𐴁𐴤𐴟𐴏𐴞𐴊𐴤𐴡𐴚𐴡𐴃 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴒𐴝𐴌𐴥𐴞 , 𐴎𐴝𐴕𐴞 𐴉𐴥𐴟𐴕𐴞 𐴀𐴥𐴡𐴊𐴤𐴡𐴌 𐴁𐴝𐴀𐴝𐴌𐴠 𐴓𐴟𐴄 𐴒𐴡𐴌𐴥𐴝 𐴎𐴝𐴀𐴝𐴌 𐴱𐴱

𐴀𐴝𐴌𐴑𐴝𐴕𐴡𐴃 𐴁𐴤𐴟𐴏𐴞𐴊𐴤𐴡𐴚 𐴄𐴡𐴀𐴡𐴕𐴡𐴃 𐴄𐴠𐴌𐴝𐴉𐴥𐴞𐴑 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴡𐴌 𐴎𐴡𐴌𐴞𐴘𐴝 , 𐴌𐴟𐴇𐴝𐴙𐴚𐴒𐴙𐴝𐴌 𐴒𐴝𐴌𐴥𐴞 𐴀𐴥𐴡𐴑𐴧𐴡𐴓 𐴎𐴝𐴕𐴞 𐴉𐴥𐴟𐴕𐴞 𐴓𐴟𐴄 𐴒𐴡𐴌𐴥𐴝 𐴎𐴝𐴀𐴝𐴌 , 𐴎𐴝𐴃 𐴀𐴝𐴌 𐴊𐴤𐴡𐴌𐴔𐴡 𐴉𐴡𐴌𐴡𐴑 𐴊𐴠 𐴀𐴥𐴠𐴃𐴡𐴓𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴎𐴟𐴓𐴔 𐴒𐴡𐴌𐴥𐴠𐴌 𐴁𐴡𐴓𐴞 𐴌𐴟𐴇𐴝𐴙𐴚𐴒𐴙𐴝 𐴋𐴠𐴌𐴠𐴁𐴤𐴝𐴌 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱𐴱

𐴑𐴝𐴅𐴤𐴙𐴝𐴂𐴥𐴝 𐴑𐴠𐴕𐴁𐴞𐴀𐴞𐴕𐴡𐴌 𐴎𐴝𐴁𐴦𐴡 𐴉𐴝𐴌𐴝𐴌 𐴁𐴝𐴎𐴌𐴡𐴌 𐴌𐴝𐴏𐴧𐴝𐴌 𐴔𐴝𐴃𐴤𐴝𐴃 , 𐴀𐴝𐴏𐴝𐴕𐴡𐴑 𐴁𐴤𐴟𐴏𐴞𐴊𐴤𐴡𐴚 𐴄𐴡𐴀𐴡𐴕𐴡𐴃𐴧𐴟 𐴄𐴠𐴌𐴝𐴉𐴥𐴞𐴑 𐴉𐴟𐴓𐴞𐴐𐴢 𐴀𐴝𐴙𐴐𐴧𐴤𐴙𐴠 , 𐴄𐴡𐴀𐴡𐴕𐴡𐴌 𐴁𐴝𐴀𐴝𐴌𐴡𐴌 𐴒𐴝𐴚 𐴏𐴥𐴠𐴘𐴋𐴡𐴌 𐴔𐴝𐴕𐴥𐴟𐴙𐴐𐴢 𐴐𐴤𐴡𐴣𐴀𐴡 𐴔𐴡𐴄𐴡𐴌 𐴏𐴝𐴙𐴌𐴑𐴤𐴠𐴓 𐴀𐴝𐴌 𐴃𐴞𐴕 𐴏𐴝𐴑𐴧𐴤𐴝 𐴒𐴝𐴌𐴥𐴞 𐴀𐴝𐴌 𐴉𐴝𐴐𐴤𐴞𐴕𐴊𐴝𐴌 𐴀𐴝𐴌 𐴋𐴠𐴌𐴠𐴁𐴤𐴝𐴌 𐴀𐴥𐴡𐴑𐴧𐴡𐴓 𐴁𐴠𐴒𐴧𐴤𐴟𐴕𐴡𐴌𐴥𐴠 𐴁𐴠𐴀𐴝𐴙𐴕𐴞 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴀𐴝𐴌 𐴄𐴞𐴛𐴝 𐴉𐴡𐴘𐴐𐴤𐴝 𐴔𐴝𐴓 𐴈𐴝𐴌𐴥𐴞 𐴓𐴡𐴀𐴡𐴌𐴱𐴱

