𐴀𐴝𐴏𐴞𐴘𐴠𐴕𐴡𐴌 𐴈𐴥𐴝𐴏𐴢 𐴕𐴡𐴔𐴝𐴙𐴕𐴊𐴝 𐴈𐴥𐴝𐴌𐴝𐴃𐴧𐴟 𐴈𐴥𐴝𐴌𐴝 𐴁𐴡𐴌𐴔𐴥𐴝𐴃 𐴎𐴝𐴘𐴁𐴡𐴓𐴧𐴝 𐴀𐴝𐴔𐴠𐴌𐴞𐴑𐴝 𐴘𐴠 𐴈𐴡𐴘𐴧𐴠 𐴱𐴱

𐴁𐴡𐴌𐴔𐴥𐴝𐴌 𐴔𐴝𐴀𐴝𐴔𐴠𐴓𐴝𐴌 𐴁𐴝𐴁𐴡𐴃𐴠 𐴔𐴡𐴐𐴖𐴝𐴌𐴝 𐴒𐴡𐴌𐴥𐴞 𐴅𐴟𐴖𐴝𐴁 𐴃𐴟𐴖𐴝𐴘 𐴓𐴡𐴘 𐴉𐴝𐴌𐴞 𐴁𐴤𐴡𐴓𐴧𐴝 , 𐴀𐴝𐴏𐴞𐴘𐴠𐴕𐴡𐴌 𐴈𐴥𐴝𐴏𐴢 𐴕𐴡𐴔𐴝𐴙𐴕𐴊𐴝 , 𐴁𐴡𐴌𐴔𐴥𐴝𐴃 𐴈𐴥𐴝𐴌𐴝𐴃𐴧𐴟 𐴈𐴥𐴝𐴌𐴝 𐴎𐴝𐴘𐴁𐴡𐴓𐴧𐴥𐴝 , 𐴀𐴝𐴔𐴠𐴌𐴞𐴑𐴝𐴌 𐴐𐴤𐴡𐴊𐴡𐴌𐴞𐴌 𐴕𐴡𐴔𐴝𐴙𐴕𐴊𐴝 / 𐴑𐴝𐴄𐴠𐴌𐴞𐴕 𐴄𐴝𐴘 𐴘𐴠 𐴈𐴡𐴘𐴧𐴠 𐴱𐴱

𐴐𐴤𐴡𐴔 𐴁𐴝𐴌𐴠 𐴀𐴝𐴏𐴞𐴘𐴠𐴕 𐴊𐴠𐴐𐴤𐴡𐴌 𐴃𐴡𐴌𐴑𐴞𐴌 𐴔𐴟𐴃𐴝𐴓𐴧𐴠𐴑 𐴀𐴟𐴎𐴞𐴌 𐴀𐴥𐴡𐴑𐴧𐴡𐴓𐴠 𐴀𐴡𐴕𐴓𐴥𐴝𐴙𐴕𐴡𐴃 𐴊𐴡𐴓𐴝 𐴀𐴥𐴡𐴘 𐴔𐴡𐴐𐴖𐴝𐴌𐴝 𐴔𐴞𐴄𐴤𐴞𐴚 𐴒𐴡𐴙𐴅𐴧𐴤𐴙𐴠𐴊𐴠 , 𐴀𐴥𐴠𐴍𐴠 𐴀𐴝𐴔𐴠𐴌𐴞𐴑𐴝𐴌 𐴐𐴤𐴡𐴊𐴡𐴌𐴞𐴌 𐴕𐴡𐴔𐴝𐴙𐴕𐴊𐴝 𐴘𐴠 , 𐴈𐴡𐴃𐴤𐴝 𐴘𐴦𐴝𐴕 𐴈𐴡𐴘𐴧𐴠𐴊𐴠 𐴁𐴡𐴓𐴞 , 𐴒𐴡𐴃𐴡 𐴈𐴝𐴙𐴓𐴧𐴝 𐴀𐴝𐴔𐴠𐴌𐴞𐴑𐴝𐴌 𐴐𐴤𐴡𐴊𐴡𐴌𐴞𐴌 𐴕𐴡𐴔𐴝𐴙𐴕𐴊𐴝 𐴀𐴡𐴉𐴞𐴏𐴥𐴠 𐴀𐴠𐴓𐴝𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴒𐴡𐴃𐴡 𐴔𐴥𐴝𐴐𐴡𐴃 𐴀𐴝𐴏𐴞𐴘𐴠𐴕𐴠 , 𐴁𐴡𐴌𐴟𐴕𐴝𐴘𐴌 𐴊𐴟𐴘𐴀𐴡𐴔 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 / 𐴀𐴠𐴌𐴞𐴖𐴝𐴕 𐴘𐴟𐴏𐴟𐴉𐴡𐴌𐴥𐴠 𐴁𐴡𐴌𐴔𐴥𐴝𐴌 𐴔𐴟𐴃𐴝𐴓𐴧𐴠𐴑 , 𐴈𐴥𐴝𐴏𐴢 𐴕𐴡𐴔𐴝𐴙𐴕𐴊𐴝 𐴀𐴥𐴞𐴏𐴝𐴉𐴠 𐴄𐴤𐴞𐴑 𐴒𐴡𐴌𐴥𐴞 , 𐴁𐴡𐴌𐴔𐴥𐴝𐴃 𐴎𐴟𐴓𐴟𐴔 𐴈𐴥𐴡𐴃𐴡𐴔 𐴒𐴡𐴌𐴥𐴞𐴁𐴤𐴝𐴌 𐴁𐴝𐴁𐴡𐴃𐴠 , 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴁𐴠𐴌𐴟𐴊𐴧𐴤𐴞 𐴉𐴝𐴄𐴞 𐴓𐴡𐴘 𐴔𐴞𐴓𐴞 𐴔𐴡𐴐𐴖𐴝𐴌𐴝 𐴒𐴡𐴌𐴥𐴞 𐴈𐴝𐴔 𐴀𐴝𐴕𐴅𐴝𐴔 𐴊𐴞𐴀𐴞 𐴁𐴡𐴓𐴧𐴥𐴝 𐴎𐴞𐴔𐴧𐴝𐴊𐴝𐴌𐴞 𐴊𐴞𐴘𐴠 𐴱𐴱

