𐴀𐴠𐴑 𐴊𐴞𐴕𐴡𐴌 𐴁𐴤𐴟𐴃𐴡𐴌𐴠 𐴑𐴡𐴁𐴤𐴞𐴋 𐴹 𐴱 𐴁𐴞𐴘𐴝𐴌𐴝𐴙𐴔𐴧𐴙𐴝 𐴰 𐴰 𐴰 𐴱 𐴓𐴡𐴃𐴞 𐴉𐴝𐴀𐴝 𐴒𐴞𐴘𐴠 𐴷 𐴱 𐴎𐴡𐴕 𐴔𐴡𐴌𐴞 𐴒𐴞𐴘𐴥𐴡𐴘 𐴱𐴱

𐴁𐴡𐴌𐴔𐴥𐴝𐴃 𐴀𐴠𐴑 𐴊𐴞𐴕𐴠 𐴑𐴡𐴁𐴤𐴞𐴋 𐴹 𐴱 𐴁𐴞𐴘𐴝𐴌𐴝𐴙𐴔𐴧𐴙𐴝 𐴰 𐴰 𐴰 𐴱 𐴎𐴡𐴕 𐴓𐴡𐴃𐴞 𐴈𐴥𐴝𐴄𐴞 𐴀𐴥𐴡𐴘𐴧𐴠 , 𐴷 𐴱 𐴎𐴡𐴕 𐴔𐴡𐴌𐴞 𐴒𐴞𐴘𐴥𐴡𐴘 𐴁𐴡𐴓𐴞 𐴀𐴝𐴃𐴡𐴚𐴁𐴝𐴊𐴞 𐴑𐴡𐴗𐴕𐴏𐴞𐴌 𐴏𐴠𐴇𐴥𐴠𐴃𐴡𐴌 𐴋𐴞𐴂𐴝𐴌𐴔𐴥𐴠𐴕𐴠 , 𐴕𐴡𐴖𐴡𐴔𐴁𐴡𐴌𐴡𐴌 𐴲 𐴱 𐴃𐴝𐴌𐴥𐴞𐴑𐴡𐴌 𐴀𐴥𐴝𐴣𐴎𐴡𐴙𐴕𐴧𐴝 𐴀𐴠𐴓𐴝𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴒𐴡𐴕𐴝 𐴀𐴞𐴁𐴤𐴝𐴌 𐴁𐴤𐴟𐴃𐴡𐴌𐴠 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃 𐴁𐴠𐴌𐴟𐴊𐴤𐴞 𐴀𐴝𐴕𐴊𐴟𐴓𐴡𐴕 𐴒𐴡𐴌𐴥𐴡𐴙𐴕𐴧𐴝 ( 𐴏𐴞 𐴋𐴞 𐴀𐴠𐴔 ) 𐴀𐴥𐴡𐴑𐴧𐴡𐴓 𐴃𐴤𐴝𐴑𐴠𐴊𐴠 𐴎𐴝𐴒𐴝𐴌 𐴇𐴥𐴝𐴐𐴉𐴝𐴃𐴝𐴓 𐴀𐴝𐴌 𐴓𐴠𐴁𐴝𐴌𐴄𐴤𐴠𐴌𐴞 𐴀𐴥𐴡𐴑𐴧𐴡𐴓𐴡𐴃 𐴉𐴝𐴀𐴝 𐴎𐴝𐴀𐴝𐴌𐴊𐴠 𐴁𐴞𐴘𐴝𐴌𐴝𐴙𐴔𐴧𐴙𐴝 𐴀𐴥𐴟𐴀𐴟𐴕 𐴕𐴥𐴝𐴘 𐴱𐴱

𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡𐴌 𐴀𐴝𐴕𐴋𐴝𐴌𐴠 𐴀𐴝𐴏𐴥𐴠𐴊𐴠 𐴇𐴥𐴝𐴐𐴉𐴝𐴃𐴝𐴓 𐴀𐴝𐴌 𐴓𐴠𐴁𐴝𐴌𐴄𐴠𐴌𐴞 𐴀𐴥𐴡𐴑𐴧𐴡𐴓𐴡𐴃 , 𐴈𐴥𐴝𐴄𐴞 𐴁𐴤𐴝𐴉𐴠 𐴈𐴡𐴊𐴦𐴟𐴕 𐴁𐴞𐴘𐴝𐴌𐴝𐴙𐴔𐴧𐴙𐴝 𐴉𐴝𐴀𐴝 𐴒𐴞𐴘𐴠𐴊𐴠 𐴘𐴥𐴝𐴀𐴝𐴕 𐴕𐴡 𐴎𐴝𐴕𐴥𐴞 𐴱𐴱

