𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞𐴌 𐴁𐴝𐴁𐴡𐴃𐴠 𐴊𐴟𐴕𐴞𐴘𐴝𐴘𐴌𐴥𐴠 𐴁𐴝𐴏𐴃𐴡𐴁 𐴈𐴝𐴔 𐴒𐴡𐴌𐴥𐴞𐴁𐴤𐴡𐴓𐴧𐴝 𐴈𐴡𐴘𐴧𐴠 𐴱𐴱

𐴊𐴟𐴕𐴞𐴘𐴝𐴘𐴌 𐴔𐴝𐴙𐴕𐴧𐴙𐴝 𐴓𐴦𐴞𐴋𐴝𐴌 𐴀𐴝𐴌 𐴊𐴠𐴐𐴁𐴞𐴊𐴠𐴐𐴤𐴞 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓𐴡𐴌𐴃𐴟 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴕𐴞𐴎𐴡𐴌 𐴊𐴠𐴐𐴤𐴡𐴃 𐴖𐴝𐴉𐴠𐴏𐴢 𐴎𐴝𐴘 𐴉𐴝𐴌𐴠 𐴉𐴝𐴀𐴝𐴕 , 𐴁𐴠𐴐𐴤𐴞 𐴒𐴡𐴌𐴥𐴞 𐴈𐴝𐴔 𐴀𐴥𐴡𐴀𐴡𐴊𐴠 𐴀𐴥𐴠𐴕𐴋𐴞𐴓𐴧𐴝 𐴒𐴡𐴌𐴥𐴞 𐴃𐴡𐴌𐴃𐴞𐴁 𐴁𐴝𐴕𐴝𐴘 , 𐴁𐴡𐴌𐴔𐴥𐴝𐴌𐴠 𐴔𐴡𐴅𐴁𐴟𐴌 𐴒𐴡𐴌𐴥𐴡𐴕 𐴎𐴡𐴌𐴟𐴌𐴞 𐴱𐴱

𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 𐴋𐴝𐴑𐴄𐴡𐴌 / 𐴀𐴠 𐴑𐴠 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 𐴁𐴞𐴌𐴞𐴄𐴤𐴞𐴐𐴢 𐴐𐴤𐴡𐴣𐴀𐴡 𐴊𐴟𐴕𐴞𐴘𐴝𐴘𐴌𐴠 𐴈𐴡𐴘𐴧𐴠𐴊𐴠 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 , 𐴀𐴥𐴞𐴃𐴝𐴌𐴝𐴌 𐴎𐴡𐴌𐴔𐴡𐴏𐴃𐴤𐴝𐴕 𐴀𐴝𐴌𐴑𐴝𐴕𐴡𐴃 ,𐴇𐴥𐴝𐴔𐴞𐴐𐴤𐴝 𐴄𐴞𐴑𐴞 𐴃𐴤𐴝𐴑𐴠 𐴉𐴝𐴌𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴒𐴡𐴌𐴥𐴞 𐴖𐴝𐴉𐴠𐴏𐴢 𐴎𐴝𐴘 𐴉𐴝𐴌𐴠 𐴉𐴝𐴀𐴝𐴕 𐴱𐴱

𐴁𐴡𐴌𐴔𐴥𐴝𐴃 𐴉𐴥𐴞𐴄 𐴀𐴥𐴡𐴀𐴡𐴊𐴠 𐴀𐴥𐴠𐴕𐴋𐴞𐴓𐴧𐴝 𐴔𐴝𐴇𐴥𐴡𐴗𐴓 𐴁𐴝𐴕𐴝𐴘 𐴔𐴡𐴎𐴁𐴟𐴃 𐴒𐴡𐴌𐴥𐴞 𐴈𐴝𐴔 𐴒𐴡𐴌𐴥𐴝 𐴉𐴡𐴌𐴞𐴁𐴤𐴡 , 𐴁𐴞𐴄𐴤𐴞𐴐𐴡𐴌 𐴁𐴡𐴘𐴊𐴠𐴐𐴢 𐴔𐴝𐴀𐴝𐴔𐴠𐴓𐴝𐴌 𐴀𐴟𐴎𐴞𐴌 𐴊𐴡𐴀𐴡𐴙𐴕 𐴀𐴞𐴐𐴤𐴞𐴘𐴝𐴌 𐴀𐴝𐴌 𐴘𐴟 𐴀𐴠𐴕 𐴀𐴝𐴌 𐴑𐴦𐴡𐴔𐴡𐴕 𐴖𐴥𐴠𐴓𐴃𐴤𐴡𐴌 𐴁𐴝𐴁𐴡𐴃𐴠 , 𐴓𐴦𐴡𐴋 𐴀𐴝𐴇𐴔𐴡𐴊 𐴓𐴡𐴘 𐴁𐴝𐴚𐴓𐴝𐴊𐴠𐴐𐴤𐴡𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 𐴀𐴠𐴈𐴥𐴡𐴕 𐴀𐴠𐴈𐴥𐴡𐴕 𐴕𐴞𐴘𐴟 𐴘𐴥𐴡𐴑𐴡𐴃 𐴊𐴡𐴓𐴝 𐴀𐴥𐴡𐴘𐴧𐴠 𐴱𐴱

𐴀𐴥𐴠 𐴔𐴞𐴄𐴤𐴞𐴚𐴡𐴃 𐴃𐴝𐴌𐴥𐴝𐴌 𐴔𐴝𐴎𐴤𐴠 𐴌𐴟𐴇𐴝𐴙𐴚𐴒𐴙𐴝𐴌 𐴏𐴥𐴡𐴚𐴑𐴡𐴄 𐴐𐴤𐴡𐴣𐴀𐴡 𐴁𐴡𐴀𐴡𐴃 𐴈𐴡𐴃𐴤𐴝 𐴈𐴟𐴖𐴝 𐴈𐴡𐴀𐴡𐴘 𐴀𐴥𐴡𐴘𐴧𐴠 , 𐴀𐴥𐴠 𐴔𐴞𐴄𐴤𐴞𐴚𐴡𐴃 𐴔𐴟𐴀𐴟𐴏𐴡𐴔 𐴀𐴝𐴌 𐴊𐴠𐴐𐴤𐴡𐴌 𐴁𐴡𐴊𐴡𐴓𐴠𐴌𐴊𐴠 𐴇𐴥𐴝𐴓𐴡𐴃𐴡𐴌 𐴁𐴝𐴁𐴡𐴃𐴠 𐴘𐴥𐴡 𐴋𐴞𐴏𐴑𐴤𐴝𐴏𐴢 𐴒𐴡𐴙𐴅𐴧𐴤𐴙𐴠 𐴱𐴱

Sources : Dhakatribune