𐴀𐴠 𐴀𐴠 𐴘𐴠 𐴌𐴝𐴏𐴥𐴞𐴊𐴡𐴚𐴡𐴃 𐴁𐴡𐴓𐴝𐴎𐴟𐴌𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴃𐴧𐴟 𐴄𐴠𐴑𐴏𐴡 𐴓𐴡𐴀𐴡𐴌 𐴱𐴱

𐴔𐴡𐴒𐴢 𐴀𐴝𐴃𐴡𐴚𐴁𐴝𐴊𐴞 𐴋𐴦𐴝𐴘 𐴀𐴠 𐴀𐴠 𐴘𐴠 𐴌𐴝𐴏𐴥𐴞𐴊𐴡𐴚𐴡𐴌 𐴀𐴠𐴓𐴝𐴑𐴝𐴃 , 𐴌𐴟𐴇𐴝𐴙𐴚𐴒𐴙 𐴀𐴥𐴡𐴑𐴧𐴡𐴓𐴡𐴃𐴧𐴟 𐴎𐴝𐴃 𐴀𐴝𐴌 𐴊𐴤𐴡𐴌𐴔𐴡 𐴉𐴡𐴌𐴡𐴑 𐴒𐴡𐴌𐴥𐴞 𐴁𐴡𐴓𐴝𐴎𐴟𐴌𐴞 𐴄𐴠𐴑𐴏𐴡 𐴓𐴡𐴀𐴡𐴌 𐴊𐴠 𐴘𐴥𐴝𐴀𐴝𐴕 𐴎𐴝𐴕𐴝 𐴒𐴞𐴘𐴠 , 𐴀𐴟𐴃𐴧𐴡𐴌 𐴀𐴝𐴌𐴑𐴝𐴕𐴡𐴃 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 , 𐴷 𐴱 𐴰 𐴲 𐴐𐴤𐴡𐴕𐴡𐴃 𐴊𐴠𐴐𐴢 𐴏𐴥𐴡𐴉𐴝𐴘 𐴑𐴝𐴌𐴖𐴝𐴘 𐴁𐴡𐴓𐴞 𐴈𐴡𐴀𐴡𐴘 , 𐴌𐴟𐴇𐴝𐴙𐴚𐴒𐴙𐴝𐴌 𐴕𐴡𐴏𐴥𐴡𐴓 𐴉𐴥𐴟𐴌𐴝 𐴑𐴝𐴌𐴖𐴝𐴘 ( 𐴅𐴠𐴕𐴟𐴏𐴥𐴝𐴙𐴋 ) 𐴒𐴡𐴙𐴅𐴧𐴤𐴙𐴠𐴊𐴠 𐴘𐴥𐴝𐴀𐴝𐴌 𐴁𐴦𐴝𐴊𐴠 𐴱𐴱

𐴌𐴝𐴏𐴥𐴞𐴊𐴡𐴚𐴡𐴌 𐴀𐴠𐴓𐴝𐴑𐴝𐴃 𐴐𐴤𐴟𐴊𐴠 𐴉𐴝𐴣𐴏𐴧𐴥𐴝𐴕 𐴌𐴟𐴇𐴝𐴙𐴚𐴒𐴙𐴌 𐴉𐴝𐴌𐴝 𐴁𐴝𐴑𐴞 𐴀𐴝𐴐𐴧𐴤𐴞𐴓𐴊𐴠 , 𐴀𐴝𐴌𐴒𐴤𐴞𐴕 𐴁𐴠𐴒𐴧𐴤𐴞𐴕 𐴔𐴡𐴒𐴢 𐴀𐴝𐴌 𐴔𐴠𐴓𐴠𐴄𐴠𐴌𐴞 𐴔𐴞𐴓𐴞 𐴁𐴡𐴌𐴁𐴝𐴊 𐴒𐴡𐴌𐴥𐴞 𐴉𐴥𐴠𐴓𐴝𐴘𐴧𐴠 , 𐴌𐴝𐴏𐴥𐴞𐴊𐴡𐴚𐴡𐴃 𐴀𐴠 𐴀𐴠 𐴔𐴡𐴒𐴢 𐴁𐴝𐴒𐴞 𐴘𐴠 𐴀𐴝𐴒𐴠 𐴓𐴥𐴡𐴃𐴞 𐴲 𐴱 𐴎𐴡𐴕 𐴔𐴞𐴔𐴁𐴤𐴡𐴌 𐴀𐴡𐴓𐴝 𐴑𐴡𐴔𐴞𐴄𐴤𐴞 𐴀𐴟𐴒𐴧𐴤𐴗𐴝 𐴁𐴡𐴓𐴝𐴎𐴟𐴌𐴞 𐴁𐴝𐴕𐴝𐴘𐴧𐴠 , 𐴉𐴡𐴃𐴧𐴞 𐴔𐴞𐴔𐴁𐴤𐴡𐴌𐴠 𐴌𐴟𐴇𐴝𐴙𐴚𐴒𐴙𐴝𐴃𐴧𐴟 𐴄𐴠𐴑𐴏𐴡 𐴃𐴟𐴓𐴥𐴠𐴌 𐴱𐴱

