𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴁𐴡𐴌𐴔𐴥𐴝 𐴘𐴠 𐴀𐴝𐴏𐴧𐴠 𐴀𐴝𐴏𐴧𐴠 𐴖𐴝𐴉𐴠𐴏𐴢 𐴓𐴡𐴘 𐴎𐴝𐴘𐴁𐴤𐴡𐴊𐴤𐴠 𐴘𐴥𐴝𐴀𐴝𐴕𐴡𐴌 , 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 𐴔𐴥𐴟𐴔𐴠𐴕𐴠 𐴀𐴝𐴐𐴤𐴝 𐴒𐴡𐴌𐴥𐴠𐴌 𐴱𐴱

𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴃 𐴀𐴠𐴈𐴥𐴡𐴕𐴡𐴌 𐴇𐴥𐴝𐴓𐴡𐴃𐴡𐴃 𐴉𐴝𐴏𐴢 𐴒𐴡𐴙𐴅𐴧𐴤𐴙𐴠𐴊𐴠 𐴉𐴥𐴝𐴘𐴏𐴠𐴓𐴝 𐴔𐴡𐴎𐴞𐴕 , 𐴁𐴡𐴌𐴔𐴥𐴝𐴌 𐴖𐴡𐴌𐴠 𐴁𐴠𐴐𐴤𐴞 𐴊𐴡𐴌𐴥𐴡 𐴒𐴡𐴌𐴥𐴞 𐴏𐴞𐴂𐴢 𐴊𐴞𐴀𐴞𐴁𐴡 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱𐴱

𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴃 𐴉𐴝𐴏𐴢 𐴀𐴥𐴡𐴘𐴧𐴠𐴊𐴠 𐴉𐴥𐴝𐴘𐴏𐴠𐴓𐴝 𐴔𐴡𐴎𐴞𐴕 , 𐴁𐴡𐴌𐴔𐴥𐴝 𐴌𐴥𐴠 𐴑𐴤𐴟𐴂𐴢 𐴊𐴡𐴌𐴥𐴡 𐴒𐴡𐴌𐴥𐴞 𐴏𐴝𐴂𐴢 𐴊𐴞𐴀𐴞𐴁𐴡𐴊𐴠 𐴘𐴥𐴝𐴀𐴝𐴕 𐴓𐴡𐴘 , 𐴁𐴡𐴌𐴔𐴥𐴝 𐴘𐴠 𐴊𐴤𐴞𐴌𐴠 𐴊𐴤𐴞𐴌𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴖𐴝𐴉𐴠𐴏𐴢 𐴕𐴞𐴎𐴝𐴘𐴁𐴤𐴡𐴊𐴠 𐴘𐴥𐴝𐴀𐴝𐴕𐴡𐴌 𐴀𐴝𐴐𐴤𐴝 𐴒𐴡𐴌𐴥𐴠𐴌 𐴁𐴡𐴓𐴞 / 𐴋𐴝𐴑𐴄𐴡𐴌 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 𐴱𐴱

𐴄𐴡𐴚𐴒𐴞𐴂𐴝𐴌𐴝𐴃 𐴁𐴡𐴚𐴒𐴡 𐴁𐴡𐴕𐴊𐴤𐴟 𐴐𐴠𐴙𐴑 / 𐴔𐴟𐴅𐴞𐴁𐴟𐴌 𐴌𐴝𐴇𐴔𐴝𐴕𐴡𐴌𐴥𐴠 𐴐𐴤𐴡𐴔𐴧𐴝𐴕𐴞𐴃𐴡 𐴏𐴥𐴡𐴓𐴝𐴔 𐴒𐴡𐴌𐴥𐴞 𐴁𐴦𐴝𐴊𐴠 , 𐴌𐴠𐴂𐴟𐴄𐴝𐴌 𐴀𐴥𐴡𐴑𐴧𐴡𐴓𐴡𐴌𐴠 / 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠𐴊𐴠 ! 𐴀𐴦𐴝𐴔 𐴌𐴝𐴘 𐴓𐴡𐴘 𐴉𐴝𐴏𐴢 𐴀𐴥𐴡𐴘𐴧𐴠𐴊𐴠 𐴉𐴥𐴝𐴘𐴏𐴠𐴓𐴝 𐴔𐴡𐴎𐴞𐴕 𐴁𐴡𐴌𐴔𐴥𐴝 𐴌𐴠 𐴏𐴝𐴂𐴢 𐴊𐴞𐴀𐴞𐴁𐴡𐴊𐴠 𐴘𐴥𐴝𐴀𐴝𐴕 𐴀𐴦𐴝𐴛 𐴁𐴞𐴐𐴧𐴤𐴝𐴐𐴢 𐴒𐴡𐴌𐴥𐴞𐴌 𐴱𐴱

𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 𐴀𐴝𐴌𐴀𐴥𐴡 𐴈𐴡𐴘𐴧𐴠𐴊𐴠 , 𐴁𐴡𐴌𐴔𐴥𐴝 𐴘𐴠 𐴀𐴥𐴞𐴃𐴝𐴌 𐴔𐴝𐴕𐴥𐴟𐴙𐴐𐴢 𐴖𐴝𐴉𐴠𐴏𐴢 𐴕𐴡 𐴕𐴞𐴎𐴝𐴘𐴁𐴤𐴡 𐴁𐴡𐴓𐴞 𐴕𐴥𐴡 𐴈𐴡𐴀𐴡 , 𐴀𐴝𐴣𐴀𐴝𐴌𐴝 𐴀𐴝𐴐𐴤𐴝 𐴒𐴡𐴌𐴥𐴞𐴌𐴊𐴠 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴕𐴞𐴎𐴡𐴌 𐴀𐴝𐴃𐴧𐴝 𐴑𐴤𐴟𐴐𐴤𐴞 𐴘𐴠 𐴖𐴝𐴉𐴠𐴏𐴢 𐴎𐴝𐴀𐴝 𐴉𐴥𐴝𐴀𐴝𐴕 , 𐴁𐴡𐴌𐴔𐴥𐴝 𐴘𐴠 𐴔𐴟𐴕𐴝𐴏𐴥𐴠𐴁 𐴇𐴥𐴝𐴓𐴡𐴃 𐴁𐴝𐴕𐴝𐴘𐴁𐴤𐴡𐴊𐴞 𐴘𐴥𐴝𐴀𐴝𐴕 , 𐴀𐴝𐴣𐴀𐴝𐴌𐴝 𐴀𐴝𐴐𐴤𐴝 𐴒𐴡𐴌𐴥𐴞𐴌 𐴁𐴡𐴓𐴞 𐴋𐴝𐴑𐴄𐴡𐴌 / 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 𐴱𐴱

, 𐴊𐴟𐴕𐴞𐴘𐴝𐴘𐴌 𐴊𐴠𐴐𐴢 𐴁𐴠𐴒𐴧𐴤𐴞𐴕𐴠 𐴌𐴟𐴇𐴝𐴙𐴚𐴒𐴙𐴝𐴌 𐴏𐴥𐴡𐴚𐴑𐴡𐴄𐴡𐴌 𐴐𐴤𐴝𐴕𐴃𐴞𐴉𐴟𐴌𐴕𐴡 𐴀𐴟𐴉𐴥𐴝𐴘 𐴏𐴝𐴀𐴝𐴌 𐴁𐴡𐴓𐴞 / 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 , 𐴉𐴟𐴌𐴝 𐴊𐴟𐴕𐴞𐴘𐴝𐴘𐴌 𐴊𐴠𐴐𐴢 𐴁𐴠𐴒𐴧𐴤𐴞𐴕𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 , 𐴀𐴥𐴞𐴃𐴝𐴌𐴝𐴌 𐴕𐴞𐴎𐴡𐴌 𐴊𐴠𐴐𐴤𐴡𐴃 𐴖𐴝𐴉𐴠𐴏𐴢 𐴎𐴡𐴀𐴡𐴕𐴧𐴥𐴝𐴕 𐴏𐴝𐴀𐴝𐴌𐴊𐴠 𐴘𐴥𐴝𐴀𐴝𐴕 , 𐴀𐴝𐴣𐴀𐴝𐴌𐴝𐴌𐴓𐴝 𐴋𐴡𐴣𐴀𐴡𐴌 𐴁𐴤𐴝𐴓𐴝 𐴈𐴥𐴡𐴁𐴤𐴡𐴌 𐴁𐴡𐴓𐴞 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱𐴱

𐴁𐴡𐴌𐴔𐴥𐴝 𐴘𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴖𐴝𐴉𐴠𐴏𐴢 𐴕𐴞𐴎𐴝𐴘𐴁𐴤𐴡 , 𐴀𐴝𐴌 𐴕𐴞𐴎𐴝𐴘𐴁𐴤𐴡 𐴁𐴡𐴓𐴞 𐴁𐴝𐴚𐴓𐴝𐴊𐴠𐴐𐴢 𐴓𐴡𐴘 𐴏𐴟𐴑𐴃𐴞 𐴕𐴝𐴔𐴝𐴃 𐴏𐴥𐴝𐴀𐴝𐴙𐴕𐴀𐴥𐴡 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴕𐴞𐴎𐴡𐴌 𐴊𐴠𐴐𐴤𐴡𐴃 𐴑𐴤𐴟𐴐𐴤𐴞 𐴘𐴠 𐴖𐴝𐴉𐴠𐴏𐴢 𐴎𐴝𐴘 𐴉𐴝𐴌𐴠𐴊𐴠 , 𐴀𐴥𐴠𐴕𐴋𐴞𐴓𐴧𐴝 𐴔𐴟𐴕𐴝𐴏𐴥𐴠𐴁 𐴇𐴥𐴝𐴓𐴡𐴃 𐴁𐴝𐴕𐴝𐴀𐴡𐴕 𐴁𐴡𐴌𐴔𐴥𐴝𐴌 𐴖𐴡𐴌𐴠 𐴎𐴡𐴌𐴟𐴌𐴞 , 𐴔𐴡𐴕𐴃𐴡𐴌 𐴉𐴝𐴣𐴏𐴢 𐴁𐴡𐴏𐴥𐴡𐴌 𐴀𐴥𐴡𐴀𐴡𐴌𐴊𐴠 𐴁𐴡𐴌𐴔𐴥𐴝 𐴘𐴠 𐴀𐴥𐴞𐴑𐴧𐴤𐴙𐴝 𐴊𐴤𐴞𐴘𐴝𐴕 𐴀𐴥𐴟𐴊𐴧𐴝 𐴕𐴥𐴡 𐴊𐴠𐴀𐴠 𐴱𐴱

Sources : Dhakatribune