𐴌𐴟𐴇𐴝𐴙𐴚𐴙𐴝 𐴀𐴥𐴡𐴑𐴧𐴡𐴓 𐴁𐴝𐴚𐴓𐴝𐴊𐴠𐴐𐴤𐴡𐴌𐴓𐴝 𐴉𐴟𐴣𐴎𐴤𐴝 𐴀𐴥𐴡𐴘𐴧𐴠 : 𐴁𐴡𐴌 𐴀𐴟𐴎𐴞𐴌 𐴱𐴱

𐴑𐴠𐴙𐴏𐴧𐴥𐴟 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴠 𐴉𐴡𐴌𐴞𐴁𐴤𐴠𐴐𐴢 𐴀𐴝𐴌 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴎𐴦𐴡𐴣𐴓𐴡𐴌 𐴐𐴤𐴡𐴔𐴉𐴡𐴃 𐴀𐴥𐴡𐴑𐴧𐴡𐴓 𐴁𐴡𐴌𐴁𐴝𐴊 𐴒𐴡𐴌𐴥𐴞 𐴉𐴥𐴠𐴓𐴥𐴝𐴌 𐴁𐴡𐴓𐴞 , 𐴁𐴝𐴚𐴓𐴝𐴊𐴠𐴐𐴤𐴡𐴌 𐴁𐴡𐴌 𐴀𐴟𐴎𐴞𐴌𐴠 𐴈𐴡𐴘𐴧𐴠 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴑𐴤𐴟𐴂𐴢 𐴁𐴠𐴐𐴤𐴞 𐴁𐴤𐴝𐴌𐴞 𐴉𐴟𐴣𐴎𐴤𐴝 𐴀𐴥𐴡𐴘𐴧𐴠 𐴁𐴝𐴚𐴓𐴝𐴊𐴠𐴐𐴤𐴡𐴌𐴓𐴝 𐴱𐴱

𐴀𐴝𐴌 𐴁𐴠𐴐𐴤𐴞 𐴒𐴡𐴌𐴥𐴞 𐴌𐴟𐴇𐴝𐴙𐴚𐴒𐴙𐴝 𐴃𐴞𐴕 𐴁𐴡𐴏𐴥𐴡𐴌 𐴀𐴝𐴒𐴠 𐴁𐴝𐴚𐴓𐴝𐴊𐴠𐴐𐴤𐴡𐴃 𐴀𐴝𐴙𐴐𐴧𐴤𐴙𐴠𐴊𐴠 , 𐴘𐴥𐴝 𐴓𐴡𐴃𐴞 𐴀𐴥𐴞𐴃𐴝𐴌𐴝𐴌 𐴖𐴝𐴉𐴠𐴏𐴞𐴌 𐴁𐴝𐴁𐴡𐴃𐴠 𐴈𐴡𐴕𐴥𐴡 𐴔𐴝𐴀𐴝𐴔𐴠𐴓𐴝 𐴔𐴟𐴀𐴟𐴔𐴧𐴞𐴑𐴧𐴤𐴙𐴝 𐴕𐴡 𐴀𐴝𐴒𐴧𐴗𐴝𐴌 , 𐴁𐴡𐴓𐴞 𐴁𐴡𐴌 𐴀𐴟𐴎𐴞𐴌 / 𐴐𐴠𐴙𐴑 𐴇𐴥𐴝𐴏𐴞𐴕𐴝 𐴘𐴠 𐴌𐴦𐴡𐴘 𐴁𐴝𐴌𐴠 𐴈𐴡𐴘𐴧𐴠 , 𐴀𐴥𐴞𐴃𐴝𐴌𐴝 𐴁𐴝𐴚𐴓𐴝𐴊𐴠𐴐𐴤𐴡𐴌𐴓𐴝 𐴁𐴠𐴐𐴤𐴞 𐴁𐴤𐴝𐴌𐴞 𐴉𐴟𐴣𐴎𐴝 𐴀𐴥𐴡𐴘𐴧𐴠 𐴱𐴱