𐴁𐴤𐴟𐴏𐴞𐴊𐴤𐴡𐴚 𐴄𐴡𐴀𐴡𐴕𐴡𐴌 𐴄𐴠𐴌𐴝𐴉𐴥𐴞𐴑 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴠 , 𐴔𐴡𐴄𐴡𐴌 𐴏𐴝𐴙𐴌𐴑𐴤𐴠𐴓 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝𐴌𐴃𐴟 𐴔𐴝𐴐𐴤𐴠 𐴊𐴡𐴐𐴢 𐴇𐴥𐴝𐴎𐴝𐴌 𐴄𐴞𐴛𐴝 , 𐴃𐴞𐴕 𐴏𐴝𐴑𐴧𐴤𐴝 𐴒𐴝𐴌𐴥𐴞 𐴏𐴝𐴓𐴡𐴀𐴡𐴘𐴧𐴝 𐴌𐴟𐴇𐴝𐴙𐴚𐴒𐴙𐴝𐴌𐴃𐴟 𐴑𐴟𐴌𐴞 𐴇𐴥𐴝𐴎𐴝𐴌 𐴄𐴞𐴛𐴝 , 𐴀𐴝𐴘𐴕𐴝 𐴀𐴡𐴓𐴝 𐴒𐴝𐴌𐴥𐴞𐴌 𐴋𐴠𐴌𐴠𐴁𐴤𐴝𐴌𐴡𐴌𐴃𐴟 𐴃𐴞𐴕 𐴇𐴥𐴝𐴎𐴝𐴌 𐴄𐴞𐴛𐴝𐴌 𐴊𐴡𐴌𐴠 𐴔𐴝𐴐𐴤𐴠 𐴄𐴠𐴑𐴏𐴥𐴡 (𐴏𐴝𐴣𐴊𐴝) 𐴓𐴡𐴀𐴡𐴌 , 𐴐𐴤𐴟𐴊𐴠 𐴀𐴝𐴣𐴀𐴝𐴌𐴝 𐴌𐴟𐴇𐴝𐴙𐴚𐴒𐴙𐴝 𐴑𐴡𐴗𐴔 𐴔𐴟𐴏𐴥𐴡𐴓𐴔𐴝𐴕 𐴊𐴠 𐴀𐴥𐴠𐴃𐴡𐴓𐴧𐴝 𐴀𐴠𐴊𐴤𐴞𐴒𐴧𐴤𐴞𐴕 𐴎𐴟𐴓𐴟𐴔 𐴒𐴡𐴌𐴥𐴠𐴌𐴊𐴠 𐴁𐴡𐴓𐴞 𐴀𐴠𐴑 𐴎𐴡𐴕 𐴔𐴡𐴎𐴓𐴟𐴔 𐴌𐴟𐴇𐴝𐴙𐴚𐴒𐴙𐴝 𐴘𐴠 𐴈𐴡𐴘𐴧𐴠 𐴱𐴱

𐴄𐴡𐴀𐴡𐴕𐴡𐴌 𐴇𐴥𐴡𐴑𐴟𐴔𐴡𐴃𐴞 𐴋𐴞𐴂𐴝𐴌𐴔𐴥𐴠𐴕𐴡𐴃𐴧𐴟 , 𐴔𐴟𐴏𐴥𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴡𐴌𐴠 𐴎𐴟𐴓𐴟𐴔 𐴒𐴡𐴌𐴥𐴞𐴁𐴤𐴡𐴓𐴧𐴝 𐴓𐴝𐴘𐴏𐴥𐴠𐴕 𐴓𐴡𐴘 , 𐴔𐴡𐴒𐴢 𐴀𐴠𐴑 𐴎𐴡𐴕𐴠 𐴔𐴟𐴏𐴥𐴡𐴓𐴔𐴝𐴕𐴡𐴌𐴃𐴟 𐴒𐴝𐴌𐴥𐴞 𐴂𐴥𐴝𐴌𐴑𐴤𐴞𐴕𐴡𐴌 𐴀𐴝𐴌 𐴏𐴝𐴑𐴧𐴝𐴌 𐴄𐴠𐴑𐴏𐴥𐴡 𐴓𐴡𐴀𐴡𐴌 , 𐴒𐴡𐴌𐴞𐴁 𐴌𐴟𐴇𐴝𐴙𐴚𐴒𐴙𐴝 𐴒𐴝𐴌𐴥𐴞 𐴀𐴡𐴓𐴝 𐴀𐴥𐴡𐴑𐴧𐴡𐴓𐴠 𐴀𐴦𐴝𐴔 𐴃𐴡𐴗𐴌𐴠 𐴔𐴝𐴐𐴤𐴠 𐴰 𐴰 𐴰 𐴵 𐴄𐴞𐴛𐴝 𐴈𐴝𐴔𐴝𐴘 𐴉𐴝𐴌𐴠𐴊𐴠 𐴱𐴱