𐴁𐴡𐴌𐴔𐴥𐴝𐴃 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴇𐴥𐴡𐴑𐴟𐴔𐴡𐴃 𐴑𐴟𐴀𐴟𐴂𐴢 𐴒𐴡𐴙𐴅𐴧𐴤𐴙𐴠𐴊𐴠 𐴘𐴥𐴝𐴕𐴡𐴃 𐴈𐴥𐴝𐴏𐴢 𐴀𐴡𐴐𐴤𐴝𐴕𐴃𐴞 𐴀𐴝𐴌 𐴉𐴠𐴌𐴠𐴐𐴝𐴕 𐴀𐴥𐴡𐴘𐴧𐴡𐴌𐴠 , 𐴁𐴡𐴌𐴔𐴥𐴝𐴌 𐴔𐴝𐴀𐴝𐴔𐴠𐴓𐴝𐴌 𐴔𐴝𐴎𐴤𐴠 𐴒𐴤𐴡𐴓𐴞𐴘𐴡𐴌𐴠 𐴐𐴤𐴡𐴔𐴝𐴊𐴝𐴕 𐴒𐴡𐴌𐴥𐴞𐴁𐴤𐴝𐴌 , 𐴀𐴝𐴏𐴞𐴘𐴠𐴕𐴡𐴌 𐴈𐴥𐴝𐴏𐴢 𐴕𐴡𐴔𐴝𐴙𐴕𐴊𐴝 𐴀𐴥𐴞𐴏𐴝𐴉𐴠 , 𐴈𐴥𐴝𐴌𐴝𐴃𐴧𐴟 𐴈𐴥𐴝𐴌𐴝 𐴁𐴡𐴌𐴔𐴥𐴝𐴃 𐴎𐴝𐴘 , 𐴁𐴠𐴒𐴧𐴤𐴟𐴕 𐴓𐴡𐴘 𐴔𐴞𐴓𐴞 𐴔𐴡𐴐𐴖𐴝𐴌𐴝 𐴐𐴤𐴟𐴌𐴟 𐴒𐴡𐴌𐴥𐴞 𐴁𐴤𐴡𐴓𐴧𐴝 , 𐴀𐴝𐴔𐴠𐴌𐴞𐴑𐴝𐴌 𐴐𐴤𐴡𐴊𐴡𐴌𐴞 𐴋𐴞𐴂𐴝𐴌𐴔𐴥𐴠𐴕𐴡𐴌 𐴕𐴡𐴔𐴝𐴙𐴕𐴊𐴝 / 𐴑𐴝𐴄𐴠𐴌𐴞𐴕 𐴄𐴝𐴘 𐴘𐴠 𐴈𐴡𐴘𐴧𐴠 𐴱𐴱

Sources : RFA