𐴉𐴡𐴌𐴞𐴁𐴤𐴠𐴐𐴢 𐴀𐴝𐴌 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴎𐴦𐴡𐴣𐴓𐴡𐴌 𐴐𐴤𐴡𐴔𐴉𐴡𐴃 𐴁𐴡𐴌𐴁𐴝𐴊 𐴀𐴥𐴡𐴘 𐴎𐴝𐴀𐴝𐴌 𐴒𐴤𐴡𐴘 , 𐴕𐴠𐴊𐴝𐴌 𐴕𐴥𐴠𐴓𐴡𐴕𐴡𐴌 𐴕𐴟𐴖𐴝 𐴀𐴠𐴔𐴁𐴝𐴏𐴥𐴞𐴋𐴝𐴌 / 𐴀𐴝𐴕𐴠 𐴒𐴝𐴌𐴝𐴌 𐴁𐴝𐴕 𐴓𐴙𐴟𐴖𐴞𐴕 , 𐴀𐴥𐴞𐴁𐴤𐴝𐴌 𐴀𐴡𐴉𐴞𐴏𐴢 𐴁𐴡𐴚𐴒𐴡 𐴁𐴤𐴡𐴁𐴡𐴕𐴡𐴃 𐴊𐴡𐴓𐴝 𐴀𐴥𐴡𐴘𐴧𐴠𐴊𐴠 𐴔𐴡𐴖𐴑𐴝𐴃 𐴈𐴡𐴘𐴧𐴠𐴊𐴠 , 𐴁𐴡𐴌 𐴀𐴟𐴎𐴞𐴌𐴡𐴌 𐴂𐴠𐴌𐴠𐴏𐴢 𐴏𐴥𐴠𐴒𐴠𐴄𐴠𐴌𐴞 / 𐴀𐴥𐴠𐴇𐴏𐴝𐴕𐴟𐴓 𐴑𐴡𐴌𐴞𐴔𐴠 𐴌𐴠𐴂𐴟𐴄𐴝𐴌 𐴀𐴥𐴡𐴑𐴧𐴡𐴓𐴡𐴌𐴠 𐴈𐴡𐴘𐴧𐴠 𐴱𐴱

𐴕𐴠𐴊𐴝𐴌 𐴓𐴥𐴠𐴕𐴡𐴌 𐴀𐴠𐴔𐴁𐴝𐴏𐴥𐴞𐴋𐴝𐴌𐴠 𐴈𐴡𐴘𐴧𐴠𐴊𐴠 ! 𐴌𐴞𐴉𐴟𐴎𐴞𐴌 𐴖𐴝𐴉𐴠𐴏𐴞𐴌 𐴁𐴝𐴁𐴡𐴃𐴠 𐴀𐴦𐴝𐴛 𐴁𐴡𐴀𐴡𐴃 𐴔𐴝𐴕𐴥𐴟𐴙𐴐𐴢 𐴀𐴥𐴡𐴑𐴧𐴡𐴓 , 𐴀𐴠𐴕 𐴅𐴞 𐴀𐴡 𐴀𐴥𐴡𐴑𐴧𐴡𐴓 𐴀𐴝𐴌 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓 𐴓𐴡𐴘 𐴈𐴡𐴃𐴤𐴝 𐴈𐴡𐴘𐴧𐴞 , 𐴁𐴠𐴒𐴧𐴤𐴟𐴕𐴠 𐴁𐴟𐴎𐴤𐴠𐴌 𐴊𐴠 𐴌𐴟𐴇𐴝𐴙𐴚𐴒𐴙𐴝 𐴏𐴥𐴡𐴚𐴑𐴡𐴄𐴡𐴌 𐴇𐴥𐴡𐴓 𐴁𐴡𐴌𐴔𐴥𐴝𐴌 𐴇𐴥𐴝𐴃𐴡𐴃 𐴱𐴱

𐴁𐴝𐴚𐴓𐴝𐴊𐴠𐴐𐴤𐴡𐴌 𐴃𐴡𐴌𐴑𐴞𐴃 𐴕𐴠𐴊𐴝𐴌 𐴓𐴥𐴠𐴕𐴠 𐴇𐴥𐴞𐴏𐴧𐴝 𐴓𐴡𐴘𐴧𐴠𐴊𐴠 𐴘𐴥𐴝𐴕𐴡𐴌𐴠 𐴁𐴠𐴐𐴤𐴞 𐴑𐴡𐴊𐴡𐴌 𐴒𐴡𐴙𐴅𐴧𐴤𐴙𐴠 , 𐴁𐴝𐴚𐴓𐴝𐴊𐴠𐴐𐴤𐴡𐴌 𐴃𐴡𐴌𐴑𐴞𐴌 𐴁𐴝𐴁𐴡𐴃𐴠 𐴁𐴝𐴁𐴝𐴘𐴠 𐴑𐴡𐴗𐴔 / 𐴐𐴠𐴙𐴑 𐴔𐴟𐴅𐴞𐴁𐴟𐴌 𐴌𐴝𐴇𐴔𐴝𐴕𐴡𐴕 𐴕𐴡𐴎𐴡𐴌𐴞𐴘𐴝 𐴘𐴥𐴡 , 𐴕𐴠𐴊𐴝𐴌 𐴓𐴥𐴠𐴕𐴡𐴌 𐴋𐴦𐴡𐴙𐴓𐴧𐴝 𐴁𐴡𐴓𐴞 𐴘𐴥𐴡 𐴁𐴡𐴌𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱𐴱

Sources : Dhakatribune