𐴀𐴠𐴀𐴠𐴕 𐴀𐴡𐴑𐴃𐴤𐴡𐴃 𐴃𐴟𐴓𐴥𐴠𐴌 𐴎𐴠 𐴀𐴡𐴑𐴃𐴤𐴡𐴃 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴉𐴝𐴌𐴝𐴌 𐴁𐴤𐴟𐴃𐴡𐴌𐴠 𐴊𐴡𐴌𐴥𐴡 𐴔𐴡𐴌𐴥𐴡 𐴂𐴝𐴁𐴡𐴕𐴊𐴞 𐴓𐴝𐴒𐴝𐴘𐴧𐴝 , 𐴓𐴡𐴌𐴝 𐴏𐴡𐴌𐴝 𐴒𐴡𐴌𐴥𐴞 𐴕𐴡 𐴉𐴝𐴌𐴥𐴠𐴌 𐴈𐴡𐴕𐴥𐴡 𐴈𐴝𐴔 𐴒𐴡𐴌𐴥𐴞 𐴕𐴡 𐴉𐴝𐴌𐴥𐴠𐴌 𐴁𐴡𐴓𐴞 𐴉𐴝𐴙𐴅𐴧𐴙𐴝 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱𐴱

𐴌𐴝𐴏𐴥𐴞𐴊𐴡𐴚 𐴀𐴠𐴓𐴝𐴑𐴝𐴌 𐴀𐴝𐴕𐴧𐴥𐴡𐴑 𐴂𐴡𐴌𐴝𐴚 , 𐴎𐴠𐴘𐴝𐴕𐴥𐴡𐴃 𐴵 𐴸 𐴵 𐴏𐴥𐴝𐴕 𐴒𐴤𐴡𐴌 𐴀𐴝𐴏𐴥𐴠 ,𐴔𐴡𐴒𐴢 𐴁𐴝𐴒𐴞 𐴀𐴥𐴡𐴑𐴧𐴡𐴓𐴠 𐴏𐴥𐴡 𐴔𐴥𐴝𐴐𐴢 𐴀𐴥𐴡𐴘𐴃𐴠 ,𐴔𐴝𐴐𐴤𐴠 𐴒𐴤𐴡𐴌 𐴉𐴞𐴏𐴠 𐴰 𐴰 𐴰 𐴵 𐴄𐴞𐴛𐴝 𐴀𐴝𐴌 𐴏𐴥𐴡 𐴑𐴞𐴓𐴟 𐴒𐴠𐴌𐴝𐴔 𐴏𐴡𐴙𐴓 𐴄𐴠𐴑𐴏𐴡 𐴓𐴡𐴘 𐴀𐴝𐴘𐴧𐴠𐴌 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴃𐴟 𐴔𐴝𐴐𐴤𐴞 𐴄𐴠𐴑𐴏𐴡 𐴃𐴟𐴓𐴥𐴞𐴁𐴤𐴡𐴓𐴧𐴝 , 𐴀𐴝𐴕𐴧𐴥𐴡𐴑 𐴂𐴡𐴌𐴝𐴚𐴡𐴃 , 𐴀𐴠 𐴀𐴠 𐴘𐴠 𐴁𐴡𐴓𐴝𐴎𐴟𐴌𐴞 𐴁𐴝𐴌𐴥 𐴡 𐴎𐴤𐴡𐴙𐴕𐴧𐴝 𐴁𐴝𐴕𐴝𐴘𐴧𐴠𐴊𐴠 𐴑𐴡𐴔𐴞𐴄𐴤𐴞𐴌 𐴔𐴞𐴔𐴁𐴤𐴡𐴌 𐴀𐴥𐴡𐴙𐴓𐴊𐴠 𐴱𐴱

