴞 𐴉𐴝𐴌𐴞𐴁𐴤𐴡 𐴱𐴱

Sources : Ukhiyanews.com