𐴅𐴝𐴂𐴝𐴕 𐴇𐴥𐴡𐴑𐴟𐴔𐴡𐴃𐴡𐴌 𐴈𐴥𐴝𐴏𐴢 𐴕𐴡𐴔𐴝𐴙𐴕𐴊𐴝 𐴀𐴝𐴑𐴧𐴙𐴝𐴁 𐴉𐴡𐴣𐴀𐴡𐴙𐴏𐴧𐴙𐴠 𐴱𐴱

𐴅𐴝𐴂𐴝𐴕 𐴇𐴥𐴡𐴑𐴟𐴔𐴡𐴃𐴡𐴌 𐴑𐴡𐴗𐴔𐴞 , 𐴎𐴝𐴃𐴞𐴘𐴡 𐴁𐴟𐴎𐴤𐴝 𐴁𐴟𐴎𐴤𐴞𐴌 𐴔𐴟𐴃𐴦𐴝𐴓𐴧𐴠𐴑 𐴈𐴥𐴝𐴏𐴢 𐴕𐴡𐴔𐴝𐴙𐴕𐴊𐴝 / 𐴔𐴝𐴏𐴄𐴡𐴌 𐴏𐴝 𐴏𐴝 𐴑𐴝 𐴖𐴝 , 𐴕𐴡𐴖𐴡𐴔𐴁𐴡𐴌 𐴔𐴥𐴝𐴐𐴡𐴌 𐴵 𐴱 𐴃𐴝𐴌𐴥𐴞𐴑𐴡𐴃 𐴀𐴝𐴌𐴑𐴝𐴕𐴡𐴃 𐴀𐴝𐴙𐴑𐴧𐴙𐴕𐴁𐴡𐴃 , 𐴊𐴟𐴘𐴀𐴡𐴔 𐴁𐴝𐴌𐴡𐴌 𐴀𐴝𐴀𐴝 𐴀𐴥𐴞𐴏𐴝𐴉𐴠 𐴉𐴡𐴣𐴀𐴡𐴙𐴏𐴧𐴙𐴠 𐴱𐴱

𐴀𐴠𐴈𐴥𐴡𐴕 𐴁𐴠𐴀𐴞𐴕𐴧𐴝 𐴏𐴥𐴦𐴡𐴌𐴠 𐴀𐴝𐴌𐴑𐴝𐴕𐴡𐴌 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞 𐴓𐴡𐴘 𐴊𐴡𐴓𐴝 𐴀𐴥𐴡𐴘 𐴁𐴦𐴝𐴊𐴠 , 𐴓𐴝𐴌𐴥𐴝𐴘𐴌 𐴃𐴟 𐴊𐴤𐴝𐴘 𐴌𐴞𐴉𐴟𐴎𐴞 𐴁𐴡𐴙𐴕𐴧𐴙𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴑𐴠𐴙𐴏𐴧𐴥𐴟 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴀𐴝𐴌 𐴏𐴝𐴑𐴧𐴞 𐴉𐴝𐴌𐴝𐴃 𐴀𐴝𐴏𐴥𐴠𐴊𐴠 𐴔𐴟𐴏𐴥𐴡𐴓𐴔𐴝𐴕 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴎𐴝𐴘 𐴁𐴦𐴝𐴊𐴠 , 𐴔𐴡𐴒𐴢 𐴎𐴝𐴃𐴞𐴘𐴡𐴃𐴝 𐴉𐴝𐴄𐴞 ( 𐴀𐴠 𐴀𐴠𐴕 𐴂𐴞 ) 𐴓𐴡𐴘 𐴘𐴥𐴡 𐴊𐴡𐴓𐴝 𐴀𐴥𐴡𐴘𐴁𐴡𐴊𐴠 𐴘𐴥𐴝𐴀𐴝𐴕 𐴎𐴝𐴕𐴝 𐴒𐴞𐴘𐴠𐴱𐴱

