𐴌𐴟𐴇𐴝𐴙𐴚𐴒𐴙𐴝𐴌 𐴑𐴠𐴀𐴠𐴔𐴡𐴃𐴧𐴟 𐴑𐴡𐴄𐴧𐴡𐴌 𐴉𐴝𐴄𐴞𐴌 𐴔𐴞𐴔𐴁𐴡𐴌 𐴵 𐴎𐴡𐴕 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴱𐴱

𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴧𐴟 , 𐴑𐴡𐴄𐴧𐴡𐴌 𐴉𐴝𐴄𐴞 𐴀𐴝𐴌𐴑𐴝𐴕 𐴌𐴟𐴇𐴝𐴙𐴚𐴒𐴙𐴝 𐴏𐴝𐴓𐴁𐴤𐴞𐴐𐴤𐴠𐴕 𐴀𐴝𐴌𐴔𐴞 (𐴀𐴝𐴌𐴏𐴝) 𐴓𐴡𐴘 , 𐴃𐴦𐴝𐴓𐴧𐴟𐴑 𐴀𐴝𐴏𐴥𐴠 𐴁𐴡𐴓𐴞 𐴈𐴡𐴀𐴡𐴘 𐴐𐴤𐴡𐴕𐴊𐴡𐴌 𐴖𐴡𐴌𐴠 , 𐴵 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴠 , 𐴀𐴥𐴝𐴣𐴃𐴞𐴘𐴝𐴄 𐴀𐴡𐴓𐴝 𐴴 𐴱 𐴓𐴡𐴔𐴁𐴤𐴡𐴌 𐴉𐴟𐴓𐴞𐴐𐴢 𐴁𐴠𐴄𐴠𐴓𐴞𐴘𐴠𐴕𐴡𐴌 𐴅𐴟𐴖𐴝𐴕 𐴀𐴥𐴡𐴑𐴧𐴡𐴓𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴹 / 𐴃𐴝𐴌𐴥𐴞𐴑 𐴀𐴡𐴑𐴄𐴟𐴁𐴡𐴌 𐴐𐴤𐴡𐴕𐴞 𐴁𐴝𐴌𐴠 𐴁𐴞𐴀𐴞𐴕𐴧𐴝 𐴑𐴦𐴟𐴂𐴢 𐴏𐴥𐴦𐴡𐴌𐴠 , 𐴀𐴟𐴑𐴤𐴞𐴘𐴝𐴌 𐴈𐴡𐴀𐴠𐴑𐴧𐴤𐴝𐴕 𐴑𐴠𐴀𐴠𐴔𐴡𐴃 , 𐴀𐴡𐴂𐴝𐴌𐴠𐴐𐴤𐴠𐴕 𐴏𐴝𐴓𐴝𐴘 𐴀𐴥𐴞𐴃𐴝𐴌𐴥𐴝𐴌𐴠 , 𐴀𐴠 𐴂𐴞 𐴁𐴞 𐴀𐴠𐴕𐴡𐴌 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴠 𐴊𐴤𐴡𐴙𐴅𐴧𐴤𐴙𐴠𐴊𐴠 𐴘𐴥𐴝𐴀𐴝𐴕 𐴈𐴥𐴝𐴄𐴞 𐴁𐴡𐴓𐴞 , 𐴀𐴠𐴂𐴞 𐴁𐴞 𐴀𐴠𐴕 𐴉𐴟𐴓𐴞𐴐𐴡𐴌 𐴑𐴠𐴂𐴄𐴞𐴕/𐴀𐴠𐴏𐴢 𐴂𐴞 𐴕𐴡𐴀𐴞𐴔𐴟𐴓 𐴇𐴥𐴡𐴑𐴠 𐴈𐴡𐴘𐴧𐴠 𐴱𐴱

𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕 𐴀𐴥𐴡𐴙𐴓𐴊𐴠 , 𐴱 = 𐴈𐴝𐴓𐴠𐴊 𐴇𐴟𐴏𐴠𐴙𐴕 𐴁𐴡𐴐𐴢 𐴳 𐴳 𐴁𐴡𐴏𐴥𐴡𐴌 , 𐴲 = 𐴔𐴝𐴐𐴄𐴡𐴌 𐴏𐴡𐴘𐴡𐴊 𐴀𐴝𐴔𐴞𐴕 𐴁𐴡𐴐𐴢 𐴸 𐴳 𐴁𐴡𐴏𐴥𐴡𐴌 , 𐴳 = 𐴐𐴦𐴝𐴑𐴠𐴌 𐴁𐴡𐴐𐴢 𐴵 𐴳 𐴁𐴡𐴏𐴥𐴡𐴌 , 𐴴 = 𐴔𐴟𐴇𐴝𐴔𐴧𐴡𐴊 𐴑𐴡𐴓𐴞𐴔 𐴁𐴡𐴐𐴢 𐴸 𐴱 𐴁𐴡𐴏𐴥𐴡𐴌 , 𐴵 = 𐴀𐴞𐴓𐴞𐴘𐴝𐴏𐴢 𐴁𐴡𐴐𐴢 𐴲 𐴲 𐴁𐴡𐴏𐴥𐴡𐴌 𐴱𐴱

