𐴏𐴥𐴡 𐴎𐴡𐴕 𐴑𐴤𐴟𐴕 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 : 𐴀𐴝𐴌𐴀𐴥𐴡 𐴏𐴝𐴙𐴌 𐴎𐴡𐴕 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴀𐴟𐴑𐴤𐴞𐴘𐴝𐴃 𐴱𐴱

𐴀𐴠𐴈𐴥𐴡𐴕 𐴉𐴡𐴙𐴅𐴧𐴡𐴕𐴃𐴡 𐴁𐴠𐴒𐴧𐴤𐴟𐴕𐴠 𐴴 𐴱 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 , 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴀𐴟𐴑𐴤𐴞𐴘𐴝 𐴃𐴤𐴝𐴕𐴝𐴃 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 , 𐴔𐴡𐴊𐴡𐴌𐴥𐴡𐴏𐴝𐴃 𐴇𐴥𐴝𐴔𐴓𐴝 𐴒𐴡𐴌𐴥𐴞 𐴏𐴥𐴡 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴔𐴝𐴌𐴞 𐴉𐴥𐴠𐴓𐴝𐴀𐴝𐴙𐴓𐴊𐴠 , 𐴑𐴤𐴟𐴕 𐴘𐴥𐴝𐴀𐴝𐴕𐴡𐴌 𐴁𐴝𐴁𐴡𐴃𐴠 𐴐𐴤𐴡𐴕𐴊𐴡𐴌 𐴖𐴡𐴌𐴠 𐴀𐴝𐴌𐴀𐴥𐴡 𐴏𐴝𐴙𐴌 𐴎𐴡𐴕 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴀𐴠 𐴂𐴞 𐴁𐴞 𐴀𐴠𐴕 𐴉𐴟𐴓𐴞𐴐𐴢 𐴀𐴝𐴌 𐴀𐴟𐴑𐴤𐴞𐴘𐴝𐴌 𐴉𐴟𐴓𐴞𐴐𐴠 𐴔𐴞𐴓𐴞 𐴑𐴝𐴌𐴖𐴝𐴘 𐴒𐴡𐴌𐴥𐴞 𐴰 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴇𐴥𐴠𐴋 𐴔𐴝𐴅𐴤𐴞/ 𐴐𐴡𐴉𐴞 𐴀𐴟𐴓𐴧𐴝𐴇 𐴌𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴀𐴟𐴑𐴤𐴞𐴘𐴝𐴌 𐴉𐴟𐴓𐴞𐴐𐴢 𐴀𐴞𐴕𐴞𐴏𐴂𐴝𐴑𐴄𐴡𐴌 / 𐴒𐴝𐴎𐴞 𐴏𐴡𐴓𐴝𐴇𐴟𐴊𐴧𐴞𐴕𐴠 𐴈𐴡𐴘𐴧𐴠 𐴱𐴱

𐴑𐴠𐴀𐴠𐴔𐴡𐴃 𐴔𐴡𐴚𐴒𐴡𐴓 𐴁𐴝𐴌𐴠 𐴑𐴝𐴌𐴖𐴝𐴘 𐴒𐴡𐴌𐴥𐴞 𐴀𐴝𐴌𐴀𐴥𐴡 𐴃𐴞𐴕 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 – 𐴉𐴡𐴌𐴞𐴊 𐴇𐴟𐴏𐴝𐴙𐴕 , 𐴎𐴝𐴇𐴠𐴊 𐴇𐴟𐴏𐴝𐴙𐴕 𐴀𐴝𐴌 𐴔𐴟𐴇𐴝𐴔𐴧𐴡𐴊 𐴇𐴟𐴏𐴝𐴙𐴕 , 𐴀𐴠 𐴃𐴞𐴕𐴥𐴞 𐴎𐴡𐴕𐴡𐴌𐴠 𐴘𐴥𐴡 𐴊𐴤𐴡𐴙𐴅𐴧𐴤𐴙𐴠 𐴁𐴡𐴓𐴞 𐴈𐴡𐴘𐴧𐴠 , 𐴕𐴞𐴇𐴥𐴡𐴃𐴡 𐴀𐴝𐴎𐴞𐴎𐴟𐴓 𐴇𐴥𐴡𐴑𐴡𐴌 𐴁𐴝𐴉𐴠 𐴵 𐴲 𐴎𐴡𐴕 𐴀𐴝𐴐𐴤𐴝𐴔𐴞𐴌 𐴕𐴝𐴔 𐴓𐴠𐴑𐴤𐴞 𐴀𐴟𐴑𐴤𐴞𐴘𐴝 𐴉𐴟𐴓𐴞𐴐𐴢 𐴃𐴤𐴝𐴕𐴝𐴃 𐴑𐴠𐴙𐴏𐴢 𐴑𐴤𐴟𐴙𐴓𐴧𐴙𐴠 𐴁𐴡𐴓𐴞,𐴀𐴠 𐴂𐴞 𐴁𐴞 𐴀𐴠𐴕 𐴉𐴟𐴓𐴞𐴐𐴡𐴌 𐴀𐴡𐴉𐴞𐴏𐴥𐴝𐴌 / 𐴐𐴞𐴇𐴦𐴝𐴁 𐴑𐴝𐴙𐴏𐴡𐴌𐴠 𐴈𐴡𐴘𐴧𐴠 𐴱𐴱