𐴱 = 𐴃𐴡𐴁𐴝𐴌𐴡𐴑 𐴁𐴝𐴉𐴢 𐴀𐴝𐴁𐴟𐴃𐴝𐴇𐴥𐴠𐴌 / 𐴲 = 𐴏𐴡𐴓𐴞𐴔 𐴁𐴝𐴉𐴢 𐴕𐴟𐴌 𐴀𐴞𐴏𐴓𐴝𐴔 / 𐴳 = 𐴔𐴟𐴇𐴝𐴔𐴧𐴡𐴊 𐴃𐴡𐴘𐴧𐴡𐴁 𐴁𐴝𐴉𐴢 𐴐𐴤𐴟𐴕𐴝 𐴔𐴞𐴛𐴝 / 𐴴 = 𐴇𐴟𐴁𐴝𐴘𐴧𐴝 𐴁𐴝𐴉𐴢 𐴕𐴟𐴌𐴁𐴡𐴑𐴐𐴟 / 𐴵 = 𐴕𐴟𐴌𐴑𐴡𐴔𐴝𐴓 𐴁𐴝𐴉𐴢 𐴒𐴟𐴌𐴝 𐴔𐴞𐴛𐴝 / 𐴶 = 𐴑𐴝𐴘𐴝𐴏𐴢 𐴁𐴝𐴉𐴢 𐴐𐴤𐴡𐴌𐴞𐴉𐴢 𐴇𐴟𐴏𐴡𐴕 / 𐴷 = 𐴅𐴟𐴕𐴝𐴙𐴊 𐴁𐴝𐴉𐴢 𐴐𐴠𐴙𐴑 𐴀𐴝𐴇𐴔𐴡𐴊 / 𐴸 = 𐴔𐴟𐴇𐴝𐴔𐴧𐴡𐴊 𐴌𐴡𐴉𐴞𐴑 𐴁𐴝𐴉𐴢 𐴕𐴟𐴌 𐴁𐴡𐴑𐴐𐴟 / 𐴹 = 𐴔𐴟𐴇𐴝𐴔𐴧𐴡𐴊 𐴌𐴡𐴇𐴞𐴔 𐴁𐴝𐴉𐴢 𐴀𐴝𐴓𐴞 𐴀𐴝𐴑𐴁𐴡𐴌 / 𐴰 𐴱 = 𐴀𐴥𐴠 𐴔𐴡𐴚 𐴁𐴝𐴉𐴢 𐴑𐴝𐴏𐴞𐴔 / 𐴱 𐴱 = 𐴀𐴝𐴁𐴧𐴝𐴏𐴢 𐴁𐴝𐴉𐴢 𐴓𐴝𐴓𐴟 𐴐𐴠 / 𐴲 𐴱 = 𐴅𐴝𐴁𐴠𐴌 𐴁𐴝𐴉𐴢 𐴀𐴝𐴁𐴟 𐴱𐴱

𐴷 𐴱 𐴰 𐴲 𐴐𐴤𐴡𐴕𐴡𐴌 𐴀𐴝𐴒𐴠 𐴁𐴡𐴌𐴔𐴥𐴝 𐴔𐴠𐴓𐴠𐴄𐴠𐴞 𐴀𐴝𐴌 𐴇𐴥𐴡𐴑𐴟𐴔𐴡𐴊𐴠 𐴌𐴟𐴇𐴝𐴙𐴚𐴒𐴙𐴝𐴌𐴠 𐴎𐴟𐴓𐴟𐴔 𐴒𐴡𐴙𐴃𐴧𐴤𐴡𐴊𐴠 , 𐴔𐴡𐴕𐴃𐴡𐴌 𐴀𐴠𐴈𐴥𐴡𐴕 𐴀𐴝𐴃𐴡𐴚𐴁𐴝𐴊𐴞 𐴔𐴡𐴒𐴢 𐴁𐴝𐴒𐴞 𐴘𐴥𐴡 𐴌𐴟𐴇𐴝𐴙𐴚𐴒𐴙𐴌 𐴕𐴡𐴏𐴥𐴡𐴓 𐴉𐴥𐴟𐴌𐴝 𐴑𐴝𐴌𐴖𐴝𐴘𐴃 𐴔𐴞𐴘𐴥𐴝𐴘 𐴒𐴞𐴘𐴥𐴡𐴘 , 𐴀𐴝𐴌𐴑𐴝𐴕𐴡𐴌𐴃𐴟 𐴌𐴟𐴇𐴝𐴙𐴚𐴒𐴙𐴝 𐴉𐴥𐴟𐴌𐴝𐴘 𐴉𐴥𐴠𐴓𐴥𐴡𐴀𐴡𐴙𐴕𐴧𐴝 𐴊𐴟𐴘 𐴋𐴦𐴝𐴘 𐴀𐴥𐴡𐴘𐴧𐴠 𐴱𐴱

Sources : Rvision