𐴌𐴟𐴇𐴝𐴙𐴚𐴒𐴙𐴝𐴌 𐴉𐴟𐴖𐴝𐴙𐴕𐴊𐴤𐴡𐴌𐴠 𐴀𐴟𐴃𐴧𐴡𐴔 𐴃𐴦𐴝𐴓𐴞𐴔 𐴊𐴡𐴀𐴡𐴕 𐴎𐴡𐴌𐴟𐴌𐴞 : 𐴀𐴠𐴏𐴂𐴞𐴑𐴤𐴝𐴌 𐴱𐴱

𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 , 𐴘𐴟 𐴀𐴠𐴕𐴡𐴌 𐴌𐴠𐴂𐴟𐴄 𐴔𐴡𐴎𐴞𐴕 𐴰 𐴰 𐴰 𐴰 𐴶 𐴴 𐴎𐴡𐴕𐴡𐴌 𐴖𐴡𐴌𐴠 𐴌𐴟𐴇𐴝𐴙𐴚𐴒𐴙𐴝 𐴉𐴟𐴖𐴝𐴙𐴕 𐴀𐴝𐴏𐴥𐴠 𐴱𐴱

𐴀𐴡𐴕𐴓𐴥𐴝𐴙𐴕𐴡𐴃 𐴒𐴡𐴙𐴅𐴧𐴤𐴙𐴠𐴊𐴠 𐴔𐴞𐴄𐴤𐴞𐴚𐴡𐴃 , 𐴀𐴠𐴏𐴂𐴞𐴑𐴤𐴝𐴌 𐴀𐴥𐴡𐴑𐴧𐴡𐴓𐴠 , 𐴁𐴝𐴚𐴓𐴝𐴊𐴠𐴐𐴤𐴡𐴃 𐴑𐴠𐴀𐴠𐴔𐴡𐴃 𐴃𐴤𐴝𐴑𐴠𐴊𐴠 𐴌𐴟𐴇𐴝𐴙𐴚𐴒𐴙𐴝𐴌 𐴉𐴟𐴖𐴝𐴙𐴕𐴊𐴤𐴡𐴌𐴠,𐴊𐴟𐴕𐴞𐴘𐴝𐴘𐴃 𐴃𐴤𐴝𐴑𐴞𐴉𐴝𐴌𐴞𐴁𐴤𐴝𐴌 𐴀𐴟𐴉𐴡𐴎𐴟𐴑𐴃𐴡 𐴁𐴝𐴕𐴝𐴘𐴁𐴤𐴡𐴓𐴧𐴝 , 𐴏𐴥𐴡𐴀𐴞 𐴔𐴟𐴕𐴝𐴏𐴥𐴠𐴁 𐴃𐴦𐴝𐴓𐴞𐴔 , 𐴐𐴤𐴞𐴑𐴧𐴤𐴝 𐴊𐴡𐴀𐴡𐴕𐴡𐴌 𐴖𐴡𐴌𐴠 𐴁𐴠𐴐𐴤𐴞 𐴎𐴟𐴌 𐴊𐴞𐴘𐴠 𐴱𐴱

𐴔𐴞𐴄𐴤𐴞𐴚 𐴀𐴥𐴞𐴁𐴝 𐴌𐴟𐴇𐴝𐴙𐴚𐴒𐴙𐴝 𐴉𐴟𐴖𐴝𐴙𐴕𐴊𐴤𐴡𐴌𐴠 𐴊𐴟𐴕𐴞𐴘𐴝𐴘𐴌 𐴀𐴠𐴈𐴥𐴡𐴕𐴡𐴌 𐴌𐴞𐴃 𐴔𐴡𐴎𐴞𐴕 , 𐴃𐴦𐴝𐴓𐴞𐴔 , 𐴐𐴤𐴞𐴑𐴧𐴤𐴝 𐴊𐴞𐴘𐴝 𐴉𐴡𐴌𐴞𐴁𐴤𐴡𐴊𐴠 𐴘𐴥𐴝𐴕𐴡𐴌 𐴏𐴠𐴃𐴡𐴕𐴝 𐴊𐴞𐴀𐴞 𐴁𐴡𐴓𐴧𐴥𐴝 ( 𐴁𐴞 𐴁𐴞 𐴏𐴞 𐴀𐴠𐴔 𐴀𐴠𐴉𐴢 ) 𐴡𐴌 𐴏𐴞𐴘𐴥𐴝𐴔𐴥𐴠𐴕 / 𐴀𐴠𐴏𐴢 𐴀𐴠𐴔 𐴎𐴤𐴞𐴓𐴧𐴟𐴌 𐴌𐴝𐴇𐴔𐴝𐴕𐴡𐴌 𐴊𐴟𐴖𐴝𐴌𐴝 𐴁𐴡𐴕𐴊𐴟𐴁𐴡𐴏𐴢 𐴒𐴡𐴌𐴥𐴝 𐴒𐴞𐴘𐴠𐴊𐴠 𐴱𐴱

𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴟𐴔𐴡𐴃𐴠 𐴰 𐴰 𐴰 𐴸 𐴱 𐴎𐴡𐴕 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 , 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴧𐴟 , 𐴇𐴥𐴡𐴑𐴟𐴔𐴡𐴃𐴡𐴌 𐴂𐴠𐴓𐴝𐴕 𐴔𐴡𐴎𐴞𐴕 𐴎𐴝𐴒𐴝 𐴓𐴝𐴌𐴞 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴎𐴝𐴘 𐴌𐴝𐴙𐴑𐴧𐴤𐴙𐴠 , 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴰 𐴰 𐴰 𐴰 𐴰 𐴱 𐴎𐴡𐴕 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴃𐴤𐴝𐴑𐴞 𐴉𐴝𐴌𐴠 𐴉𐴥𐴝𐴀𐴝𐴕 𐴒𐴤𐴡𐴌 𐴁𐴝𐴕𐴝𐴘𐴧𐴠 𐴱𐴱

𐴘𐴟 𐴀𐴠𐴕𐴡𐴌 𐴌𐴠𐴂𐴟𐴄 𐴔𐴡𐴎𐴞𐴕 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴶 𐴶 𐴲 𐴱 𐴶 𐴴 𐴎𐴡𐴕 𐴉𐴟𐴖𐴝𐴙𐴕 𐴀𐴝𐴏𐴥𐴠 , 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴒𐴤𐴞𐴐𐴝 𐴒𐴤𐴞𐴐𐴧𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 , 𐴌𐴟𐴇𐴝𐴙𐴚𐴒𐴙𐴝𐴌 𐴉𐴟𐴖𐴝𐴙𐴕𐴊𐴤𐴡𐴌𐴠 𐴔𐴟𐴓𐴥𐴝 𐴀𐴞𐴐𐴑𐴟𐴓 𐴀𐴝𐴌 𐴖𐴡𐴌𐴡𐴌 𐴀𐴞𐴐𐴑𐴟𐴓𐴡𐴌 𐴔𐴟𐴕𐴝𐴏𐴥𐴠𐴁 𐴀𐴝𐴌 𐴀𐴟𐴉𐴡𐴎𐴟𐴑𐴃𐴡 𐴐𐴤𐴞𐴑𐴧𐴝 , 𐴃𐴦𐴝𐴓𐴞𐴔 𐴊𐴡𐴀𐴡𐴕 𐴇𐴥𐴡𐴑𐴟𐴔𐴡𐴃𐴡𐴌𐴓𐴝 𐴔𐴡𐴐𐴑𐴞𐴓 𐴀𐴥𐴡𐴘𐴧𐴠 𐴁𐴡𐴓𐴞 𐴎𐴤𐴞𐴓𐴧𐴟𐴌 𐴌𐴝𐴇𐴔𐴝𐴕𐴠 𐴈𐴡𐴘𐴧𐴠𐴱𐴱

𐴇𐴥𐴡𐴑𐴟𐴔𐴡𐴃𐴠 ( 𐴁𐴞 𐴁𐴞 𐴏𐴞 𐴀𐴠𐴔 𐴀𐴠𐴉𐴢 ) 𐴡𐴌 𐴐𐴤𐴡𐴎𐴟𐴒𐴞𐴃𐴝 𐴓𐴡𐴘 , 𐴰 𐴰 𐴰 𐴸 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴉𐴟𐴖𐴝𐴙𐴕 𐴀𐴝𐴏𐴥𐴠𐴊𐴠 , 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴔𐴟𐴓𐴥𐴝 𐴐𐴤𐴟𐴌𐴟𐴌 𐴀𐴞𐴐𐴑𐴟𐴓 𐴑𐴤𐴟𐴓𐴞 𐴊𐴞𐴘𐴠 𐴁𐴡𐴓𐴞 , 𐴁𐴠𐴍𐴞𐴘𐴥𐴝𐴙𐴕 𐴀𐴝𐴌 𐴉𐴟𐴖𐴝𐴙𐴕𐴊𐴤𐴡𐴌 𐴔𐴝𐴀𐴝𐴔𐴠𐴓𐴝𐴌 𐴀𐴠𐴎𐴝𐴉𐴥𐴞 𐴏𐴥𐴠𐴒𐴠𐴄𐴠𐴌𐴞 / 𐴋𐴝𐴑𐴄𐴡𐴌 𐴔𐴟𐴇𐴝𐴔𐴧𐴡𐴊 𐴀𐴝𐴁𐴊𐴟𐴌 𐴌𐴡𐴀𐴟𐴉𐴠 𐴈𐴡𐴘𐴧𐴠 𐴱𐴱

Sources : Dhakatribune