𐴀𐴠𐴕𐴋𐴞𐴓𐴧𐴝 𐴇𐴥𐴝𐴓𐴡𐴃𐴡𐴃 𐴀𐴠𐴑 𐴌𐴟𐴇𐴝𐴙𐴚𐴒𐴙𐴝 𐴋𐴠𐴌𐴠𐴁𐴤𐴝𐴌𐴠 𐴒𐴟𐴐𐴧𐴤𐴝 𐴁𐴡𐴊𐴧𐴝𐴐𐴢 𐴒𐴡𐴌𐴥𐴞 𐴕𐴡 𐴉𐴝𐴌𐴥𐴞 𐴈𐴡𐴘𐴧𐴠𐴊𐴠 ! 𐴎𐴝𐴕𐴞 𐴉𐴥𐴟𐴕𐴞 𐴀𐴠𐴊𐴞𐴀𐴞𐴕 𐴎𐴟𐴓𐴟𐴔 𐴒𐴡𐴌𐴥𐴠𐴌𐴊𐴠 𐴀𐴝𐴌 𐴄𐴠𐴑𐴏𐴥𐴡 𐴓𐴡𐴀𐴡𐴌𐴊𐴠 𐴀𐴥𐴞𐴀𐴞𐴕 , 𐴐𐴤𐴟𐴊𐴠 𐴀𐴝𐴣𐴀𐴝𐴌𐴝 𐴌𐴥𐴠 𐴖𐴝𐴀𐴝𐴙𐴐𐴧𐴤𐴝 𐴔𐴝𐴌𐴞 𐴉𐴥𐴠𐴓𐴥𐴝𐴘𐴁𐴤𐴡𐴓𐴧𐴝 𐴒𐴡𐴌𐴥𐴠𐴌𐴊𐴠 𐴱𐴱

𐴕𐴡𐴖𐴡𐴔𐴁𐴡𐴌 𐴔𐴥𐴝𐴐𐴡𐴌 𐴶 𐴱 𐴃𐴝𐴌𐴥𐴞𐴑𐴡𐴃 𐴁𐴞𐴀𐴞𐴕𐴧𐴝 𐴰 𐴰 : 𐴹 𐴁𐴝𐴎𐴠 𐴄𐴠𐴌𐴝𐴉𐴥𐴞𐴑 𐴉𐴟𐴓𐴞𐴐𐴡𐴌 𐴏𐴥𐴠𐴅𐴧𐴡𐴕 / 𐴀𐴥𐴟 𐴃𐴤𐴝𐴕 𐴐𐴗𐴠 𐴀𐴝𐴌 𐴏𐴠𐴕 𐴐𐴗𐴠 𐴓𐴥𐴝 𐴊𐴟𐴕𐴥𐴞 𐴎𐴡𐴕 , 𐴎𐴝𐴁𐴦𐴡 𐴉𐴝𐴌𐴝𐴌 𐴁𐴝𐴎𐴝𐴌𐴡𐴃 𐴎𐴝𐴘 𐴒𐴝𐴌𐴥𐴞𐴌 𐴋𐴠𐴌𐴠𐴁𐴤𐴝𐴌 𐴀𐴥𐴡𐴑𐴧𐴡𐴓𐴡𐴌𐴠 𐴁𐴡𐴕 𐴒𐴡𐴌𐴥𐴞 , 𐴀𐴠𐴑 𐴎𐴡𐴕𐴡𐴌𐴃𐴟 𐴰 𐴰 𐴰 𐴰 𐴱 𐴇𐴥𐴝𐴎𐴝𐴌𐴡𐴃𐴧𐴟 𐴰 𐴰 𐴰 𐴰 𐴲 𐴇𐴥𐴝𐴎𐴝𐴌 𐴓𐴡𐴃𐴞 𐴄𐴞𐴛𐴝 𐴓𐴡𐴘𐴧𐴠 𐴁𐴡𐴓𐴞 𐴋𐴠𐴌𐴠𐴁𐴤𐴝𐴌 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 , 𐴎𐴠 𐴋𐴠𐴌𐴠𐴁𐴤𐴝𐴌𐴠 𐴊𐴞𐴀𐴞 𐴕𐴡 𐴉𐴝𐴌𐴥𐴠 𐴀𐴥𐴞𐴃𐴤𐴝𐴌𐴠 𐴁𐴠𐴐𐴤𐴞 𐴁𐴟𐴌𐴝 𐴁𐴤𐴝𐴉𐴠 𐴔𐴝𐴌𐴠 𐴁𐴡𐴓𐴞 𐴏𐴟𐴑 𐴊𐴠𐴈𐴥𐴝 𐴒𐴡𐴁𐴤𐴝 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 𐴱𐴱