𐴒𐴡𐴃𐴡 𐴹 𐴲 𐴃𐴝𐴌𐴥𐴞𐴑 𐴏𐴥𐴠𐴃𐴡𐴁𐴡𐴌 𐴔𐴥𐴝𐴐𐴡𐴃 𐴌𐴝𐴃𐴞𐴘𐴝 , 𐴌𐴟𐴇𐴝𐴙𐴚𐴒𐴙𐴝𐴌 𐴕𐴠𐴃𐴝 𐴔𐴟𐴇𐴞𐴁𐴧𐴟𐴓𐴧𐴝𐴇𐴢 𐴌𐴠 𐴑𐴤𐴟𐴕 𐴒𐴡𐴙𐴅𐴧𐴤𐴙𐴠𐴊𐴠 𐴀𐴥𐴠𐴍𐴠 , 𐴀𐴠 𐴑𐴡𐴄𐴧𐴡𐴌 𐴉𐴝𐴄𐴞 𐴀𐴞𐴁𐴤𐴝 𐴅𐴡𐴍𐴞𐴃𐴡 𐴀𐴝𐴏𐴥𐴠 𐴁𐴡𐴓𐴞 𐴀𐴠𐴓𐴎𐴝𐴔 𐴊𐴞𐴘𐴠,𐴔𐴟𐴇𐴞𐴁𐴧𐴟𐴓𐴧𐴝𐴇𐴌 𐴁𐴤𐴝𐴘 𐴐𐴤𐴡𐴣𐴀𐴡 𐴁𐴡𐴀𐴡𐴃 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 , 𐴔𐴟𐴇𐴞𐴁𐴧𐴟𐴓𐴧𐴝𐴇𐴌 𐴑𐴤𐴟𐴕𐴞𐴃 𐴑𐴡𐴄𐴧𐴡𐴌 𐴉𐴝𐴄𐴞 𐴀𐴞𐴁𐴤𐴝 𐴀𐴝𐴏𐴥𐴠 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴉𐴝𐴣𐴏𐴢𐴀𐴥𐴡 𐴎𐴡𐴕 𐴀𐴟𐴀𐴟𐴕 , 𐴀𐴝𐴌𐴏𐴝𐴌 𐴕𐴝𐴔 𐴀𐴠𐴏𐴃𐴠𐴔𐴝𐴓 𐴒𐴡𐴌𐴥𐴞 , 𐴑𐴠𐴀𐴠𐴔 𐴀𐴥𐴡𐴑𐴧𐴡𐴓𐴡𐴃 , 𐴁𐴡𐴓𐴝𐴎𐴟𐴌𐴞 𐴄𐴞𐴛𐴝 𐴀𐴟𐴏𐴥𐴟𐴓 𐴒𐴡𐴌𐴥𐴡𐴕 𐴀𐴝𐴌 𐴔𐴝𐴕𐴥𐴟𐴙𐴐𐴢 𐴑𐴞𐴋𐴕𐴥𐴝𐴂𐴢 𐴒𐴡𐴌𐴥𐴡𐴕 , 𐴐𐴤𐴡𐴣𐴀𐴡 𐴁𐴡𐴀𐴡𐴃 𐴊𐴟𐴐𐴢 𐴀𐴝𐴌 𐴀𐴡𐴐𐴤𐴡𐴔𐴝𐴎𐴤𐴞𐴑 𐴈𐴝𐴔𐴡𐴃 𐴎𐴡𐴍𐴞𐴃𐴡 𐴀𐴝𐴏𐴥𐴠 𐴁𐴡𐴓𐴞 , 𐴀𐴠𐴏𐴢 𐴂𐴞 𐴕𐴡𐴀𐴞𐴔𐴟𐴓 𐴇𐴥𐴡𐴑𐴠 𐴈𐴡𐴘𐴧𐴠 𐴱𐴱

𐴔𐴝𐴕𐴥𐴟𐴙𐴐𐴢 𐴀𐴥𐴟𐴀𐴟𐴕𐴡𐴌𐴠 𐴉𐴟𐴏𐴥𐴝𐴌 𐴀𐴝𐴏𐴥𐴝𐴌 𐴀𐴝𐴌 𐴃𐴡𐴊𐴝𐴌𐴟𐴑 𐴒𐴡𐴌𐴥𐴞 𐴑𐴝𐴕𐴟𐴕𐴞 𐴑𐴝𐴌𐴖𐴝𐴘 𐴒𐴡𐴌𐴥𐴞𐴁𐴤𐴡𐴓𐴧𐴝 , 𐴀𐴟𐴑𐴤𐴞𐴘𐴝𐴌 𐴉𐴟𐴓𐴞𐴐𐴢 𐴃𐴤𐴝𐴕𐴝𐴃 𐴉𐴡𐴣𐴀𐴡𐴏𐴥𐴝𐴘 𐴊𐴞𐴘𐴝 𐴒𐴞𐴘𐴠 𐴱𐴱

Sources : ukhiyanews.com