𐴑𐴝𐴕𐴟𐴕𐴞 𐴑𐴝𐴌𐴖𐴝𐴘 𐴒𐴡𐴌𐴥𐴡𐴙𐴕𐴧𐴝 𐴀𐴥𐴡𐴑𐴧𐴡𐴓𐴠 , 𐴑𐴤𐴟𐴕𐴞 𐴔𐴝𐴀𐴝𐴔𐴠𐴓𐴝 𐴘𐴥𐴝𐴀𐴝𐴕𐴡𐴌 𐴁𐴝𐴁𐴡𐴃𐴠 𐴴 𐴱 𐴎𐴡𐴕 𐴀𐴝𐴐𐴤𐴝𐴔𐴞 𐴊𐴤𐴡𐴙𐴅𐴧𐴤𐴙𐴠 , 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴡𐴌𐴠 𐴐𐴤𐴡𐴇𐴞𐴊𐴡𐴌 𐴒𐴤𐴡𐴌𐴒𐴟𐴐𐴧𐴞 𐴘𐴠 𐴕𐴝𐴔 𐴓𐴠𐴑𐴤𐴞 𐴑𐴠𐴙𐴏𐴢 𐴑𐴤𐴟𐴓𐴧𐴞𐴀𐴞𐴓 𐴊𐴠 𐴀𐴥𐴠𐴕𐴃𐴟 𐴘𐴥𐴡 𐴉𐴝𐴣𐴏𐴢 𐴎𐴡𐴕 𐴀𐴝𐴏𐴥𐴠 , 𐴑𐴠𐴙𐴏𐴢 𐴘𐴝𐴀𐴝𐴕𐴡𐴃 𐴰 𐴰 𐴲 𐴃𐴟 𐴰 𐴵 𐴲 𐴉𐴡𐴙𐴅𐴧𐴡𐴕𐴃𐴡 𐴀𐴡𐴏𐴞𐴕𐴧𐴡 𐴔𐴝𐴙𐴕𐴐𐴤𐴡𐴌𐴠 𐴀𐴠𐴓𐴎𐴝𐴔 𐴊𐴞𐴘𐴝 𐴒𐴞𐴘𐴠 𐴱𐴱

𐴇𐴥𐴝𐴔𐴓𐴝𐴌 𐴁𐴦𐴝𐴊𐴠 𐴔𐴡𐴃𐴡𐴌 𐴀𐴥𐴠𐴈𐴡𐴕 , 𐴒𐴤𐴡𐴌𐴡𐴌 𐴁𐴝𐴕𐴝 𐴀𐴥𐴝𐴣𐴃𐴞𐴘𐴝𐴌 𐴀𐴝𐴌 𐴑𐴠𐴙𐴏𐴧𐴥𐴟 𐴔𐴟𐴙𐴕𐴧𐴝 𐴀𐴝𐴌 𐴊𐴤𐴝𐴌 𐴀𐴥𐴝𐴣𐴃 𐴀𐴥𐴝𐴣𐴃𐴞𐴘𐴝𐴌 𐴓𐴡𐴘 , 𐴇𐴥𐴝𐴔𐴓𐴝𐴑𐴝𐴌 𐴀𐴠𐴑𐴎𐴡𐴕 𐴀𐴥𐴡𐴊𐴡𐴃 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 , 𐴎𐴞𐴁𐴤𐴝𐴌 𐴕𐴝𐴔/ 𐴅𐴡𐴏𐴥𐴞𐴔 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴠 , 𐴔𐴟𐴅𐴞𐴁𐴟𐴌 𐴌𐴝𐴇𐴔𐴝𐴕 𐴕𐴝𐴔𐴡𐴌 𐴇𐴥𐴝𐴔𐴓𐴝𐴑𐴝𐴌 𐴑𐴤𐴟𐴕𐴞 𐴀𐴠𐴑 𐴎𐴡𐴕 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴁𐴡𐴓𐴞 , 𐴋𐴡𐴣𐴀𐴡𐴌 𐴉𐴟𐴓𐴞𐴐𐴢 𐴀𐴡𐴉𐴞𐴏𐴥𐴝𐴌 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 𐴱𐴱

Sources : Dhakatribune