𐴊𐴟𐴘𐴀𐴡𐴔 𐴁𐴝𐴌 𐴀𐴝𐴌𐴑𐴝𐴕𐴡𐴃 𐴀𐴝𐴙𐴐𐴧𐴤𐴙𐴠𐴊𐴠 𐴘𐴥𐴝𐴀𐴝𐴕𐴡𐴌 𐴁𐴝𐴁𐴡𐴃𐴠 𐴈𐴥𐴝𐴄𐴞 𐴏𐴥𐴡𐴁𐴡𐴁 𐴎𐴝𐴕𐴝 𐴕𐴥𐴡 𐴎𐴝𐴀𐴝 𐴁𐴡𐴓𐴞 𐴈𐴡𐴘𐴧𐴠 , 𐴕𐴡𐴖𐴡𐴔𐴁𐴡𐴌 𐴔𐴥𐴝𐴐𐴡𐴌 𐴲 𐴱 𐴃𐴝𐴌𐴥𐴞𐴑 𐴓𐴡𐴃𐴞 𐴁𐴡𐴌𐴔𐴥𐴝𐴃 𐴉𐴡𐴣𐴀𐴡𐴙𐴏𐴧𐴙𐴠𐴊𐴠 𐴀𐴥𐴡𐴘 𐴁𐴦𐴝𐴊𐴠 , 𐴕𐴠𐴂𐴞𐴘𐴠 𐴋𐴦𐴡𐴃 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞 𐴀𐴥𐴟𐴑𐴧𐴝𐴄𐴝 𐴁𐴟 𐴆𐴤𐴙𐴟𐴑 𐴔𐴥𐴟 𐴅𐴤𐴞 / 𐴔𐴥𐴞𐴚 𐴀𐴡𐴚 𐴓𐴝𐴙𐴚 𐴓𐴡𐴘 𐴊𐴡𐴓𐴝 𐴀𐴥𐴡𐴘𐴧𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴱𐴱

𐴁𐴡𐴌𐴔𐴥𐴝𐴃 𐴑𐴡𐴁𐴤𐴞𐴋 𐴹 𐴱 𐴁𐴞𐴘𐴝𐴌𐴝𐴔𐴡𐴌 𐴇𐴥𐴠𐴉𐴝𐴎𐴡𐴃𐴞 𐴊𐴝𐴁𐴝𐴘 𐴎𐴡𐴌𐴟𐴌𐴡𐴃 𐴀𐴥𐴡𐴘𐴧𐴠𐴊𐴠 𐴘𐴥𐴝𐴀𐴝𐴕 𐴎𐴝𐴕𐴞 𐴁𐴦𐴝𐴊𐴠 , 𐴃𐴞𐴕 𐴔𐴡𐴓𐴞𐴘𐴟𐴕 𐴋𐴦𐴡𐴓𐴝𐴌𐴡𐴌 𐴊𐴝𐴁𐴝𐴘 𐴊𐴝𐴕 𐴒𐴡𐴌𐴥𐴞𐴁𐴤𐴡 𐴁𐴡𐴓𐴞 , 𐴏𐴠𐴇𐴥𐴠𐴃𐴡𐴌 𐴀𐴟𐴎𐴞𐴌 𐴓𐴡𐴘 𐴊𐴡𐴓𐴝 𐴀𐴥𐴡𐴘𐴧𐴠𐴊𐴠 𐴀𐴡𐴑𐴃𐴤𐴡𐴃 𐴈𐴡𐴘𐴧𐴠 𐴱𐴱

𐴔𐴝𐴐𐴄𐴡𐴌 𐴏𐴝 𐴏𐴝 𐴑𐴝 𐴖𐴝 𐴒𐴡𐴃𐴡 𐴸 𐴲 𐴕𐴡𐴖𐴡𐴔𐴁𐴡𐴌 𐴰 𐴲 𐴰 𐴲 𐴐𐴤𐴡𐴕𐴡𐴃 𐴀𐴥𐴡 , 𐴀𐴝𐴌𐴑𐴝𐴕𐴡𐴃 𐴀𐴝𐴀𐴝𐴘 𐴁𐴦𐴝𐴊𐴠 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴀𐴝𐴑𐴝𐴕 𐴀𐴝𐴌𐴔𐴞𐴌 ( 𐴔𐴡𐴒𐴁𐴝𐴒𐴞𐴌 ) 𐴔𐴝𐴎𐴤𐴠 𐴈𐴥𐴝𐴔𐴝𐴈𐴥𐴝 𐴓𐴝𐴌𐴥𐴝𐴘 𐴁𐴡𐴕 𐴒𐴡𐴌𐴥𐴞 𐴁𐴤𐴡𐴓𐴧𐴝 𐴌𐴝𐴎𐴞 𐴒𐴡𐴌𐴥𐴝𐴘 𐴊𐴞𐴀𐴞𐴓 𐴊𐴠 𐴔𐴝𐴕𐴥𐴟𐴙𐴐𐴢 𐴱𐴱

Sources : RFA