𐴏𐴠𐴇𐴥𐴠𐴃𐴡𐴌 𐴋𐴞𐴂𐴝𐴌𐴔𐴥𐴠𐴕𐴠 𐴕𐴠𐴀𐴠𐴓𐴝𐴘𐴧𐴥𐴠𐴊𐴠 𐴀𐴠𐴓𐴝𐴕𐴡𐴃 , 𐴏𐴡𐴁𐴧𐴞𐴐𐴢 𐴒𐴤𐴡𐴕𐴄𐴝𐴌 𐴁𐴤𐴟𐴃𐴡𐴌𐴠 𐴓𐴠𐴁𐴝𐴌𐴄𐴤𐴠𐴌𐴞𐴌 𐴕𐴡𐴔𐴟𐴕𐴝𐴃 𐴸 𐴹 𐴱 𐴶 𐴲 𐴎𐴡𐴕𐴡𐴌𐴠 𐴆𐴠𐴑 𐴒𐴡𐴙𐴅𐴧𐴤𐴙𐴠𐴊𐴠 𐴀𐴥𐴠𐴍𐴠 𐴁𐴞𐴘𐴝𐴌𐴝𐴙𐴔𐴧𐴙𐴝 𐴲 𐴹 𐴹 𐴎𐴡𐴕 𐴓𐴡𐴃 𐴉𐴝𐴘𐴧𐴡𐴌𐴠 , 𐴹 𐴷 . 𐴳 % 𐴀𐴠𐴃𐴤𐴡 𐴎𐴡𐴕𐴡𐴌 𐴖𐴡𐴌𐴠 𐴐𐴤𐴡𐴃𐴑𐴝𐴌𐴝 𐴀𐴝𐴏𐴥𐴠 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴀𐴝𐴌 𐴁𐴞𐴘𐴝𐴌𐴝𐴔 𐴒𐴡𐴔 𐴀𐴥𐴡𐴘 𐴁𐴦𐴝𐴊𐴠 𐴇𐴥𐴝𐴐𐴉𐴝𐴃𐴝𐴓𐴡𐴌𐴃𐴟 𐴁𐴞𐴊𐴝𐴘 𐴓𐴡𐴘 𐴒𐴤𐴡𐴌𐴡𐴃 𐴒𐴞𐴘𐴥𐴡𐴘𐴊𐴠 𐴰 𐴷 𐴸 𐴎𐴡𐴕 𐴀𐴝𐴏𐴥𐴠 𐴁𐴡𐴓𐴞 𐴈𐴡𐴘𐴧𐴠 , 𐴀𐴠𐴈𐴥𐴡𐴕 𐴉𐴡𐴙𐴅𐴧𐴡𐴕𐴃𐴡 𐴁𐴡𐴌𐴔𐴥𐴝𐴃 𐴑𐴡𐴁𐴤𐴞𐴋 𐴹 𐴱 𐴁𐴞𐴘𐴝𐴌𐴝𐴙𐴔𐴧𐴙𐴝 𐴉𐴝𐴀𐴝 𐴒𐴞𐴘𐴥𐴠𐴊𐴠 , 𐴁𐴠𐴒𐴧𐴤𐴟𐴕𐴠 𐴷 𐴱 𐴷 𐴱 𐴱 𐴵 𐴎𐴡𐴕 , 𐴔𐴡𐴙𐴅𐴧𐴤𐴙𐴠𐴊𐴠 𐴹 𐴹 𐴸 𐴸 𐴱 𐴎𐴡𐴕 𐴁𐴡𐴓𐴞 𐴈𐴡𐴘𐴧𐴠𐴱𐴱

𐴇𐴥𐴠𐴉𐴝𐴎𐴡𐴃𐴞 𐴊𐴝𐴁𐴝𐴘 𐴔𐴝𐴌𐴝𐴌 𐴁𐴝𐴁𐴡𐴃𐴠 𐴕𐴡𐴖𐴡𐴔𐴁𐴡𐴌𐴡𐴌 𐴹 𐴃𐴝𐴌𐴥𐴞𐴑 𐴓𐴦𐴡𐴃 𐴀𐴠𐴑𐴁𐴝𐴌 𐴔𐴝𐴙𐴅𐴧𐴤𐴙𐴠𐴊𐴠 𐴔𐴝𐴕𐴥𐴟𐴙𐴐𐴢 𐴳 . 𐴵 𐴔𐴡𐴓𐴞𐴘𐴟𐴕 , 𐴊𐴟𐴘𐴁𐴝𐴌 𐴔𐴝𐴙𐴅𐴧𐴤𐴙𐴠𐴊𐴠 𐴔𐴝𐴕𐴥𐴟𐴙𐴐𐴢 𐴵 𐴸 . 𐴸 𐴔𐴡𐴓𐴞𐴘𐴟𐴕 , 𐴁𐴠𐴒𐴧𐴤𐴟𐴕𐴠 𐴔𐴞𐴓𐴝𐴘 𐴵 𐴱 . 𐴴 𐴱 𐴔𐴡𐴓𐴞𐴘𐴟𐴕𐴡𐴌 𐴖𐴡𐴌𐴠 𐴀𐴥𐴡𐴘𐴧𐴠 𐴁𐴡𐴓𐴞 , 𐴀𐴝𐴃𐴡𐴚𐴁𐴝𐴊𐴞 𐴑𐴡𐴗𐴕𐴏𐴞𐴌 𐴏𐴠𐴇𐴥𐴠𐴃𐴡𐴌 𐴋𐴞𐴂𐴝𐴌𐴔𐴥𐴠𐴕𐴡𐴌𐴃𐴟 𐴀𐴠𐴓𐴝𐴕 𐴒𐴡𐴙𐴅𐴧𐴤𐴙𐴠 𐴱𐴱

Sources : Dvbburmese